প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং য়ুরোপিয়ন কাউন্সিলগী প্রেসিদেন্ত, হিস এক্সেলেন্সী চার্লস মিচেলগী মরক্তা ফোনদা ৱারী শানবা
Posted On:
01 MAR 2022 10:55PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ফোনদা য়ুরোপিয়ন কাউন্সিলগী প্রেসিদেন্ত, হিস এক্সেলেন্সী চার্লস মিচেলগা ৱারী শানখ্রে।
প্রধান মন্ত্রীনা য়ুক্রেনদা শোকচিল্লক্লিবা ফিভম অমসুং মীওইবা খুনাইনা নংলিবা অৱাবশিং অদুগী মতাংদা মহাক্কী থমোইদা ফাওরিবা অৱাবশিং অদুবু ফোংদোকখি। মহাক্না থোক্লিবা খৎন-চৈনবগী থবকশিং অদুবু য়াম্না থুনা লেপ্নবা অমসুং ৱারী-ৱাতাই শানদুনা শন্দাইননবগীদমক্তা ভারতনা তৌখিবা আপীল অদুবু অমুক্কসু হন্না হায়খি।
প্রধান মন্ত্রীনা হৌজিক লৈরিবা গ্লোবল ওর্দর অসি ইন্তর্নেস্নেল লো, য়ু.এন. চার্তর অমসুং রাজ্য কুদিংমক্কী তেরিতিরিয়েল ইন্তেগ্রিতী অমসুং সোভরেনতীগীদমক্তা ইকাইখুম্নবা অসিদা বুমফম ওই হায়না মহাক্না য়াম্না মরু ওইনা পনখি।
প্রধান মন্ত্রীনা পার্তী অনিমক্কী মরক্তা ৱারী-ৱাতাই শানবা অসিবু তরাম্না ওকখি অমসুং নিংখা তম্না অমসুং অথিংবা–অপনবা লৈতবা হ্যুমেনিতেরিয়ন এক্সেস লৈহনবা অমসুং মীশিংগী মরক্তা য়াম্না কোম্না চৎথোক-চৎশিন য়াবগী মরু ওইবা অসিগী মতাংদা য়াম্না মরু ওইনা পনখি।
প্রধান মন্ত্রীনা শোকহল্লবা মফমশিংদা হিদাক-লাংথকশিং য়াওনা অথুবা মতমদা রিলীফ সপ্লাইশিং থানবা ভারতনা হোৎনরিবশিং অদুগী মতাংদসু হায়খি।
*****
(Release ID: 1802302)
Visitor Counter : 173
Read this release in:
Odia
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam