রসিয়ন ফেদরেসনগী প্রসিদেন্ত, ঐচ.ই. মিস্তর ব্লাদিমির পুতিননা প্রধান মন্ত্রী, শ্রী নরেন্দ্র মোদীগা লোয়ননা পাঙথোক্কদবা ২১শুবা ভারত – রসিয়া সম্মিতকীদমক দিসেম্বর ০৬, ২০২১দা নই দিল্লীদা মীফম অসিগীদমক থুংখ্রে।

২. প্রসিদেন্ত পুতিন অৱাংবা থাক্কী দেলিগেসন অমগা লোয়ননা লাকখি। প্রধান মন্ত্রী মোদী অমসুং প্রসিদেন্ত পুতিনগী মরক্তা লৈবাক অনিগী ওইবা মীফম অদু নীংথিনা অমসুং মরুপ ওইবগী মওং অমদা পাঙথোকখি। লুচিংবা অনিনা কোবিদকী লাইচৎনা পীবা শীংনবশিং লৈজরবসু লৈবাক অনিগী মরক্তা ‘স্পেসিএল এন্দ প্রিভিলেদজ স্ত্রেতেজিক পার্তনরশিপ’ অসিদা চাউনা খুমাং চাউশিনখিবদা অপেনবা ফোঙদোকখি। মখোয়না দিসেম্বর ৬, ২০২১দা ন্যু দিল্লীদা মপাল থৌরম অমসুং ঙাকশেলগী মন্ত্রীশিংগী ২ + ২ দাইলোগকী অহানবা মীফম অমসুং মিলিতরী অমসুং মিলিতরী-তেক্নিকেল কোর্পোরেসনগী মতাংদা ইন্তর-গভর্নমেন্তেল কম্মিসনগী মীফম পাঙথোকপা অসিসু তরাম্না ওকখি।

৩. লুচিংবশিংনা শেন্মীৎলোনদা চাউনা মতেং পীন্নবা মথৌ তাই হায়না ফোঙদোকখি অমসুং হীরম অসিদা লোং তর্ম প্রিদিক্তেবল অমসুং সস্তেন্দ ইকনোমিক কোর্পোরেসনগী গ্রোথকী অনৌবা দ্রাইভরশিংদা মীৎয়েং চংখি। মখোয়না ম্যুচুএল ইনভেস্তমেন্তশিংগী মাইপাকপগী ৱারী অদুবু থাগৎখি অমসুং অমনা অমগী লৈবাক্তা চাউনা ইনভেস্তমেন্তশিং তৌনবগী আশা তৌখি। ইন্তর্নেস্নেল নোর্থ-সাউথ ত্রান্সপোর্ত কোরিদোর (আই.এন.এস.তি.সি.) অমসুং প্রপোজ তৌখিবা চেন্নাই – ভ্লাসিভোস্তোক ইস্তর্ন মেরিতাইম কোরিদোরগী খুত্থাংদা কন্নেক্তিবিতীগী থৌদাংগী মতাংদা খন্নখি। লুচিংবা অনিনা ভারতকী আজ্যশিংগা লোয়ননা, মরু ওইনা রসিয়ন ফার-ইস্ত, রসিয়াগী তোঙান-তোঙানবা রিজনশিংগী মরক্তা ইন্তর-রিজনেল কোওপরেসন হেনগৎহন্নবা আশা তৌখি। অৱাবা তারবা মম অসিদা লৈবাক অনিনা অমনা অমদা মীওইবগী মীনুংশিগী ওইবা মতেং পীবা য়াওনা কোবিদ লাইচৎকী মায়োক্তা লান্থেংনবা হৌজিক পীনরিবা বাইলেতরেল কোওপরেসন অসিবু থাগৎখি।

৪. লুচিংবশিংনা পোস্ত-পেন্দমিক গ্লোবেল ইকনোমিক রিকভরী অমসুং অফঘানিস্তানগী ওইরিবা ফীভম অসি য়াওনা রিজনেল অমসুং গ্লোবেলগী চাউখৎ-থৌরাংগী মতাংদা খন্নখি। অফঘানিস্তানগী মতাংদা লৈবাক অনিন্না মান্নবা ৱাখল্লোন অমসুং নুংনাংবা পোক্লি হায়বা ৱাফম অসিদা য়ান্নখি অমসুং অফঘানিস্তানগী মতাংদা খন্ন-নৈনবা অমসুং মতেং পীবগী এন.এস.এ. লেবেলদা বাইলেতরেল রোদমেপ অমা পুথোকখিবা অদুবু থাগৎপা ফোঙদোকখি। মখোয়না মালেমগী থাক্কী ওইবা সমস্যা কয়ামরুমদা অমত্তা ওইবা ৱাখল্লোন নাকল অনিমক্তগী ফোঙদোকখি অমসুং য়ু.এন. সেক্যুরিতী কাউন্সিল য়াওনা মল্তিলেতরেল ফোরাদা মখা তানা মতেং পাংনবা হেনগৎনবা য়ান্নখি। রাস্ত্রপতি পুতিন্না প্রধান মন্ত্রী মোদীদা য়ু.এন. সেক্যুরিতী কাউন্সিলগী হৌজিক চত্থরিবা নন-পর্মিনেন্ত মেম্বরশিপ অমসুং ২০২১গী ব্রিক্সতা মাইপাক্না প্রসিদেন্সী তৌখিবগীদমক নুংঙাইবা ফোঙদোকখি। প্রধান মন্ত্রী মোদীনা আর্তিক কাউন্সিলগী হৌজিক চত্থরিবা চিয়রমেনশিপ অসিগীদমক রসিয়াবু নুংঙাইবা ফোঙদোকখি।

৫. ইন্দিয়া-রসিয়া: পার্তনরশিপ ফোর পীচ, প্রোগ্রেস এন্দ প্রোসপরিতী হায়না মিংথোনবা জোইন্ত স্তেৎমেনত অসিনা বাইলেতরেলগী ওইবা মরীগী ফীভম অমসুং হীরমশিং নীংথিন্না কোনশিল্লি। খোঙচৎ অসিগা চান্ননা লৈবাক অনিমক্কী ওইবা গভর্নমেন্ত-তু-গভর্নমেন্ত এগ্রীমেন্তশিং অমসুং এন.ও.য়ু.শিং, লোয়ননা কম্মর্সিএল অমসুং অতোপ্পা ওর্গনাইজেসনশিংগী ওইবা কয়ামরুম অমা ত্রেদ, ইনর্জী, সাইন্স এন্দ তেক্নোলোজী, ইন্তেলেকচ্যুএল প্রোপর্তী, আউতর স্পেস, জিওলোজিকেল এক্সপ্লোরেসন, কলচরেল এক্সচেঞ্জ, এজুকেসন অসিনচিংবা তোঙান-তোঙানবা সেক্তরশিংদা খুৎয়েক পীনখি। মসিনা ঐখোয়গী বাইলেতরেল পার্তনরশিপকী শকলোন কয়া অদু উৎলি।

৬. প্রসিদেন্ত পুতিন্না প্রধান মন্ত্রী মোদীদা ২০২২গী ২২শুবা ভারত-রসিয়া এন্যুএল সম্মিতকীদমক রসিয়াদা লাক্নবা বর্তন তৌরমখি।

****