হকশেল অমসুং য়াইফ-য়ুম্বাল মন্ত্রালয়
ওমিক্রোন ভেরিয়েন্তগী য়েংলগা কেন্দ্রনা রাজ্যশিং/য়ু.তি.শিংদা লৈরিবা কোবিদ১৯ স্তেতস অমদি লৌখৎলিবা চেকশিন-থৌরাং অদু য়েংশিনখ্রে
রাজ্যশিংনা মীকুপ-নাহুম শিংনা লৈনবা, জিলাশিংগী কেস পোজিতিবিতী, শরুক অনিগী চাং ওইরক্লিবা, অনৌবা কেসশিংগী মফমশিং অসি য়েংশিন্নবা পাউতাক পীখি
"চেকশিন-থৌরাং পুম্নমক য়েংবিয়ু; ঐখোয়গী গার্দ অসি হন্থনা থম্লোইসি"
কোবিদ কন্ত্রোল অমসুং মেনেজমেন্তগীদমক ইবিদেন্স-বেজ এক্সনশিংগী ইনিসিয়েতিব অথুবা মতমদা লৌখৎনবগীদমক লোকেল/দিস্ত্রিক এদমিনিস্ত্রেসননা থৌদাং লৌগদবনি
লাক্কদৌরিবা হরাউ-কুহ্মৈগী পান্থা অসিগী মাংওইননা রাজ্যশিংনা লোকেল কর্বশিং/অথিংবশিং থম্নবা খন্নগদবনি
হৌজিক লৈরিবা নেস্নেল ক্লিনিকেল মেনেজমেন্ত প্রোতোকোল অসি ওমিক্রোনগী ওইনসু অহোংবা লৈতে
“ভেক্সিন মপুং-ফানা কাপথোকপা অসিনা ওমিক্রোন য়াওনা অরুবা অনাবা অমদি হোস্পিতেলাইজেসনদগী ঙাকথোকই; য়ুমথোং-য়ুমথোং চংদুনা ভেক্সিন কাপ্পা হেনগৎহন্নগদবনি”
Posted On:
23 DEC 2021 3:04PM by PIB Imphal
অনৌবা ভেরিয়েন্ত ওমিক্রোন(২০২১গী নবেম্বর ২৬তা দবল্যু.ঐচ.ও.না ভেরিয়েন্ত ওফ কন্সর্ননি হায়না ফোংদোকখ্রবা)গী য়েংলগা কোবিদ১৯ লান্থেংননবগীদমক রাজ্যশিং অমসুং য়ু.তি.শিংনা মখোয়গী গার্দ হন্থনা থমদনবা অমদি মখোয়গী চেকশিন-থৌরাং নিংথিনা লৌখৎনবা কেন্দ্রনা পাউতাক পীখ্রে৷ ঙসি কেন্দ্রগী হকশেল সেক্রেতরী শ্রী রাজেশ ভুসননা ভিদিও কনফরেন্সিংগী খুৎথাংদা রাজ্যশিং অমসুং য়ু.তি.শিংগী হকশেল সেক্রেতরীশিং অমসুং এন.ঐচ.এম. এম.দি.শিংগা লোইননা ভেক্সিন কাপ্পগী খোঙজেলগা লোইননা ওমিক্রোন ভেরিয়েন্তগী মতাংদা য়েংশিনখি অমদি কোবিদ-১৯ লান্থেংননবগীদমক রাজ্যশিংগী পব্লিক হেল্থ প্রিপেয়র্দনেস অদুসু য়েংশিনখি৷ কোবিদকী ত্রাজেক্তরী অদু মহাক্না পনখি অমদি মালেম অসিদা কোবিদ-১৯গী ভেরিয়েন্ত ওমিক্রোনগী কেস মশিং হেনগৎলক্লিবা অসিগী মতাংদসু মহাক্না পনখি৷
