കാര്‍ഷിക മേഖല കഴിഞ്ഞ 2 വര്‍ഷം രാജ്യത്തിന്റെ മൊത്ത മൂല്യവര്‍ദ്ധനവില്‍ (ജിവിഎ) ഉജ്ജ്വല വളര്‍ച്ച കാണിക്കുന്നതായി കേന്ദ്ര ധനകാര്യ, കോര്‍പ്പറേറ്റ് കാര്യ മന്ത്രി ശ്രീമതി നിര്‍മല സീതാരാമന്‍ ഇന്ന് പാര്‍ലമെന്റില്‍ അവതരിപ്പിച്ച സാമ്പത്തിക സര്‍വേ 2021-22 വ്യക്തമാക്കുന്നു. കൊവിഡ്-19 ആഘാതത്തെ അഭിമുഖീകരിച്ചും 2021-22ല്‍ 3.9 ശതമാനമായും 2020-21ല്‍ 3.6 ശതമാനമായും വളര്‍ച്ചാ പ്രതിരോധനം പ്രകടമാക്കുന്നു.
നല്ല കാലവര്‍ഷം, വായ്പാ ലഭ്യത വര്‍ധിപ്പിക്കല്‍, നിക്ഷേപം മെച്ചപ്പെടുത്തല്‍, വിപണി സൗകര്യം സൃഷ്ടിക്കല്‍, അടിസ്ഥാന സൗകര്യ വികസനം പ്രോത്സാഹിപ്പിക്കല്‍ തുടങ്ങി മേഖലയ്ക്ക് ഗുണമേന്മയുള്ള പിന്തുണ നല്‍കിയ ഗവണ്‍മെന്റ് നടപടികളാണ് സര്‍വേ ഇതിന് കാരണമായി പറയുന്നത്. കന്നുകാലികളും മത്സ്യബന്ധനവും ഉജ്ജ്വലമായ വളര്‍ച്ച കൈവരിക്കുകയും ഈ മേഖലയെ മികച്ച പ്രകടനം നടത്താന്‍ സഹായിക്കുകയും ചെയ്തുവെന്നും സര്‍വേ നിരീക്ഷിക്കുന്നു.

 മൊത്ത മൂല്യവര്‍ദ്ധിതവും മൊത്ത മൂലധന രൂപീകരണവും

 സമ്പദ്വ്യവസ്ഥയുടെ മൊത്തം ജിവിഎയില്‍ കൃഷിയുടെയും അനുബന്ധ മേഖലയുടെയും വിഹിതം ദീര്‍ഘകാലാടിസ്ഥാനത്തില്‍ ഏകദേശം 18 ശതമാനത്തില്‍ എത്തിയതായി സര്‍വേ പറയുന്നു. 2021-22ല്‍ ഇത് 18.8 ശതമാനവും 2020-21ല്‍ 20.2 ശതമാനവുമാണ്. വിള മേഖലയുമായി താരതമ്യപ്പെടുത്തുമ്പോള്‍ അനുബന്ധ മേഖലകളിലെ (കന്നുകാലി, വനം, മരം മുറിക്കല്‍, മത്സ്യബന്ധനം, മത്സ്യകൃഷി) ഉയര്‍ന്ന വളര്‍ച്ചയാണ് നിരീക്ഷിക്കപ്പെട്ട മറ്റൊരു പ്രവണത. ഈ അനുബന്ധ മേഖലകളെ ഉയര്‍ന്ന വളര്‍ച്ചയുടെ എഞ്ചിനുകളായി അംഗീകരിച്ചുകൊണ്ട് കര്‍ഷകരുടെ വരുമാനം ഇരട്ടിയാക്കുന്നതിനുള്ള സമിതി (ഡിഎഫ്‌ഐ 2018) കാര്‍ഷിക വരുമാനം വര്‍ധിപ്പിക്കുന്നതിനുള്ള ഏകീകൃത പിന്തുണാ സംവിധാനത്തോടുകൂടിയ കേന്ദ്രീകൃത നയവും ശുപാര്‍ശ ചെയ്തിട്ടുണ്ട്.

