ঙসি প্রধান মন্ত্রী শ্রী নরেন্দ্র মোদীনা সভাপতি ওইদুনা ফমখিবা কেন্দ্রগী মন্ত্রী-মন্দলনা মেম্বর মেনেজমেন্ত, প্রোফেস্নেল ইথিক্স, তেক্নিকেল রিসর্স, সি.পি.দি., প্রোফেস্নেল একাউন্তেন্সী ত্রেনিং, ওদিৎ ক্বালিতী মোনিতরিং, একাউন্তিং নোলেজ খুমাং-চাওশিনহনবা, প্রোফেস্নেল অমসুং ইন্তিলেকচুএল দিবেলপমেন্তগী এরিয়াশিংদা মুচুএল কোওপরেসন পীননবা ইন্সতিত্যুত ওফ চার্তর একাউন্তেন্তস ওফ ইন্দিয়া(আই.সি.এ.আই.) অমদি দি পোলিস চেম্বর ওফ স্তেত্যুতরী ওদিতর্স(পি.আই.বি.আর.)গী মরক্তা য়ানা-ৱারোল শহি পীননবা অয়াবা পীখ্রে৷

ইমপ্লিমেন্তেসন স্ত্রাতিজী অমসুং তার্গেৎশিং:

ব্লোকচেনগী এপ্লিকেসন, স্মার্ত কন্ত্রেক সিস্তেম, ত্রেদিস্নেল একাউন্তিংদগী ক্লাউদ একাউন্তিংদা ওল্লকপা য়াওনা ওদিৎ অমসুং একাউন্তিংগী ফিল্দদা অনৌবা ইন্নোবেতিব মেথর্দশিংগী স্তদী অমদি এপ্লিকেসনগী হিরমশিংদা হেন্না কোওপরেসন পীননবা য়ানা-ৱারোল অসিনা পান্দম থম্লি৷ লাইরিকশিং, মেগাজিনশিং অমসুং প্রোফেস্নেল ওর্গনাইজেসনশিংনা ফোংখিবা অতোপ্পা পব্লিকেসনশিং, মেগাজিনশিং অমসুং পার্তী অনিমক্কী ৱেবসাইতশিংদা ওদিৎ অমসুং একাউন্তিংগী মতাংদা আর্তিকলশিং ফোংদুনা ই-পাউ সেয়র তৌননবা অমদি করপ্সন অমসুং আইননা য়াদবা মওংদা পৈশা তাল্লিবশিং অসি থেংনবদা জোইন্ত কোওপরেসন পীননবা আই.সি.এ.আই. অমদি পি.আই.বি.আর.নসু হোৎনরি৷

ইম্পেক্ত:

আই.সি.এ.আই. অমদি পি.আই.বি.আর., পোলেন্দগী মরক্তা থম্নখিবা য়ানা-ৱারোল অসিনা সোর্ত তু লোঙ্গ তর্ম ফ্যুচরদা পোলেন্দদা প্রোফেস্নেল ওপোর্চুনিতীশিং ফংনবা আই.সি.এ.আই. মেম্বরশিংগীদমক প্রোসপেক্তশিং ফংহন্দুনা য়ুরোপ্তা মদুগী ফরুতপ্রিন্তশিং হেন্না মপাঙ্গল লৈহনগনি হায়না পানরি৷ আই.সি.এ.আই. অমদি পি.আই.বি.আর.গী মেম্বরশিংগীদমক মুচুএল্লী বেনিফিসিয়েল রিলেসনশিপ অমা শেমগৎনবা খুৎশম্নদুনা হোৎনমিন্নবা অসিনা য়ানা-ৱারোল অসিগী পান্দম ওইরি৷ য়ানা-ৱারোল অসিগা লোইননা, আই.সি.এ.আই.না একাউন্তেন্সীগী শিনফম অসিদা এক্সপোর্ত ওফ সর্ভিসশিং ফংহন্দুনা পোলেন্দগা শেম্লিবা পার্তনরশিপ অদু হেন্না মপাঙ্গল লৈহনবা ঙম্লগনি৷

আই.সি.এ.আই. মেম্বরশিংনা লৈবাকশিংগী তোঙান তোঙানবা ওর্গনাইজেসনশিংদা মকোক-থোংবা পোজিসনশিং পাইরি অমদি লৈবাক অমগী মরী লৈনবা ওর্গনাইজেসনশিংগী ৱারেপ/পোলিসী শেম্বগী লাল্লোংশিংদা শাফু পীবা ঙমগনি৷ আই.সি.এ.আই.না মালেমগী লৈবাক ৪৭কী শহর ৭৩দা লৈরিবা মহাক্কী পাক-চাওরবা নেতৱার্ক, চেপ্তর অমসুং রিপ্রজেন্তেতিব ওফিসশিংগী খুৎথাংদা ফোরেন্দ ইনবেস্তমেন্তগী পুক্নিং চিংশিনবা ঙম্নবা মখোয়না পাংথোক্লিবা খ্বাইদগী ফবা থবকশিং অদু ভারত সরকারনা পাংথোকপা য়ানবগীদমক অমদি ভারততা মখোয়গী সেতঅপ শেমগৎনবা মখোয়বু মপুক্নিং ওলহন্নবগীদমক হায়রিবা লৈবাকশিং অসিদা পাক-শন্না পাংথোক্লিবা থবকশিং অদু সেয়র তৌদুনা য়াম্না মরু ওইবা থৌদাং অমা লৌরি৷ য়ানা-ৱারোল অসিনা কোর্পোরেত এফিয়র্স মন্ত্রালয়, ইন্সতিত্যুত ওফ চার্তর একাউন্তেন্ত ওফ ইন্দিয়া অমদি দি পোলিস চেম্বর ও স্তেত্যুতরী ওদিতরশিং(পি.আই.বি.আর.)দা কান্নবা পীরগনি৷

বেকগ্রাউন্ত:

দি ইন্সতিত্যুত ওফ চার্তর একাউন্তেন্ত ওফ ইন্দিয়া(আই.সি.এ.আই.) অসি ভারত্তা চার্তর একাউন্তেন্তগী শিনফম অসি রিগুলেত তৌনবগীদমক চার্তর একাউন্তেন্ত এক্ত, ১৯৪৯গী মখাদা শেমগৎখিবা স্তেত্যুতরী বোদী অমনি৷ আই.সি.এ.আই.না এজুকেসন, প্রোফেস্নেল দিবেলপমেন্ত, হাই একাউন্তিং মেন্তিনেন্স তৌবা, ওদিতিংগী ফিল্দদা অমদি মালেম শিনবা থুংনা রিকোগনাইস তৌরিবা চার্তর একাউন্তেন্তশিংগী শিনফম অসি মখাতানা ইথিকেল স্তেন্দর্দশিং লৈহনবদা অচৌবা থৌদাং লৌখ্রে৷ পোলিস চেম্বর ওফ স্তেত্যুতরী ওদিতর্স(পি.আই.বি.আর.) অসি পোলেন্দদা ওদিৎকী শিনফম অসি রিগুলেত তৌনবা ওদিতিং অমসুং পব্লিসিং ফাইনান্সিয়েল স্তেতমেন্তশিংগী মতাংদা থোকখিবা ওক্তোবর ১৯৯১গী এক্ত অমদি স্তেত্যুতরী ওদিতরশিংগী মতাংদা ১৯৯২গী জানুৱারি ১দগী চৎনখিবা এক্ত অসিগী মতুং ইন্না শেমগৎখিবা স্তেত্যুতরী ওদিতরশিংগী সেল্ফ-গভর্মেন্ত অমনি৷

******