నేషనల్ కమీషన్ ఫర్ ప్రొటెక్షన్ ఆఫ్ చైల్డ్ రైట్స్ (ఎన్సీపీసీఆర్) ఇటీవల గ్రామీణ పట్టణ ప్రాంతాల్లో 5000 నమూనాలతో "మొబైల్ ఫోన్లను,  ఇతర పరికరాలను ఇంటర్నెట్ సదుపాయంతో ఉపయోగించడం వల్ల కలిగే ప్రభావాలు (శారీరక, ప్రవర్తనా  మానసిక-సామాజిక)" అనే అంశంపై ఒక అధ్యయనాన్ని నిర్వహించింది. దేశంలోని అన్ని మండలాలలో ఈ కార్యక్రమం జరిగింది. ఇందులోని వివరాల ప్రకారం, 23.80 శాతం మంది పిల్లలు బెడ్‌పై ఉన్నప్పుడు, నిద్రపోయే ముందు స్మార్ట్ ఫోన్లను ఉపయోగిస్తున్నారు. ఈ అలవాటు వయస్సుతో పాటు పెరుగుతోంది. ఇది పిల్లలపై ప్రతికూల ప్రభావం చూపుతుంది. ఎప్పుడుపడితే అప్పుడు స్మార్ట్‌ఫోన్ల వాడటం వల్ల పిల్లల ఆరోగ్యంపై,  శ్రేయస్సుపై హానికరమైన ప్రభావం ఉంటుంది.  పిల్లలలో ఏకాగ్రత స్థాయులు తగ్గుతాయి. ఈ అధ్యయనం ప్రకారం, 37.15శాతం మంది పిల్లలు, ఎల్లప్పుడూ లేదా తరచుగా స్మార్ట్ ఫోన్ వినియోగం కారణంగా ఏకాగ్రత స్థాయిలను తగ్గించుకున్నారు.-  పరిసరాల్లో కొంతభాగాన్ని అయినా పిల్లల కోసం ఆట స్థలంగా కేటాయించాలని అధ్యయనం ఫలితాల ఆధారంగా ఎన్సీపీసీఆర్ సిఫార్సు చేసింది. దీనివల్ల బాలలు ఆటల్లో చురుగ్గా ఉంటారని పేర్కొంది.

ఈ సమాచారాన్ని కేంద్ర మహిళా శిశు అభివృద్ధి శాఖ మంత్రి  స్మృతి జుబిన్ ఇరానీ ఈరోజు రాజ్యసభలో లిఖితపూర్వకంగా తెలిపారు.