তেস্ত পোজিতিব ওইবগী চাং অসি ১০%দগী হেনগৎলবা মতমদা নত্রগা ওক্সিজিনেতেদ ফমুং শিজিন্নবগী চাং অসি ৪০%দগী হেনগৎলবা মতমদা দিস্ত্রিক/লোকেল এদমিনিস্ত্রেসননা লোকেল কন্তেনমেন্ত মিজরশিং নিংথিনা লৌখৎকদবনি হায়না কেন্দ্রগী হকশেল সেক্রেতরীনা হঞ্জিন-হঞ্জিন ফোংদোকখি৷ অদুম ওইনমক, দেন্সিতীগুম্বা পোপুলেসন কেরেক্তিরিস্তিকশিং অমদি লমদম অসিদা লৈরিবা ফিভম অসিগী মতুং ইন্না অমসুং ওমিক্রোন শন্দোকপগী চাং ৱাংখৎলক্লিবা অসি য়েংলগা, মখল অসিনা য়ৌরক্ত্রিঙৈ মাংওইননা রাজ্যশিং/য়ু.তি.শিংনা কন্তেনমেন্ত মিজরশিং লৌখৎপা য়াই অমদি অথিংবশিং থম্বসু য়াই৷ থমগদৌরিবা অথিংবা অসি য়ামদ্রবদা নুমিৎ ১৪দগী তাদনা ওইগদবনি৷ ওমিক্রোন ভেরিয়েন্তগী সিন্দ্রোমশিং অসি লোক্কা মান্নবনা অমদি শন্দোকপগী চাং অসি হেন্না ৱাংখৎতুনা শরুক অনি ওইরিবনা, কোবিদ কন্তেনমেন্তগীদমক সিন্দ্রোমিক এপ্রোচ লৌখৎপা য়াই৷
হন্দক্তা থোক্লক্লিবা ‘ওমিক্রোন’গী থ্রেত অসি থেংননবগীদমক মখাগী স্ত্রাতিজী ৫ অসি অমুক্কা হন্না পনখি:
১. কন্তেনমেন্তদা, মখাগীশিং অসি পাংথোক্নবা রাজ্যশিংদা পাউতাক পীখি:
- মরু ওইনা লাক্কদৌরিবা হরাউ-কুহ্মৈশিং অসিগী মাংওইননা মী য়াম্না পুনবদা অথিংবা থম্বা অমদি নুমিদাং কার্ফ্যুশিং থম্বা৷
- কোবিদ পোজিতিব কেসশিং নৌনা পাক-শন্না শন্দোরকপা মতমদা “কন্তেনমেন্ত জোনশিং”, “বফর জোনশিং”নি হায়না খুদক্তা খঙহনবা৷
- হৌজিক লৈরিবা গাইদলাইনশিংগী মতুং ইন্না কন্তেনমেন্ত জোনগী পেরিমিতর কন্ত্রোল চেকশিন্না থম্বা৷
- থিন্থবা তৌদনা জিনোম সিক্বেন্সিংগীদমক ক্লস্তর সেম্পল পুম্নমক ইন্সাকোগ লেবশিংদা থাবা৷
২. তেস্তিং অমসুং সর্ভিলেন্সতা, রাজ্যশিংনা জিলা পুম্নমক্তা দেল্তা অমসুং ওমিক্রোন কেসশিংগী মশিং অসিদা কুপথনা অমসুং চেকশিন্না য়েংশিন্নবা; নোংম-নোংমগী ওইনা অমসুং চয়োল-চয়োলগী ওইনা কেস পোজিতিবিতী যেংশিন্নবা; শরুক অনিগী চাংদা কেস হেনগৎলক্লিবা অমদি নৌনা থোক্লক্লিবা ক্লস্তরশিং অসিদা য়েংশিন্নবা অমসুং হায়রিবা মফমশিং অসিদা কন্তেনমেন্ত থম্নবা রাজ্যশিংদা হায়খি৷
মসিগী মথক্তা, মখাগী অসিদসু মীৎয়েং চংবা তঙাই ফদে:
