কেন্দ্রগী হেল্থ সেক্রেতরী, শ্রী রাজেশ ভুশননা মীখল পাংথোক্কদৌরিবা রাজ্য মঙা, মিং ওইনা পল্লবদা উত্তরাখন্দ, গোৱা, মনিপুর, উত্তর প্রদেশ অমসুং পঞ্জাব হায়রিবা রাজ্যশিং অসিদা কোবিদ ১৯গী কন্তেনমেন্ত অমসুং মেনেজমেন্তকীদমক্তা ওইবা পব্লিক হেল্থ রেসপোন্স মীজরশিং, অমসুং ভেক্সিনেশনগী স্তেতস য়েংশিন্নবা অৱাংবা থাক্কী মীফম অমা পাংথোকখ্রে।

উত্তরাখন্দ অমসুং গোৱাদা অহানবা অমসুং অনিশুবা দোজকী ভেক্সিনেশন তৌবগী চাং অসি নেস্নেল এভরেজতগী হেন্না হেনবা থেংনখি, উত্তর প্রদেশ, পঞ্জাব অমসুং মনিপুরগী ওইনদি কোবিদ ১৯ ভেক্সিনেশন তৌখিবশিংগী মশিং অসি নেস্নেল এভরেজতগী হন্থৈ। হৌজিক ফাওবদা পুন্না ভেক্সিনেশনগী দোজ করোর ১৪২.৩৮ কাপথোকখ্রে, মসিগী মনুংদা ভেক্সিন দোজ করোর ৮৩.৮০ হেন্না অহানবা দোজকীদমক্তা ওইখি অমসুং করোর ৫৮.৫৮ হেন্না কোবিদ-১৯ ভেক্সিনগী অনিশুবা দোজকিদমক্তা ওইখি।

রাজ্যশিংদা কোবিদ ১৯ ভেক্সিনগী অহানবা দোজ কাপ্পগীদমক মতিক চারবা মীওইশিংবু হেন্না য়াংনা অহানবা দোজ কাপথোক্নবা অমসুং অনিশুবা দোজ কাপ্প য়ারবশিংদনা অনিশুবা দোজ অসি কাপথোক্নবা খংহনখ্রে । মশিগীদমক্তা ওইনা জিলা জিলাগী ওইবা চয়োল অমগী ওইবা ভেক্সিনেশন পাংথোকপগী থৌরাংশিং পাংথোকপগী মথৌ তাগনি। রাজ্যগী ওথোরিতীশিংদা নুমিৎ খুদিংগী ওইবা মওংদা হায়রিবা থবকশিং অসি পাংথোকপগী ফিভম অদু য়েংশিন্নবা খঙহনখ্রে।

মীখল পাংথোক্কদৌরিবা রাজ্যশিংদসু পব্লিক হেল্থ রেসপোন্স মীজরশিং মতম চানা থবক পাইখৎনবগীদমক  অনাবা মীওইশিংবু খুদক্তা খংদোক্নবগীদমক তেস্ত তৌবগী চাং য়াম্না হেনগৎহন্নবা হায়খ্রে, অমসুং তেস্ত তৌবগী মশিং ৱাৎপনা মরম ওইরগা অনাবা মশিং হেনগৎতনবসু চেকশিন্না য়েংশিন্নবা খংহনখ্রে।

রাজ্যগী ওথোরিতীশিংদা কোবিদকা চুনবা চৎনা কাংলোনশিং চেকশিন্না ইনদুনা চৎনবা অমসুং মদুবু পাংথোক্নবগীদমক্তা মতিক চাবা থবক পাইখৎনবসু হায়খ্রে।

কেন্দ্র সরকারনা ‘হোল ওফ গোভর্নমেন্ত’ এপ্রোচকী মখাদা রাজ্য / য়ু.তি. শিংনা কোবিদ-১৯ লাইচৎ অসিবু   লাকশিন্নবা মখোয়না হোৎনরিবশিং অদুবু লেপ্তনা শৌগৎলি।

*****