ঙসি কেন্দ্রগী হকশেল সেক্রেতরী শ্রী রাজেশ ভুসননা ভিদিও কনফরেন্সিংগী খুৎথাংদা(ভি.সি.)রাজ্যশিং অমদি য়ু.তি.শিংগী হেল্থ সেক্রেতরীশিং অমসুং এন.ঐচ.এম. এম.দি.শিংগা লোইননা কোবিদ-১৯ ওমিক্রোন ভেরিয়েন্তগী লৌখৎলিবা পব্লিক হেল্থ প্রিপেয়র্দনেস অমদি ভেক্সিন কাপ্পগী খোঙজেল অদু য়েংশিল্লদুনা কোবিদ-১৯ অমসুং মদুগী ভেরিয়েন্তশিং অসি ইফেক্তিব ওইনা অমদি মতম-চানা ঙাকথোক্তুনা থম্নবা অমসুং থেংননবগীদমক তেস্ত-ত্রেক-ত্রীত-ভেক্সিন কাপ্পা-কোবিদকা চুনরবা শাজৎ চৎপা হায়রিবা স্ত্রাতিজী মঙা অসি পব্লিক হেল্থ রেস্পোন্স স্ত্রাতিজীগী য়াম্না মরু ওইবা শরুক্নি হায়না ফোংদোকখি৷ দি.জি.(আই.সি.এম.আর.) অমসুং সেক্রেতরী(দি.ঐচ.আর.) দা. বালরাম ভর্গব অমদি দি.বি.তি.গী সেক্রেতরী দা. রাজেশ গোখালেসু থৌরম অসিদা শরুক য়াখি৷

চিংনরিবা মীওইশিংবু অথুবা মতমদা ময়ামদগী তোখায়না থম্নবা অমদি মখাতানা ক্লিনিকেল মেনেজমেন্ত চত্থনবগীদমক চিংনবা কেসশিং ঙন্না খন্দোকপা ঙম্নবা তেস্তিং অমসুং সর্ভিলেন্সতা মীৎয়েং চংনবা রাজ্যশিং অমদি য়ু.তি.শিংদা তকশিনখি৷ জিলা পুম্নমক্তা আর.তি.-পি.সি.আর. তেস্তিং ফংহন্নবা মখোয়দা পাউতাক পীখি৷ চাং-নাইবা মওং অমদা কেস ত্রাজেক্তরী য়েংশিন্নবা অমদি জিনোম সিক্বেন্সিংগীদমক পোজিতিব সেম্পলশিং অদু মতম-চানা মেপ ইন্সাকোগ(ইন্দিয়ন সার্স-কোব-২ জিনোমিক্স কন্সোর্তিয়ম) লেবশিংদা থানবা পোজিতিব কেস ৱাংলি হায়না রিপোর্ত তৌরক্লিবা জিলাশিংদা খঙহনখি৷ রেপিদ রেস্পোন্স তীমশিংনা নৌনা থোক্লক্লিবা হোস্পোতশিং/ক্লস্তরশিং, ব্রেকথ্রু অমসুং রি-ইনফেক্সন কেসশিং কুপ্পা য়েংশিন্নবা অমদি মতম চানা থিজিন-হুমজিন্নবা খন্ন-নৈনখি৷ প্রোতোকোলগী মতুং ইন্না হেক ঙম্লিবখৈ অথুবা মতমদা পোজিতিব ওইরিবা পেসেন্তশিংগী শোক্ন-শম্নরুবা মীওই খুদিংমক ত্রেস অমসুং তেস্ত তৌগদবনি হায়না অমুক্কা হন্না ফোংদোকখি৷

এয়র সুবিধা পোর্তেলদগী ফংখিবা ‘খুদোংথিবা ৱাংলিবা’ লৈবাকশিংদগী লাক্লিবা ইন্তরনেস্নেল ত্রাবেল্লরশিংগী ইনফোর্মেসন অসিগী মতুং ইন্না, সিম্তোমেতিক কেসশিংদা মীৎয়েং থমদুনা এরাইবেলদা নেগেতিব ওইখ্রবা ইন্তরনেস্নেল পেসেঞ্জরশিং অদু জিলা-জিলাগী ওইনা য়েংশিন্নবা পনখি৷  লাক্কদৌরিবা নিংথম পান্থা অসি য়েংলগা, ইনফ্লুয়েঞ্জা-লাইক ইলনেস(আই.এল.আই.)/সেবিয়র এক্যুইত রেস্পিরেতরী ইনফেক্সন(এস.এ.আর.আই.) অমসুং রেস্পিরেতরী দিস্ত্রেস সিম্তোমশিং অসি কুপ্না য়েংশিনবা মরু ওই হায়না মখোয়না পাউতাক পীখি৷ ইফেক্তিব হোম আইসোলেসনগীদমক মোনিতরিং মেকানিজম য়েংশিন্নবসু পনখি৷

