ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা স্কিলিং এভেন্যুশিং, সস্তেনেবিলিতী অমদি এমপ্লোইয়েবিলিতী লেপ্প-লৈতনা প্রমোত তৌনবা ইন্দস্ত্রীগা লোইননা স্কিলিং প্রোগ্রামশিং অমদি পার্তনরশিপ অমুক হন্না শেম্লগনি হায়না ফাইনান্স অমদি কোর্পোরেৎ এফিয়র্সকী কেন্দ্র মন্ত্রী, শ্রী নির্মলা সিথারমননা অসুম্না লাওথোকখি ৷ দাইনামিক ইন্দস্ত্রীগী তঙাই ফদবশিং অসিগা লোইননা নেস্নেল স্কিল ক্বালিফিকেসন ফ্রেমৱার্ক(এন.এস.ক্বু.এফ.) শেম্লগনি৷

দিজিতেল ইকোসিস্তেম ফোর স্কিলিং এন্দ লিবলিহুদ-দি দেশ-স্তেক ইপোর্তেল-লোঞ্চ তৌরগনি৷ ওনলাইন ত্রেনিংগী খুৎথাংদা পোর্তেল অসিনা  প্রজাবু স্কিল হৈহন্নবা, রিস্কিল নত্রগা অপস্কিল তৌনবা মীৎয়েং থম্লি৷ মসিনা মরী লৈনবা থবকশিং অমদি ওল্তরপ্রিন্যুরিএলগী খুদোংচাবশিং ফংহন্নবা পেমেন্ত অমসুং দিস্কোভরী লয়রশিং, এ.পি.আই.-বেজ ত্রস্তেদ স্কিল ক্রেদেন্সিয়েলশিংসু ফংহল্লগনি৷

তোঙান তোঙানবা এপ্লিকেসনশিংগী খুৎথাংদা ‘দ্রোন শক্তি’বু লাইথোকহন্নবা অমদি দ্রোন-এস-এ-সর্ভিস(দি.আর.এ.এ.এস.)কীদমক স্তার্তঅপশিং প্রমোত তৌরগনি হায়না ফাইনান্স মন্ত্রীনা লাওথোকখি৷ রাজ্য পুম্নমক্তা লৈরিবা খনগৎলবা আই.তি.আই.শিংদা, স্কিলিংগী দরকার ওইরিবা কোর্সশিং হৌরগনি৷

মহৈরোইশিংগী থোংজিলদা পর্সোনেলাইস লর্নিং এক্সপরিয়েন্সকা লোইননা লৈবাক অসিদা লৈরিবা মহৈরোইশিংদা  ৱার্ল্দ-ক্লাস ক্বালিতী য়ুনিভর্সেল এজুকেসন পীনবগীদমক দিজিতেল য়ুনিভর্সিতী অমা শেমগৎলগনি হায়না শ্রীমতি নির্মলা সিথারমননা লাওথোকখি৷ হায়রিবশিং অসি ভারতকী তোঙান তোঙানবা লোনশিং অমদি আই.সি.তি. ফোর্মেতশিংদা ফংহল্লগনি৷ য়ুনিভর্সিতী অসি হব বিল্দিং কত্তিং এজ আই.সি.তি. এক্সপর্তাইসকা লোইননা নেতৱার্ক হব-স্পোক মোদেল অমদা শেমগৎলগনি৷ হব-স্পোকশিংগী নেতৱার্ক অমা ওইনা লৈবাক অসিদা লৈরিবা খ্বাইদগী ফরবা পব্লিক য়ুনিভর্সিতীশিং অমদি ইন্সতিত্যুসনশিংনা কোলাবোরেত তৌরগনি৷

ক্বালিতী এজুকেসন য়ুনিভর্সেলাইজেসন তৌবা:

