কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
প্রধান মন্ত্রী গরিব কল্যান অন য়োজনা (পি.এম.-জি.কে.এ.ৱাই.)গী ফেজ-Vকী মখাদা রাজ্য/য়ু.তি.শিংদা হৌজিক ফাওবদা বেনিফিসরীশিংদা চেং-হৱায় মেত্রিক তন লাখ ১৯.৭৬ য়েনথোকখ্রে
কোবিদ কেসনা হেনগৎলকপা অসিদা, ফুদ অমসুং পব্লিক দিস্ত্রিব্যুসন দিপার্তমেন্তনা লেপ্পা লৈতনা চেং-হৱায় পীথোকপা অমসুং য়েন্থোকপা য়েংশিন্দুনা লাক্লি
মিজোরম, মেঘালয়, অরুনাচল প্রদেশ অমসুং সিক্কিমনা পি.এম.-জি.কে.এ.ৱাই.গী ফেজ I অমসুং IIগী মখাদা চেং-হৱায় য়েনবদা খ্বায়দগী নিংথিনা থবক পাংথোকপা রাজ্যশিং ওইখি
ছত্তিসগর,ত্রিপুরা, মিজোরম, দিল্লী অমসুং ৱেস্ত বেঙ্গালনা পি.এম.-জি.কে.এ.ৱাই.গী ফেজ III অমসুং IVগী মখাদা চেং-হৱায় য়েনবদা খ্বায়দগী নিংথিনা পাংথোকপা রাজ্যশিং ওইখি
রাজ্য/য়ু.তি. ১২ – অন্ধ্র প্রদেশ, বিহার, দি.এন.ঐচ. দি.অমসুং দি., হারিয়ানা, মহারাস্ত্র, কর্নাতকা, পঞ্জাব, রাজস্থান, ত্রিপুরা অমসুং য়ু.পি.না আধারদা য়ুম্ফম ওইদুনা পি.এম.-জি.কে.এ.ৱাই.গী ফেজ III অমসুং IVগী মখাদা ৯৮%-১০০% চেং-হৱায় য়েনবগী রিপোর্ত লৈরি
Posted On:
12 JAN 2022 4:37PM by PIB Imphal
২০২০গী মার্চতগী লৈবাক অসিদা কোবিদ-১৯ থোক্লকখিবদগী, ভারত সরকারনা লায়রবশিংদা পীনবা প্রধান মন্ত্রী গরিব কল্যান পেক্কেজ (পি.এম.জি.কে.পি.) লাওথোক্তুনা, লৈবাক অসিদা মমাংদা অমুক্তা থোকখিদ্রিবা লায়চৎ থোক্লকপা, লোকদাউন্দ অমসুং মসিদা শেন্মিৎলোন্দা শোকহন্দুনা লৈত-লায়রশিংদা ফুদ সেক্যুরিতীগী অৱাবা থেংনরিবা অসিদা খরা শাফনবা দিপার্তমেন্ত ওফ ফুদ এন্দ পব্লিক দিস্ত্রিব্যুসন (দি.এফ.পি.দি.)না “প্রধান মন্ত্রী গরিব কল্যান অন য়োজনা (পি.এম.-জি.কে.এ.ৱাই.)”গী মখাদা লৈবক অসিদা লৈরিবা নেস্নেল ফুদ সেক্যুরিতী এক্ত (এন.এফ.এস.এ.) বেনিফিসরী কোতি ৮০ রোমদা ‘অহেনবা’ অমসুং ‘লেম্না’ চেং-হৱায় (চেং/গেহু) য়েনবা হৌখ্রে।
লায়চৎ মনুংদা ইকোনোমিক ক্রাইসিস থোকহন্দুনা লৈত-লায়রা বেনিফিসরী/ বেনিফিসরীগী ইমুংদা চেং-হৱায় ফংদবগী অৱা মায়োক্নরিবা অসি কোহন্নবা খোঙখাং লৌখৎপা ওইনা থাগী ওইনা কায়দনা পীরিবা এন.এফ.এস.এ.গী চেং-হৱায় (হায়বদি এন.এফ.এস.এ. রাসন কার্দকী মতুং ইন্না মখোয়গী থাগী ওইনা ফংলিবা) অসিগী মথক্তা অহেনবা চেং-হৱায় মীওই অমদা থাগী ওইনা কে.জি. ৫ য়েন্থোক্লি। অসুমনা, কোবিদ-১৯ ক্রাইসিসকী মনুংদা অখন্নবা ফুদ সেক্যুরিতী রেস্পোন্সকী খুত্থাংদা, এক্ত অসিগী অনত্যোদয়া অন য়োজনা (এ.এ.ৱাই.) অমসুং প্রাইয়োরিতী হাউসহোল্দর (পি.ঐচ.ঐচ.) কেতগরীগী মখাদা সরকারনা এন.এফ.এস.এ.গী ইমুংদা থাগী চেং-হৱায়গী চাংদগী ‘শরুক অনি হেন্না’ ওইনা মহৌশাগুম য়েল্লি।
