ہاؤسنگ اور شہری امور کے وزیر جناب ہردیپ سنگھ پوری نے آج راجیہ سبھا میں ایک سوال کے تحریری جواب میں بتایا کہ  حکومت ہند نے 25 جون 2015 کو اسمارٹ سٹیز مشن (ایس سی ایم) شروع کیا تھا۔ جنوری 2016 سے جون 2018 تک مقابلے کے 4 دوروں کے ذریعے 100 اسمارٹ سٹیز شہروں کا انتخاب کیاگیا ہے۔ ایس سی ایم کے رہنما خطوط کے مطابق مرکزی حکومت 5 برسوں میں 48000 کروڑ روپئے کی حد تک مالی مدد فراہم کرے گی ، یعنی اوسطاً 100 کروڑ روپئے فی شہر فی سال۔مماثلت کی بنیاد پر اس کے برابر رقم ، ریاستی حکومت/ شہری مقامی ادارے (یو ایل بی) کے ذریعے فراہم کی جائے گی۔

مورخہ 21 جنوری 2022 تک ان اسمارٹ سٹیز نے 188507 کروڑ روپئے مالیت کے 6721 پروجیکٹوں کو ٹینڈر کیا ہے۔ 162908 کروڑ روپئے مالیت کے 6124 پروجیکٹوں کے لیے ورک آرڈر جاری کئے ہیں۔ 58735 کروڑ روپئے مالیت کے 3421 پروجیکٹ مکمل کرلئے گئے ہیں۔21 جنوری 2022 تک حکومت ہند نے 100 اسمارٹ شہروں کے لیے 28413.60 کروڑ روپئے جاری کئے ہیں جن میں سے 23668.27 کروڑ روپئے (83 فیصد) استعمال کئے جاچکے ہیں۔ فی الحال ایس سی ایم کے تحت حکومت کے پاس مزید شہروں کو شامل کرنے کی کوئی تجویز زیر غور نہیں ہے۔

۔۔۔۔۔۔۔۔۔۔۔

ش ح۔ا ع۔ر ا۔

U-1247