প্রধানমন্ত্রীগী লোইশঙ
পি.এম.না জনুৱারী ২দা মীরত্তা চৎকনি
চাউরাকপা লুপা করোর ৭০০ চঙনা শাগদবা মেজর ধ্যান চান্দ স্পোর্ত য়ুনিভর্সিতীগী, প্রধান মন্ত্রীনা, উরেপ উয়ুং তমগনি
প্রধান মন্ত্রীগী লৈবাক্কী শরুক খুদিংদা মালেমগী থাক্তা লৈবা স্পোর্তকী ইনফ্রাস্ত্রকচর শেমগৎপগী মঙলানগী মতুং ইন্না পায়খৎপা
য়ুনিভর্সিতীশিং অসিদা মতমগা চুনবা অমসুং স্তেত ওফ দি আর্ত স্পোর্ত ইনফ্রাস্ত্রকচরশিং লৈহনগনি
Posted On:
31 DEC 2021 11:11AM by PIB Imphal
প্রধান মন্ত্রী, শ্রী নরেন্দ্র মোদীনা জনুৱারী ২, ২০২২দা মীরত্তা চৎকনি অমসুং নুংথিলগী পুং ১দা মেজর ধ্যান চান্দ স্পোর্ত্স য়ুনিভর্সিতীগী উরেপ উয়ুং তমগনি। য়ুনিভর্সিতী অসি চাউরাকপা লুপা করোর ৭০০কী শেনফম চঙদুনা মীরত্তা লৈবা সার্ধনা তাউনগী সালাৱা অমসুং কাইলীগী খুঙ্গংদা শাগনি।
প্রধান মন্ত্রীনা মিৎয়েং চঙলিবশিংগী মরক্তগী য়াম্না মরু ওইবা হীরম অমদি মীয়ামদা শান্ন-খোৎনবগী কলচরলৈহনবা অমসুং লৈবাক্কী মফম খুদিংদা শান্ন-খোৎনবগী ওইবা মালেমগী থাক্কী ইনফ্রাস্ত্রকচর লৈহনবা অসিনি। মীরত্তা মেজর ধ্যান চান্দ স্পোর্ত য়ুনিভর্সিতী লিংখৎপা অসি মহাক্কী মঙলান অসিবু মাঙফাওনহনবগী মরু ওইবা খোঙথাং অমনি।
স্পোর্ত য়ুনিভর্সিতী অসিদা সিন্থেতিক হোক্কী গ্রাউন্দ, ফুৎবোল গ্রাউন্দ, বাস্কেতবোল/ভোলিবোল/হেন্দবোল/কবদ্দি গ্রাউন্দ, লোন তেনিস কোর্ত, জিম্নাজিয়ম হোল, সিন্থেতিক রন্নিং স্তেদিয়ম, স্বিম্মিং পুল, মলতিপর্পজ হোল অমসুং সাইক্লিং ভেলোদ্রোম য়াওনা মতমগা চুনবা অমসুং স্তেত ওফ দি আর্ত স্পোর্ত ইনফ্রাস্ত্রকচরশিং লৈগনি। য়ুনিভর্সিতী অসিদা অতোপ্পা ফেসিলিতীশিংগী মরক্তগী শুতিং, স্ক্বাশ, জিম্নাস্তিক্স, ৱেৎলিফতিং, আর্চরী, কেনোইং অমসুং কায়াকিংগী খুদোংচাবশিংসু লৈগনি। য়ুনিভর্সিতী অসিনা নুপী শান্নরোই ৫৪০ অমসুং নুপা ৫৪০ শান্নরোই য়াওদুনা অপুনবা শান্নরোই ১০৮০ ত্রেনিং তৌবআ ঙম্বগী কেপাসিতী লৈগনি।
*****
(Release ID: 1786561)
Visitor Counter : 179
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam