ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଜାନୁଆରୀ ୨୪ ତାରିଖ ଦିନ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ୍ ପୁରସ୍କାର ବିଜେତାମାନଙ୍କ ସହ ଆଲୋଚନା କରିବେ
ପ୍ରଥମ ଥର ପାଇଁ, ବ୍ଲକ୍ ଚେନ୍ ଜ୍ଞାନକୌଶଳ ବ୍ୟବହାର ଦ୍ୱାରା ପୁରସ୍କାର ବିଜେତାମାନେ ଡିଜିଟାଲ୍ ସାର୍ଟିଫିକେଟ୍ ପାଇବେ
Posted On:
23 JAN 2022 10:06AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ୨୪ ଜାନୁୟାରୀ ୨୦୨୨ ରେ ମଧ୍ୟାହ୍ନ ୧୨ ଟା ସମୟରେ ପ୍ରଧାନ ମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର (ପିଏମ୍ଆରବିପି) ପ୍ରାପ୍ତ ପିଲାଙ୍କ ସହ ଆଲୋଚନା କରିବେ । ବ୍ଲକ୍ ଚେନ୍ ଜ୍ଞାନକୌଶଳ ବ୍ୟବହାର କରି ୨୦୨୨ ଏବଂ ୨୦୨୧ ବର୍ଷ ପାଇଁ ପିଏମ୍ଆରବିପି ପୁରସ୍କାର ପ୍ରାପ୍ତ ପିଲାଙ୍କୁ ଡିଜିଟାଲ୍ ସାର୍ଟିଫିକେଟ୍ ପ୍ରଦାନ କରାଯିବ । ପୁରସ୍କାର ପ୍ରାପ୍ତ ପିଲାଙ୍କୁ ପ୍ରମାଣପତ୍ର ଦେବା ପାଇଁ ଏହି ଜ୍ଞାନକୌଶଳ ପ୍ରଥମ ଥର ପାଇଁ ବ୍ୟବହୃତ ହେଉଛି ।
ଭାରତ ସରକାର ପିଲାମାନଙ୍କୁ ନବସୃଜନ, ସାମାଜିକ ସେବା, ଶିକ୍ଷା, କ୍ରୀଡା, କଳା ଏବଂ ସଂସ୍କୃତି ଏବଂ ସାହସିକତା ଭଳି ଛଅଟି ବିଭାଗରେ ସେମାନଙ୍କର ଅତୁଳନୀୟ ସଫଳତା ପାଇଁ ପିଏମ୍ଆରବିପି ପୁରସ୍କାର ପ୍ରଦାନ କରୁଛନ୍ତି । ଚଳିତ ବର୍ଷ ପିଏମ୍ଆରବିପି-୨୦୨୨ ପାଇଁ ବାଲ ଶକ୍ତି ପୁରସ୍କାରର ବିଭିନ୍ନ ବର୍ଗରେ ସମଗ୍ର ଦେଶରୁ ୨୯ ଜଣ ପିଲାଙ୍କୁ ଚୟନ କରାଯାଇଛି । ପୁରସ୍କାର ପ୍ରାପ୍ତ ପିଲାମାନେ ପ୍ରତିବର୍ଷ ଗଣତନ୍ତ୍ର ଦିବସ ପରେଡରେ ମଧ୍ୟ ଭାଗ ନେଇଥାନ୍ତି । ପିଏମ୍ଆରବିପି ର ପ୍ରତ୍ୟେକ ପୁରସ୍କାର ପ୍ରାପ୍ତ ପିଲାଙ୍କୁ ଏକ ପଦକ, ନଗଦ ଏକ ଲକ୍ଷ ଟଙ୍କା ଏବଂ ପ୍ରମାଣପତ୍ର ପ୍ରଦାନ କରାଯାଇଥାଏ । ପିଏମ୍ଆରବିପି ୨୦୨୨ ବିଜେତାଙ୍କ ନଗଦ ପୁରସ୍କାର ରାଶି ସେମାନଙ୍କ ଆକାଉଣ୍ଟକୁ ସ୍ଥାନାନ୍ତରିତ କରାଯିବ ।
HS
(Release ID: 1791933)
Visitor Counter : 172
Read this release in:
Malayalam
,
Assamese
,
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada