য়ুমলৈ-কৈরৈ মন্ত্রালয়
প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারনা পুলিস ফোর্স মোদর্নাইজেসন (এম.পি.এফ.) তৌবগী অম্ব্রেল্লা স্কিম মখা চত্থবগী অয়াবা পীখ্রে
অয়াবা পীখিবা অসিনা কেন্দ্রগী গৃহ মন্ত্রী, শ্রী অমিৎ শাহনা রাজ্য অমসুং য়ুনিয়ন তেরিতোরীশিংগী পুলিস ফোর্সশিংবু মতমগা চুনহন্নবা অমসুং মথৌ তাবগী থৌওং হেন্না ফগৎহন্নবা পায়খৎপা খোঙথাংবু হেন্না খুমাং চাউশিলহনগনি
ইং ২০২১-২২দগী ২০২৫-২৬কী মতমগী অয়াবা পীরিবা অসিনা লুপা করোর ২৬,২৭৫গী অপুনবা শেনফমগী কেন্দ্রগী শেলগী তেংবাং পীথগনি
Posted On:
13 FEB 2022 11:02AM by PIB Imphal
প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারনা পুলিস ফোর্স মোদর্নাইজেসন (এম.পি.এফ.) তৌবগী অম্ব্রেল্লা স্কিম মখা চত্থবগী অয়াবা পীখ্রে। অয়াবা পীখিবা অসিনা কেন্দ্রগী গৃহ মন্ত্রী, শ্রী অমিৎ শাহনা রাজ্য অমসুং য়ুনিয়ন তেরিতোরীশিংগী পুলিস ফোর্সশিংবু মতমগা চুনহন্নবা অমসুং মথৌ তাবগী থৌওং হেন্না ফগৎহন্নবা পায়খৎপা খোঙথাংবু হেন্না খুমাং চাউশিলহনগনি। মসিগী স্কিম অসিদা লুপা করোর ২৬,২৭৫গী কেন্দ্রগী শেলগী তেংবাংগা লোয়ননা মতমগা চুনহনবা অমসুং হেন্না ফগৎহন্নবা হোৎনবদা শরুক পীরিবা মরী লৈনবা সব-স্কিম খুদিংমক মনুং চনগনি।
স্কিম অসিগী পনবা য়াবা মশক থোকপা ফীচরশিং মখাদা পীরিঃ
- লৈবাক অসিগী মনুংদা অচৌবা ফোরেন্সিক সেত-অপ অমা শেমগত্তুনা ইন্তর্নেল সেক্যুরিতী, লো অমসুং ওর্দর, পুলিসনা মতমগা চুনবা তেক্নোলোজী শিজিন্নবা হৌবা, রাজ্যশিংদা নার্কোতিক্স কন্ত্রোলগী থৌওংদা তেংবাংবা অমসুং ক্রিমিনেল জস্তিস সীস্তেম মপাঙ্গল কনখৎহনবগী থৌওং কয়া অমা স্কিম অসিগী মনুং চল্লি।
- স্তেত পুলিসপু মতমগা চুনহন্নবা পায়খৎলিবা স্কিম অসিদা কেদ্রনা লুপা করোর ৪,৮৪৬ পুথোক্কনি।
- রিসোর্সশিংবু মোদর্নাইজ তৌবগী খুত্থাংদা সাইন্তিফিক ওইবা অমসুং মতম চানা থিজিন হুমজিনবদা তেংবাংনবগীদমক্তা রাজ্য/য়ুনিয়ন তেরিতোরীশিংদা মরোমদোম ওইনা চলায়বা য়াবা ফোরেন্সিক সাইন্স ফেসিলিতী শেমগৎ-শাগৎপা।
- জম্মু অমসুং কশ্মিরগী য়ুনিয়ন তেরিতোরী, লালহৌবগী ইরাংনা চৈথেং ফংলবা অৱাং নোংপোক লমদম অমসুং লেফ ৱিং এক্সত্রিমিজম (এল.দবল্যু.ই.)না শোকহল্লবা মফমশিংগী সেক্যুরিতীগী থৌওংশিংগা মরী লৈনবা চাদিংগীদমক্তা লুপা করোর ১৮,৮৩৯গী কেন্দ্রগী তেংবাং খাক্তুনা থম্বা।
- এল.দবল্যু.ই.গা মাইয়োক্নন্নবগীদমক্তা ‘নেস্নেল পোলিসী অমসুং এক্সন প্লান’ থবক ওইনা পায়খৎপদগী এল.দবল্যু.ই.গা মরী লৈনবা মীহাৎ-মীপুনগী থৌওংশিংগী চাং মশক থোক্না হন্থরকখ্রে। মায় পাকপা অসিবু হেন্না খুমাং চাউশিলহন্নবগীদমক্তা, লুপা করোর ৮৬৮৯গী কেন্দ্রগী তেংবাং য়াওবা এল.দবল্যু.ই.গা মরী লৈনবা স্কিম তরুক্কী অয়াবসু পীখ্রে। স্কিমশিং অসিগী মনুংদা মমাংদা ফংখ্রিবা মায় পাকপশিং অসিবু হেন্না মরা চেৎহন্নবগীদমক্তা এল.দবল্যু.ই.না শোকহল্লবা জিলা অমসুং হেন্না মরু ওইবা মিৎইয়েং চঙফম থোকপা জিলাশিংগীদমক্তা পায়খৎপা স্পিসিএল সেন্ত্রেল এসিস্তেন্স (এস.সি.এ.)সু মনুং চল্লি।
- ইন্দিয়া রিজর্ব বত্তালিয়ন্স/স্পিসিএলাইজ ইন্দিয়া রিজর্ব বত্তালিয়ন্সপু থাক ৱাংনা পুখৎনবগীদমক্তা লুপা করোর ৩৫০গী কেন্দ্রগী তেংবাংগী অয়াবসু পীখ্রে।
- লুপা করোর ৫০ কায়থোক্তুনা পায়খৎপা ‘নার্কোতিক্স কন্ত্রোল তৌনবা রাজ্য অমসুং য়ুনিয়ন তেরিতোরীশিংদা তেংবাংবা’গী সেন্ত্রেল সেক্তর স্কিম অসিসু মখা তানা চত্থরগনি।
*******
(Release ID: 1798595)
Visitor Counter : 161