ঙসি রাজ্যশিং অমসুং য়ুনিয়ন তেরিতোরীশিংগী হেল্থ ওফিসিএলশিং য়াওনা ভর্চুএল ওইনা পাঙথোকপা ইন্তেন্সিফাইদ মিসন ইন্দ্রধনুশ (আই.এম.আই.) ৪.০ হৌদোকপগী থৌরম অমদা হকশেল অমসুং য়াইফ য়ুম্বালগী কেন্দ্র মন্ত্রী দা. মনসুখ মন্দাবিয়ানা “ভারতনা মালেম শিনবা থুংবগী ওইনা খ্বাইদগী চাউবা ইম্ম্যুনাইজেসন প্রোগ্রাম ইমপ্লিমেন্ত তৌরি, মসিদা ঐখোয়না চহিগী ওইনা মীরোনবী নুপী করোর ৩ অমসুং অঙাং করোর ২.৬ হেন্না য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.)গী খুত্থাংদা কবর তৌরি” হায়না ফোঙদোকখি। অসামগী হকশেল মন্ত্রী, শ্রী কেশব মহন্তা অমসুং গুজরাতকী হকশেল মন্ত্রী, শ্তী রুশিকেশ পতেলনা ভর্চুএল ওইনা শরুক য়াখি।

ইন্তেন্সিফাইদ মিসন ইন্দ্রধনুশ ৪.০গী রাউন্দ অহুম লৈগনি অমসুং মসি লৈবাক অসিগী রাজ্য/য়ু.তি. ৩৩গী জিলা ৪১৬তা (আজাদী কা অমৃত মহোৎসবকী মশক খঙদোক্লবা জিলা ৭৫ য়াওনা) পাঙথোক্কনি। অহানবগী রাউন্দদা (ফেব্রুৱারী-এপ্রিল ২০২২) রাজ্য ১১দা আই.এম.আই. ৪.০ পাঙথোক্কনি। হায়রিবশিং অসি অসাম. উত্তরাখন্দ, উজরাত, জম্মু অমসুং কাশ্মির, মেঘালয়, মিজোরাম, নাগালেন্দ, রাজস্থান, সিক্কিম, ত্রিপুরা অমসুং ছত্তিসগরনি। অতোপ্পশিং (রাজ্য ২২) অসিনা এপ্রিলদগী মে ২০২২ ফাওবগী রাউন্দশিংদা পাঙথোক্কনি। রাজ্য/য়ু.তি.শিং অসিদা হিমাচল প্রদেশ, মহারাস্ত্র, অন্ধ্র প্রদেশ, মনিপুর, অরুনাচল প্রদেশ, ওরিশা, বিহার, পুদুচেরী, দিল্লী, পঞ্জাব, গোৱা, তামিল নাদু, হরিয়ানা, তেলঙ্গনা, ঝার্খন্দ, দদ্রা অমসুং নগর হবেলি অমসুং দমন এন্দ দিয়ু, কর্নাতকা, উত্তরপ্রদেশ, কেরলা, ৱেস্ত বেঙ্গল, মধ্য প্রদেশ, এ এন্দ এন ঈথৎশিং য়াওরি।

থৌরম অদুদা কেন্দ্রগী হকশেল মন্ত্রীনা লমিৎ-তুমিৎ খুদোংচাদবা মফম অমসুং নোংজু-নুংশা খাইদনা মনুং হঞ্জিনবা মফমশিংদা লৈরিবা খুঙ্গা অমদি য়ুমথোংশিং তীকা কাপথোক্নবা থৌনা ফনা হোৎনখিবা ফ্রন্তলাইন বেক্সিনেতরশিংগী থৌদাং অমদি কত্থোকখিবা অদুবু থাগৎখি। “হেল্থ কিয়র ৱর্করশিংনা লৈবাক অসিদা অচৌবা সর্ভিস অমা পীরি। মখোয়গী কত্থোকপগী মতৌ অসি ঐঙোন্দা অমদি অতোপ্পশোংদা লৈবাক শেমগৎপদা শরুক তম্নবা ইথিল অমা ওইরি”, হায়না মহাক্না মখা তাখি।

