কোবিদ-১৯ লাইচৎ শেন্ননবগীদমক্তা লৈবাক শিনবা থুংবদা ভেন্তিলেতর শোইদনা লৈহন্নবগীদমক্তা, হকশেল অমসুং য়াইফ য়ুম্বাল মন্ত্রালয়না রাজ্য/য়ু.তি.শিংনা পীনবা হায়জরকপদা য়ুম্ফম ওইদুনা রাজ্য/য়ু.তি.শিংদা পীনবা কেন্দ্রগী থাক্তা ভেন্তিলেতর লৈনবা য়াথং পীখ্রে। রাজ্য/য়ু.তি.শিংদা পীখ্রবা ভেন্তিলেতর মশিং অসি মখাদা পীরিবা এনেক্সর্দা পীরি।

হায়রিবা ভেন্তিলেতরশিং অসি শিজিন্নবগী মতাংদা রাজ্যশিংদা পাক শনবা ত্রেনিং কয়া পীখ্রে অমসুং দাক্তর ১৯,০০০ অমসুং পেরামেদিকেল থৌমীশিংদা ত্রেনিংশিং পীখ্রে। ভেন্তিলেতরশিং অসিবু অপীবা মতম অমা হেক্তদা শিজিন্নবা য়ানবা ফিভমদা থম্নবা রাজ্যশিংদা খঙহনখ্রে। ভেন্তিলেতরশিংবু নীংথিনা শেম-শাদুনা শোইদনা থম্নবা, মেদিকেল গ্যাস পাইপ্লাইন পথাপশিংদা মতিক চাবা ওক্সীজেন প্রেসর লৈহন্নবা, ভেন্তিলেতরশিংগীদমক্তা কঞ্জ্যুমেবল মতিক চানা লৈহন্নবা অমসুং ত্রেন তৌরবা মীওইশিংনা ভেন্তিলেতরশিং অসিবু চলায়বা য়াওনা হোস্পিতালগী ইনফ্রাস্ত্রকচরশিং নীংথিনা শেম-শাদুনা থম্নবগী ৱাফমসু খঙহনখ্রে।

ৱাফম অসি হকশেল অমসুং য়াইফ য়ুম্বাল মন্ত্রালয়গী কেন্দ্রগী রাজ্য মন্ত্রী, দাঃ পার্বতী প্রবিন পৱারনা ঙসি রাজ্য সভাদা অইবা পাউখুম ওইনা পীখিবনি।

****