হেলথ অমসুং ফেমিলী ৱেলফিয়রগী কেন্দ্রগী মন্ত্রী দাঃ মনসুখ মন্দাবিয়ানা ঙসি হেলথ অমসুং ফেমিলী ৱেলফিয়রগী রাজ্যগী কেন্দ্রগী মন্ত্রী দাঃ ভারতী প্রবীন পৱার অমসুং কম্ম্যুনিকেসনগী রাজ্যগী কেন্দ্রগী মন্ত্রী শ্রী দেবুসিং চৌহানগা লোয়ননা ভারতকী ওইনা লৈবাক্কী কোবিদ ভেক্সিনেসন প্রোগ্রামগী অহানবা কুমওন নিংশিংনবা দাঃ মনসুখ মন্দাবিয়ানা কোবিদ-১৯ ভেক্সিনগী কম্মেমোরেতিব পোস্তেল স্তাম্প ফোংখ্রে।

কম্মেমোরেতিব স্তাম্প অসি হেলথকেয়র ৱার্কর অমনা অহল ওইরবা নাগরীক অমদা কোবিদ-১৯ ভেক্সিন তিকা থাবা লোয়ননা ‘কোবাক্সিন’ বাইল অমগী শক্তম য়াওনা দিজাইন তৌরি। স্তাম্প অসিনা ঐখোয়গী ফ্রন্তলাইন হেলথকেয়র ৱার্করশিং অমসুং সাইন্তিফিক কম্ম্যুনিতীনা মীয়াম্বু কোবিদকী লায়চৎ অসিদগী ঙাকথোক্নবা লৈবাক শিনবা থুংনা পায়খৎলিবা শিংথানিঙাই ওইরবা থবকশিংগী মশক তাক্লি।

থৌরম অসিদা ৱা ঙাংলদুনা, হেলথ অমসুং ফেমিলী ৱেলফিয়রগী কেন্দ্রগী মন্ত্রী দাঃ মনসুখ মন্দাবিয়ানা হায়খি, “২০২১গী জানুৱারীগী ১৬তা হৌদোকখিবা মালেমগী খ্বায়দগী চাওরবা কোবিদ-১৯ ভেক্সিনেসন প্রোগ্রামগী চহি অমা মপুং ফারকপা অসিদা পোস্তেল স্তাম্প ফোংবা অসি পুৱারী ওইরগদবা মিকুপ অমনি। চহি অমগী মতম অসিদা, ঐখোয়না কোবিদ-১৯ করোর ১৫৬ কাপথোকখ্রে। শেংনা হায়রবদা ঐখোয়গী ভেক্সিনেসন প্রোগ্রাম অসি গ্লোবেল কম্ম্যুনিতীগী রোল মোদেল অমনি। ভারতনা মসিগী মায় পাকপা অসি জন ভাগিদারী মতেংনা ওইবা ঙম্বনি। মহাক্না হেলথকেয়র প্রোফেসনেলশিং, সাইন্তিফিক কম্ম্যুনিতী, ভেক্সিন পুথোক্লিবশিং অমসুং কোবিদ লায়চৎ অসিবু লান্থেংনবদা চোকথবা লৈতনা কন্না হোৎনরিবা অমসুং কৎথোক্লিবা মীওই পুম্ববু থাগৎপা ফোংদোকখি।

ঐখোয়না অপুনবা অমা ওইনা কোবিদ-১৯গী মায়োক্তা লান্থেংনরিবা অসিদা শিংথানিঙাই ওইনা কন্না হোৎনরিবা স্তেকহোল্দরশিং অসি উৎলদুনা কেন্দ্রগী হেলথ মন্ত্রীনা হায়খি “কোবিদ লায়চৎ অসিবু লান্থেংননবা ঐখোয়না হোৎরিবা অসিদা মালেম পুম্বনা ঙক্নরি। মী কুংনা তাজরবসু, ঐখোয়না কোবিদ-১৯ ভেক্সিন দোজ করোর ১৫৬ হেন্না কাপ্পা ঙম্লি। খোঙচৎ অসিদা ভারতনা খুদোংথিবা খোঙয়েৎ কয়া অমা নংলি অদুবু মসি মীওই করোর ১৩৫ হেনবগী ৱারেপনি অমসুং কৎথোকপনি মদুদি ঐখোয়না শিংনবা অসিবু ঙমদুনা চৎকনি। ক্রেদিত অসি ঐখোয়গী ইরমদমগী রিসর্স অমসুং দিবলপমেন্ত অমসুং স্ত্রীমলাইন প্রদক্সন ভেক্সিনগী দিস্ত্রিব্যুসন তৌরিবশিংদা পীরি। অয়েৎপা কয়া অমসুং থাজদবা কয়াগী মরক্তা, লৈবকসিনা ইথিল অসিদা চংশিল্লি অমসুং ইরমদমগী ভেক্সিন অসিদা চিংনবা অমসুং লান্না পাউ শন্দোকপা পাম্বা অমসুং ভেক্সিন অসিবু চিংনহল্লিবশিংগী মায়োক্তা থবক তৌরি।

