খুঙ্গঙগী দিজিতেল কন্নেক্তিবিতী ইচম চমবা অপামবা অমা ওইদ্রে, তঙাই ফদবা অমা ওইরে, হায়না প্রধান মন্ত্রী শ্রী নরেন্দ্র মোদীনা হন্দক্তা লাউথোকখিবা কেন্দ্রগী বদজেত ২০২২গী মতাঙদা পাঙথোকপা পোস্ত-বদজেত ৱেবিনারদা ফোঙদোকখ্রে‍। ৱেবিনার অদুগী থিম ‘লিভিং নো সিতিজন বিহাইন্দ’ অসিনা ইন্দস্ত্রী লুচিংবশিং, খুজিল থৌরাং য়াৎলিবশিং অমদি লৈঙাক্কী ওফিসিএলশিং পুনশিন্নদুনা বদজেত অসিগী অফবা ইথিলশিং খন্ননবা অমদি য়ুমথোঙ খুদিং, খুঙ্গঙ খুদিং, কনাবুসু হুন্দোক্লমদনা কান্নবা পীদুনা পুম্নমক্কী ফীভম ফগৎহন্নবা অমত্তা ওইবা পান্দমগী মায়কৈদা পুন্না চঙশিনমিন্ননবা সেক্তর-সেক্তরগী ওইবা লৌখৎপা য়াবা লাল্লোংশিং খঙদোক্নবা পান্দম থম্লি‍।

ৱেবিনারদুদা ৱা ঙাঙলদুনা প্রধান মন্ত্রীনা ব্রোদবেন্দনা খুঙ্গঙশিংদা খুদোংচাবশিং ফংহনবতা নত্তনা খুঙ্গঙগী শেন্মিৎলোন্দা হৈ-শিংলবা নহাশিংগী অচৌবা মফম অমসু শেমগৎকনি হায়না ফোঙদোকখি‍। ব্রোদবেন্দনা সর্ভিস সেক্তরবু খুঙ্গঙগী মফমশিংদা পাকথোক চাউথোকহনবা ঙমহনগনি অমদি শেন্মিৎলোন ফগৎহনবদা মতেং পাংগনি হায়বা ৱাফমসু মহাক্না থমখি‍। তঙাই ফদবা ইনফ্রাস্ত্রকচরশিং, মরুওইনা এস্পিরেস্নেল দিস্ত্রিক্তশিংদা থম্ননবগীদমক মপুং ফানা কান্নবা পীবগী লম্বী পরিং অমদা চঙশিনবগী মথৌ তাই হায়বা ৱাফম মহাক্না থমখি‍। অসিগুম্বা কন্নেক্তিবিতী শীজিন্নবগী মরমদা অমদি পান্দম ফংনবগীদমক খুঙ্গঙশিংগী মরক্তা অফবা মওংগী হিদান্নবগী চৎনবী লৈহন্নবা মীয়ামদা পাক শন্না ৱাখল তাহনবগী মথৌ তাবসু মহাক্না থমখি‍।

খুঙ্গঙগী মফমশিংদা অহোঙবা মমলদা ব্রোদবেন্দ য়ৌহন্নবা অমদি মোবাইল সর্ভিস চঙশিন্নবগীদমক য়ু.এস.ও.এফ.কী মখাদা চহিগী খোমগৎলকপা শেন্ফমগী ৫% আর.এন্দ.দি. শৌগৎনবা অমদি তেক্নোলোজী অমসুং সোলুসনশিং কম্মর্সিএলাইজ তৌননবগী খাক্নবা ৱাফম থম্লিবা বদজেত লাউথোক্তুনা কেন্দ্রগী বদজেত ২০২২-২৩না তেলিকোম সেক্তরদা অনৌবা ইনোৎ অমা পীরে‍। মসিগী মথক্তা খুঙ্গঙ খুদিংমক ২০২৫ ফাওবগী মনুংদা ওপ্তিকেল ফাইবর নেতৱর্ক্না কোনশিন্নবা ৱাফমসু থম্লি‍।