 കാര്‍ഷിക മേഖലയിലെ മൂലധന നിക്ഷേപവും വളര്‍ച്ചാ നിരക്കും തമ്മില്‍ നേരിട്ട് ബന്ധമുണ്ടെന്ന് സര്‍വേ ചൂണ്ടിക്കാട്ടുന്നു.  ഈ മേഖലയിലെ ജിവിഎയുമായി താരതമ്യപ്പെടുത്തുമ്പോള്‍ കാര്‍ഷിക മേഖലയിലെ മൊത്ത മൂലധന രൂപീകരണം സ്വകാര്യമേഖലയിലെ നിക്ഷേപങ്ങളിലെ വ്യതിയാനവുമായി സമന്വയിപ്പിക്കുന്നതില്‍ ഏറ്റക്കുറച്ചിലുകള്‍ കാണിക്കുന്നു, അതേസമയം പൊതുമേഖലാ നിക്ഷേപങ്ങള്‍ വര്‍ഷങ്ങളായി 2-3 ശതമാനത്തില്‍ സ്ഥിരത പുലര്‍ത്തുന്നു. കാര്‍ഷിക മൂല്യ ശൃംഖലയിലുടനീളം പൊതുനിക്ഷേപം വര്‍ദ്ധിപ്പിക്കുന്നതിനൊപ്പം കോര്‍പ്പറേറ്റ് നിക്ഷേപങ്ങളില്‍ വന്‍തുക വര്‍ദ്ധിപ്പിക്കുന്നതിന് ഉചിതമായ നയ ചട്ടക്കൂട് നല്‍കണമെന്ന് സര്‍വേ ശുപാര്‍ശ ചെയ്യുന്നു.

 കാര്‍ഷിക ഉത്പാദനം

 മൊത്തം ഭക്ഷ്യധാന്യ ഉല്‍പ്പാദനം  2021-22ലെ ആദ്യ കണക്കുകൂട്ടല്‍ പ്രകാരം 150.50 ദശലക്ഷം ടണ്‍ എന്ന റെക്കോര്‍ഡ് തലത്തില്‍ കണക്കാക്കപ്പെടുന്നു. ഇത് 2020-21 വര്‍ഷത്തെ ഖാരിഫ് ഉല്‍പാദനത്തേക്കാള്‍ 0.94 ദശലക്ഷം ടണ്ണിന്റെ വര്‍ദ്ധനവാണ്.  2015-16 നും 2020-21 നും ഇടയിലുള്ള കാലയളവില്‍ അരി, ഗോതമ്പ്, നാടന്‍ ധാന്യങ്ങള്‍ എന്നിവയുടെ ഉത്പാദനം യഥാക്രമം 2.7, 2.9, 4.8 ശതമാനം വാര്‍ഷിക വളര്‍ച്ചാ നിരക്കില്‍ (സിഎജിആര്‍) വര്‍ധിച്ചതായും സര്‍വേ ചൂണ്ടിക്കാട്ടുന്നു.  പയറുവര്‍ഗങ്ങള്‍, എണ്ണക്കുരുക്കള്‍, പരുത്തി എന്നിവയ്ക്ക് ഇതേ കാലയളവില്‍ ഇത് യഥാക്രമം 7.9, 6.1, 2.8 ശതമാനമാണ്.

