అటల్ ఇన్నోవేషన్ మిషన్ (ఎఐఎమ్) నీతి ఆయోగ్ ఈ రోజు 'ఇన్నోవేషన్స్ ఫర్ యు' రెండవ ఎడిషన్ ను విడుదల చేసింది - ఇది ఎఐఎమ్ కు చెందిన అటల్ ఇంక్యుబేషన్ సెంటర్ల (ఎఐసిలు) మద్దతు కలిగిన 70 స్టార్టప్ లను ఆవిష్కరిస్తూ వ్యవసాయం పై దృష్టి పెట్టిన ఆవిష్కరణల సంకలనం.  అలాగే, భారతదేశంలోని అటల్ టింకరింగ్ ల్యాబ్ (ఎటిఎల్) నుండి 41 ఆవిష్కరణలను కలిగి ఉన్న టెక్నాలజీపై ఆవిష్కరణల సంకలనం - 'ది ఇంజీనియస్ టింకరర్స్' ను కూడా విడుదల చేసింది.

దేశం ఆజాదీ కా అమృత్ మహోత్సవ్ - 75 వ స్వాతంత్ర్య సంవత్సరం అనుభూతిని చెందుతున్న వేళ ఈ రెండు పుస్తకాలు భారతదేశ యువ ఆవిష్కర్తల విజయ గాథల ను వివరిస్తాయి. 'ఇన్నోవేషన్స్ ఫర్ యు' అనేది భవిష్యత్తు కోసం ప్రస్తుత సమస్యలను పరిష్కరించే భారతదేశ వ్యవస్థాపక మనస్సుల విజయవంతమైన ఆవిష్కరణల సంకలనం, 'ది ఇంజీనియస్ టింకరర్స్ ‘ ' అనేది ఎటిఎల్ మారథాన్ లో పాల్గొన్న యువ విద్యార్థి ఆవిష్కర్తలు సృష్టించిన అగ్ర ఆవిష్కరణల సంకలనం - ఇది పాఠశాల విద్యార్థులను వారు రోజువారీ ప్రాతిపదికన చూసే లేదా ఎదుర్కొనే సమస్యను పరిష్కరించడానికి దోహదపడుతుంది.

'ది ఇంజీనియస్ టింకరర్స్' ఒక పరిష్కారాన్ని రూపొందించడానికి ఎటిఎల్ లలో అందుబాటులో ఉన్న,  రాబోయే సాంకేతికతలను సమం చేసింది. ఈ యువ ఆలోచనాపరులు తమ కమ్యూనిటీ సభ్యులతో ఇంటరాక్ట్ కావడం , వారి అవసరాలు- డిమాండ్లకు సరిపోయే విధంగా ఒక ప్రోటోటైప్ ను రూపొందించడం ద్వారా వారి సమస్య లను  గుర్తించడానికి తమకు  తాముగా తీసుకున్నారు. తమ కమ్యూనిటీలో మార్పు చేయాలనే వారి సంకల్పం ఎటిఎల్ మారథాన్ 2019 కోసం భారతదేశ టాప్ 41 ఆవిష్కరణలను చేరుకోవడానికి వారి ఆవిష్కరణకు ఒక మార్గాన్ని సుగమం చేసింది.

ఇలా ఉండగా, 'ఇన్నోవేషన్స్ ఫర్ యు' తన రెండవ ఎడిషన్ లో, వ్యవసాయం ,అనుబంధ సేవల రంగంలో స్టార్టప్ లు ,ఆవిష్కరణలపై దృష్టి పెట్టింది. ఈ పుస్తకం దేశవ్యాప్తంగా విస్తరించిన అటల్ ఇంక్యుబేషన్ సెంటర్లలో ఇంక్యుబేట్ చేసిన 70 ఎజి-టెక్ స్టార్టప్ ల సంకలనం. ఆధునిక వ్యవసాయ సమస్యలకు సామాజికంగా సంబంధిత పరిష్కారాలను అందించడానికి ఈ స్టార్టప్ లు ఎఐ, ఐఒటి, ఐసిటి ,ఇతర సరిహద్దు సాంకేతికతలను ఉపయోగిస్తున్నాయి. ఈ పుస్తకం మొదటి ఎడిషన్ ఈ ఏడాది అక్టోబర్ లో ప్రారంభించిన హెల్త్ కేర్ లో ఆవిష్కరణలపై దృష్టి సారించింది.

నీతి ఆయోగ్ వైస్ చైర్మన్ డాక్టర్ రాజీవ్ కుమార్, నీతి ఆయోగ్ సభ్యుడు ప్రొఫెసర్ రమేష్ చంద్, నీతి ఆయోగ్ సభ్యుడు (వ్యవసాయం) ప్రొఫెసర్ రమేష్ చంద్, మైగవ్ సీఈఓ శ్రీ అభిషేక్ సింగ్, నీతి ఆయోగ్ మిషన్ డైరెక్టర్ డాక్టర్ చింతన్ వైష్ణవ్ సమక్షంలో ఈ డిజి పుస్తకాలను ఈ రోజు వర్చువల్ గా ఆవిష్కరించారు.

నీతి ఆయోగ్ వైస్ ఛైర్మన్ టింకరర్లను , వ్యవస్థాపకుల ను  ప్రశంసిస్తూ,  "మునుపెన్నడూ లేనంతగా, ఈ రోజు మనకు ఎక్కువ టింకరర్లు ,ఆవిష్కర్తలు అవసరం, వారు సమస్యలను అర్థం చేసుకోగలరు భారతీయ సమాజానికి సరిపోయే పరిష్కారాన్ని ఇవ్వగలరు" అని అన్నారు.

