মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
প্রধান মন্ত্রীনা পুদুচেরীদা এম.এস.এম.ই.তেক্নোলোজী সেন্তর শঙ্গাখ্রে
Posted On:
12 JAN 2022 5:12PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নেস্নেল য়ুথ দেগী থৌরমদা পুদুচেরীদা লিংখৎখিবা, এম.এস.এম.ই. মন্ত্রালয়গী তেক্নোলোজী সেন্তর অমা শঙ্গাখ্রে। চা্রাক্না লুপা করোর ১২২ চংনা শাখিবা ৱার্লদ ক্লাস তেক্নোলোজী সেন্তর অসি একর ১০দা শন্দোক্তুনা লৈ, মসিনা নহা ২০,০০০ ত্রেন তৌগনি, এম.এস.এম.ই. ২০০০ মতেং পাংগনি অমসুং স্তার্ত অপ ২০০ শেমগৎলগনি, মসিনা মরম ওইরগা লোকেল ইকোনোমীবু নৌনা অৱাংবা থাক্তা পুখৎলগনি। প্রধান মন্ত্রীনা এম.এস.এম.ই. তেক্নোলোজী সেন্তর অসি শঙ্গাবনা রিজন অসিগী নহাশিংগী মরক্তা স্কীল দিবেলপমেন্ত হেনগৎহল্লগনি অমসুং এন্ত্রপ্রেনোরগী ওইবা ৱাখল্লোন কয়া শেমগৎলনি।
কেন্দ্রগী মন্ত্রী, শ্রি অনুরাগ সিং থাকুর, শ্রী নারায়ন রানে, শ্রী ভানু প্রতাপ সিং ভর্মা অমসুং নিসিথ প্রমানিক, দা. তামিলিসাই সাউন্দরারাজন, পুদুচেরীগী মুখ্য মন্ত্রী, শ্রী এন. রঙ্গাস্বামী, রাজ্যগী মন্ত্রীশিং অমসুং পার্লিয়ামেন্তরীশিংনা থৌরম অদুদা শরুক য়াখি।
লৈবাক শিনবা থুংনা ফ্লেগশিপ তেক্নোলোজী সেন্তর সীস্তেমস প্রোগ্রাম অসিগী মখাদা দিবেলপ তোখিবা তেক্নোলোজী সেন্তরশিংনা প্রোদক্সন ফেসিলিতীশিং দিবেলপ তৌদুনা , মেনপাৱর, কন্সলতেন্সী পীদুনা অমসুং খ্বাইদগী হেন্না ফবা প্রক্তিসশিং শিজিন্নদুনা কমপিতিতিব এজ শেমগত্তুনা লৈরিবা অমসুং প্রোসপেক্তিব লৈবা এম.এস.এম.ই.শিংগী মতেং পাংলি।
এম.এস.এম.ই. মন্ত্রালয়না মখোয়গী অনৌবা খোংথাং কয়া অমা অমসুং প্রোগ্রামশিং অসিগী খুত্থাংদা ইনক্লুসিব ওইবা গ্রোথ ফংনবা, সস্তেন্নেবল এমপ্লোইমেন্ত ওপোর্চুনিতীশিং পীনবা সেক্তর অসিবু শেমগৎলি অমসুং মসিনা প্রধান মন্ত্রীগী আত্মা নির্ভর ভারতকী ভিজন অদুবু ফংবা ঙমহল্লগনি।
*****
(Release ID: 1789433)
Visitor Counter : 163