ভারত সরকারগী নুপী অমসুং অঙাংগী চাউখৎ-থৌরাং মন্ত্রালয়না পি.এম. কিয়র্স ফোর চিলদ্রেন স্কিম অসি ফেব্রুৱারী ২৮, ২০২২ ফাওবা শাংদোকখ্রে। মমাংদা স্কিম অসি দিসেম্বর ৩১, ২০২১ ফাওবা খক্তমক চৎনরম্বনি। হীরম অসিদা মথৌ তাবা থবক লৌখৎনবা দিস্ত্রিক্ত মেজিস্ত্রেৎ/দিস্ত্রিক্ত কল্লেক্তর পুম্নমক্তা কোপী অমমম পীবগা লোয়ননা রাজ্য অমদি য়ু.তি. পুম্নমক্কী নুপী অমসুং অঙাংগী চাউখৎ-থৌরাংগী সোসিএল জস্তিস এন্দ এম্পাৱরমেন্ত বিভাগকী প্রিন্সিপল সেক্রেতরী/সেক্রেতরী পুম্নমক্তা অইবা চেরোল অমা থাখ্রে (চেরোল অদু য়েংনবা মসিদা নম্বীয়ু)।

পি.এম. কিয়র্স ফোর চিলদ্রেন স্কিমগী কান্নবশিং ফংনবা ইলিজিবল ওইবা অঙাং পুম্নমক ফেব্রুৱারী ২৮, ২০২২ ফাওবগীদমক হৌজিক এনরোল তৌবা য়ারগনি। দবল্যু.ঐচ.ও.না কোবিদ-১৯ অসি লাইচৎ অমনি হায়না লাউথোকখিবা ১১.০৩.২০২০দগী হৌরগা ২৮.০২.২০২২ ফাওবদা কোবিদ ১৯ লাইচৎনা মরম ওইদুনা i) মমা-মপা অনিমক নত্ত্রগা ii) হিংহৌরিবা মমা-মপা নত্ত্রগা iii) লিগেল গর্জিয়ন/য়োক্লিবা মমা-মপা/সিঙ্গল ওইনা য়োক্লিবা মমা/মপা অসি লৈখিদ্রবা অঙাং পুম্নমক স্কিম অসিনা কবর তৌরি। স্কিম অসিগী মখাদা কান্নবশিং লৌনবা অঙাং অদু মমা-মপানা লৈখিদবা তাং অদুদা চহি ১৮ মপুং ফাদ্রিবা ওইগদবনি।

প্রধান মন্ত্রী শ্রী নরেন্দ্র মোদীনা মে ২৯, ২০২১দা কোবিদ ১৯ লাইচৎনা মরম ওইদুনা মখোয়গী মমা-মপা অনিমক লৈখিদ্রবা অঙাংশিংগীদমক কম্প্রিহেন্সিব সপ্পোর্ত পীনবা লাউথোকখি। স্কিম অসিনা তুং কোইনা চৎকদবা মওংদা, হেল্থ ইন্সুরেন্সকী খুত্থাংদা মখোয়বু হকচাং ফনা থম্বা ঙম্নবা, এজুকেসনগী খুত্থাংদা মখোয়বু এম্পাৱর তৌনবা অমসুং চহি ২৩ য়ৌরকপা মতমদা শেল-থুমগী তেংবাং পীদুনা মরোমদোম লেপচবা ঙম্নবা মখোয়বু শেম্বী-শাবীনবা কোবিদ লাইচৎতগী মমা-মপা লৈখিদ্রবা অঙাংশিংদা কম্প্রিহেন্সিব কিয়র অমসুং প্রোএতেক্সন পীনবা পান্দম থমখি। পি.এম. কিয়র্স ফোর চিলদ্রেন স্কিমনা অতোপ্পা কয়াগা লোয়ননা অঙাংশিং অসিদা কনভর্জেন্ত এপ্রোচ অমগী মখাদা চহি ১৮দগী এজুকেসন, হেল্থকীদমক গেপ ফন্দিং ওইনা থাগী স্তাইপেন্দ পীগনি, অমসুং চহি ২৩ শুবদা লুপা লাখ ১০গী অমুক্তা পীবা শেনফম অমা ফংগনি।

স্কিম অসি ওনলাইন পোর্তেলগী https://pmcaresforchildren.in খুত্থাংদা এক্সেসিবল ওইগনি। রাজ্য/য়ু.তি. পুম্নমক্তা হৌজিক ফেব্রুৱারী ২৮, ২০২২ ফাওবদা পোর্তেল অসিদা ইলিজিবল ওইবা অঙাংশিং মশক খঙদোক্নবা অমদি রেজিস্তর তৌনবা খঙহনখ্রে। প্রজা অমা হেক্তনা পোর্তেল অসিগী খুত্থাংদা স্কিম অসিগী মখাদা ইলিজিবল ওইবা অঙাং অমদা তেংবাং পীনবগী মতাংদা এদমিনিস্ত্রেসনদা পাউ পীবা য়াগনি।

(স্কিমগী গাইদলাইনশিংগী অকুপ্পা মরোল য়েংনবগীদমক মসিদা নম্বীয়ু)

*****