 ലോകത്ത് ഏറ്റവും കൂടുതല്‍ പഞ്ചസാര ഉല്‍പ്പാദിപ്പിക്കുന്ന രണ്ടാമത്തെ രാജ്യമായ ഇന്ത്യ 'പഞ്ചസാര മിച്ചമുള്ള രാഷ്ട്രമായി' മാറിയെന്ന് സര്‍വേ പറയുന്നു. 2010-11 മുതല്‍ ഉല്‍പ്പാദനം 2016-17 ഒഴികെ ഉപഭോഗത്തേക്കാള്‍ കൂടുതലാണ്.  ന്യായവും ആദായകരവുമായ വില (എഫ്ആര്‍പി) മുഖേന കരിമ്പ് കര്‍ഷകരെ ഇന്‍ഷുറന്‍സ് ചെയ്ത് സംരക്ഷിക്കുകയും, അധിക കരിമ്പ്/പഞ്ചസാര എഥനോള്‍ ഉല്‍പ്പാദനത്തിലേക്ക് തിരിച്ചുവിടാന്‍ അവരെ പ്രേരിപ്പിച്ച് മില്ലുകളുടെ ലാഭം വര്‍ധിപ്പിക്കുകയും പഞ്ചസാര മില്ലുകളിലേക്ക് കൊണ്ടുപോകുന്നതിന് സാമ്പത്തിക സഹായം നല്‍കുകയും ചെയ്തുകൊണ്ടാണ് ഇത് സാധ്യമാക്കിയത്.

 വിള വൈവിധ്യവല്‍ക്കരണം

 നിലവിലുള്ള കൃഷിരീതി കരിമ്പ്, നെല്ല്, ഗോതമ്പ് എന്നിവയുടെ കൃഷിയിലേക്ക് തിരിച്ചുവിട്ടതാണ് ശുദ്ധ ഭൂഗര്‍ഭജല സ്രോതസ്സുകള്‍ ഭയാനകമായ തോതില്‍ ശോഷിക്കാന്‍ ഇടയാക്കിയതെന്ന് സാമ്പത്തിക സര്‍വേ മുന്നറിയിപ്പ് നല്‍കുന്നു. രാജ്യത്തിന്റെ വടക്കന്‍ മേഖലയില്‍ വളരെ ഉയര്‍ന്ന ജലസമ്മര്‍ദ്ദം രേഖപ്പെടുത്തുന്നുവെന്നും ഇത് ചൂണ്ടിക്കാട്ടുന്നു.

 ജലവിനിയോഗ കാര്യക്ഷമതയും സുസ്ഥിര കൃഷിയും പ്രോത്സാഹിപ്പിക്കുന്നതിനും കര്‍ഷകര്‍ക്ക് ഉയര്‍ന്ന വരുമാനം ഉറപ്പാക്കുന്നതിനുമായി, 2013 മുതല്‍ രാഷ്ട്രീയ കൃഷി വികാസ് യോജനയുടെ കീഴില്‍ ഒരു ഉപപദ്ധതിയായി യഥാര്‍ത്ഥ ഹരിതവിപ്ലവ സംസ്ഥാനങ്ങളായ പഞ്ചാബ്, ഹരിയാന, പശ്ചിമ ഉത്തര്‍പ്രദേശ് എന്നിവിടങ്ങളില്‍ വിള വൈവിധ്യവല്‍ക്കരണ പരിപാടി നടപ്പാക്കുന്നു.
 കര്‍ഷകര്‍ക്ക് അവരുടെ വിളകള്‍ വൈവിധ്യവത്കരിക്കാനുള്ള സൂചന നല്‍കുന്നതിന് ഗവണ്‍മെന്റ് വില നയവും ഉപയോഗപ്പെടുത്തുന്നുവെന്ന് സര്‍വേ നിരീക്ഷിക്കുന്നു.

 വെള്ളവും ജലസേചനവും

 രാജ്യത്തെ മൊത്തം ജലസേചന മേഖലയുടെ 60 ശതമാനവും ഭൂഗര്‍ഭജലത്തിലൂടെയാണ് വിതരണം ചെയ്യുന്നത്. ഡല്‍ഹി, ഹരിയാന, പഞ്ചാബ്, രാജസ്ഥാന്‍ എന്നീ സംസ്ഥാനങ്ങളില്‍ ഭൂഗര്‍ഭജലം വേര്‍തിരിച്ചെടുക്കുന്നതിന്റെ നിരക്ക് വളരെ ഉയര്‍ന്നതാണ് (100% ത്തില്‍ കൂടുതല്‍).  


