خزانہ اور کارپوریٹ امور کی مرکزی وزیر محترمہ نرملا سیتارمن کی جانب سے آج پارلیمنٹ میں پیش کئے گئے مرکزی بجٹ 23-2022 میں  تابناک مواقع  کے لا محدود امکانات کا اعتراف کرتے ہوئے کہا گیا ہے کہ گھریلو صلاحیت سازی ، تحقیق و ترقی کی حوصلہ افزائی  کےحوالے سے حکومت کا نقطۂ  نظر معاون پالیسیوں، ہلکے پھلکے  انضباطی کارروائیوں  اور مدد بہم پہنچانے والے اقدامات کا    رہا ہے۔

بجٹ پیش کرتے ہوئے محترمہ نرملا سیتا رمن نے اس بات پر روشنی ڈالی کہ تابناک مواقع سے متعلق تحقیق و ترقی کے کام کے لئے  تعلیمی شعبے، صنعت اور سرکاری اداروں کے درمیان اشتراک کی کوششوں کے علاوہ حکومتی مدد دستیاب کرائی جائے گی۔ انہوں نے کہا کہ مصنوعی ذہانت، ارضی – مکانی نظامات ( جیو اسپیشیل سسٹمز) اور ڈرون ،  سیمی کنڈکٹر اور اس کا ماحولیاتی نظام، خلائی معیشت،جینومیکس اینڈ فارماسیوٹیکلز، گرین انرجی اور کلین موبلیٹی سسٹمز کے تعلق سے  پائیدار ترقی میں بڑے پیمانے پر مدد کرنے اور ملک کو جدید بنانے کی بے پناہ صلاحیت موجود ہے۔ یہ نوجوانوں کو روزگار کے مواقع فراہم کرتے ہیں اور بھارتی  صنعت  کو زیادہ مؤثر اور مسابقتی بناتے ہیں۔

*************

(ش ح۔ م م ۔ ک ا)

U. No. 949