২০২০-২১ হৌরকপদা, পি.এম.-জি.কে.এ.ৱাই. স্কীম অসি ২০২০গী এপ্রিল, মে অমসুং জুন (ফেজ-I)গী ওইনা থা অহুমগী মতম খক্তা লাওথোকখিবনি। মতুং তারকপদা, লৈত-লায়রা বেনিফিসরীগী ফুদ-সেক্যুরিতীদা মতেং পীবা মখা তানা তঙাইফদবা লৈরকপা য়েংদুনা, সরকারনা লেম্না চেং-হৱায় য়েনবা অসি মখা তানা ২০২০গী জুলাইদগী নবেম্বর (ফেজ-II) ফাওবা থা মঙাগী মতম শাংদোকখি।
অদুম ওইনমক, কোবিদ-১৯ ক্রাইসিসনা ২০২১-২২ ফাওবদা মখা তারকপনা, সরকারনা ২০২১গী এপ্রিলগা পি.এম.-জি.কে.এ.ৱাই.গী মখাতা ২০২১গী মে অমসুং জুন (ফেজ-III) ফাওবা থা অনিগী ওইনা লেম্না চেং-হৱায় য়েন্নবা লাওথোকখি অমসুং ২০২১গী জুলাইদগী নবেম্বর ফাওবা অতোপ্পা থা মঙা অমগা শাংদোকখি। মখা তানা, ২০২১ নবেন্বরদা কোবিদ-১৯না য়াম্না হেন্না চৈথেং পীরকনা মরম ওইদুনা ভারত সরকারনা ২০২১গী দিসেম্বরদগী ২০২২গী মার্চ (ফেজ-V) ফাওবা মখা তানা লেম্না চেং-হৱায় য়েন্নবা ৱারেপ লৌখি।
পি.এম.-জি.কে.এ.ৱাই. স্কীম (ফেজ I দগী V)কী মখাদা, দিপার্তমেন্ত অসিনা হৌজিক ফাওবদা এন.এফ.এস.এ. বেনিফিসরী কোতি ৮০রোমদা হায়রিবা অসিদা ফুদ সবসিদীদা চাওরাক্না লুপা লাখ কোতি ২.৬ রোমগা মান্নবা অসিদা লেম্না য়েন্ননবা রাজ্য/য়ু.তি.শিংদা চেং-হৱায় মেত্রিক তন লাখ ৭৫৯ লোম পীথখ্রে। অমসুং, হৌজিক ফাওবদা, রাজ্য/য়ু.তি.শিংদগী ফংবা ফেজ নাইনা য়েনখিবা রিপোর্তকী মতুং ইন্না, বেনিফিসরীশিংদা অপুনবা চেং-হৱায় চাওরাক্না মেত্রিক তন লাখ ৫৮০ রোম য়েন্থোকখ্রে।
ফেজ নাইনা পীখিবা অমসুং য়েন্থোকখিবা চেং-হৱায় অসি:
২০২০-২১গী মনুংদা হাপখিবা পি.এম.-জি.কে.এ.ৱাই.:
এ. ফেজ I অমসুং II (২০২০গী এপ্রিলদগী নবেম্বর ফাওবা): দিপার্তমেন্তনা থা-৮ য়েনবগী মতমদা রাজ্য/য়ু.তি.শিংদা চেং-হৱায় মেত্রিক তন লাখ ৩২১গী অপুনবা ক্বান্তিতী অমা পীখি, হায়রিবা অসিদা লৈবাক শিনবা থুংনা থা খুদিংগী চাংচৎতা এন.এফ.এস.এ. মীশিং ৯৪% (বেনিফিসরী কোতি ৭৫) রোমদা চেং-হৱায় পুন্না মেত্রিক তন লাখ ২৯৮.৮ (চাওরাক্না ৯৩%) অমা য়েন্থোকখিবগী রিপোর্ত রাজ্য/য়ু.তি.শিংনা পীরক্লি।
২০২১-২২গী মনুংদা হাপখিবা পি.এম.-জি.কে.এ.ৱাই.:
বি. ফেজ III (২০২১গী মেদগী জুন ফাওবা): ফেজ-IIIগী মখাদা, দিপার্তমেন্তনা থা-২ য়েনবগী মতমদা চেং-হৱায় মেত্রিক তন লাখ ৭৯.৪৬ অমা পীখি, হায়রিবা থা খুদিংগী চাংচৎতা এন.এফ.এস.এ. মীশিং ৯৫% (বেনিফিসরী কোতি ৭৫.১৮) রোমদা চেং-হৱায় পুন্না মেত্রিক তন লাখ ৭৫.২ (চাওরাক্না ৯৪.৫%) অমা য়েন্থোকখিবগী রিপোর্ত রাজ্য/য়ু.তি.শিংনা পীরক্লি।
