প্রধান মন্ত্রী, শ্রী নরেন্দ্র মোদীনা ঙসি দিপার্তমেন্ত ফোর প্রমোসন এন্দ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)না শিনবা বজেৎ মতুংগী ৱেবিনারদা ৱা ঙাংখ্রে। মসি প্রধান মন্ত্রীনা ৱা ঙাংখিবা নিপানশুবা বজেৎ মতুংগী ওইবা ৱেবিনারনি। ৱেবিনার অসিগী থিম অসি ‘মেক ইন ইন্দিয়া ফোর দি ৱর্ল্দ’না ওইরি।

প্রধান মন্ত্রীনা বজেৎ অসিনা আত্মনির্ভর ভারত অমসুং মেক ইন ইন্দিয়াগী মরু ওইবা প্রোবিজন কয়া য়াওরি হায়না ফোঙদোকখি। মহাক্না ভারতকুম্বা লৈবাক অমনা ইচম চম্বা মার্কেৎ অমা ওইনা লৈবদি চুমদে হায়না ফোঙদোকখি। মহাক্না লাইচৎ মনুং অমসুং অতোপ্পা খুদোংচাদবা মতমশিংদা সপ্লাই চেন্দা অপনবশিং অসি পুথোক্লদুনা মেক ইন ইন্দিয়াগী মরু ওইবা অদু খঙহনখি। নাকল অমদা প্রধান মন্ত্রীনা নহারোল অমদি তেলেন্ত লৈরবা মীওইশিংগী দেমোগ্রাফিক দিবিদেন্ত, দেমোক্রেতিক সেৎ অপ, নেচরেল রিসোর্সশিং অসিগুম্বা পোজিতিব ফেক্তরশিং অসিনা ঐখোয়দা অচেৎপা ফিরেপকা লোয়ননা মেক ইন ইন্দিয়াগী মাইকৈদা চংশিনবদা পুক্নিং থৌগৎপা তাই হায়না মখা তাখি। মহাক্না লাল কিলাগী লানবনশিংগীদমক জিরো দিফেক্ত-জিরো ইফেক্ত মেন্যুফেকচরিংগী মহাক্না ফোঙদোকখিবা অদুসু পনখি। আত্মনির্ভরতা অসি ঐখোয়না করিগুম্বা নেস্নেল সেক্যুরিতীগী মীৎয়েংদগী য়েংলকপা তারবদি হেন্না মরু ওই, হায়না মহাক্না হায়খি।

প্রধান মন্ত্রীনা মালেমনা ভারতপু মেন্যুফেকচরিং পাৱরহাউস অমা ওইনা উরি হায়না ফোঙদোকখি। মহাক্না মেন্যুফেকচরিং অসিনা ভারতকী জি.দি.পি.গী চাদা ১৫ ওইরি অদুবু মেক ইন ইন্দিয়াগী মাংদা লোইনাইদ্রবা ওইথোকপা য়াবশিংগী লম্বী লৈরি অমদি ঐখোয়না ভারত্তা মপাঙ্গল কনবা মেন্যুফেকচরিং বেজ অমা শেম্নবা অরৈবা থৌনা-লিংজেল পুথোক্তুনা থবক তৌগদবনি হায়না ফোঙদোকখি।

প্রধান মন্ত্রীনা ফোরেন সোর্সশিংদা মীপাল তাংলিবা অসি কোকহন্নবগী ৱাখল্লোন অমগা লোয়ননা মেন্যুফেকচর্রশিংনা মাংদা চংশিনগদবা সেমি-কন্দক্তর অমসুং ইলেক্ত্রিক ভেহিকলশিং অসিগুম্বা সেক্তরশিংদা লৈরিবা অনৌবা দিমান্দ অমসুং খুদোংচাবশিং অদুগী খুদমশিং পীখি। মসিগা মান্নবা মওংদা স্তীল অমসুং মেদিকেল ইক্বিপমেন্ত অসিগুম্বা লমশিং অসিদা ইন্দিজিনস মেন্যুফেকচরিং তৌনবগা মীৎয়েং চংবা মথৌ তাই হায়না মহাক্না ফোঙদোকখি।

প্রধান মন্ত্রীনা প্রদক্ত অমা ফংবা অমদি মার্কেৎতা মেদ ইন ইন্দিয়া প্রদক্ত ফংবা অসিগী মরক্তা লৈরিবা খেন্নবগী মতাংদা ফোঙদোকখি। মহাক্না লোকেল মেন্যুফেকচর্রশিংনা লায়না ফংহনবা য়াবা সপ্লাই কয়া অমা ভারতকী তোঙান-তোঙানবা হরাও-কুহ্মৈগীদমক মপালগী প্রোভাইদরশিংগী মীপাল তাংবা অসিদা নুংঙাইতবা ফোঙদোকখি। মহাক্না দিৱালিদা ‘দিয়াশিং’ লৈবা খক্তা নত্তনা ‘ভোকেল ফোর লোকেল’ ওইনবগী মতাংদা অকনবা ৱাফম থমখি। মহাক্না প্রাইবেৎ সেক্তরনা মখোয়গী মার্কেতিং অমসুং ব্রান্দিংগী থবকশিংদা ভোকেল ফোর লোকেল অমসুং আত্মনির্ভর ভারতকী ফেক্তরশিংদা শাহৌ পীনবা হায়খ্রে। “অদোমগী কম্পনীনা শাবা প্রদক্তশিংদা চাউথোকচবা পোকউ অমসুং অদোমগী ভারতকী কস্তমরশিংদসু মসিগী চাউথোকচবা পোকপগী ৱাখল্লোন অসি ফাওহল্লু। মসিগীদমক কম্মন ব্রান্দিংগী মতাংদসু খন্নবা য়াগনি,” হায়না মহাক্না ফোঙদোকখি।

প্রধান মন্ত্রীনা লোকেল প্রদক্তশিংগীদমক অনৌবা লমথুংফমশিং থিদোকপা মথৌ তাবগী মতাংদা ফোঙদোকখি। মহাক্না প্রাইবেৎ সেক্তরনা আর এন্দ দিদা চাদিং তৌবা হেনগৎনবা অমসুং মখোয়গী প্রদক্ত পোর্তফোলিও অদু দাইভর্সিফাই অমদি অপগ্রেদ তৌনবগী মতাংদসু অকনবা ৱাফম থমখি। ২০২৩ অসি ইন্তর্নেস্নেল ইয়র ওফ মিল্লেৎ হায়না লাউথোকখিবগী মতাংদা প্রধান মন্ত্রীনা “মালেমদা মিল্লেৎশিংগী দিমান্দ হেনগৎলক্লি হায়না ফোঙদোকখি। মালেমগী কৈথেলশিং অসি স্তদী তৌদুনা ঐখোয়না ঐখোয়গী মিলশিং অসি প্রদক্সন অমসুং পেকেজিং য়াম্না তৌবা ঙম্নবা মাংজৌননা শেম-শাহৌবা য়াগনি” হায়না ফোঙদোকখি।

প্রধান মন্ত্রীনা মাইনিং, কোল অমসুং দিফেন্স অসিগুম্বা লমশিং হাংদোরকপনা অনৌবা ওইথোকপা য়াবশিং থোরকপগী মতাংদা পনখি, প্রধান মন্ত্রীনা শরুক য়ারিবশিংদা অনৌবা লালোং অমা য়াৎনবা হায়খি। “অদোম্না গ্লোবেল স্তেন্দর্দশিং ঙাক্না চৎকদবনি অমসুং অদোম্না মালেমগী থাক্তা লম্বা তৌনগদনি” হায়না মহাক্না ফোঙদোকখি।

