ব্লোকচেন অমদি অতোপ্পা তেক্নোলোজীশিং শিজিন্নদুনা রিজর্ব বেঙ্ক ওফ ইন্দিয়ানা ২০২২-২৩দগী হৌদুনা দিজিতেল রুপীবু ইসু তৌনবা  শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা ফোংদোকখি৷  ঙসি পার্লিয়ামেন্তদা ২০২২-২৩গী য়ুনিয়ন বজেৎ পুথোক্লদুনা সেন্ত্রেল বেঙ্ক দিজিতেল করেন্সী (সি.বি.দি.সি.) পুথোরকপা অসিনা দিজিতেল ইকোনোমীদা চাওনা কান্নবা অমা পীরগনি হায়না মহাক্না কুপথনা ফোংদোকখি৷ “দিজিতেল করেন্সীনা হেন্না ইফিসিয়েন্ত ওইবা অমদি হেন্না হোংবা করেন্সী মেনেজমেন্ত সিস্তেম অমা লৈহনবদা লমজিংলগনি”, হায়না মহাক্না ফোংদোকখি৷

লৈবাক অসিদা ক্রেদিৎ হেন্না ফংহন্নবা অমদি ইনভেস্তমেন্ত হেন্না থাদনবা তোঙান তোঙানবা অতোপ্পা ইনিসিয়েতিবশিং মহাক্না মখাতানা পুথোরককি৷

ইনফ্রাস্ত্রকচর স্তেতস

দেন্স চার্জিং ইনফ্রাস্ত্রকচর অমদি গ্রিদ-স্কেল বেত্তরী সিস্তেমশিং য়াওনা দাতা সেন্তরশিং অমদি ইনর্জী স্তোরেজ সিস্তেমশিং অসি ইনফ্রাস্ত্রকচরগী হার্মোনাইজ লিস্ততা য়াওহনগদবনি হায়না শ্রীমতি নির্মলা সিতারামননা পুথোরকখি৷ “মসিনা দিজিতেল ইনফ্রাস্ত্রকচর অমদি ক্লিন ইনর্জী স্তোরেজকীদমক ক্রেদিৎ লাইনা ফংহল্লগনি”, হায়না মহাক্না ফোংদোকখি৷

বেঞ্চর কেপিতেল অমদি প্রাইভেৎ ইক্বুইতী ইনভেস্তমেন্ত

বেঞ্চর কেপিতেল অমদি প্রাইভেৎ ইক্বুইতী ইনভেস্তমেন্ত হেনগৎহন্নবগী চুনবা খোংথাংশিং অসি য়েংশিন্নবা অমদি তাকপিনবা এক্সপর্ত কম্মিতী অমা শেমগৎনবা শেল-থুম মন্ত্রীনা হৌদোরকখি৷ হৌখিবা চহিদা বেঞ্চর কেপিতেল অমদি প্রাইভেৎ ইক্বুইতীনা লুপা কোতি লাখ ৫.৫. হেন্না শেল থাদদুনা খ্বাইদগী চাওবশিংগী মনুংদা অমা ওইরিবা স্তার্ত-অপ অমদি গ্রোথ ইকোসিস্তেম অসিবু হেন্না লাইথোকহল্লি হায়না মহাক্না পনখি৷ “ইনবেস্তমেন্ত হেনগৎহনবা হায়বা অসিদা রিগুলেতরী অমদি অতোপ্পা ফ্রিক্সনশিংগী হোলিস্তক এগজামিনেসন অমা দরকার ওই”, হায়না মহাক্না ফোংদোকখি৷

ব্লেন্দেদ ফাইনান্স

গভর্মেন্ত বেক ফন্দস এন.আই.আই.এফ. অমদি এস.আই.দি.বি.আই.ফন্দ ওফ ফন্দস অসি স্কেল কেপিতেল অমা ফংহন্দুনা মল্তিপ্লাইয়র ইফেক্ত অমা শেম্লি হায়না শ্রীমতি সিতারামননা ফোংদোকখি৷ ক্লাইমেত এক্সন, দীপ-তেখ, দিজিতেল ইকোনোমী, ফার্ম অমদি এগ্রী-তেখকুম্বা মরু ওইবা সনরাইস সেক্তরশিং অসি পুক্নিং থৌগৎনবগীদমক, সরকারগী সেয়র অসি চাদা ২০ অকক্নবা ওইবনা অমদি ফন্দশিং অসি প্রাইভেৎ ফন্দ মেনেজরশিংনা চলাইবনা ব্লেন্দেদ ফাইনান্সকী থিমেতিক ফন্দশিং অসি সরকার অসিনা প্রমোত তৌরগনি হায়না মহাক্না ফোংদোকখি৷

ইনফ্রাস্ত্রকচর প্রোজেক্তশিংগী ফাইনান্সিয়েল বাইয়েবিলিতী

ইন্দস্ত্রীগী তঙাই ফদবা অৱাৎপশিং অসিদা শেল-থুম থাদনবগীদমক, মল্তি-লেতরেল এজেন্সীশিংদগী তেক্নিকেল অমদি নোলেজকী ওইবা মতেং লৌদুনা পি.পি.পি. য়াওনা প্রোজেক্তশিংগী ফাইনান্সিয়েল বাইয়েবিলিতী হেনগৎহন্নবা খোংথাংশিং লৌখৎলগনি হায়না শেল-থুম মন্ত্রীনা ফোংদোকখি৷ মালেমগী ওইনা খ্বাইদগী ফবা প্রেক্তিসশিং, ফাইনান্সিংগী ইন্নোবেতিব ৱেজশিং শিজিন্নদুনা অমদি রিস্ক এলোকেসন বেলেন্সতা থমদুনা ফাইনান্সিয়েল বাইয়েবিলিতী ফগৎহনবা ঙমগনি হায়না মহাক্না মখাতাখি৷ “পব্লিক ইনবেস্তমেন্ত হেনগৎলক্লিবা অসি মরু ওইবা স্কেল অমদা প্রাইভেৎ কেপিতেলনা মপুং ফাহনবা দরকার ওইরগনি”,হায়না মহাক্না ফোংদোকখি৷

******