এল.আই.সি.না থোকপা আই.পি.ও.শিংগা মরী লৈননা ফোংবা মীদিয়া রিপোর্ত অমা লৈখি, মসিদা এল.আই.সি.না সেতল তৌখিবা পোলিসীশিং অমসুং ক্লেমশিংগী অকুপ্পা মরোলশিংগী মতাংদা পল্লদুনা, শেমজিন-শাজিনবা অমসুং নাকল অমখক্তগী ওইবা ৱাফম খরদা ৱাহন্থোক পীরদুনা কোবিদ-১৯গা মরী লৈনবা শিখিবশিংগী মশিং অসি ওফিসিয়েল ওইনা লৈরিবা মশিং অসিদগী হেন্না হেল্লমগনি হায়না মরাল শিরি। মসিগী রিপোর্তশিং অসি শেমজিন-শাজিনবনি অমসুং য়ুমফম য়াওদবা ৱাফম্নি হায়না শেংদোক্লি।

অমরোমদনা এল.আই.সি.না সেতল তৌখিবা ক্লেমশিং অদুদি মরম খুদিংমক্না মরম ওইরগা শিখিবশিংগীদমক্তা পোলিসী হোল্দরশিং অদুনা লৌখিবা লাইফ ইন্সুরেন্স পোলিসীশিং অদুগা মরী লৈনৈ, অদুবু পাউগী রিপোর্তশিং অসিনা ৱারোইশিন পুরকখি মদুদি মসিনা তাক্লিবা অসি কোবিদনা শিখিবশিং অদু মশিং হন্থনা রিপোর্ত তৌবনি হায়না হায়রি। অসিগুম্বা অশোইবা মপুং ফাদবা ৱাহন্থোক অসি অচুম্বা ৱাফমদা য়ুমফম ওইবা নত্তে অমসুং মসি অইবা অদুগী নাকল অমখক্তগী ওইবা মীৎয়েং অদু উৎলি। মসিনা লাইচৎ অসি হেক হৌরকপদগী ভারত্তা কোবিদ-১৯না মরম ওইরগা শিখিবশিং অদুবু করম্না পুনশিল্লগা অমসুং পব্লিক দোমেনদা নুমীৎ খুদিংগী ফোংখি হায়বগী মতাংদা খঙবা ৱাৎপা অদুবুসু ময়েক শেংনা উৎলি।

ভারত অসিগী কোবিদ -১৯না মরম ওইরগা শিখিবশিংগী রিপোর্ত পীনবা  য়াম্না ত্রান্সপরেন্ত ওইবা অমসুং য়াম্না এফিসিয়েন্ত ওইবা সীস্তেম অমা লৈ। গ্রাম পঞ্চায়তকী থাক্তগীনা জিলাগী থাক্তা অমসুং রাজ্যগী থাক ফাওবা, শিখিবশিংগী রিপোর্ত পীবগী থৌওংশিং অসি মোনিতর তৌখি অমসুং ত্রান্সপরেন্ত ওইবা ম্ংদা পাংথোকখি। মখাতানা, ত্রান্সপররেন্ত ওইবা মওংদা শিখিবশিং অদু রিপোর্ত তৌনবগী পান্দমদা, ভারত সরকারনা কোবিদনা মরম ওইরগা শিখিবশিং অদুবু খনদোক্নবা মালেমগী থাক্তা মশক খঙনরবা কেতেগোরাইজেশন অদুবু শিজিন্নখি। শিজিন্নখিবা মোদেল অসিদারাজ্যশিংদগী ইন্দিপেন্দেন্ত ওইনা রিপোর্ত তৌরকখিবা অদুদা য়ুমফম ওইরগা সেন্তরনা ভারত্তা পুন্না শিখিবশিং অদুগী কমপালেশন তৌবগী থবক অদু পাংথোক্লি।

মসিগী মথক্তা, ভারত সরকারনা হন্না-হন্না রাজ্যশিংদা তাঙ্কক নাইনা মখোয়গী শিখিবশিংগী মশিং অদু অপদেৎ তৌনবা হায়খি, মরমদি মসিগী এক্সর্সাইজ অসিনা লাইচৎ অসিগী তশেংনা লৈরিবা ফিভম অদুবু খঙহল্লদুনা কোবিদ-১৯গী মায়োক্তা পাংথোক্লিবা পব্লিক হেল্থ রেস্পোন্সকী থবকশিং অদুবু হেন্না নিংথিনা মীৎয়েং চংবা ঙমগনি। মসিগী মথক্তা, খঙজিনগদবা অমনা কোবিদনা মরম ওইরগা শিখিবশিংগী রিপোর্ত পীনবগীদমক্তা ভারত্তা অহেনবা ইন্সেন্তিবশিং পীরি, মসিনা কনাগূম্বা অমবু মোনিতরী কমপেন্সেশন ফংনবগী খুদোংচাবা পীরি, মসিনা মরম ওইরগা লান্না মশিং হন্থনা রিপোর্ত তৌবগী ওইথোকপা অদু অমুক্কসু হেন্না হন্থহল্লি। মরম অদুনা শিখিবশিংগী মশিং অদু হন্থনা রিপোর্ত তৌবগী মতাংদা ৱারেপ অমা লৌবা হায়বসি চুম্নগী শেমজিন-শাজিনবা অমসুং ভাবনা শাগৎপগা চপ মান্নগনি।