দা. মন্দাবিয়ানা ঐখোয়গী খোঙথাংশিং অসি অনৌবা নেস্নেল ফেমিলী হেল্থ সর্ভেদা মমি তারি অমসুং মসিনা কবরেজ হেনগৎলে হায়না তাক্লিবা অসিদা অপেনবা পোকই হায়না ফোঙদোকখ্রে। “ভেক্সিনশিং অসি পোকপদা ঙাইরিবা অঙাংশিং, অঙাংশিং অমসং মীরোনবী নুপীশিংবু লাইনাশিং অমসুং মোর্তেলিতীদগী ঙাকথোক্নবা খ্বাইদগী ইফেক্তিব ওইবা, শেল চংদবা অমসুং শাফবা পাম্বৈশিংগী মনুংদা অমনি। মপুং ফাবা ইম্ম্যুনাইজেসন কবরেজ অসি হেনগৎনবা পান্দমগা লোয়ননা ইকাই খুম্নরবা প্রধান মন্ত্রীনা ২০১৪গী দিসেম্বরদা লো ইম্ম্যুনাইজেসন কবরেজকী মখাদা লৈরিবা পার্সিএল ওইনা অমসুং ভেক্সিনেসন তৌদ্রিবা মীরোনবী নুপীশিং অমসুং অঙাংশিংবু কবর তৌনবা, হাই-রিস্ক অমসুং হর্দ-তু-রীচ ওইবা মফমশিং য়ৌশিন্নবা অমসুং মখোয় পুম্নমকপু ভেক্সিন্না ঙাকথোকপা য়াবা লাইনাশিংদগী ঙাকথোক্নবা মিসন ইন্দ্রধনুশ লোঞ্চ তৌখি”, হায়না মহাক্না ফোঙদোকখি। মিসন ইন্দ্রধনুশকী মখাদা, য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.)গী মখাদা ভেক্সিন পুম্নমক অসি নেস্নেল ইম্ম্যুনাইজেসন সেদ্যুল্দগী মতুং ইন্না ফংহল্লি। মিসন ইন্দ্রধনুশ অসি গ্রাম স্বারাজ অভিয়ান (জিলা ৫৪১গী খুঙ্গং ১৬,৮০) অমসুং এক্সতেন্দেদ গ্রাম স্বারাজ অভিয়ান (এস্পিরেস্নেল দিস্ত্রিক্ত ১১২গী খুঙ্গং ৪৮,৯২৯)গী মখাদা লৈরিবা ফ্লেগশিপ স্কিমশিংগী মনুংদা অমা ওইনসু মশক খঙখি।

দা. মন্দাবিয়ানা কোবিদ লাইচৎনা মরম ওইরগা রুতিন ইম্ম্যুনাইজেসনগী খোঙজেল অসি তপথহনখি, মসিগী অহোবশিং অসি মেনশিন্নবদা অমসুং য়ুনিভর্সেল ইম্ম্যুনাইজেসন তৌনবগী মাইকৈদা তুং কোইনা কান্নবশিং ফংহন্নবদা আই.এম.আই. ৪.০না চাউনা শরুক তম্লগনি। মসিনা রুতিন ইম্ম্যুনাইজেসন (আর.আই.) সর্ভিসশিং অসি ভেক্সিন কাপত্রিবা অমসুং পার্সিএল ওইনা ভেক্সিন কাপ্লবা অঙাংশিং অমসুং মীরোনবী নু্পীশিং য়ৌশিনবা ঙম্লগনি হায়না মহাক্না মখা তাখি।

