ਉੱਤਰ–ਪੂਰਬੀ ਰੇਲਵੇ, ਜੋ ਪਮੁੱਖ ਤੌਰ ’ਤੇ ਯਾਤਰੀਆਂ ਦੇ ਰੁਝਾਨ ਵਾਲੀ ਪ੍ਰਣਾਲੀ ਹੈ, ਨੇ ਸਾਲ 2021 ਦੌਰਾਨ ਜਨਤਾ ਨੂੰ ਸੁਰੱਖਿਅਤ, ਸਹੀ–ਸਲਾਮਤ, ਤੇਜ਼–ਰਫ਼ਤਾਰ, ਸੁਵਿਧਾਜਨਕ ਤੇ ਭਰੋਸੇਯੋਗ ਆਵਾਜਾਈ ਸਹੂਲਤ ਮੁਹੱਈਆ ਕਰਵਾਉਣ ਵਾਲੇ ਪ੍ਰਮੁੱਖ ਜ਼ੋਨਜ਼ ਵਿੱਚੋਂ ਇੱਕ ਰਿਹਾ ਹੈ।

1. ਬੁਨਿਆਦੀ ਢਾਂਚੇ ਦੇ ਵਿਕਾਸ: 2021 ਦੌਰਾਨ ਹੇਠ ਲਿਖੇ ਨਵੇਂ ਪ੍ਰੋਜੈਕਟ ਚਾਲੂ ਕੀਤੇ ਗਏ ਹਨ:

• 47 ਕਿਲੋਮੀਟਰ ਦਾ ਗੇਜ ਤਬਾਦਲਾ: ਸ਼ਾਹਜਹਾਂਪੁਰ – ਸ਼ਾਹਬਾਜ਼ਨਗਰ (4 ਕਿਲੋਮੀਟਰ) ਅਤੇ ਮੇਲਾਨੀ – ਸ਼ਾਹਗੜ੍ਹ (43 ਕਿਲੋਮੀਟਰ)

• 101 ਕਿਲੋਮੀਟਰ ਦਾ ਦੋਹਰਾਕਰਣ ਤੇ ਬਿਜਲਈਕਰਣ:

• ਅਨੁਰੀਹਰ–ਗ਼ਾਜ਼ੀਪੁਰ ਸ਼ਹਿਰ (40 ਕਿਲੋਮੀਟਰ)

• ਸੀਤਾਪੁਰ–ਪਰਸੇਂਦੀ (16.8 ਕਿਲੋਮੀਟਰ)

• ਮਾਧੋਸਿੰਘ–ਗਿਆਨਪੁਰ ਰੋਡ (14.6 ਕਿਲੋਮੀਟਰ)

• ਬਲੀਆ– ਫ਼ਾਫ਼ਨਾ (10.5 ਕਿਲੋਮੀਟਰ)

• ਅਨੁਰੀਹਰ–ਢੋਭੀ (20 ਕਿਲੋਮੀਟਰ)

• 406 ਕਿਲੋਮੀਟਰ ਦਾ ਬਿਜਲਈਕਰਨ।

• ਬਲੀਆ ਅਤੇ ਗਾਜ਼ੀਪੁਰ ਵਿਖੇ ਕੋਚ ਰੱਖ-ਰਖਾਅ ਦੀਆਂ ਸਹੂਲਤਾਂ ਸਥਾਪਿਤ ਕੀਤੀਆਂ ਗਈਆਂ ਹਨ।

• 06 ਰੇਲਵੇ ਓਵਰਬ੍ਰਿਜ ਮੁਕੰਮਲ ਕੀਤੇ ਗਏ ਹਨ

2. ਯਾਤਰੀ ਸਹੂਲਤਾਂ:

