শেল-থুম মন্ত্রালয়

কো-ওপরেতিবশিংনা আল্তরনেত মিনিমম তেক্স অমদি সরচার্জ অসি মথংশিৎনা ১৫% অমসুং ৭%দা থিগদৌরি


তেক্স ইন্সেন্তিবশিংগীদমক ইলিজিবল ওইরবা স্তার্ত-অপশিং অমদি অনৌবা মেনুফেকচরিং এন্তাইতীশিংগী ইনকোর্পোরেসন মতম অসি চহি অমগা শাংদোক্লগনি

আই.এফ.এস. সি.বু হেন্না পুক্নিং চিংশিনহন্নবা অনৌবা তেক্স ইন্সেন্তিবশিং পীগদৌরি

ব্যুজিনেসশিংনা মখোয়গী শেন্দোংবু এজেন্তশিংদা পীবদা অদুগুম্বা কান্নবশিং অদুগী অপুনবা ভেল্যু অদু চহি অমদা লুপা ২০,০০০ হেল্লবদি তি.দি.এস. হন্থফম থোকই

এসেৎ পুম্নমক্তগী লাক্লিবা লোং-তর্ম কেপিতেল গেইনশিং অসি ১৫% সরচার্জ পীগদবনি

ইনকম অমসুং শেন্দোংগী মথক্তা লৈবা সরচার্জ নত্ত্রগা সেসপু ব্যুজিনেস এক্সপেন্দিচরনি হায়না খনবা য়ারোই

থীবা হুম্বা অমসুং সর্ভে ওপরেসন চত্থবা মতমদা তাকথোক্তবা ইনকম থেংনবদা তেক্স থিদনবা সেত ওফ থোকপা নত্ত্রগা অমাঙবনি হায়না নান্থোক্নবগী অয়াবা পীরোইগদবনি

Posted On: 01 FEB 2022 1:05PM by PIB Imphal

কোওপরেতিব সোসাইতী অমসুং কম্পেনীশিংগী মরক্তা মান্নবা চাংদম্নফম অমা লৈহন্নবগীদমক্তা, সরকার অসিনা  কোর্পোরেৎ সোসাইতীশিংগী ওইনা অলতর্নেত মিনিমম তেক্স থিবগী চাং অসি হৌজিক হৌজিক চাদা ১৮.৫ ওইরিবা অসিদগী চাদা ১৫দা হন্থহনবা ৱাহৌদোক থমখিবা অদু ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা লাওথোকখি৷ কোওপরেতিব সোসাইতীশিংগী সরচার্জ অসিসু কোতি ১ অমসুং ১০গী মরক্তা ইনকম লৈবশিংগীদমক্তা হৌজিক ওইরিবা ১২%দগী ৭%তা হন্থহন্নবা সরকার অসিনসু ৱাহৌদোক থম্লি হায়না মহাক্না মখাতাখি৷মসিনা খুঙ্গং অমসুং লৌমী খুন্নাইদগী অয়াম্বা ওইবা কোওপরেতিব সোসাইতী অমসুং মখোয়গী মেম্বরশিংগী ইনকম হেনগৎহনবদা তেংবাংগনি হায়না ফোংদোকখি৷।

স্তার্ত-অপশিংদা পীবা ইন্সেন্তিবশিং

স্তার্ত-অপশিং অসিনা ঐখোয়গী শেন্মিৎলোনগী দ্রাইবর ওইনা থোক্লকখ্রে হায়না পল্লদুনা, কোবিদ-১৯ লাইনা -লাইচৎকী মতমদা মখোয়বু মতেং পাংনবগীদমক্তা, মন্ত্রী অসিনা  স্তার্ত-অপশিংদা মখোয়না হেক শেমখিবগী চহি তরাগী মনুংদগী থংনবা  চহি ৩গী তেক্স ইন্সেন্তিব পীনবা ইলিজিবল ওইরবা স্তার্ত-অপ ইনকোর্পোরেসন তৌবগী মতম অসি চহি অমগা ২০২৩গী মার্চ ৩১ ফাওবা শাংদোক্নবা ৱাহৌদোক থমখি৷ অসিগুম্বা ইন্সেন্তিব অসি মমাংগী মতমদা ২০২২গী মার্চ ৩১গী মমাংদা লিংখৎখিবা ইলিজিবল ওইরবা স্তার্ত-অপশিংদা ফংহল্লমখি৷

