অতল পেন্সন য়োজনা(এ.পি.ৱাই.) শেমগৎখিবদগী চহি তরুক মখায় হেন্দোরক্লবা মতম অসিদা এনরোল তৌবগী চাং অসি কোতি ৩.৬৮ ওইদুনা খোংচৎ অসি তশেংনা মরু ওইহনখ্রে৷ সবসক্রাইবর লাখ ৬৫ হেনবনা এনরোল তৌরক্তুনা শেনবা চহি অসিদা উৎলিবা পর্ফোমেন্স অসি ফিদমনিংঙাই ওইখ্রে, স্কিম অসি হেক হৌদোরকপদগী হৌদুনা হায়রিবা মতম অসিমক্তদা এনরোল তৌবগী চাং অসি ঙসি ফাওবদা মসিনা খ্বাইদগী ৱাংবনি৷ এনরোলমেন্তশিং অসিদগী হেন্দোক্তুনা, ৫৬:৪৪গী নুপা নুপীগী সবসক্রিপ্সন রেসিও অসি ফগৎলক্লি অমদি মেনেজমেন্তদা লৈরিবা এসেত অসি লুপা কোতি ২০,০০০রোম্নি৷

ভারত সরকারগী ফ্লেগশিপ সোসিয়েল সেক্যুরিতী স্কিম, এ.পি.ৱাই. অসি ২০১৫গী মে ৯দা ইকাই খুম্নরবা প্রধান মন্ত্রী শ্রী নরেন্দ্র মোদীনা মরু ওইনা আনওর্গনাইস সেক্তরশিংদা লৈরিবা প্রজাশিংদা ওল্দ এজ ইনকম সেক্যুরিতী ফংহন্নবগী মীৎয়েং অমগা লোইননা হৌদোকখিবনি৷

অতল পেন্সন য়োজনা থৌ-শিল্লিবা পেন্সন ফন্দ রিগুলেতরী এন্দ দিবেলপমেন্ত ওথোরিতী(পি.এফ.আর.দি.এ.)গী চিয়রমেন শ্রী সুপ্রাতিম বন্দ্যোপাধ্যায়না হায়খি, “পেন্সন কভরেজ তৌদুনা সমাজ অসিদী খ্বাইদগী শোকপা য়ানা লৈরিবা সেক্সনশিংদা কান্নবা পীরিবা অসি পব্লিক অমদি প্রাইভেৎ বেঙ্কশিং, রিজনেল রুরেল বেঙ্কশিং, পেমেন্ত বেঙ্কশিং, স্মোল ফাইনান্স বেঙ্কশিং, কো-ওপরেতিব বেঙ্কশিং, দিপার্তমেন্ত ওফ পোস্তশিংনা চোকথবা নাইদনা হোৎনখিবা অমদি রাজ্যগী থাক্তা লৈরিবা বেঙ্করশিংগী কম্মিতীশিংনা মতেং পীরবা মতম খক্তদা ওইথোকহনখিবনি৷”

“চৎলিবা শেনবা চহি অসিদা এনরোলমেন্ত কোতি অমা ফংলিবা অসিগী মথক্তা,  মাংলোমদা চংশিল্লক্তুনা ঐখোয়না লৈবাক অসিদা পেন্সন সেচুরেসন ফংনবগী থবক লৈরি অমদি মদু ফংনবগীদমক ঐখোয়না লেপ্প-লৈতনা প্রোএক্তিব ওইবা ইনিসিয়েতিবশিং লৌখৎকনি,” হায়না পি.এফ.আর.দি.এ. চিয়রমেননা মখাতাখি৷

বেঙ্ক একাউন্ত অমমম লৈবা চহি কাংলুপ ১৮-৪০গী মনুংদা লৈরিবা ভারত মচা অমা হেক্তনা এ.পি.ৱাই.দা সবক্রাইব তৌবা য়াই অমদি মসিগী অখন্নবা মওং অসিনা মশক-থোকপা কান্নবা অহুম পীরি৷ অহানবদা, চহি ৬০ শুরকপা মতমদা মসিনা লুপা ১০০০দগী হৌরগা ৫০০০ ফাওবা মিনিমম গরেন্তীদ পেন্সন অমা পীরি, অনিশুবদা সবসক্রাইবর অদুনা শিখিবা মতমদা পেন্সনগী শেনফম অদু লোইনবীদা পুন্সি চুপ্পগী ওইনা পীগনি অমদি অরোইবদা, সবসক্রাইবর অমদি লোইনবী অনিমক শিখি-নাখিবা থোকপা মতমদা, পেন্সন কোর্পসকী শেনফম পুম্নমক নোমিনীদা পী৷

******