লাইনা-লাইচৎ অসিনা মরম ওইদুনা স্কুলশিং থোং লোনবনা, ঐখোয়গী অঙাংশিং মরু ওইনা খুঙ্গংদা লৈরিবা অঙাংশিং অমদি সেদ্যুল কাস্তশিং অমদি সেদ্যুল ত্রাইবশিং অমসুং অতোপ্পা শোন্থনা লৈরিবা সেক্সনশিংগী অঙাংশিংনা ফোর্মেল এজুকেসন অসিদগী চহি ২রোম মাংখ্রে হায়না শ্রীমতি নির্মলা সিথারমননা ফোংদোকখি৷ “হায়রিবশিং অসি অয়াম্বনা সরকারগী মহৈলোইশঙশিংদা তম্লিবা অঙাংশিংনি৷ এজুকেসন দেলিভরীগীদমক সপ্লিমেন্তরী তিচিং পীনবা অমদি রিসাইলেন্ত মেকানিজম অমা শেমগৎপগী তঙাই ফদবা লৈরিবা অদু ঐখোয়না মশক খঙই৷ হিরম অসিগীদমক পি.এম. ই-বিদ্যাগী ‘ক্লাস অমা-তি.ভি. চেনেল অমা’ হায়বা প্রোগ্রাম অদু তি.ভি. চেনেল ১২দগী চেনেল ২০০দা চাওথোক্লগনি৷ মসিনা ক্লাস ১-১২ ফাওবদা রিজনেল লেঙ্গুয়েজতা রাজ্য পুম্নমক্না সপ্লিমেন্তরী এজুকেসন পীবা ঙমহল্লগনি”, হায়না মহাক্না ফোংদোকখি৷

ভোকেস্নেল কোর্সশিংদা, মরু ওইবা ক্রিতিকেল থিঙ্কিং স্কিলশিং প্রমোত তৌনবা, ক্রেতিবিতীগীদমক স্পেস পীনবা, অফবা লর্নিং এনবাইরোনমেন্ত লৈহন্নবা, ২০২২-২৩দা সাইন্স অমসুং মেথমেতিক্সতা ভর্চুএল লেব ৭৫০ অমদি স্কিলিং ই-লেব ৭৫ শেমগৎলগনি হায়না ফাইনান্স মন্ত্রীনা মখাতাখি৷

ইন্তরনেত, মোবাইল ফোনশিং, দিজিতেল ওজাশিংগী খুৎথাংদা তি.ভি. অমসুং রেদিও য়াওনা দেলিভর তৌনবগীদমক লোন পুম্নমক্তা ক্বালিতী ৱাংবা ই-কন্তেন্ত শেমগৎলগনি৷

ওজাশিংবু থৌনা হাপ্নবা অমদি মখোয়দা দিজিতেল তুলশিং ইক্ব্যুইপ তৌনবা অমদি হেন্না ফবা লর্নিং আউতকমশিং লাকহন্নবা ওজাশিংনা ক্বালিতী ই-কন্তেন্ত শেমগৎনবগী কম্পিতিতিব মেকানিজম অমা লৈহল্লগনি৷

রাজ্যশিংদা পীরিবা আর্বান প্লানিং সপোর্ত:

আর্বান প্লান্নিং অমসুং দিজাইন্দা, ভারতকী অখন্নবা লৌশিং হেন্না লৈননবা অমসুং লম অসিদা সর্তিফাইদ ত্রেনিং পীনবা, হান্ননা লৈরবা একাদেমিক ইন্সতিত্যুসন মঙা ফাওবা মফম কয়াদা সেন্তর ওফ এক্সেলেন্স ওইনা শেমগৎলগনি হায়না শ্রীমতি নির্মলা সিথারমননা লাওথোকখি। সেন্তরশিং অসি অমমদা লুপা কোতি ২৫০গী ফন্দ পীরগনি। মসিগী মথক্তা, এ.আই.সি.তি.ই.না অতোপ্পা ইন্সতিত্যুসন্দাআর্বান প্লান্নিং কোর্সশিংগী সেলেবী, ক্বালিতী অমসুং এসেস হেন্না ফগৎনবা হোৎনবদা লমজিংলগনি।

