হকশেল অমসুং য়াইফ-য়ুম্বাল মন্ত্রালয়
প্রধান মন্ত্রীনা কেন্দ্রগী হকশেল অমসুং য়াইফ য়ুম্বাল মন্ত্রালয়গী হয়েং পাংথোক্কদবা বজেৎ মতুংগী ৱেবিনার হৌদোকপগী থৌরমদা ৱা ঙাংগনি
প্রাইভেত সেক্তরগী মরু ওইবা স্তেকহোলদরশিং য়াওনা শক্নাইরবা ৱাঙাংলোই অমসুং অখঙ-অহৈশিংনা অয়ুশমান ভারত দিজিতেল মিসন, ই-সঞ্জীবনী অমসুং তেলি-মেন্তেল হেলথকী মতাংদা ৱারী শাবগী সেসন পাংথোক্কনি
Posted On:
25 FEB 2022 10:11AM by PIB Imphal
প্রধান মন্ত্রী, শ্রী নরেন্দ্র মোদীনা হয়েংগী অয়ুক্কী পুং ১০ তাবা মতমদা কেন্দ্রগী হকশেল অমসুং য়াইফ য়ুম্বাল মন্ত্রালয়গী কেন্দ্রগী বজেৎকী মতুংগী ৱেবিনার হৌদোক্কনি। হয়েংগী পুং ১০৪৫ অমসুং ১৩৫০গী মরক্তা, হীরম অহুম, অয়ুশমান ভারত দিজিতেল মিসন, ই-সঞ্জীবনী অমসুং তেলি-মেন্তেল হেলথ প্রোগ্রামগা মরী লৈনবা সেসনসু পাংথোক্কনি।
ৱেবিনার অসিগী পান্দমদি সরকারনা হকশেলগী সেক্তরগী মনুং চন্না পায়খৎলিবা খোঙথাং খুদিংবু মাংজিল থানা পুখৎপদা স্তেকহোলদরশিংসু শরুক য়াহনবনি। প্রধান মন্ত্রীনা বজেৎকী মতুংগী ৱেবিনার অসিদা খন্ন-নৈনগদবা হীরমশিং হৌদোক্কনি। ৱেবিনার অসিদা হকশেল অমসুং য়াইফ য়ুম্বাল মন্ত্রালয়, নিতি আয়োগ, ইন্দস্ত্রীগী মীওই, স্তার্ত-অপ, একাদমিয়ানচিংবশিংগী শক্নাইরবা মীওইশিংনা পেনেল দিসকসন তৌবগী থৌওংগা লোয়ননা স্তেকহোলদরশিংগী খন্ন-নৈনবগী সেসনসু য়াওগনি। থাগৎ ৱাহৈ ফোংদোকপগী সেসন অসিনা হকশেল অমসুং য়াইফ য়ুম্বালগী কেন্দ্র মন্ত্রী, দাঃ মনশুখ মন্দাবিয়া অমসুং কেন্দ্রগী অয়ুশ মন্ত্রী, শ্রী সর্বানন্দা সোনোৱালনা পুন্দুনা লুচিংমিন্নগনি।
ৱেবিনার অসিদা মখাগী থীম অহুম অসিগী মতাংদা ব্রেকআউত সেসনসু লৈগনিঃ
- আয়ুশমান ভারত দিজিতেল মিসনঃ নিতি আয়োগকী মেম্বর, দাঃ ভি.কে.পাউলনা সেসন অসিবু মোদরেৎ তৌগনি। মসিগী মতুংদা এন.ঐচ.এ.গী এদিস্নেল সি.ই.ও., দাঃ প্রবীন গেদম্না প্রজেন্তেসন পীদুনা মখা চত্থগনি। য়শোদা হোস্পিতালগী কুমারী উপাসনা অরোরা, নরায়না হেল্থকী চেয়রমেন, দাঃ দেবী শেত্তী, মেত্রোপোলিস লেবকী এম.দি., কুমারী অমীরা শাহ, নেতহেল্থকী প্রসিদেন্ত, দাঃ হর্শ মহাজন অমসুং সি.আই.আই. অমসুং অয়ুর্ভাইদকী শ্রী রজীব বাসুদেবন্না সেসন অসিদা ৱা ঙাংগনি।
- নেস্নেল তেলি-মেদিসিনগী খোঙথাং অমসুং ই-সঞ্জীবনিঃ সেসন অসিবু পি.ঐচ.এফ.আই.গী প্রসিদেন্ত, প্রোফঃ কে. স্রিনাথ রেদ্দীনা মোদরেত তৌগনি। এম.ও.ঐচ.এফ.দবল্যু.গী জোইন্ত সেক্রেতরী, শ্রী লভ অগর্ৱালনা ই-সঞ্জীবনিগী মতাংদা প্রজেন্তেসন পীগনি। এন.ঐচ.এম. কর্নাতকাগী এম.দি., দাঃ অরুন্ধাতী চন্দ্রসেখর, এপোলো হোস্পিতালগী জোইন্ত এম.দি., কুমারী সঙ্গিতা রেদ্দী, তাতা মেদিকেল অমসুং দাইগ্নোস্তিক্সকী সি.ই.ও., শ্রী গিরিশ কৃষ্ণমুর্তী, কম্মিত্তী ওন তেলিহেল্থ স্তেন্দর্দ, বি.আই.এস.কী চেয়রমেন, দাঃ অশ্বিনি গোইলনা সেসন অসিদা শরুক য়াগনি।
- তেলি মেন্তেল হেল্থ প্রোগ্রামঃ নিমহান্সকী দাইরেক্তর, দাঃ প্রতিমা মুর্তীনা সেসন অসি মোদরেত তৌবগী লোয়ননা তরাম্না ওকপগী ৱারোল থমগনি। এম.ও.ঐচ.এফ.দবল্যু.গী এ.এস. অমসুং এম.দি. (এন.ঐচ.এম.), শ্রী বিকাস শীলনা হীরম অসিগী মতাংদা শম্লপ্পা প্রজেন্তেসন অমা লান্থোক্কনি। সেসন অসিদা শরুক য়াগদৌরিবা শক্নাইরবা মীওইশিংদি য়ুনিভর্সিতী ওফ ৱেস্তর্ন ওস্ত্রেলিয়াগী সাইকিয়াত্রীগী ক্লিনিকেল প্রোফ. দাঃ নোহন আইজাক, সঙ্গত – য়ু.এস.এ./গোৱাগী গ্লোবেল হেল্থকী রিসর্চর, দাঃ অনন্ত ভান, পি.ঐচ.এফ.আই.গী ভাইস প্রসিদেন্ত, দাঃ প্রীতি কুমার, আই.আই.আই.তি. বেঙ্গালোরগী প্রোফ., দাঃ তি.কে. স্রিকান্ত অমসুং নিমহান্সকী দাঃ কিশোর কুমারনি।
বজেত্তা লাউথোকখিবশিংবু অপীবা মতমগী মনুংদা থবক ওইনা পাংথোক্নবা অমগা অমগা তেংবাংমিন্নদুনা শরুক য়ামিন্নবগী থৌওং লৈহন্নবা পান্দম থমদুনা স্তেকহোলদরশিংগা নীংথিনা খন্ন-নৈনবা য়াহন্নবগীদমক্তা অখন্নবা থৌওং অমগী মখা পোন্না সেসন অসি পাংথোক্নবা থৌরাং য়াৎপনি। প্রধান মন্ত্রীনা মশাগী ৱারোল থম্বা অসিবু দি.দি. ন্যুজতা লাইব স্ত্রীম তৌগনি।
****
(Release ID: 1801036)
Visitor Counter : 118