ఈ రోజు పార్లమెంట్‌లో కేంద్ర ఆర్థిక & కార్పొరేట్ వ్యవహారాల మంత్రి శ్రీమతి నిర్మలా సీతారామన్ 2022-23 కేంద్ర బడ్జెట్‌ను సమర్పిస్తున్నప్పుడు నైపుణ్యం కార్యక్రమాలు మరియు పరిశ్రమతో భాగస్వామ్యం నిరంతర నైపుణ్యం, స్థిరత్వం మరియు ఉపాధిని ప్రోత్సహించడానికి పునఃప్రారంభించబడుతుందని ప్రకటించారు. నేషనల్ స్కిల్ క్వాలిఫికేషన్ ఫ్రేమ్‌వర్క్ (ఎన్‌ఎస్‌క్యూఎఫ్‌) డైనమిక్ పరిశ్రమ అవసరాలకు అనుగుణంగా ఉంటుంది.

నైపుణ్యం మరియు జీవనోపాధి కోసం డిజిటల్ ఎకోసిస్టమ్-దేశ్-స్టాక్ ఈపోర్టల్ - ప్రారంభించబడుతుంది. ఈ పోర్టల్ ఆన్‌లైన్ శిక్షణ ద్వారా పౌరులకు నైపుణ్యం పెంచడం లక్ష్యంగా పెట్టుకుంది. ఇది సంబంధిత ఉద్యోగాలు మరియు వ్యవస్థాపక అవకాశాలను కనుగొనడానికి ఏపిఐ-ఆధారిత విశ్వసనీయ నైపుణ్య ఆధారాలు, చెల్లింపు మరియు ఆవిష్కరణ లేయర్‌లను కూడా అందిస్తుంది.

వివిధ అప్లికేషన్ల ద్వారా 'డ్రోన్ శక్తి'ని సులభతరం చేయడానికి మరియు డ్రోన్-యాస్-ఎ-సర్వీస్ (డిఆర్‌ఏఏఎస్) కోసం స్టార్టప్‌లను ప్రోత్సహించనున్నట్లు ఆర్థిక మంత్రి ప్రకటించారు. ఎంపిక చేసిన ఐటీఐలలో, అన్ని రాష్ట్రాల్లో, నైపుణ్యం కోసం అవసరమైన కోర్సులు ప్రారంభించబడతాయి.

దేశవ్యాప్తంగా ఉన్న విద్యార్థులకు వారి ఇంటి వద్దనే అభ్యాస అనుభవంతో ప్రపంచ స్థాయి నాణ్యమైన సార్వత్రిక విద్యను అందించడానికి డిజిటల్ విశ్వవిద్యాలయాన్ని ఏర్పాటు చేయనున్నట్లు శ్రీమతి నిర్మలా సీతారామన్ ప్రకటించారు. ఇది వివిధ భారతీయ భాషలు మరియు ఐసిటీ ఫార్మాట్లలో అందుబాటులో ఉంటుంది. విశ్వవిద్యాలయం నెట్‌వర్క్డ్ హబ్-స్పోక్ మోడల్‌లో నిర్మించబడుతుంది. హబ్ బిల్డింగ్ అత్యాధునిక ఐసీటీ నైపుణ్యంతో ఉంటుంది. దేశంలోని అత్యుత్తమ ప్రభుత్వ విశ్వవిద్యాలయాలు మరియు సంస్థలు హబ్-స్పోక్స్ నెట్‌వర్క్‌గా సహకరిస్తాయి.

నాణ్యమైన విద్య సార్వత్రికీకరణ:

మహమ్మారి నేపథ్యంలో పాఠశాలల మూసివేత కారణంగా ముఖ్యంగా గ్రామీణ ప్రాంతాల్లోని పిల్లలు మరియు షెడ్యూల్డ్ కులాలు మరియు షెడ్యూల్డ్ తెగలు మరియు ఇతర బలహీన వర్గాల వారు దాదాపు 2 సంవత్సరాల అధికారిక విద్యను కోల్పోయారని శ్రీమతి నిర్మలా సీతారామన్ అన్నారు. వీరిలో ఎక్కువ మంది ప్రభుత్వ పాఠశాలల్లో చదివే పిల్లలే. అనుబంధ బోధనను అందించాల్సిన అవసరాన్ని మేము గుర్తించాము మరియు విద్యను అందించడానికి ఒక స్థితిస్థాపక యంత్రాంగాన్ని నిర్మించాలని అభిప్రాయపడ్డారు. అందుకోసం పీఎం ఈ-విద్య యొక్క 'వన్ క్లాస్-వన్ టీవీ ఛానెల్' కార్యక్రమం ద్వారా 12 నుండి 200 టీవీ ఛానెల్‌లకు విస్తరించబడుతుంది. ఇది అన్ని రాష్ట్రాలు 1-12 తరగతులకు ప్రాంతీయ భాషలలో అనుబంధ విద్యను అందించడానికి వీలు కల్పిస్తుందని ఆమె చెప్పారు.
 

వృత్తి విద్యా కోర్సుల్లో కీలకమైన విమర్శనాత్మక ఆలోచనా నైపుణ్యాలను పెంపొందించడానికి సృజనాత్మకతకు అవకాశం ఇవ్వాలని, సైన్స్ మరియు గణితంలో 750 వర్చువల్ ల్యాబ్‌లు మరియు అనుకరణ అభ్యాస వాతావరణం కోసం 75 నైపుణ్యం కలిగిన ఈ-ల్యాబ్‌లను 2022-23లో ఏర్పాటు చేయనున్నట్లు ఆర్థిక మంత్రి తెలిపారు.

డిజిటల్ టీచర్స్ ద్వారా ఇంటర్నెట్, మొబైల్ ఫోన్‌లు, టీవీ మరియు రేడియో ద్వారా డెలివరీ చేయడానికి అన్ని మాట్లాడే భాషలలో అధిక-నాణ్యత ఈ-కంటెంట్ అభివృద్ధి చేయబడుతుంది.

ఉపాధ్యాయుల ద్వారా నాణ్యమైన ఇ-కంటెంట్‌ను అభివృద్ధి చేయడానికి ఒక పోటీతత్వ విధానం వారికి సాధికారత మరియు డిజిటల్ బోధనా సాధనాలతో సన్నద్ధం చేయడానికి మరియు మెరుగైన అభ్యాస ఫలితాలను సులభతరం చేయడానికి ఏర్పాటు చేయబడుతుంది.

రాష్ట్రాలకు పట్టణ ప్రణాళిక మద్దతు:
అర్బన్ ప్లానింగ్ మరియు డిజైన్‌లో భారతదేశానికి నిర్దిష్ట పరిజ్ఞానాన్ని పెంపొందించడానికి మరియు ఈ రంగాలలో ధృవీకరించబడిన శిక్షణను అందించడానికి, వివిధ ప్రాంతాలలో ఇప్పటికే ఉన్న ఐదు విద్యాసంస్థలను ఎక్సలెన్స్ కేంద్రాలుగా నియమించనున్నట్లు శ్రీమతి నిర్మలా సీతారామన్ ప్రకటించారు. ఈ కేంద్రాలకు ఒక్కొక్కదానికి రూ. 250 కోట్ల ఎండోమెంట్ నిధులు అందజేస్తారు. అదనంగా ఏఐసిటీఈ ఇతర సంస్థలలో పట్టణ ప్రణాళికా కోర్సుల యొక్క సిలబస్, నాణ్యత మరియు ప్రాప్యతను మెరుగుపరచడానికి నాయకత్వం వహిస్తుంది.

జిఐఎఫ్‌టి-ఐఎఫ్‌ఎస్‌సి:

ప్రపంచ స్థాయి విదేశీ విశ్వవిద్యాలయాలు మరియు సంస్థలు గిఫ్ట్‌ సిటీలో ఫైనాన్షియల్ మేనేజ్‌మెంట్, ఫిన్‌టెక్, సైన్స్, టెక్నాలజీ, ఇంజినీరింగ్ మరియు మ్యాథమెటిక్స్‌లో కోర్సులను అందించడానికి అనుమతించబడతాయని ఆర్థిక మంత్రి తెలిపారు. ఐఎఫ్‌ఎస్‌సిఏ ద్వారా కాకుండా అధిక-లభ్యతను సులభతరం చేయడానికి ఆర్థిక సేవలు మరియు సాంకేతికత కోసం మానవ వనరులను ఉపయోగిస్తారు.

స్టార్టప్‌లకు ప్రోత్సాహకాలు:

స్టార్టప్‌లు మన ఆర్థిక వ్యవస్థకు వృద్ధి చోదకాలుగా ఉద్భవించాయి. గత కొన్ని సంవత్సరాలుగా, దేశంలో విజయవంతమైన స్టార్టప్‌లు అనేక రెట్లు పెరిగాయి. 31.3.2022కి ముందు స్థాపించబడిన అర్హత కలిగిన స్టార్టప్‌లకు ఇన్‌కార్పొరేషన్ నుండి పదేళ్లలో వరుసగా మూడు సంవత్సరాల పాటు పన్ను ప్రోత్సాహకం అందించబడింది. కోవిడ్ మహమ్మారి దృష్ట్యా శ్రీమతి నిర్మలా సీతారామన్ అటువంటి పన్ను ప్రోత్సాహకాన్ని అందించడం కోసం అర్హత కలిగిన స్టార్ట్-అప్‌ల విలీన వ్యవధిని మరో ఏడాది పొడిగించాలని ప్రతిపాదించారు.

'ఆరోగ్యం మరియు విద్య సెస్‌కు సంబంధించి స్పష్టత

వ్యాపార వ్యయం:
వ్యాపార ఆదాయాన్ని లెక్కించేందుకు ఆదాయపు పన్ను అనుమతించదగిన ఖర్చు కాదని శ్రీమతి నిర్మలా సీతారామన్ అన్నారు. ఇందులో పన్నుతో పాటు సర్‌ఛార్జ్‌లు కూడా ఉంటాయి. నిర్దిష్ట ప్రభుత్వ సంక్షేమ కార్యక్రమాలకు నిధులు సమకూర్చడం కోసం పన్ను చెల్లింపుదారులపై 'ఆరోగ్యం మరియు విద్య సెస్' అదనపు సర్‌ఛార్జ్‌గా విధించబడుతుంది. అయితే, కొన్ని న్యాయస్థానాలు 'ఆరోగ్యం మరియు విద్య 'సెస్'ను వ్యాపార వ్యయంగా అనుమతించాయి, ఇది శాసన ఉద్దేశ్యానికి విరుద్ధంగా ఉంది. శాసనసభ ఉద్దేశాన్ని పునరుద్ఘాటించడానికి, ఆర్థిక మంత్రి ఆదాయం మరియు లాభాలపై ఏదైనా సర్‌ఛార్జ్ లేదా సెస్ వ్యాపార వ్యయంగా అనుమతించబడదని స్పష్టం చేయాలని ప్రతిపాదించారు.

 

*****