পব্লিক হেল্থতা ভেক্সিনশিংগী মরু ওইবা থৌদাং অসি পল্লদুনা কেন্দ্রগী মন্ত্রীনা লৈবাক শিনবা থুংনা কোবিদ১৯ ভেক্সিনেসন দ্রাইবমা মাইপাকপশিং অসি পল্লদুনা মসিগী মখাদা কাপখিবা অসি হৌজিক ফাওবদা কোবিদ ভেক্সিন দোজ করোর ১৭০রোম ওইখি হায়না ফোঙদোকখি। ভারতকী মাইপাকপা অসি মালেম শিনবা শকখঙখি অমসুং থাগৎনখি হায়না মহাক্না মখা তাখি। মহাক্না লৈবাক অসিদা য়ুনিভর্সেল ইম্ম্যূনাইজেসনগী পান্দম ফংবা ঙম্নবা ‘সবকা প্রয়াস’ অমসুং ‘জন লোক ভাগীদারি’গী মথৌ তাবা অদু থমখি। “কেন্দ্র অমসুং রাজ্যশিং অমদি বেনিফিসরীশিংনা অমত্তা ওইনা অমসুং চুংশিন্নবা খোঙথাংশিং খক্তনা ঐখোনা লৈবাক অসিদা মপুং ফাবা ইম্ম্যুনাইজেসন কবরেজ তৌনবগী তার্গেৎ ফংবা ঙমগনি”, হায়না মহাক্না ফোঙদোকখি। মহাক্না রাজ্যশিংদা তোঙান-তোঙানবা থাকশিংদা, দিস্ত্রিক্ত এদমিনিস্ত্রেসন, পঞ্চায়ৎশিং অমসুং অর্বান লোকেল বোদীশিংগা হোলিস্তিক ওইনা থবক তৌনবা হায়খি।

কেন্দ্রগী হকশেল মন্ত্রীনা ভর্চুএল ওইনা আই.এম.আই. ৪.০ পোর্তেল লোঞ্চ তৌখি অমসুং “ওপরেস্নেল গাইদলাইন্স ফোর আই.এম.আই. ৪.০”, “স্ত্রেন্থনিং ইম্ম্যুনাইজেসন ইন অর্বান এরিয়াস-এ ফ্রেমৱর্ক ফোর এক্সন” অমসুং “মহিলা আরোগ্যা সমিতি ওন অর্বান ইম্ম্যুনাইজেসন”গী হেন্দবুক অমা অমসুং কেম্পেনগী শরুক ওইনা দিবেলপ তৌখিবা এৱের্নেসকী মচাক/আই.ই.সি. পেকেজ ফোঙখি।

ঙসি ফাওবদা লৈবাক শিনবা থুংবগী জিলা ৭০১ কবর তৌদুনা মিসন ইন্দ্রধনুশকী তাঙ্কক তরা মপুং ফানা লোইশিনখ্রে। এপ্রিল ২০২১ ফাওবদা মিসন ইন্দ্রধনুশকী তোঙান-তোঙানবা তাঙ্ককশিংদা পুন্না অঙাং করোর ৩.৮৬ অমসুং মীরোনবী নুপী লাখ ৯৬.৮ কাপখি। মিসন ইন্দ্রধনুশকী অহানবগী তাঙ্কক অনিনা চহি অমদা ফুল ইম্ম্যুনাইজেসন কবরেজ অসি ৬.৭% হেনগৎহনবা ঙমখি। ইন্তেন্সিফাইদ মিসন ইন্দ্রধনুশ (মিসন ইন্দ্রধনুশকী ৫শুবা তাঙ্কক) অসিদা জিলা ১৯০ কবর তৌদুনা পাঙথোকখিবা সর্ভে (আই.এম.আই-সি.ই.এস.) অসিনা এন.এফ.ঐচ.এস-৪গা চাংদম্নবা মতমদা ফুল ইম্ম্যুনাইজেসন কবরেজ অসিদা পোইন্ত ১৮.৫% হেনগৎখি হায়না উৎখ্রে। মতম মতমগী ওইনা পাঙথোকোআ রুতিন ইম্ম্যুনাইজেসন অমসুং ইম্ম্যুনাইজেসন ইন্তেন্সিফিকেসন দ্রাইবশি মপাঙ্গল কনখৎহন্নবগীদমক চহি খরা অসিদা লেপ্পা লৈতনা হোৎনখিবশিং অসিনা মরম ওইরগা ইম্ম্যুনাইজেসন কবরেজ অসি নেস্নেল ফেমিলী হেল্থ সর্ভে – ৪ (২০১৫-১৬)গা চাংদম্নবা মতমদা নেস্নেল ফেমিলী হেল্থ সর্ভে (২০১৯-২১)গী খ্বাইদগী নৌবা রিপোর্তশিংগী মতুং ইন্না চাউনা ফগৎলকপা উবা ফংখি হায়না উৎখি। থা ১২-২৩ ফাওবগী মনুংদা লৈবা অঙাংশিংগী ফুল ইম্ম্যুনাইজেসন কবরেজ অসি ৬২% (এন.এফ.ঐচ.এস.-৪) দগী ৭৬.৪% (এন.এফ.ঐচ.এস.-৫)দা হেনগৎলকখি।