কেস মশিং হেনগৎলকপা য়ারিবা অসিগীদমক হোস্পিতাল ইনফ্রাস্ত্রকচর পুম্নমকপু শেম-শাদুনা থম্নবা, হোস্পিতালশিংনা ক্বালিতী মেদিকেল কেয়র ফংহন্নবা শেম-শাদুনা লৈরিবরা হায়বদু য়েংশিন্নবা রাজ্যশিং/য়ু.তি.শিংদা পাউতাক পীখি৷ ই.সি.আর.পি.-IIগী মখাদা ভারত সরকারনা থাদরক্লিবা ফন্দশিং অসি হেল্থ ইনফ্রাস্ত্রকচর শেমগৎপদা অমদি মপাঙ্গল লৈহনবদা শিজিন্নব্রা হায়বদু য়েংশিন্নবা অমদি রাজ্যশিংনা স্তেত হেল্থ সোসাইতীশিংদা থাদরিবা ফন্দশিং অদু ১০০% চানব্রা হায়না মখোয়না য়েংবা মরু ওই৷ ফিল্দ লেবেলদা ফন্দশিং শিজিন্নবগী প্রোগ্রেস অসি হকশেল মন্ত্রালয়না য়েংশিল্লিবনা, ফন্দশিং শিজিন্নবদা ফংলিবা প্রোগ্রেস অদুগী ই-পাউ অদু হিরম অসিগীদমক শেম্লিবা পোর্তেলদা মেনশিনগদবনি৷ ফিল্দ লেবেলদা ফংলিবা হেল্থ ফেসিলিতী পুম্নমক্তা মথৌ-নিংথিনা তৌবা ভেন্তিলেতরশিং, পি.এস.এ. প্লান্তশিং, ওক্সিজেন কন্সেন্ত্রেতরশিংনচিংবা ফংহনবা দরকার ওই৷ কেন্দ্রনা থাদখিবা ভেন্তিলেতর কয়া অমা পোকেজ কাইদনা অমদি শিজিন্নদনা ফিল্দ হোস্পিতাল খরদা থম্মী হায়না রাজ্যশিংদা খঙহনখি৷ পি.এস.এ ওক্সিজেন প্লান্ত, ওক্সিজেন কন্সেন্ত্রেতরশিং অমদি ভেন্তিলেতর পুম্নমক ইন্সতোল্দ তৌদুনা মথৌ তৌহন্নবা মসিবু অথুবা মতমদা য়েংশিনবা হায়বসি য়াম্না মরু ওই৷

কোবিদ-১৯গী ক্লিনিকেল ত্রিতমেন্তদা শিজিন্নরিা মরু ওইবা দ্রগ নিপান অসিগী বফর স্তোক মরাং-কাইনা থম্নবা হেল্থ সেক্রেতরীনসু রাজ্যশিংদা তাকশিনখি; হায়রিবশিং অসিগী গাইদলাইনশিং অদুসু রাজ্যশিংদা ২০২১গী জুলাই থাদা সেয়র তৌখি৷

ভেক্সিনেসন দ্রাইবকী মরু ওইবা অদু পল্লদুনা, খুঙ্গং অমসুং জিলাগী থাকশিংদা চাং-নাইনা য়েংশিন্দুনা ইলিজিবল ওইরবা মীওই খুদিংমক মপুং-ফানা ভেক্সিন কাপথোকহন্নবগীদমক হৌজিক হৌজিক চত্থরিবা ‘হর ঘর দস্তক’ কেম্পেন্দ অসিদা মীৎয়েং থমদুনা লৈবাক শিনবা থুংনা কোবিদ-১৯ ভেক্সিন কাপ্নবা চত্থরিবা দ্রাইব অসিগী খোঙজেল অমদি কভরেজ মখাতানা হেনগৎহন্নবা রাজ্যশিংদা পাউতাক পীখি৷ ভেক্সিন কাপ্পগী মতাংদা লান্না পাউ শন্দোক্লিবা অমদি ভেক্সিনগী মতাংদা চমম্নবা লৈরিবা ইসুশিং অসি থেংননবগীদমক, রিগুলর মেদিয়া ব্রিফিংশিংগা লোইননা ইবিদেন্স-ইনফোর্ম এৱার্নেস কেম্পেন্দশিং শিন্নবা রাজ্যশিং/য়ু.তি.শিংদা খঙহনখি৷

******