মহাক্না মখা তানা পুক্নিং চিংশিনখি মদুদি ভারতকী ভেক্সিনেসন প্রোগ্রাম অসি লৈবাক অসিগী অতৈগা মান্নদবা খোঙচৎ অমগী ৱারীনি। মসি ইকাই খুম্নজরিবা প্রধান মন্ত্রীনা ঐখোয়গী লৈবাক্কী নাগরীকশিংগী লোৎতুনা লৈরিবা থৌনা অমসুং তৌবা ঙম্বদা লেঙদবা থাদবা থমদুনা লমজিংলিবা ঐখোয়গী লৈবাক্কী ইন্দিয়ন মোদেল অমসুং থোইদোক-হেন্দোক্না মায় পাকপা অদু উৎপনি।

দাঃ মনসুখ মন্দাবিয়ানা হায়খি মদুদি “তেল্লবা মতমদা শেম-শাবা কয়া অমা তঙাইফদবা অসিনা মান্নদবা খোঙচৎ অমা ওইখিবনি। লায়না অসিগী য়াম্না লান্নগনবা মওং খঙবা অমসুং লৈবাক শিনবা থুংনা হেলথকেয়র শোইদনা ফংহনবগী তঙাইফদবা অসি চংখি”। প্রাইমারী হেলথকেয়রদা মখোঙদগী মপাঙ্গল কনখৎহন্দুনা হেলথ সিস্তেম অমা শোইদনা থম্নবা হান্ননা লৈরিবা হেলথ ইনফ্রাস্ত্রকচর অসিদা লালোং অমা ভারতনা পায়খৎখি, হায়না মহাক্না মখা তাখি।

কেন্দ্রগী মন্ত্রীনা হায়খি মদুদি প্রোএক্তিব, প্রি-এম্তিব অমসুং সরকার পুন্না পায়খৎপা অমসুং সমাজ পুম্বা পুন্না চংশিনবা অসিনা ভারতকী কোবিদ রেস্পোন্সকী হোলমার্কনি। মমাংদা, মীচম প্রজাগীদমক ভেক্সিন ফংহন্নবা ভেক্সিন রিসর্সকী থৌওংশিং অসি চহি কয়া চংখি অদুবু ঐখোয়গী মিৎয়েং শানবা ইকাই খুম্নজরিবা প্রধান মন্ত্রীগী লুচিং মখাদা হায়রিবা অসি শুপনতগী থা মাপলদা ফংবা ঙম্বনি। ঐখোয়গী প্রধান মন্ত্রীনা মতম পুম্বদা ঐখোয়গী সাইন্তিফিক কাংবুবু পুক্নিং থৌগৎপিখি অমসুং অকক্নবা মতমদা ইরমদমগী কোবিদ ভেক্সিন শেমগৎখিবা অসি মহাক্না য়াম্না কন্না থাজবনা ওইখিবনি, হায়না মহাক্না মখা তাখি।   

পুম্নমক্না অমত্তা ওইনা হোৎনরিবা অসিবু থাগৎপা ফোংদোক্লদুনা, কেন্দ্রগী মন্ত্রীনা হায়খি মদুদি ভারতকী ভেক্সিন দ্রাইব অসি ইকাই খুম্নজরিবা প্রধান মন্ত্রীনা পল্লিবা জন ভাগিদারীগী ইথিলদা ঐখোয়গী নাগরিকশিংনা অপুনবা অমা ওইরবা মতমদা ভারতনা কদাই ফাওবা মায় পাকপা ঙমবগে হায়বগী মতিক চারবা খুদম অমনি। 

