এস.ই.জেদ.শিংগী কস্তমস এদমিনিস্ত্রেসন অসি মপুং ফানা আই.তি দ্রিবন ওইহন্নবা ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা লাওথোকখি৷ রিস্কতা য়ুম্ফম ওইনা য়েংশিনবগা লোয়ননা কান্নবা হেন্না পীবদা মিৎয়েং চংদুনা কস্তমস নেস্নেল পোর্তেলনা মথৌ তৌরগনি হায়নসু মহাক্না ফোংদোকখি৷

কেপিতেল গুদস অমদি প্রোজেক্ত ইম্পোর্তশিং

কেপিতেল গুদশিং অমসুং প্রোজেক্ত ইমপোর্ত্তগী কন্সেস্নেল রেত তপ্না তপ্না লৌথোকপা অমসুং ৭.৫%কী চৎনবা য়াবা তারিফ চৎহন্নবা সরকারনা ৱাহৌদোক থম্লি হায়না মন্ত্রী অসনা লাওথোকখি। লৈবাক অসিদা পুথোক্তবা থাক ৱাংবা মেছিনরী খরগী অখন্নবা একজেম্পসন খরদি অদুমক মখা চত্থখিগনি হায়না মহাক্না ক্লেরিফাই তৌখি৷ মখাতানা, স্পেসিএলাইজ কাস্তিং, বোল স্ক্রু অমসুং লিনিয়র মোসন গাইদকুম্বা ইপুৎশিংদা সরকার অসিনা একজেম্পসন খরা হৌদোক্লগনি অমদি মসিগী পান্দমদি কেপিতেল গুদসিংবু লৈবাক মনুংদা পুথোকপগী পুক্নিং থৌগৎপনি হায়না মহাক্না লাওথোকখি।

“ঐখোয়না থেংনরকখিবশিংনা লৈবাক্কী ইন্দস্ত্রী অমসুং ‘মেক ইন ইন্দিয়া’না চাউখৎপদা চৎনবা য়াবা তারিফকী তঙাই ফদবা লৈ অমসুং মসিনা তঙাইফদবা হীরম ইম্পোর্ত তৌবগী মমলদসু থোইদোক্না অকায়বা পীদে হায়বা তাক্লে” অমদি তোঙান তোঙানবা সেক্তরশিং খুদম ওইনা পৱার, হরশিং, তেক্সতাইলশিং অমদি অতৌ অতোপ্পশিংগী লৈরিবা কেপিতেল গুদসতা পীখিবা তোঙান তোঙানবা একজেম্পসন অদুনা দোমেস্তিক কেপিতেল গুদস ইন্দস্ত্রী চাওখৎহনবদা থিন্থহল্লে হায়না ফোংদোকখি৷ মতৌ অসিগুম্না, প্রোজেক্ত ইম্পোর্ত দ্যুতী কন্সেসন্না কোয়লা মাইন তৌবগী প্রোজেক্ত অমদি অতৈ অতোপ্পশিংগী অখন্নবা এরিয়াশিংদা লোকেল প্রদ্যুসরনা মান্নবা খুদোংচাবা ফংবগী থৌওংদা অকায়বা পীখি হায়না মহাক্না ফোংদোকখি।

কস্তম একজেম্পসনশিং অমসুং তারিফ লাইথোকহনববু য়েংশিনবা

ক্রাউদ সোর্সিং য়াওনা পাক শন্না তাথোক তাশিন তৌরদুনা সরকার অসিনা একজেম্পসন এন্ত্রী ৩৫০ হেনববু তপ্না তপ্না চৎনহনখিদনবা হৌদোরকখ্রবা মতুংদা, সরকার অসিনা কস্তম একজেম্পসন কয়াবু রেস্নেলাইজ তৌখ্রে হায়না শ্রীমতি নির্মলা সিতারামননা ফোংদোকখি৷ মসিগী মনুংদা অখন্নবা এগ্রীকল্চরেল প্রদ্যুস, কেমিকেল ফেব্রিকশিং, মেদিকেল দিবাইসশিং, দ্রুগশিং অমদি অতৈ অতোপ্পশিংদা একজেম্পসন তৌবা য়াওরি৷মখাতানা, লাইথোকহনবগী থৌওং অমা ওইনা, কন্সেস্নেল রেৎ কয়া অমবু তোঙানবা নোতিফিকেসনগী খুত্থাংদা হায়বগী মহুত্তা কস্তম তারিফ সেদ্যুল মশামক্তা হাপচিল্লি হায়না মহাক্না ফোংদোকখি।  মসিগী পাক শন্না য়েংশিনবা অসিনা কস্তম রেত অমসুং তারিফ স্ত্রকচরবু লাইথোকহনগনি, মরু ওইনা কেমিকেল, তেক্সতাইল অমসুং মেতালগী অমসুং চয়েৎনবা থোকপশিংবু হন্থহনগনি। ভারত্তা শাবা অমসুং শাবা য়াবা পোৎলমশিংদগী একজেম্পসন লৌথোকপা অমসুং অসিগুম্বা পোত্থোক অসি শাবদা চঙবা রো মেতরিএলশিংদা কন্সেস্নেল দ্যুতী লৈহনবনা ‘মেক ইন ইন্দিয়া’ অমসুং আত্মানির্ভর ভারতকীদমক্তা ঐখোয়না থম্লিবা পান্দম অসি ফংহনবদা য়াম্না তেংবাংগনি হায়না মখাতাখি।

কস্তমস রিফোর্মনা দোমেস্তিক কেপ্সিতী ক্রীএসনগী মাইকৈদা ঐখোয়গী এম.এস.এম.ই.শিংদা চাংদম্নবগী থাক মান্নবা তাঞ্জা পীদুনা, রো মেতরিএল সপ্লাই সাইদকী শিংনবা কয়া লৌথোক্তুনা, কারবার তৌবদা হেন্না নুংঙাইহন্দুনা অমসুং পি.এল.আই. অমসুং ফেজ মেন্যুফেকচরিং প্লানগুম্বা পোলিসীগী খোঙথাং কয়া পায়খৎপা য়াহনবগী থবক কয়া পায়খৎখি হায়না মন্ত্রী অসিনা পনখি। হায়রিবা ওবজেক্তিব সেক্তর অসিগা মরী লৈননা অখন্নবা প্রোপোজেলশিং মখাদা লৈরে:

ইলেক্ত্রোনিকশিং

কস্তম দ্যুতী রেতশিং অসিবু ৱিয়ারেবল দিভাইস, তাবা য়াবা খুৎলায় অমসুং ইলেক্ত্রোনিক স্মার্ত মীতরবু লৈবাক মনুংদা লাইনা শাবা য়াহন্নবা, থাক খায়রবা রেতকী স্ত্রকচর  অমা পীনবা কস্তমস দ্যুতী রেৎশিং কেলিব্রেত তৌরগনি হায়না শ্রীমতি সিতারামননা লাওথোকখি৷ মোবাইল ফোনগী ত্রান্সফোর্মরগী মচাক খরা অমসুং মোবাইল কেমেরা মোদ্যুলগী কেমেরা লেন্স অমসুং অতোপ্পা অখন্নবা পোৎলম খরদসু দ্যুতী কন্সেসন পীরি হায়না মহাক্না লাওথোকখি৷

মনি-মুক্তা অমসুং লিক-কোন(জেমস অমসুং জ্বেল্লরী)

জেমস অমসুং জ্বেল্লরী সেক্তরবু ইনোৎ পীনবগীদমক্তা, কত অমসুং পোলিশ তৌরবা দাইমন্দ অমদি জেমস্তোনশিংদা থম্বা কস্তম দ্যুতীবু ৫%তা হন্থহল্লি অমদি সিমপ্লী সোন দাইমন্দবুনা চাদা জিরোদা হন্থহল্লি হায়না মন্ত্রী অসিনা ফোংদোকখি৷ ই-কম্মর্সকী খুৎথাংদা জ্বেল্লরী লাইনা এক্সপোর্ত তৌবা য়ানবা লাইথোকহল্লবা রিগুলেতরী ফ্রেমৱার্ক অমা ২০২২গী জুন ফাওগী মনুংদা চৎনরগনি হায়নসু মহাক্না ফোংদোকখি৷ মখাদতাবা ওইনা, অন্দরভেল্যু ইমিতেসন জ্বেল্লরী পুশিল্লকপা অসি দিসইন্সেন্তিভাইস তৌনবা, সরকার অসিনা ইমিতেসন জ্বেল্লরীদা কে.জি. অমদা য়ামদ্রবদা লুপা ৪০০ কস্তম দ্যুতী থম্নবা ৱাহৌদোক থম্লি৷

কেমিকেলশিং

দোমেস্তিক ভেল্যু এদিসন অসি হেনগৎনবা, মেথানোল, এসেতিক এসিদ অমসুং পেত্রোলিয়ম রিফাইনিংগী হেভী ফীদ স্তোকশিংগী কস্তম দ্যুতীশিং হন্থহন্নবা, অদুগা লৈবাক অসিদা পুথোকপা ঙম্বা সোদিয়ম সাইনাইদকী ওইনদি কস্তম দ্যুতী হেনগৎহন্নবা সরকার অসিনা ৱাহৌদোক থম্লি৷

