ভারত সরকারনা কোবিদ-১৯গী ত্রেনিং অমসুং কেপাসিতী বিলদিং তৌবা য়াহন্নবগীদমক্তা খোঙথাং কয়া পমা পয়খৎখ্রে। কোবিদ-১৯গা মরী লৈনবা তোঙানবা হীরম কয়াগী মতাংদা দাক্তর, নর্স অমসুং মরী লৈনবা হেল্থেকয়র প্রোফেস্নেল অমসুং ভলন্তিয়রশিংদা ভর্চুএল ত্রেনিং য়াওবা ত্রেনিং কয়া অমা পীখ্রে। ভারত সরকারনা মীওই কয়াদা ত্রেনিং পীনবগীদমক্তা আই.জি.ও.তি. (ইন্তিগ্রেতেদ গবর্নমেন্ত ওনলাইন ত্রেনিং) প্লেৎফোর্ম শিজিন্নখি। কোবিদ-১৯ হেক হৌরকপদগী হৌনা লৈবাক শিনবা থুংবগী অখন্নবা য়ুজর চাউরাকপা লাখ ১৪না প্লেৎফোর্ম অসিদা রেজিস্তর তৌরকখি অমসুং তোঙানবা কোর্সশিংদা মীওই লাখ ২৯.২৯না মিং চন্নখিবগী ফিভম উবা ফংখি। মসিগী অহেনবা ওইনা, হকশেলগী ৱর্কফোর্স লাখ ৮০ হেনবদা রাজ্য সরকারগী খুত্থাংদা কোবিদকা মরী লৈনবা হীরমশিংদা ত্রেনিং পীখি। হকশেল অমসুং য়াইফ য়ুম্বাল মন্ত্রালয় অমসুং এমস (নই-দিল্লী), নিমহান্স, পি.জি.আই.এম.ই.আর., জে.আই.পি.এম.ই.আর.নচিংবা ইকায় খুম্ননীংঙাই ওইরবা ইন্সতিত্যুৎ কয়ানা কোবিদকী তোঙানবা হীরমশিংদা ৱেবিনার অমসুং ত্যুতোরিএল কয়া অমসু অপলোদ তৌখি অমসুং মসিবু মীওই করোর ২.৩৩না য়েংনখি।

নেস্নেল মেদিকেল কম্মিসন্না (এন.এম.সি.)না পাউদম্বগী মতুং ইন্না, লাইচৎ শেন্নবগী থৌওংবু এম.বি.বি.এস.কী করিকলমদা য়াওহনবগী মতাংদা থবক অমা মাই পাক্না পাংথোকপা ঙম্বগী থৌওংদা য়ুম্ফম ওইবা মোদ্যুল অমা হান্না লৈরম্বা মেদিকেল কাউন্সিল ওফ ইন্দিয়াগী বোর্দ ওফ গবর্নরনা (বি.ও.জি.-এম.সি.আই.) ওগস্ত ২০দা হৌদোকখি।

ৱাফম অসি হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবিন পৱারনা অইবা পাউখুম ওইনা রাজ্য সভাদা ঙসি ফোংদোকখিবনি।

****