- হৌজিক লৈরিবা আই.সি.এম.আর. অমসুং এম.ও.ঐচ.এফ.দবল্যু. গাইদলাইনশিংগী মতুং ইন্না তেস্তশিং পাংথোকপা
- কন্তেনমেন্ত এরিয়াশিংদা য়ুমথোং-য়ুমথোং চৎতুনা কেস থিবা
- সারি/আই.এল.আই. অমসুং ফিভম শোকপা য়ানা লৈরিবা/কো-মোর্বিদ মীয়াম্বু তেস্ত তৌথোকপা
- নোংমগী ওইনা তৌরিবা অপুনবা তেস্তশিংদা আই.তি.-পি.সি.আর.: আর.এ.তি. (য়ামদ্রবদা ৬০:৪০)গী প্রোপোসন চুম্না লৈহনবা৷ মসি ৭০:৩০গী রেসিওদা হেনগৎপা য়াই৷
- কোবিদ পোজিতিব ওইরবা মীওই পুম্নমক্কী কন্ত্রেক ত্রেসিং তৌবা অমদি মরু ওইনা পোজিতিব ওইবগী চাং ৱাংলিবা মফমশিংদা মতম চানা তেস্ত পাংথোকপা
- ইন্তরনেস্নেল পেসেঞ্জরশিং অসি মোনিতর তৌনবা “এয়র সুবিধা” পোর্তেল শিজিন্নবা
৩. ক্লিনিকেল মেনেজমেন্তদা, ওমিক্রোনগী ওইনসু হৌজিক লৈরিবা নেস্নেল ক্লিনিকেল মেনেজমেন্ত প্রোতোকোল অদু অহোংবা লৈতে হায়য়না রাজ্যশিংদা খঙহনখি৷ মখোয়দা মখাগীশিং অসি পাংথোক্নবা পাউতাক পীখি:
- ফমুংগী কেপাসিতী হেনগৎহনবা, এম্বুলেন্সকুম্বা লোজিস্তিকশিং লৈহনবা অমদি পেসেন্তশিং অয়েৎ-অপন লৈতনা সিফত তৌবা য়ানবগীদমক মেকানিজম থম্বা৷
- ওক্সিজেন ইক্বুইপমেন্তগী ওপরেস্নেল রেদিনেস থম্বা
- য়ামদ্রবদা নুমিৎ ৩০নিগী ওইনা মরু ওইবা হিদাক-লাংথকশিংগী বফর স্তোক থম্বা
- ইমর্জেন্সী অমা হেক্তা লাকপা মতমদা মতিক চানা পাউখুম পীবা ঙম্নবা হোতস্পোতশিং/নক্নবশিংদা হেল্থ সিস্তেমগী রিক্বুইসাইত কেপাসিতী অদু লৈহন্নবা ইমর্জেন্সী কোবিদ রেস্পোন্স পেকেজ(ই.সি.আর.পি.-II)গী মখাদা কাইথখিবা ফন্দশিং শিজিন্নবা৷ হিরম অসিদা নুংতি-নুমিৎ খুদিংগী ওইনা রাজ্যগী হকশেল সেক্রতরীশিংনা ফিস্কেল স্পেন্দিং অমসুং ফিজিকেল প্রোগ্রেসকী স্তেতস অমসুং প্রোগ্রেস অদু য়েংশিনগদবনি৷
- হৌজিক লৌরিবা গাইদলাইনশিংগী মতুং ইন্না হোম ক্বারেন্তিন/আইসোলেসন চেকশিন্না তৌহনবা
রাজ্য কয়া অমনা কোবিদ ফেসিলিতীশিং অসি লৌথোকখিবনা, করিগুম্বা কোবিদ কেসশিং অসি হেনগৎলকপা তারবদি, দোক্তরশিং মরাং-কাইনা ফংহনবা অমদি কোলদা এম্বুলেন্স কৌবা য়াহনবগা লোইননা হায়রিবা ওপরেস্নেল অসি লৈহন্নবগীদমক মখোয়না এক্সন প্লান অমা শেমদুনা থম্বগী তঙাই ফদবা লৈ৷