• 10 ਵੱਖ-ਵੱਖ ਸਟੇਸ਼ਨਾਂ 'ਤੇ 24 ਐਸਕੇਲੇਟਰ ਮੁਹੱਈਆ ਕਰਵਾਏ ਗਏ ਹਨ।

• 8 ਵੱਖ-ਵੱਖ ਸਟੇਸ਼ਨਾਂ 'ਤੇ 22 ਲਿਫਟਾਂ ਮੁਹੱਈਆ ਕਰਵਾਈਆਂ ਗਈਆਂ ਹਨ।

• 47 ਰੇਲਵੇ ਸਟੇਸ਼ਨਾਂ ਨੂੰ ਆਦਰਸ਼ ਸਟੇਸ਼ਨਾਂ ਵਜੋਂ ਵਿਕਸਤ ਕੀਤਾ ਗਿਆ ਹੈ।

• ਸਾਰੇ 295 ਯੋਗ ਸਟੇਸ਼ਨਾਂ ਵਿੱਚ ਵਾਈ–ਫਾਈ ਪ੍ਰਦਾਨ ਕੀਤਾ ਗਿਆ ਹੈ।

3. ਸੁਰੱਖਿਆ:

• ਅਸਫਲਤਾ ਦੀਆਂ ਜਾਂਚਾਂ 'ਤੇ ਵਿਸ਼ੇਸ਼ ਜ਼ੋਰ ਦਿੰਦਿਆਂ ਅਣਸੁਖਾਵੀਂਆਂ ਘਟਨਾਵਾਂ ਨੂੰ ਘੱਟ ਕਰਨ ਲਈ ਬਹੁਤ ਸਾਰੇ ਸੁਰੱਖਿਆ ਉਪਾਅ ਕੀਤੇ ਗਏ ਹਨ ਅਤੇ ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਵੱਖ-ਵੱਖ ਉਪਚਾਰਕ ਉਪਾਅ ਅਪਣਾਏ ਗਏ ਹਨ।

• 75 ਫਾਟਕਾਂ ਨੂੰ RUB/LHS/ROB (ਰੇਲਵੇ ਅੰਡਰ ਬ੍ਰਿਜ/ਲਿਮਟਿਡ ਹਾਈਟ ਸਬਵੇਅ/ਰੇਲਵੇ ਓਵਰ ਬ੍ਰਿਜ) ਅਤੇ ਡਾਇਵਰਸ਼ਨ ਦੇ ਪ੍ਰਬੰਧ ਦੁਆਰਾ ਖਤਮ ਕਰ ਦਿੱਤਾ ਗਿਆ ਹੈ।

• 50 ਹਜ਼ਾਰ ਤੋਂ ਵੱਧ ਵਾਹਨ ਯੂਨਿਟਾਂ (ਟੀਵੀਯੂ) ਵਾਲੇ ਸਾਰੇ ਪੱਧਰੀ ਫਾਟਕਾਂ ਨੂੰ ਇੰਟਰਲਾਕ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, 2021 ਵਿੱਚ 50,000 ਤੋਂ ਘੱਟ TVU ਵਾਲੇ 16 ਫਾਟਕਾਂ ਨੂੰ ਵੀ ਇੰਟਰਲਾਕ ਕੀਤਾ ਗਿਆ ਹੈ।

• 78 ਕਿਲੋਮੀਟਰ ਟ੍ਰੈਕ ਦਾ ਨਵੀਨੀਕਰਨ ਕੀਤਾ ਗਿਆ। ਇਸ ਤੋਂ ਇਲਾਵਾ 192 ਕਿਲੋਮੀਟਰ ਮੈਦਾਨੀ ਪਟੜੀਆਂ ਅਤੇ 145 ਮੋੜਾਂ ਵਾਲੀਆਂ ਪਟੜੀਆਂ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਗਈ।

4. ਲੋਡਿੰਗ:

• ਸੰਚਤ ਲੋਡਿੰਗ ਅੱਪ ਟੂ ਡੇਟ ਪਿਛਲੇ ਸਾਲ ਦੀ ਸਮਾਨ ਮਿਆਦ ਦੇ ਮੁਕਾਬਲੇ ਲਗਭਗ 60% ਜ਼ਿਆਦਾ ਹੈ।

• ਲੋਡਿੰਗ ਨੂੰ ਵਧਾਉਣ ਲਈ ਕਈ ਕਦਮ ਚੁੱਕੇ ਗਏ ਹਨ; ਜਿਵੇਂ ਕਿ 26 ਮੁੱਖ ਮਾਲ ਸ਼ੈੱਡ 24 ਘੰਟੇ ਕੰਮ ਕਰਨ ਲਈ ਚਾਲੂ ਕੀਤੇ ਗਏ ਹਨ, ਮਾਲ ਗੱਡੀਆਂ ਦੀ ਔਸਤ ਰਫ਼ਤਾਰ ਵਧਾਈ ਗਈ ਹੈ ਅਤੇ ਸਾਲ ਭਰ ਲਗਾਤਾਰ 50 ਕਿਲੋਮੀਟਰ ਪ੍ਰਤੀ ਘੰਟਾ ਤੋਂ ਉੱਪਰ ਕਾਇਮ ਰੱਖੀ ਗਈ ਹੈ।

• ਜ਼ੋਨਲ ਅਤੇ ਡਿਵੀਜ਼ਨਲ ਪੱਧਰਾਂ 'ਤੇ ਬਿਜ਼ਨੇਸ ਡਿਵੈਲਪਮੈਂਟ ਯੂਨਿਟਾਂ (ਬੀਡੀਯੂ) ਦੇ ਠੋਸ ਯਤਨਾਂ ਨਾਲ ਕਿਸਾਨ ਰੇਲ ਦੇ 22 ਰੈਕ ਲੋਡ ਕੀਤੇ ਗਏ ਹਨ ਅਤੇ ਇੱਜ਼ਤਨਗਰ ਡਿਵੀਜ਼ਨ ਦੇ ਫਰੁਖਾਬਾਦ ਰੇਲਵੇ ਸਟੇਸ਼ਨ ਤੋਂ ਉੱਤਰ ਪੂਰਬੀ ਸਰਹੱਦੀ ਰੇਲਵੇ ਤੱਕ ਚਲਾਏ ਗਏ ਹਨ।

• ਉੱਤਰ–ਪੂਰਬੀ ਰੇਲਵੇ (NER) ਨੇ ਪਿਛਲੇ ਸਾਲ ਟ੍ਰੈਫਿਕ ਦੀ ਤੁਲਨਾਤਮਕ ਤੌਰ 'ਤੇ ਆਟੋਮੋਬਾਈਲਜ਼ ਦੀ ਲੋਡਿੰਗ ਦੀ ਨਵੀਂ ਧਾਰਾ ਸ਼ੁਰੂ ਕੀਤੀ ਹੈ। ਇਸ ਸਾਲ ਹਲਦੀ ਰੋਡ ਤੋਂ 113 ਰੇਕਾਂ ਨਾਲ ਭਰੀਆਂ ਆਟੋਮੋਬਾਈਲਜ਼ ਨਾਲ 41% ਜ਼ਿਆਦਾ ਲੋਡਿੰਗ ਕੀਤੀ ਗਈ।

• ਦੋ ਪ੍ਰਮੁੱਖ ਆਟੋਮੋਬਾਈਲ ਹੈਂਡਲਿੰਗ ਟਰਮੀਨਲ ਵਿਕਸਤ ਕੀਤੇ ਗਏ ਹਨ, ਇੱਕ ਬਖਸ਼ੀ ਕਾ ਤਾਲਾਬ ਵਿਖੇ ਹੈ ਅਤੇ ਦੂਜਾ ਨੌਤਨਵਾ ਵਿਖੇ ਹੈ ਜੋ ਗੁਆਂਢੀ ਦੇਸ਼ ਨੇਪਾਲ ਦੀਆਂ ਆਵਾਜਾਈ ਦੀਆਂ ਜ਼ਰੂਰਤਾਂ ਨੂੰ ਵੀ ਪੂਰਾ ਕਰ ਰਿਹਾ ਹੈ। ਇਨ੍ਹਾਂ ਸਟੇਸ਼ਨਾਂ 'ਤੇ 77 ਰੇਕ ਉਤਾਰੇ ਗਏ।