বদজেতকী খোঙজেল অসি মাঙদু পুখৎনবা অমদি চাং কায়হন্দনা থম্নবগীদমক অমসুং বদজেত শীজিন্নবদা স্তেকহোল্দর খুদিংমক্না মশামক্কীনি হায়বা ৱাখল্লোন চেহলহন্নবগীদমক ৱেবিনার পরিং অমা তোঙান তোঙানবা মন্ত্রালয় অমসুং দিপার্তমেন্তশিংগী খুত্থাঙদা পাঙথোক্লি‍। অসিগুম্বা ৱেবিনার অমা দিপার্তমেন্ত ওফ রুরেল দেভেলপমেন্তনা ‘লীভিং নো সিতিজন বিহাইন্দ’ হায়বা থিমদা পাঙথোকখি‍। মরক্কী সেসনশিংগী মনুংদা ‘রোদ এন্দ ইনফো ৱে তু ওল রুরেল হেবিতেসন্স’ হায়বা হীরমসিদসু পাঙথোকখি‍। সেসন অদু শ্রী কে. রাজারমন,  সেক্রেতরী (তি.), দিপার্তমেন্ত ওফ তেলিকম্ম্যুনিকেসন্সনা মোদরেত তৌখি, অমদি দোক্তর অসিস কুমার গোইল, এদিস্নেল সেক্রেতরী, মিনিস্ত্রী ওফ রুরেল দেভেলপমেন্তনা কো-মোদরেত তৌখি‍। সেসন অসিদা শ্রী পি.কে. পুর্ৱার, সি.এম.দি., বি.এস.এন.এল., শ্রী গাপাল ভিত্তল, সি.ই.ও., ভার্তি এয়রতেল, শ্রী মনোজ কুমার সিংহ, এ.সি.এস., রুরেল দেভেলপমেন্ত, উত্তর প্রদেশ, প্রোফেসর এ ভীররাঘবন, দিপার্তমেন্ত ওফ সিভিল ইঞ্জিনিয়রিং, আই.আই.তি. মদ্রাস, অমসুং শ্রী ভি. স্রিনিৱাস, সি.ই.ও., বিস্ব সমুদ্র ইঞ্জিনিয়রিং, হায়দরবাদনচিংবা মমিং লৈরবা ৱাঙঙলোয় কয়ানা ব্রোদবেন্দ কন্নেক্তিভিতী অমসুং খুঙ্গঙগী লম্বী থোঙ চাওখৎহনবগী মতাঙদা তোঙান তোঙানবা ৱাফমশিং ফোঙদোক্নখি‍।

দিজিতেলগী কান্নবা মপুং ফানা য়ৌহনবনা শেলথুম, খুন্নাই নৎত্রগা শেন্মিৎলোন চাউখৎহনবা, মরুওইনা খুঙ্গঙ অমদি মনুং হঞ্জিনবা মফমশিংদা চাউখৎপা পুরকপগী মায়ওন পুম্নমক্কী পান্দম ফংনবগী য়ুম্ফম্নি হায়বা ৱাফম য়ানখৎ‍।

মসিগী কান্নবা ১০০% ফংননবগীদমক, ভারত লৈঙাক্কী গতি শক্তিগী শরুক অমসু ওইরিবা মমল চঙদবা অমদি মপুং ফাবা তেক্নোলোজী সর্ভিস পীননবগীদমক স্তেকহোল্দর পুম্নমক পুনশিন্নবা মথৌ তাই হায়বা ৱাফম থম্নখি‍। মসিগীদমক ভারতনেত শীজিন্নদুনা খুঙ্গঙ অমসুং মনুং হঞ্জিনবা মফম পুম্নমক্তা অথুবা মতমদা অপতাইম অমসুং এস.এল.এ. চৎন-কাঙলোগী মতুং ইন্না হেন্না দিমান্দ লৈহন্নবা কান্নবা মপুং ফানা ফংহনবা মথৌ তাই‍।

আউতকম ফোকসনা লৈঙাক্কী থৌরম অমসুং স্কিম পুম্নমক্কী মরুওইবা পান্দম ওইহনবা মথৌ তাই হায়বা ৱাফম খন্নখি‍। খুঙ্গঙগা মরী লৈনবা মচাকশিং শেমগৎপদা মীৎয়েঙ থমবগী মথক্তা তেক্নোলোজীশিং নৌনা শেমগৎপা ঙমহন্নবা থবক থৌরাংশিংগী মনুংদা ইন্নোভেসন কন্ফরেন্সসু অমা ওইহনবা য়াই‍।

খন্নখিবা অমদি স্তেকহোল্দরশিংনা পুখৎলকপা ৱাফমশিংদা য়ুম্ফম ওইরগা, আর.ও.দব্লিউ.গী ৱাফমশিং মরুওইবা শিংনবশিংনি হায়না শকখঙখি অমদি সিঙ্গল ৱিন্দো ক্লিয়রেন্সকী খুত্থাঙদা থুনা ৱাখৈ পুরক্নবগীদমক নেসনেল পোর্তেল শেমগৎপা য়াওনা স্তেত লৈঙাক্কী দিপার্তমেন্তশিং মোবিলাইচ তৌননবা থবক থৌরমশিং পায়খৎপা মথৌ তায় হায়বা ৱাফম থমখি‍।

ইন্দস্ত্রীগী খঙ-হৈরবশিংনা তেলিকোমগী মথৌ তাবা মৈ, গ্রীন তেলিকোমদা মীৎয়েঙ চঙবা অমদি খাজনা অমসুং ফী স্ত্রকচর অমসুং সর্ভিসকী রিগুলেতরী ফী হন্থহনবনচিংবা য়াওনা সপ্লাই অমসুং দিমান্ত নাকল অনিদা মান্নবা মীৎয়েঙ থমবগী মথৌ তাবশিং পুখৎলকখি‍। দিপার্তমেন্তনা খুঙ্গঙগী মফমশিংদা ব্রোদবেন্দ ফংহন্নবগী থবক পায়খৎপগী লাল্লোংদা হায়রিবা মমল য়াম্লবা স্তেকহোল্দরশিংদগী পুখৎলক্লিবা ৱাফমশিং য়াওগনি‍।

ৱেবিনার অসি য়েংনবগী য়ুত্যুব লিঙ্ক - https://www.youtube.com/watch?v=903od7dTxHs

****