ડ્રાફ્ટ નેશનલ ડેટા સેન્ટર અને ક્લાઉડ પોલિસી પર ઈન્ડસ્ટ્રી કન્સલ્ટેશન દરમિયાન ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય (MeitY)ના કેન્દ્રીય રાજ્ય મંત્રી શ્રી રાજીવ ચંદ્રશેખરે જણાવ્યું હતું કે, ભારત શાસન અને વિકાસ માટે ટેકનોલોજીનો ઉપયોગ કરવામાં એક અગ્રણી રાષ્ટ્ર બની ગયું છે.

નીતિનો ઉદ્દેશ્ય ડેટા સેન્ટર અને ક્લાઉડ કામગીરીમાં સ્વદેશી પ્લેટફોર્મ/સોલ્યુશનના ઉપયોગને પ્રોત્સાહિત કરવાનો છે, એમ મંત્રીએ જણાવ્યું હતું. તેમણે જણાવ્યું હતું કે નીતિ ઊર્જા કાર્યક્ષમ, ટકાઉ અને ગ્રીન ડેટા કેન્દ્રોની સ્થાપનાને સરળ બનાવવાનો ઇરાદો ધરાવે છે.

તેમણે કહ્યું કે નેશનલ ડેટા સેન્ટરની જરૂરિયાત સિવાય આપણને ભારત કેન્દ્રિત ક્લાઉડ સ્પેસની જરૂર છે. તેમણે કહ્યું કે પ્રધાનમંત્રી શ્રી નરેન્દ્ર મોદીના નેતૃત્વ હેઠળની સરકાર ઉદ્યોગોના વિચારો માટે ખુલ્લી છે અને રાષ્ટ્રના વિકાસ માટે ફેરફારો કરવા તૈયાર છે.

નેશનલ ડેટા સેન્ટર પર ડ્રાફ્ટ પોલિસી 2027 સુધીમાં 2000 મેગાવોટની ક્ષમતા વધારા સાથે દેશમાં અંદાજિત ડેટા સેન્ટરની ક્ષમતામાં વૃદ્ધિને વેગ આપવાનો ઇરાદો ધરાવે છે, એમ MeitYના સંયુક્ત સચિવ શ્રી અમિતેશ કુમાર સિંહાએ જણાવ્યું હતું.
હાલમાં, ભારતમાં ડેટા સેન્ટરો માટે લગભગ 499 મેગાવોટ સ્થાપિત પાવર ક્ષમતા છે અને 2023 સુધીમાં તે વધીને 1007 મેગાવોટ થવાની ધારણા છે. 

5 મેગાવોટ ડેટા સેન્ટર (આઈટી અને નોન-આઈટી)ની સ્થાપના માટે ઘટક મુજબના ખર્ચનું વિભાજન અને પૂર્વ-નિર્માણ, બાંધકામ અને બાંધકામ પછીના તબક્કાઓ દરમિયાન ડેટા સેન્ટરની સ્થાપના માટે જરૂરી પ્રોજેક્ટ તબક્કાઓ સાથે સામાન્ય મંજૂરીઓની સૂચિની ચર્ચા કરવામાં આવી હતી. .

સ્થાનિક મૂલ્ય વધારા માટે પ્રોત્સાહન આપવા સહિત વિવિધ સૂચનોની ચર્ચા કરવામાં આવી હતી. લગભગ 300 ઉદ્યોગ પ્રતિનિધિઓએ ભૌતિક અને વર્ચ્યુઅલ મોડમાં આ ચર્ચામાં ભાગ લીધો હતો.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com