কোবিদ-১৯দা পি.আই.বি.গী বুল্লেতিন

• লৈবাক পুম্বগী ভেক্সিনেসন দ্রাইব অসিগী মখাদা হৌজিক ফাওবদা ভেক্সিন দোজ করোর ১২৩.২৫ কাপথোকখ্রে
• হৌজিক ওইরিবা ফগৎলকপগী চাং ৯৮.৩৫%দা লৈরি; ২০২০ মার্চতগী খ্বায়দগী নেম্বা ওইরি
• পুং ২৪ মনুংদা ১০,১১৬ ফগৎলক্তুনা, অপুনবা মীশিং ৩,৪০,১৮,২৯৯ ফগৎলকখ্রে
• হৌখিবা পুং ২৪ মনুংদা অনৌবা কেস ৬,৯৯০লাক্লি; নুমিৎ ৫৫১নিদা খ্বায়দগী নেম্বনি
• ভারতকী হৌজিক লৈরিবা এক্তিব কেস মশিং ১,০০,৫৪৩লৈরি; নুমিৎ ৫৪৫নিদা খ্বায়দগী নেম্বনি
• অপুনবা কেস্তগী এক্তিব কেস একাউন্ত ১% মখাদা লৈরি, হৌজিক্কী ওইনা ০.২৯%দা লৈরি; ২০২০ মার্চতগী খ্বায়দগী নেম্বা ওইরি
• নোংমগী ওইবা পোজিতিবিতী রেত (০.৬৯% ) ওইদুনা হৌখিবা নুমিৎ ৫৭নিদা ২% মখাদা ওইরি
• হৌখিবা নুমিৎ ১৬দা চয়োলগী পোজিতিবিতী রেত ১%গী মখাদা লৈদুনা হৌজিক (০.৮৪%)দা লৈরি
• হৌজিক ফাওবদা অপুনবা তেস্ত করোর ৬৪.১৩ তৌখ্রে

 #Unite2FightCorona #IndiaFightsCorona

প্রেস ইনফোর্মেসন ব্যুরো

ইনফোর্মেসন অমসুং ব্রোদকাস্তিং মন্ত্রালয়

ভারত সরকার

*****

কোবিদ-১৯ অপদেৎ

ভারতকী অপুনবা কোবিদ-১৯ ভেক্সিনেসন কভরেজ কোতি ১২৩.২৫ হেনখ্রে
হৌখিবা পুং ২৪দা দোজ লাখ ৭৮.৮০ হেন্না কাপখি
হৌজিক হৌজিক্কী ওইবা রিকোভরী রেত অসি ৯৮.৩৫%নি
হৌখিবা পুং ২৪দা অনৌবা কেস ৬,৯৯০ লাকখি
ভারতকী এক্তিব কেসলোদ অসি ১,০০,৫৪৩নি
চয়োলগী ওইনা পোজিতিব ওইখিবগী চাং (০.৮৪%) ১%গী মখাদা লৈখিবা নুমিৎ ১৬নি শুরে
 

ঙসি অয়ুক্কী পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না হৌখিবা পুং ২৪দা, ভেক্সিন দোজ ৭৮,৮০,৫৪৫ কাপতুনা, লৈবাক অসিগী কোবিদ-১৯ ভেক্সিনেসন কভরেজ অসি পুন্না কোতি ১২৩.২৫ (১,২৩,২৫,০২,৭৬৭) হেনখ্রে৷ মসি সেসন ১,২৮,০৯,১৭৮দা কাপখিবনি৷

ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না ভেক্সিন কাপখিবা অপুনবা ফিগরগী শরুকশিং অদুদি:

হৌখিবা পুং ২৪দা পেসেন্ত ১০,১১৬ রিকোভর তৌরকখিবা অসিনা রিকোভর তৌখ্রবা অপুনবা পেসেন্ত মশিং(লাইনা-লাইচৎ অসি হেক হৌরকপদগী) অসি ৩,৪০,১৮,২৯৯দা হেনগৎহনখ্রে৷

লোইন-লোইননা ভারতকী রিকোভরী রেতসু ৯৮.৩৫% ওইখ্রে৷

কেন্দ্র অমসুং রাজ্যশিং/য়ু.তি.শিংনা য়াম্না কন্না খুৎশম্নদুনা হোৎনখিবা অসিনা নোংমদা অনৌবা কেস ৫০,০০০গী মখাদা তানা লাকখিবা হৌজিক্তি নুমিৎ ১৫৬নি শুরে৷

হৌখিবা পুং ২৪দা অনৌবা কেস ৬,৯৯০ লাকখি৷

হৌজিক হৌজিক লৈরিবা এক্তিব কেস মশিং অসি ১,০০,৫৪৩নি৷ হৌজিক হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ০.২৯% ওই, ২০২০গী মার্চ থাদগী য়েংলকপা মতমদা মসিনা খ্বাইদগী নেম্বনি৷

লৈবাক অসিদা তেস্তিং কেপাসিতী লেপ্প-লৈতনা হেনগৎলক্লি৷ হৌখিবা পুং ২৪দা তেস্ত পুন্না ১০,১২,৫২৩ তৌখি৷ হৌজিক ফাওবদা ভারতনা তেস্ত পুন্না কোতি ৬৪.১৩ হেন্না (৬৪,১৩,০৩,৮৪৮) তৌখ্রে৷