সি. ফেজ IV (২০২১গী জুলাইগী নবেম্বর ফাওবা): ফেজ-IVগী মখাদা থা-৫গী য়েনবা মতমদা , দিপার্তমেন্তনা রাজ্য/য়ু.তি.শিংদা চেং-হৱায় মেত্রিক তন লাখ ১৯৮.৭৮ অমা পীখি, হায়রিবা থা খুদিংগী চাংচৎতা এন.এফ.এস.এ. মীশিং ৯৩% (বেনিফিসরী কোতি ৭৪.৪) রোমদা চেং-হৱায় পুন্না মেত্রিক তন লাখ ১৮৬ (চাওরাক্না ৯৩.৬%) অমা য়েন্থোকখিবগী রিপোর্ত রাজ্য/য়ু.তি.শিংনা পীরক্লি।
দি. ফেজ V (২০২১গী দিসেম্বরদগী মার্চ ফাওবা): ২০২২গী মার্চ ফাওবা পি.এম.-জি.কে.এ.ৱাই. চৎথনবা লাওথোকখিবগী মতুং ইন্না, দিপার্তমেন্তনা রাজ্য/য়ু.তি.শিংদা থা-৪ য়েন্নবগী মতমদা, চেং-হৱায় মেত্রিক তন লাখ ১৬৩ অমা পীনবা ইসু তৌখি। য়েন্থোক্লিবা অসিগী অনিশুবা থা হৌবতা ঙাইরিবা ওইবনা, হৌজিক ফাওবদা বেনিফিসরীশিংদা -হৱায় পুন্না মেত্রিক তন লাখ ১৯.৭৬ রোম য়েনখিবা উৎলি হায়না রাজ্য/য়ু.তি.শিংদগী রিপোর্ত ফংলি।
মখা তানা, ফেজ-Vকী মখাদা লেম্না চেং-হৱায় য়েনবা হৌজিকসু চৎথরি, হৌজিক চৎথরিবা ফেজ অসিগী য়েন্থোকপগী থবকশিং অসি মমাংগী ফেজদা ফংখিবা থাক অদুগা চপ মান্ননা থম্নবা পারি।
রাজ্য/য়ু.তি.শিংনা চেং-হৱায় য়েল্লিবা অসি দিপার্তমেন্ত অসিনা লেপ্পা লৈতনা নুমিৎ খুদিংগী য়েংশিল্লি অমসুং হৌজিক ফাওবদা, লৈবাক অসিগী এন.এফ.এস.এ. বেনিফিসরীশিংদা পি.এম.-জি.কে.এ.ৱাই.গী মখাদা অহেনবা চেং-হৱায় লেম্না য়েল্লিবা অসি অপেনবা ওইরি।
পি.এম.-জি.কে.এ.ৱাই.গী মখাদা য়েল্লিবা অসিদা খ্বায়দগী নিংথিনা থবক পাংথোকপা রাজ্য/য়ু.তি.শিং খরা লৈরি:
২০২০-২১গী মনুং (ফেজ I অমসুং II): মিজোরম (১০০%), মেঘালয় (১০০%), অরুনাচল প্রদেশ (৯৯%), সিক্কিম (৯৯%) মখাদা উৎলিবা অসুম্না:
![](https://static.pib.gov.in/WriteReadData/userfiles/image/image001XEX6.png)
২০২১-২২গী মনুং (ফেজ III অমসুং IV): ছত্তিসগর (৯৮%), ত্রিপুরা (৯৭%), মিজোরম (৯৭%), দিল্লী (৯৭%) অমসুং ৱেস্ত বেঙ্গাল (৯৭%) মখাদা উৎলিবা অসুম্না:
![](https://static.pib.gov.in/WriteReadData/userfiles/image/image0021EAG.png)
পি.এম.-জি.কে.এ.ৱাই.গী মখাদা পোর্তেবল ত্রান্সেক্সনগী মতুং ইন্না খ্বায়দগী নিংথিনা থবক তৌখিবা রাজ্য/য়ু.তি.শিং অদুদি ৱান নেসন ৱান রাসন (ও.এন.ও.আর.সি.) ফেসিলিতী শিজিন্নবা রাজ্যশিং মদুদি বিহার, অন্ধ্র প্রদেশ, রাজস্থান, উত্তর প্রদেশ, তেলঙ্গনা, কর্নাতকা, কেরলা, মহারাস্ত্র, হারিয়ানা অমসুং মধ্য প্রদেশনা ফেজ I অমসুং IV মনুংদা পি.এম.-জি.কে.এ.ৱাই. দিস্ত্রিব্যুসনগী ইন্ত্রা-স্তেত পোর্তেবিলিতী ত্রান্সেক্সনগী খ্বায়দগী মশিং য়াম্না রেকোর্দ লৈরি।