 പ്രകൃതി കൃഷി

 പ്രകൃതിയുമായി ഇണങ്ങിയുള്ള പരിസ്ഥിതി സൗഹൃദ പ്രക്രിയകളിലൂടെ കാര്‍ഷിക ഉല്‍പ്പാദനം നിലനിര്‍ത്തുന്നതിനും രാസ രഹിത ഉല്‍പന്നങ്ങള്‍ ഉറപ്പാക്കുന്നതിനും മണ്ണിന്റെ ഉല്‍പാദനക്ഷമത നിലനിര്‍ത്തുന്നതിനും സര്‍ക്കാര്‍ പ്രകൃതിദത്ത കൃഷിരീതികള്‍ സ്വീകരിക്കാന്‍ കര്‍ഷകരെ പ്രോത്സാഹിപ്പിക്കുന്നു.  ഇതിനായി ഭാരതീയ പ്രകൃതിക് കൃഷി പദ്ധതി (ബിപികെപി) യുടെ സമര്‍പ്പിത പദ്ധതി സര്‍ക്കാര്‍ നടപ്പിലാക്കുകയാണെന്ന് സര്‍വേ പറയുന്നു.

 കാര്‍ഷിക വായ്പയും വിപണനവും

 സാമ്പത്തിക സര്‍വേ പ്രകാരം, 2021-22 വര്‍ഷത്തെ കാര്‍ഷിക വായ്പയുടെ ഒഴുക്ക് 2000 രൂപയായി നിശ്ചയിച്ചിട്ടുണ്ട്.  16,50,000 കോടി രൂപയും 2021 സെപ്റ്റംബര്‍ 30 വരെ ഈ ലക്ഷ്യത്തിന്റെ ഭാഗമായി 7,36,589.05 കോടി രൂപയും വിതരണം ചെയ്തു. കൂടാതെ, ആത്മ നിര്‍ഭര്‍ ഭാരത് പരിപാടിക്ക് കീഴില്‍ ഗവണ്‍മെന്റ് 1000 രൂപയും പ്രഖ്യാപിച്ചു.  കിസാന്‍ ക്രെഡിറ്റ് കാര്‍ഡുകളിലൂടെ (കെസിസി) 2.5 കോടി കര്‍ഷകര്‍ക്ക് 2 ലക്ഷം കോടിയുടെ ഇളവുള്ള വായ്പ. ഇതിനായി, 2022 ജനനുവരി 17 വരെ യോഗ്യരായ 2.70 കോടി കര്‍ഷകര്‍ക്ക് ബാങ്കുകള്‍ കെസിസികള്‍ നല്‍കിയിട്ടുണ്ട്.

 കര്‍ഷകരെ വിപണികളുമായി ബന്ധിപ്പിക്കുന്നതിനും വ്യാപാരം ചെയ്യുന്നതിനും അവരുടെ ഉല്‍പന്നങ്ങള്‍ക്ക് മത്സരപരവും ആദായകരവുമായ വില സാക്ഷാത്കരിക്കുന്നതിനും അവരെ സഹായിക്കുന്നതിനും വിപണി ബന്ധങ്ങളും വിപണന അടിസ്ഥാന സൗകര്യങ്ങളും മെച്ചപ്പെടുത്തുന്നതിന് ഗവണ്‍മെന്റ് തുടര്‍ച്ചയായി പ്രവര്‍ത്തിക്കുന്നു.  ഇതിനുവേണ്ടി, കാര്‍ഷിക അടിസ്ഥാനസൗകര്യ ഫണ്ടിന് (എഐഎഫ്) കീഴില്‍ എപിഎംസികളെ യോഗ്യതയുള്ള സ്ഥാപനങ്ങളായി അംഗീകരിച്ചു.  കൂടാതെ, ദേശീയ കാര്‍ഷിക വിപണി (ഇ-നാം) പദ്ധതിക്കു കീഴില്‍ 2021 ഡിസംബര്‍ 1-ന്, 18 സംസ്ഥാനങ്ങളിലെയും 3 കേന്ദ്രഭരണ പ്രദേശങ്ങളിലെയും 1000 ഗ്രാമച്ചന്തകള്‍ ഇ-നാം പ്ലാറ്റ്ഫോമുമായി സംയോജിപ്പിച്ചിരിക്കുന്നു.


 2027-28 ഓടെ 10,000 കര്‍ഷക ഉല്‍പാദക സംഘടനകള്‍ (എഫ്പിഒ) രൂപീകരിക്കുന്നതിനും പ്രോത്സാഹിപ്പിക്കുന്നതിനുമായി കേന്ദ്രമേഖലാ പദ്ധതിയും ആരംഭിച്ചിട്ടുണ്ട്.  2022 ജനുവരിയിലെ കണക്കനുസരിച്ച്, മൊത്തം 1963 എഫ്പിഒകള്‍ രജിസ്റ്റര്‍ ചെയ്തിട്ടുണ്ട്.  സഹകരണ മേഖലയില്‍ കൂടുതല്‍ ശ്രദ്ധ കേന്ദ്രീകരിക്കുക എന്ന ലക്ഷ്യത്തോടെ 2021 ജൂലൈയില്‍ ഒരു സമ്പൂര്‍ണ്ണ സഹകരണ മന്ത്രാലയവും സ്ഥാപിച്ചു.

 ഭക്ഷ്യ എണ്ണകളുടെ ദേശീയ ദൗത്യം


 സസ്യ എണ്ണയുടെ ലോകത്തിലെ രണ്ടാമത്തെ വലിയ ഉപഭോക്താവും ഒന്നാം നമ്പര്‍ ഇറക്കുമതി രാജ്യവുമാണ് ഇന്ത്യ.  2016-17 മുതല്‍ ഇന്ത്യയില്‍ എണ്ണക്കുരു ഉല്‍പ്പാദനം ക്രമാനുഗതമായി വര്‍ദ്ധിച്ചുകൊണ്ടിരിക്കുകയാണെന്ന് സര്‍വേ എടുത്തുകാണിക്കുന്നു.


 ഭക്ഷ്യ എണ്ണയുടെ തുടര്‍ച്ചയായ ഉയര്‍ന്ന ഇറക്കുമതി കണക്കിലെടുത്ത്, എണ്ണ ഉല്‍പ്പാദനം വര്‍ദ്ധിപ്പിക്കുന്നതിനായി ദേശീയ ഭക്ഷ്യസുരക്ഷാ ദൗത്യകേന്ദ്രാവിഷ്‌കൃത പദ്ധതി 2018-19 മുതല്‍ രാജ്യത്തെ എല്ലാ ജില്ലകളിലും നടപ്പാക്കിവരുന്നു.  ഉയര്‍ന്ന വിളവ് നല്‍കുന്ന ഗുണമേന്മയുള്ള വിത്തിന്റെ ലഭ്യത വര്‍ധിപ്പിക്കുന്നതിനായി 2018-19 നും 2019-20 നും ഇടയില്‍ 36 എണ്ണക്കുരു ഹബ്ബുകള്‍ പദ്ധതിക്ക് കീഴില്‍ സ്ഥാപിച്ചു.
 നിലവില്‍ 3.70 ലക്ഷം ഹെക്ടറില്‍ എണ്ണപ്പന കൃഷിയുണ്ടെന്ന് സര്‍വേ ചൂണ്ടിക്കാട്ടുന്നു.  കൂടാതെ, 2025-26 ഓടെ ്‌സംസ്‌കൃത പാം ഓയില്‍ (സിപിഒ) ഉല്‍പ്പാദനം 11.20 ലക്ഷം ടണ്ണായും 2029-30 ഓടെ 28 ലക്ഷം ടണ്ണായും ഉയര്‍ത്താനും പദ്ധതി ലക്ഷ്യമിടുന്നു.

