কমর্স অমসুং ইন্দস্ত্রী মন্ত্রালয়
“মালেম্না অৱাং-নোংপোক্কী তসেংবা তৌবা ঙম্বগী চাউরবা মতিক হৌজিক ফাওবা উদ্রি”: শ্রী পিয়ুশ গোয়ল
ভারতকী অতোপ্পা মফমদগী লাকপা মীওইশিংগা লোয়ননা মালেম শিনবা থুংবগী মফমদগী লাকপা মীওইশিংগীদমক্তা অৱাং-নোংপোক্কী ৱা, হেন্দিক্রাফ অমসুং অতোপ্পা তোপ-তোপ্পা পোত্থোকশিংগী চাউরবা কৈথেল অমা লৈ হায়না শ্রী গোয়লনা হায়খ্রে
প্রধান মন্ত্রীনা এন.ই.আর. চাউখৎপা অমসুং মফমসিগী মীওইশিংগী য়াইফরবা তুংগী মতমগীদমক্তা থৱাই য়াওবনা মরম ওইদুনা অৱাং-নোংপোক্কীদমক্তা অহেনবা করি পাংথোকপা য়াবগে য়েংশিনবা অসি কেন্দ্রগী মন্ত্রী খুদিংনা শোইদনা পাংথোক্কদবা থৌওং ওইরিঃ শ্রী গোয়ল
শ্রী পিয়ুশ গোয়লনা নই-দিল্লীদা ‘মেঘালয়ান এজ’ দুকান হাংদোকখ্রে
Posted On:
10 DEC 2021 10:57AM by PIB Imphal
“মালেম্না অৱাং-নোংপোক্কী তসেংবা তৌবা ঙম্বগী চাউরবা মতিক হৌজিক ফাওবা উদ্রি”, হায়না শ্রী পিয়ুশ গোয়লনা নই-দিল্লীদা ‘মেঘালয়ান এজ’ দুকান শঙ্গাবদা ফোংদোকখ্রে। অৱাং-নোংপোক্কী শাল, ৱা, হেন্দিক্রাফ অমসুং অতোপ্পা তোপ-তোপ্পা পোত্থোকশিংগা লোয়ননা মেঘালয়গী মলবরী সিল্ককী ভারতকী অতোপ্পা মফমদগী লাকপা মীওইশিংগা লোয়ননা মালেম শিনবা থুংবগী মফমদগী লাকপা মীওইশিংগী চাউরবা কৈথেল অমা লৈগনি পল্লদুনা কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা “মালেম অসি অদোমগী ফম্বাক্নি” হায়না ফোংদোকখি।
প্রধান মন্ত্রীনা “অৱাং-নোংপোক অমসুং ভারতকী নোংপোকথংবা শরুক্না ভারতকী নোংচুপ অমসুং খা-থংবা মফমশিংগা থাক মান্ননা লৈদ্রিমখৈ ভারতনা চাউখৎপা ঙম্লোই” হায়বা ৱাফম পল্লদুনা শ্রী গোয়লনা হায়খি, “মহাক্না মহাক্কী থম্মোইদা অমসুং মহাক্কী খোঙফম চেৎপগী মতৌদা য়াওরিবা অৱাং-নোংপোক লমদম চাউখৎপা অমসুং মফমসিগী মীওইশিংগী য়াইফরবা তুংগী মতমগীদমক্তা থৱাই য়াম্না য়াওবা অসিনা মরম ওইদুনা অৱাং-নোংপোক্কীদমক্তা অহেনবা করি পাংথোকপা য়াবগে য়েংশিনবা অসি কেন্দ্রগী মন্ত্রী খুদিংনা শোইদনা পাংথোক্কদবা থৌওং ওইরি”।
লৈবাক্কী কোনুংদা লৈরিবা রাজ্য অসিগী মপুং ওইবা মরু ওইবা দুকান অসিগী “মিনিমেলিস্ত দিজাইন”বু থাগৎপা ফোংদোক্লদুনা, শ্রী পিয়ুশ গোয়লনা মেঘালয়গী খুৎ-শা হৈরবা মীওই অমসুং ফিশা-লোনশাবা মীওই ৪৩,০০০ হেনবদা মখোয়গী ইনাক খুল্লবা নাৎ, চৎনবী, আর্ত, হেরিতেজ অমসুং মেঘালয়গী ওইবা মনাৎকী পোত্থোকশিংবু উৎনবা পাম্বৈ ওইগদৌরিবা অসিগুম্বা দুকান অমা হাংবগীদমক্তা মুখ্য মন্ত্রী, শ্রী কোনরাদ সাংমাবু থাগৎপা ফোংদোকখি অমসুং দুকান অসিনা রাজ্যসিগী কোত্তেজ ইন্দস্ত্রীবুসু শৌগৎকনি হায়না ফোংদোকখ্রে।
“ঐখোয়গী খুৎ-শা হৈরবা মীওই, ফিশা-লোনশা তৌরিবা অমসুং হেন্দিক্রাফকী হীরমদা লৈরিবা মীওইশিংনা মেঘালয়দা পাংথোক্লিবা নীংথিরবা থবকশিং উরুবা মতমদা ঐখোয়না হৌজিক উরিবা অসিদি খরখক্তনি, মখোয়গী তৌবা ঙম্বগী চাউরবা মতিক লৈ, মখোয়না তসেংনা তৌবা ঙম্বশিংনা ঐহাক্না হৌজিক উরিবা অসিদগী হেল্লি অমসুং অদোম্না অদোমগী ইতিক উৎলিবা অসি য়াম্না শিংথানীংঙাইনি হায়না ঐহাক্না হায়নীংই”, হায়না শ্রী গোয়লনা ফোংদোকখ্রে।
ঙরাং নুংথিল মেঘালয়ান এজ দুকান শঙ্গাবদা তিনখিবা মীয়াম্বু সি.দি.এস., জেনেরেল বিপিন রাৱৎকী পুন্সিগী নীংশিংনীংঙাই ওইরবা মিৎকুপ কয়াদা কত্থোক্লদুনা মহাক অসি ভারতপু খ্বাইদগী অহেনবা ওইহন্নবগীদমক্তা থৱাই য়াওজখিবা অশেংবা কর্মায়োগী অমনি হায়না মহাক্না ফোংদোকখি।
*****
(Release ID: 1780009)
Visitor Counter : 181