কোবিদ-১৯ লাইচৎনা মরম ওইরগা লৈখিবা অহোবশিং অসি মেনশিন্নবা আই.এম.আই. ৪.০গী রাউন্দ অহুম থৌরাং তৌরি। মসিগী থবক থৌরমশিং অসি রাজ্য/য়ু.তি. ৩৩ পুম্বগী জিলা ৪১৬দা পাংথোক্কনি। মসিগী জিলাশিং অসি খ্বাইদগী নৌবা নেস্নেল হেল্থ ফেমিলী সর্ভে-৫ রিপোর্ত, হেল্থ মেনেজমেন্ত ইনফোর্মেসন সিস্তেম (ঐচ.এম.আই.এস.) দেতা অমসুং ভেক্সিন্না ঙাকথোকপা ঙম্বা লায়নাশিংগী অৱাবদা য়েংলগা ভেক্সিনেসন কভরেজদা য়ুম্ফম ওইরগা খাইদোকপনি। রাজ্যশিংনা থাগৎলকপা জিলাশিংসু য়াওহল্লি। হন্দক্তা নৌনা কোবিদ-১৯গী কেসশিং হেনগৎলকখিবা অসিগী য়েংলগা রাজ্যশিংদা ফেব্রুৱারী ২০২২ – এপ্রিল ২০২২ ফাওবা নত্ত্রগা মার্চতগী মে ২০২২ ফাওবা থবক থৌরমশিং অসি পাংথোক্নবা ফ্লেক্সিবিলিতী পীরি। অহানবা রাউন্দ অসি ফেব্রুৱারী ৭, ২০২২গী মমাংদগী হৌগনি, অনিশুবনা মার্চ ৭, ২০২২দগী হৌগনি অমসুং অহুমশুবা রাউন্দনা এপ্রিল ৪, ২০২২দগী হৌগনি। মমাংগা মান্নদনা রাউন্দ খুদিংমক আর.আই. নুমিৎশিং, নোংমাইজিংশিং অমসুং পব্লিক হোলিদেশিং য়াওনা নুমিৎ তরেৎনি পাংথোক্কনি। অদুম ওইনমক হন্দক্তা কোবিদ কেসশিং খংহেন হেনগৎলকখিবা অসিগী য়েংলগা রাজ্যশিংদা মার্চতগী মে ২০২২ ফাওবা দ্রাইবশিং পাংথোক্নবা ফ্লেক্সিবিলিতী পীখ্রে। রাজ্য ৩৩গী মনুংদা ১১দি ফেব্রুৱারী – এপ্রিল ২০২২ স্কেদ্যুলদগী হৌনবা থৌরাং তৌখ্রে।

শ্রী রাজেশ ভুশন, কেন্দ্রগী হেল্থ সেক্রেতরী, শ্রী ভিকাস শীল, এ.এস. অমসুং এম.দি., শ্রী লেব অগর্ৱাল, জোইন্ত সেক্রেতরী, দা. পি. অশোক বাবু, জোইন্ত সেক্রেতরী, দা. হরমীৎ সিংহ, জোইন্ত সেক্রেতরী, কেন্দ্রগী হকশেল অমসুং য়াইফ-য়ুম্বাল মন্ত্রালয় অমসুং মন্ত্রালয়গী মকোকথোংবা ওফিসিএলশিংনা থৌরম অসিদা শরুক য়াখি।

*****