এক্সপোর্তশিং

হেন্দিক্রাফ, তেক্সতাইল অমসুং লেদর গার্মেন্ত, লেদর ফুতৱিয়র অমসুং অতোপ্পা পোত্থোকশিংগী বোনাফাইদ এক্সপোর্তরশিংনা মথৌ তাগদবা এক্সপোর্তপু ইন্সেন্তিভাইজ তৌনবগীদমক্তা ইম্বেলিশমেন্ত, ত্রিম্মিং, ফাস্তনর, বত্তন্স, জিপ্পর, লাইনিং মেতরিএল, অখন্নবা লেদর, ফর্নিচর ফিত্তিংস অমসুং পেকেজিং বোক্সকুম্বা পোৎলমশিংদা এক্সপোর্ত ইন্সেন্তিভাইজ তৌনবা একজেম্পসন পীরি হায়না মন্ত্রী অসিনা ফোংদোকখি।  শ্রিম্প এক্বাকলচরগী তঙাই ফদবা অখন্নবা ইম্পুৎ খরগী দ্যুতী অসি  এক্সপোর্ত খুমাং চাউশিলহন্নবা হন্থহল্লি হায়না মহাক্না মখাতাখি।

ফ্যুল ব্লেন্দিং তৌবা

ফ্যুল ব্লেন্দিং তৌবা হায়বসি সরকার অসিগী প্রাইয়োরিতী অমনি হায়না শ্রীমতি সিতারামননা ফোংদোকখি৷ ফ্যুল ব্লেন্দিং তৌবা অসি য়োকখৎনবা, সরকার অসিনা ২০২২গী ওক্তোবর ১দগী হৌদুনা ব্লেন্দেদ তৌদবা ফ্যুলদা অহেনবা দিফরেন্সিয়েল এক্সাইস চার্জ ওইনা লিতর অমদা লুপা ২ লৌনবা ৱাহৌদোক থম্লি৷

জি.এস.তি.দা চাওখৎলকপা

“জি.এস.তি. অসি কোওপরেতিব ফেদেরেলিজমগী ইথিল তাকপা মনীং তম্বা ভারতকী খ্বাইদগী মশক থোকপা রিফোর্ম অমা ওইরি”হায়বসি উরদুনা জি.এস.তি কাউন্সিলগী লমজিং-লমতাক অমদি মীৎয়েং মখাদা, শিংনবশিং অসি নিংথিনা কুপ্না অমদি ৱানা থেংনখি হায়না শ্রীমতি সিতারামননা ফোংদোকখি৷ তেংবাংবা অমসুং চৎনহনবগী খল ঙাক্না চৎপনা ঐখোয়না কাঙলোন ইনবগী পথাপ ফগৎহল্লে। লাইচৎ লৈজরবসু জি.এস.তি. রেভেন্যু নীংথিনা লাক্লি। অসিগুম্বা শাহৌ অসিগীদমক্তা তেক্সপেয়রশিংবু থাগৎফম থোকই হায়না মহাক্না মখাতাখি৷ মখাতানা, লাইনা-লাইচৎ অসি লৈজরবসু জি.এস.তি. নিংথিনা লাক্লি হায়না মন্ত্রী অসিনা পনখি অমদি ভারতপু মার্কেত অমা তেক্স অমা হায়বগী মঙলানবু মঙফাওনহল্লিবা আই.তি.না মপুং ফানা চলায়বা অমসুং চাউখৎপগী মাইকৈদা চঙশিনবা জি.এস.তি. রেজিমদা ভারত মচাশিংনা  চাউথোকচবা য়াই। লাক্কদৌরিবা চহিশিংদা লৈহৌরিবা চেলেঞ্জশিং অসি থেংনবা ঙম্নবা সরকার অসিনা অশা থম্লি হায়না মহাক্না অচেৎপা অমগা লোইননা ফোংদোকখি৷

কোবিদ-১৯ লাইনা-লাইচৎ অসিগী মাইয়োক্তা কস্তমস ফোর্মেসন পুম্নমক্না মখোয়গী থোইদোক-হেন্দোক্লবা ফ্রন্তলাইন ৱার্ক অদুগীদমক শ্রীমতি সিতারামননা থাগৎপা ফোংদোকখি অমদি লিবরেলাইজ প্রোসিদ্যোরশিংগী খুৎথাংদা অমসুং তেক্নোলোজী ইনফ্যুজন তৌদুনা কস্তমস এদমিনিস্ত্রেসননা মশামকপু “রিইনবেন্ত” তৌখ্রে  অমদি “ফেজলেস কস্তমস মপুং ফানা শেমগৎখ্রে হায়না ফোংদোকখি৷

******