![](https://static.pib.gov.in/WriteReadData/userfiles/image/image003AEUG.png)
মসিগী মান্ননা, ও.এন.ও.আর.সি. ফেসিলিতী খুত্থাংদা রাজ্যশিং মদুদি দিল্লী, হারিয়ানা, মহারাস্ত্র, গুজরাত, দি.এন.ঐচ. দি. অমসুং দি., য়ু.পি., হিমাচল প্রদেশ, কর্নাতকা, জে. অমসুং কে. অমসুং ঝর্খন্দ ফেজ I অমসুং IV মনুংদা পি.এম.-জি.কে.এ.ৱাই. দিস্ত্রিব্যুসনগী ইন্ত্রা-স্তেত পোর্তেবিলিতী ত্রান্সেক্সনগী খ্বায়দগী মশিং য়াম্না রেকোর্দ লৈরি।
![](https://static.pib.gov.in/WriteReadData/userfiles/image/image004E2DB.png)
পি.এম.-জি.কে.এ.ৱাই. মতমগী মনুংদা আধার ওথেন্তিকেদ তৌদুনা চেং-হৱায় য়েনখিবা:
পি.এম.-জি.কে.এ.ৱাই. ফেজ III অমসুং IVগী মনুংদা রাজ্য/য়ু.তি.শিং আধারদা য়ুম্ফম ওইদুনা চেং-হৱায় য়েনখিবা অসি য়াম্না নিংথিনা পাংথোকখি:
-
- আধারদা য়ুম্ফম ওইদুনা য়েনখিবা ৯৮%-১০০% - রাজ্য/য়ু.তি. ১২ (অন্ধ্র প্রদেশ, বিহার, দি.এন.ঐচ. দি.অমসুং দি., দিল্লী, হারিয়ানা, মহারাস্ত্র, কর্নাতকা, পঞ্জাব, রাজস্থান, তেলঙ্গনা, ত্রিপুরা, য়ু.তি.)
- ৯০%-৯৮% য়েনখিবা - রাজ্য ৪ মদুদি গৱা, মধ্য প্রদেশ, কেরলা অমসুং গুজরাত
- ৭০%-৯০% য়েনখিবা – রাজ্য/য়ু.তি. ৭ মদুদি (ওরিশা, হিমাচল প্রদেশ, জে. অমসুং কে., এ. অমসুং এন., ঝর্খন্দ, মিজোরম অমসু তামিল নাদু)
দিপার্তমেন্ত অসিনা পি.এম.-জি.কে.এ.ৱাই.গী মখাদা আই.ই.সি.গী এক্তিবিতীশিং লৌখৎলি:
দিপার্তমেন্তনা এফ.পি.এস.শিং, গোদাউন্দশিং অমসুং অতৈ পি.দি.এস.কী মফমশিংদা উৎনবা হিন্দী অমসুং রিজনেল লোল ১০, মিং ওইনা – আসামীজ, বেঙ্গালী, গুজরাতী, কনাদা, মরাথী, মলায়ালম, ওরিয়া, পঞ্জাবী, তামিল অমসুং তেলেগু লোয়ননা রাজ্য/য়ু.তি. পুম্বদা মতম-মতমগী মতুং ইন্না (২০২০গী জুনদগী ২০২১গী দিসেম্বর ফাওবা) বেন্নর/হোর্দিং পুথোক্লি। মসিগী মথক্তা, দিপার্তমেন্ত অসিনা ইন্দিয়ন রেলৱেজ, দি./ও. পোস্ত, এম/ও. পি.এন.জি., এম./ও. আই. অমসুং বি. শিংবু মসিগী বেন্নরশিং অসি লৈবাক শিনবা থুংনা মফম চাবা য়েংদুনা হায়বদি পেত্রোল পম্পশিং/সি.এন.জি. স্তেসনশিং, পোস্ত ওফিসশিং, রেলৱে স্তেসনশিং অমসুং অতৈ মমিং লৈবা মফমশিংদা উৎনবা কেন্দ্রগী মন্ত্রালয়/দিপার্তমেন্তশিংদগী মতেং লৌরি। দিপার্তমেন্ত অসিনা চাং নাইনা প্রেস রিলিজ তৌদুনা পি.এম.জি.কে.এ.ৱাই.গী মরমদা য়াম্না পাক চাউনা পাউজেলসু শন্দোক্লি অমসুং সোসিএল মেদিয়া হেন্দলশিং (ত্বীত্তর অমসুং য়ু তুব)গী খুত্থাংদা অপদেৎ তৌরি।
****************
(Release ID: 1789493)
Visitor Counter : 179