• ਆਟੋਮੋਬਾਈਲ ਲੋਡਿੰਗ ਦੀ ਸਹੂਲਤ ਲਈ ਗੋਰਖਪੁਰ ਅਤੇ ਇੱਜ਼ਤਨਗਰ ਦੀਆਂ ਵਰਕਸ਼ਾਪਾਂ ਵਿੱਚ 550 ਨਕਾਰਾ ICF ਕੋਚਾਂ ਨੂੰ NMG ਵੈਗਨਾਂ ਵਿੱਚ ਬਦਲਿਆ ਗਿਆ ਸੀ। ਇਹ ਇੱਕ ਸਾਲ ਵਿੱਚ ਭਾਰਤੀ ਰੇਲਵੇ ਵਿੱਚ ਕੀਤਾ ਗਿਆ ਸਭ ਤੋਂ ਵੱਡਾ ਪਰਿਵਰਤਨ ਹੈ।

5. ਖਰਚ ਕੰਟਰੋਲ:

• ਲਾਗਤਾਂ ਘਟਾਉਣ ਲਈ, ਸਟੇਸ਼ਨ ਦੀ ਸਫ਼ਾਈ, ਬੋਰਡ ਹਾਊਸਕੀਪਿੰਗ ਸੇਵਾਵਾਂ (OBHS) ਅਤੇ ਮਸ਼ੀਨੀ ਸਫ਼ਾਈ ਦਾ ਠੇਕਾ GEM ਰਾਹੀਂ ਕੀਤਾ ਗਿਆ ਹੈ। ਕੁੱਲ 10 ਇਕਰਾਰਨਾਮਿਆਂ ਨੂੰ ਅੰਤਿਮ ਰੂਪ ਦਿੱਤਾ ਗਿਆ ਹੈ, ਜਿਸ ਦੇ ਨਤੀਜੇ ਵਜੋਂ 40% ਤੋਂ ਵੱਧ ਦੀ ਬਚਤ ਹੋਈ ਹੈ।

• ਰੇਲਵੇ ਕਰਮਚਾਰੀਆਂ ਨੂੰ ਵੱਖ-ਵੱਖ ਰੱਖ-ਰਖਾਅ ਦੇ ਕੰਮ ਕਰਨ ਲਈ ਉਚਿਤ ਤੌਰ 'ਤੇ ਸਿਖਲਾਈ ਦਿੱਤੀ ਗਈ ਹੈ ਅਤੇ ਹੁਨਰਮੰਦ ਬਣਾਇਆ ਗਿਆ ਹੈ ਜੋ ਕਿ ਸਾਲਾਨਾ ਰੱਖ-ਰਖਾਅ ਇਕਰਾਰਨਾਮੇ (AMCs) ਦੁਆਰਾ ਕੀਤੇ ਗਏ ਸਨ, ਜਿਸ ਦੇ ਨਤੀਜੇ ਵਜੋਂ ਰੇਲਵੇ ਮਾਲੀਏ ਦੀ ਬਚਤ ਹੁੰਦੀ ਹੈ।

• ਜ਼ੋਨਲ ਅਤੇ ਸਾਰੇ ਡਿਵੀਜ਼ਨਲ ਰੇਲਵੇ ਹਸਪਤਾਲਾਂ ਨੂੰ ਆਕਸੀਜਨ ਪਲਾਂਟਾਂ ਦੀ ਸਹੂਲਤ ਨਾਲ ਲੈਸ ਕੀਤਾ ਗਿਆ ਹੈ, ਜਿਸ ਦੇ ਨਤੀਜੇ ਵਜੋਂ ਡਾਕਟਰੀ ਆਕਸੀਜਨ ਦੇ ਖਰਚੇ ਦੇ ਲਗਭਗ 70% ਦੀ ਬਚਤ ਹੋਈ ਹੈ।

• ਇਹਨਾਂ ਸੁਧਾਰਾਂ ਤੋਂ ਕੁੱਲ 20 ਕਰੋੜ ਦੀ ਬੱਚਤ ਹੋਣ ਦੀ ਉਮੀਦ ਹੈ।

6. ਊਰਜਾ ਸੰਭਾਲ:

• ਉੱਤਰ–ਪੂਰਬੀ ਰੇਲਵੇ (NER) ਦੇ 75% ਤੋਂ ਵੱਧ ਰੂਟਾਂ ਦਾ ਬਿਜਲਈਕਰਣ ਕੀਤਾ ਗਿਆ ਹੈ ਅਤੇ ਸਾਲ 2022 ਦੇ ਅੰਤ ਤੱਕ ਲਗਭਗ 100% ਬਿਜਲਈਕ੍ਰਿਤ ਰੇਲਵੇ ਬਣ ਜਾਵੇਗਾ।

• ਮੁੱਖ ਮਾਰਗਾਂ ਦੇ ਬਿਜਲਈਕਰਨ ਤੋਂ ਬਾਅਦ ਹਾਈ ਸਪੀਡ ਡੀਜ਼ਲ (ਐੱਚਐੱਸਡੀ) 'ਤੇ ਖਰਚਾ ਕਾਫ਼ੀ ਘੱਟ ਗਿਆ ਹੈ, ਜਿਸ ਨਾਲ 361 ਕਰੋੜ ਰੁਪਏ ਦੀ ਬਚਤ ਹੋਈ ਹੈ। 

• CUF (ਸਮਰੱਥਾ ਉਪਯੋਗਤਾ ਪੱਖ) ਅਧਾਰਿਤ ਸੂਰਜੀ ਨਿਗਰਾਨੀ ਪ੍ਰਣਾਲੀ ਨੂੰ ਲਾਗੂ ਕੀਤਾ ਗਿਆ ਹੈ, ਜਿਸ ਦੇ ਨਤੀਜੇ ਵਜੋਂ ਇਸ ਸਾਲ 4.72 MWp ਦੀ ਸਥਾਪਿਤ ਸਮਰੱਥਾ ਦੇ ਨਾਲ ਪਿਛਲੇ ਸਾਲ ਦੀ ਸਮਾਨ ਮਿਆਦ ਦੇ ਮੁਕਾਬਲੇ 26% ਵੱਧ ਸੂਰਜੀ ਊਰਜਾ ਉਤਪਾਦਨ ਹੋਇਆ ਹੈ।

• ਕੁੱਲ 31 ਜੋੜਾ ਰੇਲ–ਗੱਡੀਆਂ, ਜੋ ਉੱਤਰ ਪੂਰਬੀ ਰੇਲਵੇ 'ਤੇ ਸ਼ੁਰੂ ਹੁੰਦੀਆਂ ਹਨ / ਸਮਾਪਤ ਹੁੰਦੀਆਂ ਹਨ, HOG ਸਿਸਟਮ 'ਤੇ ਚੱਲ ਰਹੀਆਂ ਹਨ।

• ਉੱਤਰ–ਪੂਰਬੀ ਰੇਲਵੇ (NER) ਨੇ ਵੱਕਾਰੀ ਨੈਸ਼ਨਲ ਐਨਰਜੀ ਕੰਜ਼ਰਵੇਸ਼ਨ ਐਵਾਰਡਸ - 2021 ਦੇ ਤਹਿਤ ਆਵਾਜਾਈ ਸ਼੍ਰੇਣੀ ਵਿੱਚ ਪਹਿਲਾ ਇਨਾਮ ਜਿੱਤਿਆ।

• UP NEDA ਐਵਾਰਡ- 2021 ਅਧੀਨ ਗੋਰਖਪੁਰ ਸਟੇਸ਼ਨ ਨੇ ਵਪਾਰਕ ਬਿਲਡਿੰਗ ਸ਼੍ਰੇਣੀ ਵਿੱਚ ਪਹਿਲਾ ਇਨਾਮ ਜਿੱਤਿਆ, ਗੋਂਡਾ ਸਟੇਸ਼ਨ ਨੇ ਸਰਕਾਰੀ ਇਮਾਰਤ ਸ਼੍ਰੇਣੀ ਵਿੱਚ ਦੂਜਾ ਇਨਾਮ ਜਿੱਤਿਆ, ਇੱਜ਼ਤਨਗਰ ਵਰਕਸ਼ਾਪ ਨੇ ਉਦਯੋਗਿਕ ਸ਼੍ਰੇਣੀ ਵਿੱਚ ਦੂਜਾ ਇਨਾਮ ਜਿੱਤਿਆ ਅਤੇ DRM ਦਫਤਰ, ਉੱਤਰ–ਪੂਰਬੀ ਰੇਲਵੇ, ਲਖਨਊ ਨੇ ਸਰਕਾਰੀ ਇਮਾਰਤ ਵਰਗ ਵਿੱਚ ਤੀਜਾ ਇਨਾਮ ਜਿੱਤਿਆ।

