وزارت دفاع

آئی این ایس کھوکری کو، 32 سال قوم کی شاندار خدمات کے بعد، ڈی -کمیشن کیا گیا

Posted On: 24 DEC 2021 12:34PM by PIB Delhi

ملک میں تیار کئے جانےو الے  پہلے  چھوٹے میزائل جنگی  جہاز آئی این  ایس کھوکری  کو 23  دسمبر  2021  بروز  جمعرات  32  سال کی شاندار خدمات کے بعد ڈی- کمیشن کیا گیا ۔ جہاز  کو  ڈی – کمیشن  کئے جانے کی تقریب کا انعقاد  وشا کھاپٹنم میں کیا گیا ، جہاں قومی پرچم  بحریہ  کا جھنڈا اور ڈی- کمیشننگ کی جھنڈی  غروب آفتاب کے وقت  فلیگ آفیسر کمانڈنگ انچیف ایسٹرن نیول کمانڈ،وائس ایڈمرل بسواجیت  داس  گپتا  کی  موجودگی میں جھکا یا گیا ، جو کہ  اس تقریب میں  مہمان خصوصی تھے۔ اس موقع پر  جہاز کے موجودہ اور  ریٹائرڈ  سابق کمانڈنگ افسر بھی موجود تھے۔

اس چھوٹے جنگی جہاز کو مژگاؤں ڈوک   شپ بلڈرز کے ذریعہ 23  اگست  1989  کو تیار کیا گیا تھا اور اس  کی  یہ خصوصیت رہی کہ  یہ  مغربی اور مشرقی دونوں  بیڑوں کا حصہ رہا۔ اس جہاز کو  ممبئی میں  اُس وقت  کے  رکشا منتری   جناب کرشن  چندر  پنت  اور  ایم وی سی  آنجہانی کیپٹن  مہندر ناتھ ملّا  کی  اہلیہ  مسز  سدھا ملّا  اور  کمانڈر (اب وائس  ایڈمرل ریٹائرڈ) سنجیو  بھسین  ،  جو کہ  جہاز  پہلے کمانڈنگ آفیسر تھے، کے  ذریعہ   کمیشن کیا  گیا تھا۔

اپنی  سروس کے دوران جہاز  کو  28 کمانڈنگ افسروں نے کمانڈ کیا  اور اس میں  644897  نوٹیکل  میل  سے زیادہ  کی دوری  طے کی۔ اس کا مطلب یہ ہے کہ  اس جہاز  نے  پوری دنیا کے 30  چکر لگائے یا  زمین سے چاند تک کی دوری  3  بار  طے کی۔

اس جہاز کا تعلق  بھارتی فوج کی   گورکھا بریگیڈ سے  تھا اور  لیفٹیننٹ  جنرل پی ایم  اننت نارائن  ایس ایم ،  پریزیڈنٹ  گورکھا بریگیڈ نے  اس تقریب میں شرکت کی۔

https://static.pib.gov.in/WriteReadData/userfiles/image/37ZUR.jpg

https://static.pib.gov.in/WriteReadData/userfiles/image/48QTE.jpg

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-  اگ- ق ر)

U-14760



(Release ID: 1784809) Visitor Counter : 198