প্রধানমন্ত্রীগী লোইশঙ
প্রধান মন্ত্রী ফেব্রুৱারী ৫দা হায়দ্রবাদতা চৎকনি
প্রধান মন্ত্রীনা ১১শুবা সেঞ্চুরিগী ভক্তি সন্ত শ্রী রামানুজাচার্যগী স্মৃতিদা ফীৎ ২১৬ ৱাংবা ‘স্তেচু ওফ ইক্বেলিতী’ জাতিদা কত্থোক্কনি
প্রধান মন্ত্রীনা আই.সি.আর.আই.এস.এ.তি.গী ৫০শুবা চহি পালন থৌরম হৌদোক্কনি অমদি রিসর্স ফেসিলিতী অনি শঙ্গাগনি
Posted On:
03 FEB 2022 3:30PM by PIB Imphal
২০২২গী ফেব্রুৱারী ৫দা প্রধান মন্ত্রী শ্রী নরেন্দ্র মোদী হায়দ্রবাদতা চৎকনি। নুংথিল চাউরাক্না পুং ২.৪৫ তাবা মতমদা প্রধান মন্ত্রীনা হায়দ্রবাদকী পতনচেরুদা লৈরিবা ইন্তরনেস্নেল ক্রোপস রিসর্স ইন্সতিত্যুৎ ফোর দি সেমি-এরিদ ত্রোপিক্স (আই.সি.আর.আই.এস.এ.তি.)দা চৎকনি অমদি আই.সি.আর.আই.এস.এ.তি.গী ৫০শুবা চহি পালন থৌরম হৌদোক্কনি। নুমিদাংৱাইরম পুং ৫ তাবা অদুৱাইদা, প্রধান মন্ত্রীনা হায়দ্রবাদতা ‘স্তেচু ওফ ইক্বেলিতী’ জাতিদা কত্থোক্কনি।
ফীৎ ২১৬ ৱাংবা স্তেচু ওফ ইক্বেলিতী অসি ১১শুবা সেঞ্চুরিগী ভক্তি সন্ত শ্রী রামানুজাচার্য়বু নিংশিংদুনা শাখিবনি। শ্রী রামানুজাচার্য়না থাজবা, জাতি অমসুং ধর্ম্মমত য়াওনা হিংবগী শক্লোন পুম্নমক্তা ইক্বেলিতীগী আইদিয়া প্রমোৎ তৌখি। স্তেচু অসি ‘পাঞ্চলোহা’না শাবনি, ধাতু মঙা: শনা, লুপা, কোরি, ব্রাস অমসুং জিঙ্ক পুল্লগা শাবনি অমদি মালেমদা ফম্দুনা লৈবগী মওংদা খ্বাইদগী ৱাংবা ধাতুগী স্তেচুশিংগী মনুংদা অমনি। মসি ‘ভাদ্রা বেদি’ কৌবা ফীৎ ৫৪ ৱাংবা বেজ বিলদিংদা খিন্দুনা থম্লি। মসিদা বেদিক দিজিতেল লাইব্রেরী অমসুং রিসর্স সেন্তর, অরীবা মতমগী ভারতকী ময়েকশিং, থিয়েতর অমা, শ্রী রামানুজাচার্য়গী থবক কয়া অমা শন্দোক্না তাক্লিবা এজুকেস্নেল গেলরী অমগীদমক কত্থোক্লবা ফ্লোরশিং লৈরি। স্তেচু অসি শ্রী রামানুজাচার্য় আশ্রমগী শ্রী চিন্না জীয়ার স্বামিনা কন্সেপচুএলাইজ তৌবনি।
থৌরম মনুংদা, শ্রী রামানুজাচার্য়গী পুন্সী খোংচৎ অমসুং তাকপী তম্বীবদা মেপ তৌবা ৩দি প্রজেন্তেসনসু উৎকনি। প্রধান মন্ত্রীনা স্তেচু ওফ ইক্বেলিতীগী অকোয়বদা লৈরিবা ১০৮ দিব্যা দেসাম (লৈতেংনা হক্লবা লাইশং)গী আইদেন্তিকেল রিক্রিয়েসনশিংদসু চৎকনি।
শ্রী রামানুজাচার্য়না মীপুম খুদিংমক নেস্নেলিতী, জেন্দর, শাগৈ, কাস্ত নত্রগা ধর্ম্মমতকী মান্নবা রিগার্দনেসকী স্পিরিৎকা লোয়ননা মীয়াম্বু থাংগৎনবগীদমক চোকথবা নায়দনা থবক তৌখি। স্তেচু ওফ ইক্বেলিতী শঙ্গাবা অসি শ্রী রামানুজাচার্য়গী হৌজিক ওইরিবা ১০০০শুবা মপোক কুমওন হায়বদি ১২-দে শ্রী রামানুজা সাহাস্রবদি সমারোহমগী শরুক অমনি।
মসিগী মাংওইননা প্রধান মন্ত্রীনা মহাক্কী খোংচৎ মনুংদা আই.সি.আর.আই.এস.এ.তি.গী ৫০শুবা চহি পালন থৌরম হৌদোক্কনি। প্রধান মন্ত্রীনা আই.সি.আর.আই.এস.এ.তি.গী ক্লাইমেৎ চেঞ্জ রিসর্স ফেসিলিতী ওন প্লান্ত প্রোতেক্সন অমসুং আই.সি.আর.আই.এস.এ.তি.গী রেপিদ জেনরেসন এদভান্সমেন্ত ফেসিলিতীসু শঙ্গাগনি। মসিগী ফেসিলিতী অনি অসি ঐসিয়া অমসুং সব-সাহারান আফ্রিকাগী লৌমী মচাশিংদা কত্থোক্লবনি। প্রধান মন্ত্রীনা আই.সি.আর.আই.এস.এ.তি.গী অখন্ননা দিজাইন তৌরবা লোগো অমসু মায়খুম হাংদোক্কনি অমদি থৌরম অসিদা ইসু তৌবা নিংশিংনিঙাই ওইরবা স্তাম্প অমসু হৌদোক্কনি।
আই.সি.আর.আই.এস.এ.তি. অসি ঐসিয়া অমসুং সব-সাহারান আফ্রিকাদা দিবলপমেন্তকীদমক এগ্রীকলচরেল রিসর্স পাংথোক্লিবা ইন্তরনেস্নেল ওর্গনাইজেসন অমনি। মসিনা হেন্না ফবা ক্রোপ ভেরাইতীশিং অমসুং হায়ব্রীদশিং ফংহন্দুনা লৌমীশিংবু তেংবাংলি অমদি দ্রাইলেন্দ ফাইত ক্লাইমেৎ চেঞ্জদা লৈরিবা অপিকপা লৌমীশিংবুসু তেংবাংলি।
***
(Release ID: 1795185)
Visitor Counter : 135
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam