প্রধান মন্ত্রী, শ্রী নরেন্দ্র মোদীনা লুচিংবা মন্ত্রী-মন্দলনা কম্পিতসন কম্মিসন ওফ ইন্দিয়া (সি.সি.আই.) অমসুং কম্পিতসন কম্মিসন ওফ মোরিসিয়স (সি.সি.এম.)কী মরক্তা কম্পিতিসন লো অমসুং পোলিসীগী থৌওংদা খুৎশম্ননববু খুমাং চাউশিলহন্নবা অমসুং মপাঙ্গল লৈহন্নবগীদমক্তা খুৎয়েক পীনখিবা মেমোরেন্দম ওফ অন্দর্স্তেন্দিং (এম.ও.য়ু.)বু অয়াবা পীখ্রে।

থবক্তা পাংথোকপগী থৌরাং অমসুং পান্দম

এম.ও.য়ু. অসিনা কম্পিতিসন লো অমসুং পোলিসীগী হীরমশিংদা ই-পাউ লান্নবা, খ্বাইদগী ফবা থৌওং লান্নবা অমসুং কেপাসিতী বিলদিংগী থৌওংশিংবু খুমাং চাউশিলহন্নবা অমসুং মপাঙ্গল লৈহনবগী পান্দম থম্মি। থৌওং অসিনা তেক্নিকেল কো-ওপরেসন, এক্সপেরিএন্স লান্নবা অমসুং খুৎশম্নবগী থৌওংবু থবক্তা পাংথোকপগী হীরমশিংদা অমগা-অমগগী মরক্তা তাংবানবা হেনগৎহন্নবা পাংথোকপনি। মসিগী মহৈনা কঞ্জ্যুমরশিংদা কান্নবা পীগনি অমসুং ইক্বিতী অমসুং ইনক্লুসিবনেস লৈহনগনি।

চৈথেং

সি.সি.আই. অমসুং সি.সি.এম.গী এম.ও.য়ু. অসিদগী থাজবা থম্বশিং-

ক) মালেমগী ত্রেদতা অহোংবা লৈহনবা এন্তি-কম্পিতিতিবকী অথিংবশিংদা মিৎয়েং চঙবা;

       খ) সি.সি.আই.না কম্পিতিসন এক্ত, ২০২১বু থবক্তা পাংথোকপদা মওং হেন্না চুমহনবা;

গ) কম্পিতিসন পোলিসীবু হেন্না নীংথিজনা খঙহনবা;

       ঘ) কেপাসিতী বিলদিং;

ঙ) দিপ্লোমেতিক ওইবা কান্নবা পুরকপা;

কোর্পোরেত এফিয়র্স মন্ত্রালয়গী কম্পিতিসন কম্মিসন ওফ ইন্দিয়ানা ভারতকী মাইকৈদা অমসুং কম্পিতিসন কম্মিসন ওফ মোরিসিয়সনা অতোপ্পা মাইকৈদদা লৈদুনা মেমোরেন্দম ওফ অন্দর্স্তেন্দিং অসিগী খ্বাইদগী কান্নবা ফংবা কাঙলুপ ওইগনি।

বেকগ্রাউন্দ

কম্পিতিসন এক্ত, ২০০২গী সেক্সন ১৮না সি.সি.আই.বু মীরম লৈবাক অমা হেক্তগী এজেন্সী অমা হেক্তগী মরক্তা মখোয়গী মথৌ পাংথোক্নবা নত্ত্রগা এক্ত অসিগী মখাদা লৈবা মথৌশিং পাংথোক্নবা মেমোরেন্দম ওফ অন্দর্স্তেন্দিং নত্ত্রগা শিন-লাঙবগী থৌওং পাংথোকপা য়াহল্লি।

****