৪. কোবিদ সেফ বিহেবিয়রগী ওইনা, রাজ্যশিংদা মখাগী অসি পাংথোক্নবা পাউতাক পীখি:
- অরানবা পাউ শন্দোরকপা নত্রগা অকিবা পোক্লিবা অসি লৈতনবগীদমক মাংজৌননা থেংনবা অমদি মাংজৌননা পাউ লৌবা,
- লৈরিবা হোস্পিতাল অমসুং তেস্তিং ইনফ্রাস্ত্রকচরদা ময়েক শেংনা পাউ ফাওদোক-ফাওজিন তৌবা,
- চাং-নাইনা প্রেস ব্রিফিংশিং পাংথোকপা৷
- কোবিদকা চুনবা শাজৎ চেকশিন্না চৎহনবা অমদি মীয়াম শরুক য়াবা হেনগৎনবা পুক্নিং থৌগৎপা৷
৫. ভেক্সিন কাপ্পগী মতাংদা, রাজ্যশিংদা মখাগী অসি পাংথোক্নবা পাউতাক পীখি:
- অথুবা মতমদা অহানবা দোজ অমদি অনিশুবা দোজ কাপতনা লৈহৌরিবা ভেক্সিন কাপ্পা য়ারবা মীওইশিংবু ১০০% ভেক্সিন কাপথোকহনবা
- অহানবা অমসুং অনিশুবা দোজ কাপ্পগী চাং নেস্নেল এভরেজতগী তাথনা লৈরিবা জিলাশিংদা অখন্নবা মীৎয়েং চংবা৷
- ভেক্সিন কাপ্পগী চাং নেস্নেল এভরেজতগী তাথনা লৈরিবা মফমশিংদা য়ুমথোং-য়ুমথোং চংদুনা ভেক্সিন কাপ্পগী কেম্পেন্দ হেন্না মপাঙ্গল লৈহনবা৷
- লাক্কদৌরিবা মতম অসিদা ইলেক্সন পাংথোক্কদৌরিবা রাজ্যশিংনা লাইচৎ অসিনা ফিভম শোকহল্লকপা য়ানা লৈরিবা মীয়াম্বু ঙাক-শেন্নবা মরু ওইনা ভেক্সিন নেম্না কাপ্লিবা জিলাশিংদা ভেক্সিন কাপ্পগী চাং অসি অদুক্কী মতিক ৱাংনা থমগদবনি৷
- ভেক্সিন নেম্না কাপ্লিবা অমদি কোবিদ এক্সপোজর নেম্লিবশিং অসিনা অনৌবা ওমিক্রোন ভেরিয়েন্ত অসিদা হেন্না খুদোংথিবা থোকহনবা য়াই৷ হায়রিবা মীওই কাংলুপ অসিদা ভেক্সিন হেন্না কাপথোকহন্নবা রাজ্যশিংনা অখন্নবা মীৎয়েং চংগদবনি৷
এদিস্নেল সেক্রেতরী (হেল্থ) শ্রীমতি আর্তি অহুজা, এন.ঐচ.এম.গী এদিস্নেল সেক্রেতরী অমদি মিসন দাইরেক্তর শ্রী বিকাস শীল, জোইন্ত সেক্রেতরী(হেল্থ) দা. মন্দীপ ভন্দারি,, এ.আই.আই.এম.এস., ন্যু দিল্লীগী দাইরেক্তর দা. রন্দীপ গুলেরিয়া, এন.সি.দি.সি.গী দাইরেক্তর দা. সুজীত সিংহ অমসুং আই.সি.এম.আর.গী এ.দি.জি. দা. সমিরন পন্দাসু থৌরম অসিদা শরুক য়াখি৷
******
(Release ID: 1784669)