• 700KLD ਪ੍ਰਤੀ ਦਿਨ ਦੀ ਸਮਰੱਥਾ ਵਾਲੇ 04 ਸਟੇਸ਼ਨਾਂ 'ਤੇ ਵਾਟਰ ਰੀਸਾਈਕਲਿੰਗ ਪਲਾਂਟ ਚਾਲੂ ਕੀਤੇ ਗਏ ਹਨ।

7. ਗਾਹਕ ਸੰਤੁਸ਼ਟੀ:

• ਲਗਾਤਾਰ ਨਿਗਰਾਨੀ ਅਤੇ ਕਿਰਿਆਸ਼ੀਲ ਕਾਰਵਾਈ ਰਾਹੀਂ ਪਿਛਲੇ ਸਾਲ ਦੇ 3 ਘੰਟੇ 6 ਮਿੰਟ ਦੇ ਮੁਕਾਬਲੇ ਰੇਲ ਸਹਾਇਤਾ ਪਹੁੰਚਾਉਣ ਦਾ ਸਮਾਂ ਘਟਾ ਕੇ 13 ਮਿੰਟ ਕਰ ਦਿੱਤਾ ਗਿਆ ਹੈ। ਭਾਰਤ ਰੇਲਵੇ 'ਤੇ ਇਹ ਸਭ ਤੋਂ ਤੇਜ਼ ਨਿਪਟਾਰੇ ਦਾ ਸਮਾਂ ਹੈ।

• ਇਹ ਅਹਿਮ ਹੈ ਕਿ ਨਿਪਟਾਰੇ ਦੇ ਸਮੇਂ ਨੂੰ ਘਟਾਉਣ ਦੇ ਬਾਵਜੂਦ, ਸੁਧਾਰਾਤਮਕ ਕਾਰਵਾਈ ਦੀ ਗੁਣਵੱਤਾ ਨਾਲ ਸਮਝੌਤਾ ਨਹੀਂ ਕੀਤਾ ਗਿਆ ਸੀ। ਔਸਤ ਗਾਹਕ ਰੇਟਿੰਗ ਸ਼ਾਨਦਾਰ ਹੈ।

• ਰੇਲਵੇ ਬੋਰਡ ਦੇ ਰੇਲ ਮਦਦ ਮੀਟ੍ਰਿਕਸ ਵਿੱਚ ਉੱਤਰ–ਪੂਰਬੀ ਰੇਲਵੇ (NER) ਦਾ ਸਭ ਤੋਂ ਵੱਧ ਸਕੋਰ ਹੈ।

• CP GRAMS 'ਤੇ ਪ੍ਰਾਪਤ ਹੋਈਆਂ ਸ਼ਿਕਾਇਤਾਂ ਨੂੰ ਵੀ ਇਸੇ ਤਰ੍ਹਾਂ ਨਿਪਟਾਇਆ ਜਾ ਰਿਹਾ ਹੈ ਅਤੇ ਨਿਪਟਾਰੇ ਦਾ ਸਮਾਂ ਪਿਛਲੇ ਸਾਲ 11 ਦਿਨਾਂ ਦੇ ਮੁਕਾਬਲੇ ਇੱਕ ਦਿਨ ਤੱਕ ਘਟਾ ਦਿੱਤਾ ਗਿਆ ਹੈ। ਇਹ ਭਾਰਤੀ ਰੇਲਵੇ 'ਤੇ ਸਭ ਤੋਂ ਤੇਜ਼ ਨਿਪਟਾਰੇ ਦਾ ਸਮਾਂ ਹੈ।

*********

ਆਰਕੇਜੇ/ਐੱਮ