লাইচৎ অসি হেক হৌরকপদগী, কেন্দ্র সরকার অসিনা খুনাই পুম্বগী ওইনা অমসুং সরকার পুম্বগী ওইবা এপ্রোচকী মখাদা ত্রান্সপরেন্ত অমসুং একাউন্তেবল পব্লিক হেল্থ রেসপোন্স পীনবা লৈংদনা লেপ্লি। কোবিদ-১৯না মরম ওইরগা শিখিবশিংগী ত্রান্সপরেন্ত ওইবা মওংদা রিপোর্ত তৌবা অসি ভারত্তা কোবিদ-১৯ মেনেজমেন্ত তৌনবা গ্রেদেদ অপ্রোচকী মরু ওইবা থবকশিং অদুগী মনুংদা অমনি অমসুং কেন্দ্রগী হকশেল মন্ত্রালয়নসু তত্তনা নুমীৎ খুদিংগী ওইবা মওংদা জিলাগী ওইনা লৈরিবা কেসশিং অমসুং শিখিবশিং অদুবু মোনিতর তৌনবগীদমক্তা য়াম্না লিংবা রিপোর্তিং মেকানিজম অমগী মথৌতাবা অদুবু য়াম্না মরু ওইনা লৌখি। মসিগী অনৌবা খোংথাং অসিদা, কেন্দ্র সরকারনা মতম মতমগী মতুং ইন্না কোবিদ মেনেজমেন্তকী হির কয়া অমগী মতাংদা গাইদলাইনশিং থোক্তুনা লাক্লি। মসিগী মথক্তা, রাজ্য অমসুং য়ু.তি. খুদিংমকপু তোঙন-তোঙানবা প্লেতফোর্মশিং, ফোর্মেল কম্যুনিকেশনশিং, ভীদিো কনফরেন্সশিংগী খুত্থাংদা অমসুং অপীবা গাইদলাইনশিং অদুগী মতুং ইন্না শিখিবশিংগী রেকোর্দিং চুম্না তৌনবগীদমক্তা সেন্ত্রেল তীমশিং থাদোক্তুনা এনগেজ তৌখি। ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)নসু ৱার্ল্দ হেল্থ ওর্গনাইজেশন (দবল্যু.ঐচ.ও.)না রিকমেন্দ তৌবা আই.সি.দি.-১০ কোদশিং অদুগী মতুং ইন্না শিখিবশিং পুম্নমক্কী চুম্না রেকোর্দিং তৌনবগীদমক্তা ‘ভারত্তা কোবিদ-১৯গা মরী লৈনবা শিখিবশিংগী নিংথিজনা রেকোর্দিং তৌণবগীদমক্তা ওইবা গাইদেন্স’ থোকখি।

মরম অদুনা, কোবিদ-১৯ লাইচৎগুম্বা মালেমগী ওইবা পব্লিক হেল্থ খ্রাইসিসকী মনুংদা অশিবগুম্বা য়াম্না সেন্সিতিব ওইবা ইসুশিং পনবা হায়বসি খ্বাইদগী হেন্না সেন্সিতিবিতী লৈনা অমসুং ওথেন্তিসিতী লৈনা তৌগদবনি হায়না তাক্লি। ভারতকী য়াম্না লিংবা সিভিল রেজিস্ত্রেশন সীস্তেম (সি.আর.এস.) অমসুং সেম্পল রেজিস্ত্রেশন সীস্তেম (এস.আর.এস.) লৈ, হায়রিবা অসি কোবিদ-১৯ লাইচৎ লাক্ত্রিঙৈগী মমাংদগী লৈরবনি অমসুং রাজ্য/য়ু.তি. পুম্নমক মসিনা য়ৌশিল্লি। লৈবাক অসিদা শিখিবশিংগী রেজিস্ত্রেশন তৌবা অসি আইনগী ওইবা বেকিং লৈ হায়না খঙহল্লকখি। মসিগী রেজিস্ত্রেশন দ রেজিস্ত্রেশন ওফ বার্থস এন্দ দেথস এক্ত (আর.বি.দি.এক্ত, ১৯৬৯)গী মখাদা অসি রাজ্য সরকারশিংনা এপোইন্ত তৌখিবা ফংশনরীশিংনা পাংথোকই। অসুম্না সি.আর.এস.কী খুত্থাংদা জেনরেত তৌখিবা দেতা অসিদা খ্বাইদগী হেন্না থাজনিংঙাই ওই অমসুং ওথেন্তিকেত তৌদবা দেতাগী মখা পোনবগী মহুত্তা হায়রিবা অসি শিজিন্নগদবনি।

*****