সিবিল এবিয়েসন মন্ত্রালয়
য়ুক্রেনগা য়ুমলোন্নবা লৈবাকশিংদগী অখন্নবা ফ্লাইতশিংনা ঙসি ভারত মচা ৩০০০ এয়রলিফত তৌখ্রে
অখন্নবা ফ্লাইতশিংনা ভারত মচা ১৩,৭০০ হেন্না ভারত্তা পুরকখ্রে
प्रविष्टि तिथि:
05 MAR 2022 5:52PM by PIB Imphal
ভারতকী নাগরিকশিংবু রেসক্যু তৌনবা ‘ওপরেসন গঙ্গা’গী মখাদা, য়ুক্রেনগা য়ুমলোন্নবা লৈবাকশিংদগী অখন্নবা ফ্লাইতশিংনা ঙসি ভারত মচা ৩০০০ এয়রলিফত তৌখ্রে। মসিদা অখন্নবা সিভিলিয়ান ফ্লাইত ১২ অমসুং আই.এ.এফ. ফ্লাইত ৩ য়াওরি। মসিগা লোয়ননা, ২০২২গী ফেব্রুৱারী ২২দা অখন্নবা ফ্লাইতশিং পাইবা হৌরকপদগী ভারত মচা ১৩,৭০০ হেন্না ভারত্তা পুরকখ্রে। অখন্নবা সিভিলিয়ান ফ্লাইত ৫৫না পুরকখিবা ভারত মচাশিংগী মশিং অসি ১১,৭২৮ য়ৌরে। ঙসি ফাওবদা, ওপরেসন গঙ্গাগী শরুক ওইনা আই.এ.এফ.না পেসেঞ্জর ২০৫৬ ভারত্তা পুরক্নবা সোর্তিজ ১০ পাইখ্রে, অদুগা লৈবাকশিং অসিদা রিলিফ লোদ তন ২৬ পুখ্রে।
ঙরাং হিনদান এয়রবেজদগী পাইখিবা আই.এ.এফ.কী সি-১৭ হেভী লিফত ত্রান্সপোর্ত এয়রক্রাফ অহুম অদু ঙসি অয়ুক হিনদানদা অমুক তাররে। মসিগী ফ্লাইতশিং অসিনা রোমানিয়া, স্লোভাকিয়া অমসুং পোলেন্দদগী ভারত মচা ৬২৯ পুথোরকখি। মসিগী ফ্লাইতশিং অসিনা লৈবাকশিং অসিদা ভারত্তগী রিলিফ লোদ তন ১৬.৫সু পুখি। সিভিলিয়ান ফ্লাইত পুম্নমক, অমা খক নত্তনা, ঙসি অয়ুক য়ৌরকখি, অদুগা কোসিসতগী লাকপা ফ্লাইত অদু ঙসি নুমিদাং অথেংবদা নই দিল্লীদা য়ৌরকপা য়াই। ঙসিগী সিভিলিয়ান ফ্লাইশিংদা বুদাপেস্ততগী ৫, সুসেভাদগী ৪, কোসিসতগী ১ অমসুং জেসজোদগী ২ য়াওরি।
হয়েং, বুদাপেস্ত, কোসিস, জেসজো অমসুং বুচারেস্ততগী অখন্নবা ফ্লাইত ১১ ওপরেত তৌদুনা ভারত মচা ২২০০ হেন্না ভারত্তা পুরক্লবা য়াই।
*****
(रिलीज़ आईडी: 1803751)
आगंतुक पटल : 171