হেলথ অমসুং ফেমিলী ৱেলফিয়রগী রাজ্যগী কেন্দ্রগী মন্ত্রী দাঃ ভারতী প্রবীন পৱারনা মখা তারদুনা হায়খি মদুদি, “ইকাই খুম্নজরিবা প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা কোবিদ-১৯ লায়চৎপু নমথনবা শিংথানিঙাই ওইরবা খোঙথাংশিং লৌখৎখি। ইরমদমগী ভেক্সিন শেমগৎপা অসি য়াম্না চাওনা শিংনবা অমনি। ঐখোয়না মসি তেল্লবা মতমদা ইরমদমগী কোবিদ-১৯ ভেক্সিন কোবাক্সিন শেমগৎতুনা অমসুং পুথোক্তুনা ফংবা ঙমখি। ঙসিদি চাওরাক্না ইলিজিবল ওইরবা মীশিং৯৩% অমসুং ৬৯.৮%না কোবিদ-১৯ ভেক্সিনগী অহানবা দোজ অমসুং অনিশুবা দোজ মথংশিৎনা কাপথোকখ্রে।   

আই.সি.এম.আর.শিংগী মরুওইবা থৌদাংশিং অমুক হন্না পল্লদুনা মহাক্না মখা তাখি মদুদি আই.সি.এম.আর.না মতম-মতমগী মতুং ইন্না দাইগ্নোস্তিক কিতশিং অমসুং গাইদলাইনশিং শেমগৎতুনা ভেক্সিনেসন দ্রাইবতা মরুওইবা থৌদাং কয়া অমা লৌখি। মহাক্না আই.সি.এম.আর. অমসুং ভারত বাইওতেক্তকী তীম অনিবু তেল্লবা মতমদা মালেম শিনবা থুংনা অয়াবা পীরবা ইরমদমগী ভেক্সিন শেমগৎপগীদমক থাগৎপা ফোংদোকখি।

থৌরম অসিদা ৱা ঙাংলদুনা, কম্ম্যুনিকেসনগী রাজ্যগী কেন্দ্রগী মন্ত্রী শ্রী দেবুসিং চৌহান্না হায়খি, “ঐহাক্না পোস্ত দিপার্তমেন্তবু কোবাক্সিনগী পোস্তেল স্তাম্প ফোংবদা লৌখৎলিবা খোঙথাংশিংদা থাগৎপা ফোংদোকচরি। ঙসি ভারতকী ভেক্সিনেসন দ্রাইব চহি অমা মপুং ফারকপা অসি ঐখোয় পুম্নমক্কী পুৱারী ওইরগদবা নুমিৎ অমনি। ঐহাক্না ফ্রন্তলাইন ৱার্কর পুম্ববু মখোয়না কন্না হোৎনবগীদমক থাগৎপা ফোংদোকচরি”।   

থৌরম অসিদা ৱা ঙাংলদুনা, আই.সি.এম.আর.গী, সেক্রেতরী দি.ঐচ.আর. অমসুং দি.জি. দাঃ বালরাম ভর্গবানা হায়খি, “ভারতকী ভেক্সিনেসন প্রোগ্রামগী অহানবা কুমওন নিংশিংনবা কম্মেমোরেতিব পোস্তেল স্তাম্প ইসু তৌবা অসি ঐখোয়না তশেংনা ইকাই খুম্নজৈ। ঐখোয়না ঐখোয়গী লেগেসীগীদমক চাউথোকচৈ অমসুং মেদিকেল রিসর্সতা অনৌবা পুথোকপা লেপ্পা লৈতনা চৎথখিগনি। ইরমদমগী ওইবা ভেক্সিন কোবাক্সিন শেমগৎপা অসি ভারতকী সাইন্তিফিক কেপাবিলিতীদা শিংথানিঙাই ওইরবা মাইলস্তোন অমনি”।  

আই.সি.এম.আর.গী, দি.জি. দাঃ বালরাম ভর্গবা, পোস্ত দিপার্তমেন্তগী এদ্দিসনেল দি.জি. শ্রী অশোক কুমার, ভারত বাইওতেক্তকী চেয়রমেন, শ্রী কৃষ্ণ ইল্লা অমসুং অতৈ মকোক থোংবা ওফিসিএলশিংসু থৌরম অসিদা শরুক য়াখি।

****