ক্রেদিৎ ফেসিলিতেসন অমসুং তেক্নোলোজী অপগ্রেদেসনগী খুত্থাংদা এম.এস.এম.ই.দা বজেৎ অসিনা শীংথানীংঙাই ওইনা মীৎয়েং চংখি। সরকারনা এম.এস.এম.ই.শিংগীদমক লুপা করোর ৬,০০০গী আর,এ.এম.পি. প্রোগ্রাম অমসু লাউথোকখি। বজেৎ অসিনা লৌমীশিং, অচৌবা ইন্দস্ত্রীশিং অমসুং এম.এস.এম.ই.শিংগীদমক অনৌবা রেলৱে লোজিস্তিক্স প্রদক্তশিং দিবেলপ তৌবদা মীৎয়েংসু চংলি। পোস্তেল অমসুং রেলৱে নেৎৱর্কশিং ইন্তিগ্রেসন তৌবনা স্মোল এন্তপ্রাইজশিং অমসুং মনুং হঞ্জিনবা মফমশিংদা লৈরিবা কন্নেক্তিবিতীগী সমস্যাশিং অসি কোকহনবা ঙমগনি। মহাক্না রিজনেল মেন্যুফেকচরিং ইকোসস্তেম অসি নোর্থ-ইস্ত রিজনগীদমক লাউথোকখিবা পি.এম. দিভাইন মোদেল শীজিন্নদুনা মপাঙ্গল কনখৎহনবা য়াগনি হায়না ফোঙদোকখি। মসিগা মান্ননা, স্পেসিএল ইকনোমিক জোন এক্ততা রিফোর্মশিং পুরকপনা এক্সপোর্তশিংদা শাহৌ অমা পীগনি।

শ্রী মোদীনা রিফোর্মশিংনা পীবা শাফুগী মতাংদা শন্দোক্না ঙাংখি। মহাক্না লার্জ স্কেল ইলেক্ত্রোনিক্স মেন্যুফেকচরিংগী পি.এল.আই.না প্রদক্সন্দা লুপা করোর লাখ ১গী তার্গেৎ দিসেম্বর ২০২১দা ফংবা ঙমখি হায়খি। অতোপ্পা পি.এল.আই. স্কিম কয়ানা ইমপ্লিমেন্ত তৌবগী মরু ওইবা তাঙ্ককশিংদা লৈরি।

প্রধান মন্ত্রীনা কম্প্লায়েন্স লিশিং ২৫ লৌথোকখিবা অমসুং লাইসেন্সশিংগী ওতো রিন্যুএল তৌখিবা অসিনা কম্প্লায়েন্সকী পোৎলুম চাউনা হন্থহনবা ঙমখি হায়না পনখি। মসিগা মান্ননা দিজিতাইজেসন্না রিগ্যুলেতরী ফ্রেমৱার্ক্তা খোঙজেল য়াংখৎহনবা অমদি ত্রান্সপরেন্সী পুরকপা ঙমখি। “কম্মন স্পাইস ফোর্মদগী কম্পনী অমা লিংখৎনবা নেস্নেল সিঙ্গল ৱিন্দো সিস্তেম ফাওবদা অদোম্না হৌজিক খোঙথাং খুদিংদা দিবেলপমেন্ত ফ্রেন্দলী এপ্রোচ অসি থেংনরি”, হায়না মহাক্না ফোঙদোকখি।

মন্ত্রীনা মেন্যুফেকচরিংগী কেপ্তেনশিংদা হীরম খরা খন্দুনা অমসুং মসিদা মপালদা মীপাল তাংলিবা অসি কোকহন্নবা হোৎনবা মথৌ তাই হায়খ্রে। মহাক্না অসিগুম্বা ৱেবিনারশিং অসি পোলিসী ইমপ্লিমেন্ত তৌবদা স্তেকহোল্দরগী ভোইসশোং য়াওহন্নবা অমসুং অফবা আউতকমশিং ফংনবা বজেৎকী প্রোবিজনশিং নীংথিনা, মতম চানা অমসুং অপনবা লৈতনা ইমপ্লিমেন্ত তৌনবগী কোলাবোরেতিব এপ্রোচ অমা দিবেলপ তৌনবা অমুক্তা পাইখৎখিদ্রিবা গভর্নান্সকী খোঙথাংশিংনি হায়না নৌহৌনা ফোঙদোকখি।

**********