వైస్ ఛైర్మన్, సభ్యుడు (వ్యవ సాయం) ప్రొఫెసర్ రమేష్ చంద్ ఎఐఎం బృందాన్ని అభినందించారు. పుస్తకాల సంకలనంలో చేసిన కృషిని ప్రశంసించారు. "అగ్రి-టెక్ డొమైన్ లోని అనేక స్టార్టప్ లు అభివృద్ధి చెందుతున్న మార్కెట్లను యాక్సెస్ చేసుకోగలుగుతున్నాయి . సమాజానికి మద్దతు ఇచ్చే దార్శనికతతో పాటు సంస్థాగత పెట్టుబడులు ఇతర వాటాదారులను ఆకర్షించగలుగుతున్నాయి" అని పేర్కొన్నారు.

అటల్ ఇన్నోవేషన్ మిషన్ మిషన్ డైరెక్టర్ డాక్టర్ చింతన్ వైష్ణవ్, రెండు పుస్తకాల్లో పొందుపరచిన పారిశ్రామిక వేత్తలు, యువ టింకరర్లను అభినందించారు మరియు "ప్రతి ఆవిష్కరణ వెనుక ఉన్న కథలు ,ఆలోచనలు దేశవ్యాప్తంగా మిలియన్ల మంది ఇతర స్టార్టప్ లు, ఆవిష్కర్తలు ,యువ టింకర్లను మన దేశానికి మాత్రమే కాకుండా ప్రపంచానికి సామాజిక-ఆర్థిక ప్రభావంతో కొత్త, ఆశాజనక ,స్థిరమైన పరిష్కారాలను సృష్టించడానికి ప్రేరేపిస్తుందని నేను ఆశిస్తున్నాను" అని ఆయన అన్నారు.

సిఇఒ, మైగవ్, అభిషేక్ సింగ్ మాట్లాడుతూ, "అట్టడుగు ఆవిష్కరణలు సంకలనం లో చోటు చేసకున్నందుకు నేను చాలా సంతోషిస్తున్నాను .ఇది మా యువ ఆవిష్కర్తలు ఆలోచించే విధానాన్ని ప్రతిబింబిస్తోంది. అటువంటి అద్భుతమైన ఆలోచనలను రూపొందించినందుకు సృజనాత్మకత ,సంస్థతో ఆవిష్కరణలను అభివృద్ధి చేసినందుకు పాల్గొనేవారందరినీ నేను అభినందిస్తున్నాను. ఈ ఆలోచనలు ఇప్పటికే భారతదేశం , ప్రపంచ మార్కెట్ లో భారీ వ్యత్యాసాన్ని కలిగిస్తాయని నేను ఖచ్చితంగా అనుకుంటున్నాను. ఈ పుస్తకాలలో స్థానం పొందిన ఆవిష్క ర్త లు భార త దేశ వర్ధమాన ఆవిష్కర్తలందరికీ రోల్ మోడల్స్ గా ఉన్నారు. సైన్స్ అండ్ టెక్నాలజీ ద్వారా భారత దేశానికి భారీ ప్రభావాత్మకత ను కల్పించడానికి వారి ఆలోచనలను అభివృద్ధి చేసుకోవడానికి వారిని ప్రేరేపిస్తారు’’ అని అన్నారు.

డిజి-బుక్ సిరీస్ - అటల్ ఇన్నోవేషన్ మిషన్ ద్వారా ఇన్నోవేషన్స్ ఫర్ యు అటల్ ఇన్నోవేషన్ సెంటర్ల ద్వారా మద్దతు ఇచ్చే స్టార్టప్ ల నుంచి అత్యుత్తమ ఆవిష్కరణలు , వ్యవస్థాపకులను మీకు అందిస్తుంది. ఈ సిరీస్ తదుపరి ఎడిషన్ లు ఏడ్యూటెక్, మొబిలిటీ, ఈవి వంటి ఇతర అభివృద్ధి చెందుతున్న రంగాలపై దృష్టి సారిస్తాయి. 'ది ఇంజీనియస్ టింకరర్స్ ' సిరీస్ యువ ఆవిష్కర్తల ఎదుగుదల , మనస్తత్వాన్ని చూపే గాధలను ఆవిష్కరించింది. ఇంకా , ఎటిఎల్ మారథాన్ గా పిలిచే అటల్ టింకరింగ్ ల్యాబ్ దేశవ్యాప్త ఆవిష్కరణ సవాలులో వారికి ఉంచిన సమస్యలకు ఆదర్శవంతమైన పరిష్కారాలను కనుగొన్న విద్యార్థులను గురించి ప్రముఖంగా తెలియచేయడానికి, ఉత్తేజ పరచడానికి ప్రయత్నం చేసింది. .

'ది ఇంజీనియస్ టింకరర్స్' కు క్యూఆర్ కోడ్ : https://aim.gov.in/pdf/Agriculture-and-Allied-Sectors.pdf

క్యూఆర్ కోడ్ కు క్యూఆర్ కోడ్

 'ఇన్నోవేషన్స్ ఫర్ యు'  కు   క్యూఆర్ కోడ్ : https://aim.gov.in/pdf/ingenious-tinkerers.pdf