শেলথুম মন্ত্রালয়গী দিপার্তমেন্ত ওফ এক্সপেন্দিচরনা ঙসি স্তেত তরুক্তা অর্বান লোকেল বোদীশিংগী লুপা করোর ১৩৪৮.১০গী গ্রান্তকী শেন্ফম কাইথখ্রে‍। ইরায় নুমিত্তা গ্রান্তকী শেন্ফম থাদোকখিবা স্তেতশিং অদুদি ঝার্খন্দ (লুপা করোর ১১২.২০), কর্নাতকা (লুপা করোর ৩৭৫), কেরলা (লুপা করোর ১৬৮), ওরিসা (লুপা করোর ৪১১), তামিল নাদু (লুপা করোর ২৬৭.৯০ করোর) অমসুং ত্রিপুরা (লুপা করোর ১৪)নি। গ্রান্তশিং অসি নন-মিলিয়ন প্লস সিতি(এন.এম.পি.সি.)শিং অমসুং কান্তোনমেন্ত বোর্দশিংগীদমক্তনি‍।

১৫শুবা ফাইনান্স কম্মিসন্না ২০২১-২২দগী ২০২৫-২৬ ফাওবগী রিপোর্ত্তা অর্বান লোকেল বোদীশিংবু মখল অনি থোক্না খায়দোক্লি: (ক) মিলিয়ন-প্লস অর্বান এগ্লোমেরেসন/সিতিজ (দিল্লী অমসুং স্রিনগর য়াওদনা), অমদি (খ) মীশিং মিলিয়ন অমদগী হন্থনা লৈবা অতৈ ময়োল্লম পুম্নমক (নন-মিলিয়ন প্লস সিতিজ)‍। ১৫শুবা ঐফ.সি.না মখোয়গীদমক্তা তোখাইবা গ্রান্তকী রিকম্মেন্দেসন পীরি‍। নন-মিলিয়ন প্লস সিতিশিংগী রিকম্মেন্দ তৌরিবা অপুনবা গ্রান্তকী শেন্ফমগী ৪০%না বেসিক (অনতাইদ) গ্রান্তনি অদুগা লেমহৌরিবা ৬০%না তাইদ গ্রান্তনি‍। বেসিক গ্রান্ত (অন্তাইদ) অসি মফম মফমদুগী মথৌ তাবগী মতুং ইন্না, তলব পীবা অমদি অতৈ ইস্তাব্লিসমেন্ত এক্সপেন্দিচর য়াওদনা, শীজিন্নৈ‍।

অমরোমদা, নন-মিলিয়ন প্লস সিতীশিংগী তাইদ গ্রান্তশিং অসিনা তঙাই ফদবা সর্ভিসশিং ফংহনবদা ঙাক্লৌ পীননবা অমদি মপাঙ্গল কনখৎহন্নবা পীবনি‍। অপুনবা তাইদ গ্রান্তগী ৫০% সেনিতেসন সোলিদ ৱেস্ত মেনেজমেন্ত অমসুং হাউজিং এন্দ অর্বান এফ্যার্স মন্ত্রালয় (এম.ও.ঐচ.এন্দ.য়ু.এ.)না শেমবা স্তার রেতিং ফংনবগীদমক খাক্তুনা থম্মি‍। লেমহৌরিবা ৫০% অসিনা থক্নবা ঈশিং, নোংগী ঈশিং, লৌ লোকপা অমদি ঈশিং রিসাইকল তৌবনচিংবা থবক থৌরাংশিংগী শীজিন্ননবনি‍।

তাইদ গ্রান্ত অসি তোঙান তোঙানবা সেন্ত্রেল্লী স্পোন্সর স্কিমশিংগী মখাদা সেনিতেসন অমসুং থক্নবা ঈশিং ফংহন্নবগীদমক কেন্দ্র অমসুং স্তেত লৈঙাক্না পীরিবা ফন্দগী মথক্তা মীয়ামদা হেন্না মতিং লৈবা সর্ভিস ফংহন্নবগীদমক অর্বান লোকেল বোদীশিংদা অহেনবা শেন্ফম ওইনা পীবনি‍।

চৎলিবা শেনবা চহিসিদা, ভারত লৈঙাক্না নন-মিলিয়ন প্লস সিতিশিংগীদমক্তা স্তেতশিংদা পুন্না লুপা করোর ১০,৬৯৯.৩৩গী শেন্ফম থাদোকখ্রে‍। গ্রান্ত অসি হাউজিং অমসুং অর্বান এফ্যার্স মন্ত্রালয়গী রিকম্মেন্দেসন মতুং ইন্না শেলথুম মন্ত্রালয়না থাদোকপনি‍।

এনেক্সচর-১

**********