نئی دہلی:25 فروری،2022۔ الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی) میں مرکزی وزیر مملکت جناب راجیو چندر شیکھر نے نیشنل ڈیٹا سینٹر اور کلاؤڈ پالیسی کے مسودے پر صنعتی مشاورت کے دوران کہا کہ بھارت حکمرانی اور ترقی کے لیے ٹیکنالوجی کے استعمال میں ایک ممتاز ملک بن گیا ہے۔

وزیر موصوف نے کہا کہ پالیسی کا مقصد ڈیٹا سینٹر اور کلاؤڈ آپریشنز میں مقامی پلیٹ فارمز/حل کے استعمال کی حوصلہ افزائی کرنا ہے۔ انہوں نے کہا کہ پالیسی توانائی کے موثر، پائیدار اور گرین ڈیٹا سینٹرز کے قیام میں سہولت فراہم کرنے کا ارادہ رکھتی ہے۔

انہوں نے کہا کہ نیشنل ڈیٹا سینٹر کی ضرورت کے علاوہ ہمیں بھارت پر مرکوز کلاؤڈ اسپیس کی ضرورت ہے۔ انہوں نے کہا کہ وزیر اعظم جناب نریندر مودی کی قیادت میں حکومت صنعتوں کے خیالات کے لیے کھلی ہے اور قوم کی ترقی کے لیے تبدیلیاں لانے کے لیے تیار ہے۔

الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی) کے جوائنٹ سکریٹری جناب امیتیش کمار سنہا نے کہا کہ نیشنل ڈیٹا سینٹر پر پالیسی کا مسودہ 2027 تک 2000 میگاواٹ کی صلاحیت کے اضافے کے ساتھ ملک میں ڈیٹا سینٹر کی متوقع صلاحیت میں اضافے کو تیز کرنے کا ارادہ رکھتا ہے۔

 اس وقت بھارت میں ڈیٹا سینٹرز کے لیے لگ بھگ 499 میگاواٹ بجلی کی تنصیب کی گنجائش ہے اور 2023 تک اس کے بڑھ کر 1007 میگاواٹ ہونے کا امکان ہے۔

5 میگاواٹ ڈیٹا سینٹر (آئی ٹی اور غیر آئی ٹی) کے قیام کے لیے اجزاء کے لحاظ سے لاگت کا بریک اپ اور مشترکہ منظوریوں کی فہرست کے ساتھ ساتھ ڈیٹا سینٹرز کے قیام کے لیے پہلے سے ما قبل تعمیراتی، تعمیراتی اور تعمیر کے بعد کے مراحل کے لیے درکار پروجیکٹ کے مراحل پر تبادلہ خیال کیا گیا۔

مقامی ویلیو ایڈیشن کے لیے ترغیب دینے سمیت مختلف تجاویز پر تبادلہ خیال کیا گیا۔ تقریباً 300 صنعتی نمائندوں نے اس بحث میں فزیکل اور ورچوئل طور پر  حصہ لیا۔

-----------------------

ش ح۔م ع۔ ع ن

U NO: 2005