গিফত-আই.এফ.এস.সি.:

ফাইনান্সিয়েল সর্ভিসশিং অমদি তেক্নোলোজীগীদমক হাই-এন্দ হ্যুমেন রিসোর্সশিং য়াম্না লাইনা ফংহন্নবা আই.এফ.এস.সি.এ.গী নত্তনা ফাইনান্সিয়েল মেনেজমেন্ত, ফিনতেখ, সাইন্স, তেক্নোলোজী, ইঞ্জিনিয়রিং অমদি দোমেস্তিক রিগুলেসনশিংদগী ফ্রী ওইরবা মেথমেতিক্সকী কোর্সশিং ৱার্ল্দ-ক্লাস ফোরেন্দ য়ুনিভর্সিতীশিং অমদি ইন্সতিত্যুসনশিংনা গিফত সিতীদা ফংহনবা য়ারগনি হায়না ফাইনান্স মন্ত্রীনা ফোংদোকখি৷

স্তার্ত-অপশিংগী ইন্সেন্তিবশিং:

স্তার্ত-অপশিং অসিনা ঐখোয়গী শেন্মিৎলোনগী দ্রাইবর ওইনা হৌজিক থোক্লক্লি। মমাংগী চহি খরসিদা, লৈবাক অসিনা স্তার্ত-অপশিংনা মায় পাকপগী চাং য়াম্না হেনগৎলকপা উরি। ৩১/৩/২০২২গী মমাংদা থোকখিবা মতিক চাবা স্তার্ত-অপশিংদা মখোয়না হেক শেমখিবগী চহি তরাগী মনুংদগী চহি ৩গী তেক্স ইন্সেন্তিব পীরি। হৌজিক্কী কোবিদকী লাইচৎ অসি য়েংলদুনা, মতিক চাবা স্তার্ত-অপশিংগী ইনকোর্পোরেত তৌবগী মতমবু চহি অমগা হেন্না শাংদোক্নবা ৱাফম অসি শ্রীমতি নির্মলা সিথারমননা পুথোরকখি, মসিনা হায়বদি, অসিগুম্বা তেক্স ইন্সেন্তিব পীনবগীদমক্তা ৩১/৩/২০২৩ ফাওবগী মতম পীবা হায়বনি৷

হেল্থ অমসুং এজুকেসন সেস’পু বিজিনেস এক্সপেন্দিচরনি হায়বগী মতাংদা শেংদোকপা:

বিজিনেস ইনকম হোৎপা মতমদা ইনকম তেক্সপু এক্সপেন্দিচরনি হায়না পাবা য়াদে হায়না শ্রীমতি নির্মলা সিথারমননা ফোংদোকখি। মসিদা তেক্সকা লোয়ননা সরচার্জসু য়াওরিবনি। ‘হেল্থ অমসুং এজুকেসন সেস’ হায়বসি সরকারনা পায়খৎপা য়াই য়ুম্বালগী অখন্নবা প্রোগ্রামশিংদা শেলগী তেংবাংনবগীদমক্তা তেক্সপেয়রশিংদা থম্বা অহেনবা সরচার্জ অমনি। অদুবু, কোর্ত খরনদি ‘হেল্থ অমসুং এজুকেসন সেস’ অসিবু বিজিনেস এক্সপেন্দিচরনি হায়না অয়াবা পী অমসুং মসি লেজিস্লেতিবকী অপাম্বগী ৱাংমদনি। মসিগুম্বা লেজিস্লেতিবকী অপাম্ববু অমুক হন্না নীংশিংনবগীদমক্তা, ঐহাক্না ইনকম অমসুং শেন্দোংগী মথক্তা লৈবা সরচার্জ নত্ত্রগা সেস অমা হেক্তবু বিজিনেস এক্সপেন্দিচরনি খন্দনবা শেংদোকপগী ৱাহৌদোক ফাইনান্স মন্ত্রীনা থমখি।

*****