 ഭക്ഷ്യ മാനേജ്‌മെന്റ്

 ലോകത്തിലെ ഏറ്റവും വലിയ  ഭക്ഷ്യ മാനേജ്‌മെന്റ് പരിപാടികളിലൊന്നാണ് ഇന്ത്യ നടത്തുന്നത്. 2020-21ല്‍ 948.48 ലക്ഷം ടണ്ണായിരുന്നുവെങ്കില്‍ 2021-22 വര്‍ഷത്തില്‍ 1052.77 ലക്ഷം ടണ്‍ ഭക്ഷ്യധാന്യങ്ങള്‍ ദേശീയ ഭക്ഷ്യസുരക്ഷാ നിയമം, 2013, മറ്റ് ക്ഷേമപദ്ധതികള്‍ എന്നിവ പ്രകാരം സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും അനുവദിച്ചിട്ടുണ്ടെന്ന് സര്‍വേ ചൂണ്ടിക്കാണിക്കുന്നു. പ്രധാനമന്ത്രി ഗരീബ് കല്യാണ്‍ യോജന (പിഎംജികെവൈ) വഴി പ്രതിമാസം ഒരാള്‍ക്ക് 5 കിലോഗ്രാം ഭക്ഷ്യധാന്യങ്ങള്‍ അധികമായി നല്‍കുന്നതിലൂടെ ഭക്ഷ്യസുരക്ഷ കൂടുതല്‍ വിപുലീകരിച്ചു. 2021-22 കാലയളവില്‍, സാമ്പത്തിക തകര്‍ച്ച കാരണം പാവപ്പെട്ടവര്‍ നേരിടുന്ന ബുദ്ധിമുട്ടുകള്‍ പരിഹരിക്കുന്നതിനായി 80 കോടി എന്‍എഫ്എസ്എ ുണഭോക്താക്കള്‍ക്ക് ഗവണ്‍മെന്റ് ഭക്ഷ്യധാന്യങ്ങള്‍ ൗജന്യമായി അനുവദിച്ചിരുന്നു.


 കാര്‍ഷിക ഗവേഷണവും വിദ്യാഭ്യാസവും

 സാമ്പത്തിക സര്‍വേ പ്രകാരം, കാര്‍ഷിക ഗവേഷണത്തിനും വികസനത്തിനുമായി ചെലവഴിക്കുന്ന ഓരോ രൂപയും മികച്ച വരുമാനം നല്‍കുന്നുവെന്ന് ഗവേഷണങ്ങള്‍ കാണിക്കുന്നു അതിനാല്‍, കാര്‍ഷിക മേഖലയിലെ ഗവേഷണ-വികസന ചെലവുകള്‍ വര്‍ദ്ധിപ്പിക്കുന്നത് ഭക്ഷ്യസുരക്ഷ ഉറപ്പാക്കുന്നതിനുള്ള ഒരു സുപ്രധാന ആവശ്യകത മാത്രമല്ല, സാമൂഹിക-സാമ്പത്തിക വീക്ഷണത്തിലും പ്രധാനമാണ്.

ദേശീയ കാര്‍ഷിക ഗവേഷണ സംവിധാനം കാര്യമായ ഫലങ്ങള്‍ ഉണ്ടാക്കി.  ഇന്ത്യന്‍ കൗണ്‍സില്‍ ഓഫ് അഗ്രികള്‍ച്ചറല്‍ റിസര്‍ച്ച് (ഐസിഎആര്‍) 2020-ലും 2021-ലും 731 പുതിയ ഇനങ്ങള്‍/സങ്കരയിനങ്ങള്‍ പുറത്തിറക്കി.  

-ND-