নৌনা ইনকোর্পোরেত তৌখিবা মেন্যুফেকচরিং এন্তিতীশিংদা ইন্সেন্তিবশিং পীবা

লৈবাক্কী অখন্নবা কম্পেনীশিংগী মালেমগী থাক্কী কম্পিতিতিব ওইবা ব্যুজিনেস ইনভাইরনমেন্ত অমা শেম্নবা হোৎনরিবা অসিদা, ঐখোয়গী সরকারনা নৌনা ইনকোর্পোরেত তৌখিবা মেন্যুফেকচরিং এন্তিতীশিংগীদমক্তা তেক্সকী ১৫% হন্থবগী তেক্স রেজিম অমা হৌদোক্লি হায়না শ্রীমতি সিতারামননা ফোংদোকখিপোত্থোক পুথোকপা হৌবগী অরোইবা নুমিৎপু সেক্সন ১১৫ বি.এ.বি.গী মখাদা চহি অমা শাংদোক্নবা, হায়বদি মার্চ ৩১, ২০২৩দগী মার্চ ৩১, ২০২৪ ফাওবা শাংদোক্নবা সরকার অসিনা ৱাহৌদোক থম্লি৷

আই.এফ.এস.সি.দা ইন্সেন্তিবশিং পীবা

আই.এফ.এস.সি. খুমাং চাউশিলহনবা, মীরমদা লৈবা দিরাইবেতিব ইন্সত্রুমেন্ত অমদগী নন-রেসিদেন্ত অমদা লাকপা ইনকম, নত্ত্রগা মীরমগী বেঙ্কিং য়ুনিৎ অমনা থোকপা ওভর দি কাউন্তর দিরাইভেতিব, রোয়ালতীদগী লাকপা ইনকম অমসুং জহাজ শান্দোকপদগী লাকপা শেন্দোই অমসুং আই.এফ.এস.সি.গী পোর্তফোলিও মেনেজেমনেত তৌবদগী ফংবা ইনকমদা অখন্নবা হীরম খরগী মখাদা তেক্সতগী কোমথোক্নবা সরকার অসিনা ঐহাক্না ৱাহৌদোক থম্লি হায়না মন্ত্রী অসিনা ফোংদোকখি।

তি.দি.এস. প্রোভিজনশিং রেস্নেলাইজ তৌবা

কারবার খুমাং চাউশিলহনবগী থৌরাং অমা ওইনা, ব্যুজিনেসশিংনা মখোয়গী শেন্দোংবু এজেন্তশিংদা পীনবগী থৌওং পাংথোকপা উরি। অসিগুম্বা কান্নবশিং অসি এজেন্তকী মাইকৈদগী তেক্স থীফম থোকই, অসিগুম্বা ত্রাঞ্জেক্সন ত্রেক তৌনবগীদমক্তা, করিগুম্বা, মসিগুম্বা কান্নবগী ভেল্যুনা শেনবা চহিদুগী মনুংদা লুপা ২০,০০০ হেল্লগদি কান্নবা পীরিবা মীওই অসিদা তেক্স দিদক্সন পীনবা সরকার অসিনা ৱাহৌদোক থম্লি হায়না শ্রীমতি সিতারামননা ফোংদোকখি।

সরচার্জ রেস্নেলাইজেসন তৌবা

তোঙান-তোঙানবা ৱার্ক কন্ত্রেক্ত কয়াগী ওইনা কন্সোর্তিয়ম অমা শেমগদবনি হায়না তঙাই ফদনা পনবা তর্ম অমসুং কন্দিসন কয়া লৈরি হায়না শ্রীমতী সিতারামননা ফোংদোকখি। মসিগুম্বা মতমদা, মসিগুম্বা এ.ও.পি.গী ইনকমশিংনা ৩৭%কী সরচার্জ লৈবগী অৱাবা নংই অমসুং মসিনা ইনদিভিজুএল কম্পেনীগী সরচার্জতগী য়াম্না হেল্লি হায়না মহাক্না ফোংদোকখি। মরম অদুনা, অসিগুম্বা সর্চার্জপু ১৫%দগী হেলহন্দনবা মহাক্না ৱাহৌদোক থমখি।

মখাতানা, লিস্ত তৌরবা ইক্বিতী শেয়র, য়ুনিৎনচিংবগী লোং-তর্ম কেপিতেল গেইনশিং অসি য়াম্লবদা ১৫% সরচার্জ পীফম থোকই অমসুং অতোপ্পা লোং তর্ম কেপিতেল গেইনগী সরচার্জনা ৩৭% ফাওবা য়ৌবা য়াওই হায়না মহাক্না পনখি। এসেৎ মখল অমা হেক্তগী ত্রান্সফর তৌবদা লাকপা লোং তর্ম কেপিতেল গেইনগী সরচার্জতা ১৫%দগী হেলহন্দবগী ৱাহৌদোক সরকার অসিনা থম্লি। ৱাহৌদোক অসিনা “স্তার্ত-অপ খুন্নাইদা পুক্নিং থৌগৎকনি অমসুং মেন্যুফেকচরিং কম্পেনী অমসুং স্তার্ত-অপশিংদা তেক্স বেনেফিৎ পীবগী ঐহাক্কী ৱাহৌদোক অসিনা ঐখোয়না আত্মানির্ভর ভারতকীদমক্তা খোঙফম চেৎলিবা অসিবু অমুক্কা হেন্না শৌগৎকনি” মন্ত্রী অসিনা মখাতখি

হেল্থ অমদি এজুকেসন সেসতা ক্লেরিফিকেসন তৌবা

‘হেল্থ অমসুং এজুকেসন সেস’ হায়বসি সরকারনা পায়খৎপা য়াই য়ুম্বালগী অখন্নবা প্রোগ্রামশিংদা শেলগী তেংবাংনবগীদমক্তা তেক্সপেয়রশিংদা থম্বা অহেনবা সরচার্জ অমনি হায়না পল্লদুনা, মসিগুম্বা লেজিস্লেতিবকী অপাম্ববু অমুক হন্না নীংশিংনবগীদমক্তা, মন্ত্রী অসিনা ইনকম অমসুং শেন্দোংগী মথক্তা লৈবা সরচার্জ নত্ত্রগা সেস অমা হেক্তবু ব্যুজিনেস এক্সপেন্দিচরনি খন্দনবা শেংদোকপগী ৱাহৌদোক থমখি। ইনকম তেক্সতা সরচার্জ য়াওরিবনি অমদি “ব্যুজিনেস ইনকম হোৎপা মতমদা ইনকম তেক্সপু এক্সপেন্দিচরনি হায়না পাবা য়াদে” হায়না মহাক্না ফোংদোকখি৷

তেক্স হুরানবশিংগী মাইয়োক্তা চেকশিনৱা হায়বা/কিহনবা:

থীবা হুম্বা অমসুং সর্ভে ওপরেসন চত্থবা মতমদা অসিগুম্বা তাকথোক্তবা ইনকম থেংনবা মতমদা অসিগুম্বা সেত ওফ থোকপা নত্ত্রগা অমাঙবনি হায়না নান্থোকপা য়াহন্দবগী ৱাহৌদোক সরকার অসিনা থম্লক্লি হায়না শ্রীমতি সিতারামননা ফোংদোকখি৷ তোঙান-তোঙানবা থৌদোক কয়াদা, তাকথোক্তবা ইনকম নত্ত্রগা সেল্স লোৎশিনবা থেংনবা মতমদা তেক্স থীগদবশিংবু অমাঙবনি হায়না তাক্তুনা থীনদে হায়বসি খঙবা ঙমখ্রে হায়না মহাক্না পনখি৷ ৱাহৌদোক অসিনা অচুম্বা খঙদোকপা ঙমগনি অমদি তেক্স হুরানবশিংগী মাইয়োক্তা চেকশিনহনবা হেনগৎহনবা ঙমগনি হায়না মন্ত্রী অসিনা ফোংদোকখি৷

******



(Release ID: 1795877) Visitor Counter : 224