লৈবাক অসিদা তেস্ত তৌবগী চাং হেনগৎলকখিবা অসিদা, হৌজিক্তি চয়োলগী ওইনা পোজিতিব ওইখিবগী চাং ০.৮৪% ওইদুনা ১%গী মখাদা লৈখিবা নুমিৎ ১৬নি শুরে৷ নোংমদা পোজিতিব ওইবগী চাং ০.৬৯% ওই৷ হৌজিক্তি নোংমদা পোজিতিব ওইখিবগী চাং ২%গী মখাদা লৈখিবা নুমিৎ ৫৭নি শুরে অমসুং ৩%গী মখাদা লৈখিবা নুমিৎ ৯২নি শুরে৷

https://pib.gov.in/PressReleasePage.aspx?PRID=1776338

স্তেত/য়ু.তি.শিংদা লৈরিবা কোবিদ-১৯ ভেক্সিন অপদেত
স্তেত/য়ু.তি.শিংদা ভোক্সিন দোজ করোর ১৩৭ রোম ফংহনখ্রে
স্তেত/য়ু.তি.শিংদা লেমহৌবা অমদি শীজিন্নদ্রিবা ভেক্সিন দোজ করোর ২২.৭০ হেন্না লৈরি
 

কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙখৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। মীপুম খুদিংদা ভেক্সিন ফংহনবগী অনৌবা তাঙ্কক অসি জুন ২১, ২০২১দগী হৌখিবনি‍। কোবিদ-১৯ ভেক্সিনেসনগী য়ুনিভর্সলাইজেসনগী অনৌবা ফেজ অসি ২০২১গী জুন ২১দগী হৌখ্রে। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না স্তেত অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র লৈঙাক্না লৈবাকসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা পীগনি (লেম্না)‍।

ভারত লৈঙাক্কী (লেম্না) অমদি দাইরেক্ত স্তেত প্রোকরমেন্ত কাঙলুপকী মখাদা হৌজিক ফাওবদা স্তেত/য়ু.তি.শিংদা ভেক্সিন দোজ করোর ১৩৭ (১,৩৭,৭১,০৮,১০০) হেন্না ফংহনখ্রে‍।

স্তেত/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা কোবিদ ভেক্সিন দোজ করোর ২২.৭০ (২২,৭০,৯৮,০০৬) হেন্না লৈরি‍।

https://pib.gov.in/PressReleasePage.aspx?PRID=1776335

দবল্যু.ঐচ.ও.না রিপোর্ত তৌরকখিবা অনৌবা কোবিদ১৯ ভেরিয়েন্ত(ওমিক্রোন) অসি য়েংলগা কেন্দ্রনা রাজ্যশিং/য়ু.তি.শিংগা লোইননা পব্লিক হেল্থ প্রিপেয়র্দনেস য়েংশিনখ্রে

ওমিক্রোন ভেরিয়েন্ত আর.তি.পি.সি.আর. অমসুং আর.এ.তি.দা তাদবা তৌদে; কেস অমা হেক্তবু থিন্থদনা অমসুং ঙন্না খঙদোক্নবগীদমক তেস্তিং হেন্না হেন্না পাংথোক্নবা রাজ্যশিংদা পাউতাক পীখ্রে

ইনফ্রাস্ত্রকচর ফগৎহন্নবা, দ্রগশিং মরাং-কাইনা ফংহন্নবা অমদি স্তোক্তা থম্নবা, হোম আইসোলেসন য়েংশিন্নবা রাজ্যশিংদা পাউতাক পীখ্রে

ভেক্সিন মপুং-ফানা কাপথোকহনবদা মীৎয়েং থমদুনা “হর ঘর দস্তক” ভেক্সিনেসন কেম্পেন্দ দিসেম্বর ৩১ ফাওবা শাংদোকখ্রে

তোঙান তোঙানবা লৈবাকশিংদগী কোবিদ১৯গী ওমিক্রোন ভেরিয়েন্তগী রিপোর্তশিং লাক্লিবা অসিদা কোবিদ-১৯ পব্লিক হেল্থ রেস্পোন্স মিজরশিং অমসুং প্রিপেয়র্দনেস য়েংশিন্নবা ঙসি মফম অসিদা নিতি আয়োগকী মেম্বর(হেল্থ) দা. ভি.কে. পোল শরুক য়াদুনা কেন্দ্রগী হকশেল সেক্রেতরী শ্রী রাজেশ ভুসননা অৱাংবা থাক্কী মীফম অমা থৌবুরেল ওইদুনা ফমখ্রে৷

মীফম অসিদা এম.ও.সি.এ. সেক্রেতরী শ্রী রজিব বনসাল, আই.সি.এম.আর.গী দি.জি. অমসুং সেক্রেতরী(হেল্থ রিসর্স) দা. বলরাম ভর্গবা, এন.সি.দি.সি.গী দাইরেক্তর দা. সুজীত কে. সিংহ, স্তেত হেল্থ সেক্রেতরীশিং, এম.দি.শিং(এন.ঐচ.এম.), এক্সতর্নেল এফিয়র্স মন্ত্রালয়, ব্যুরো ওফ ইনবেস্তিগেসন(বি.ও.আই.), স্তেত এয়রপোর্ত পব্লিক হেল্থ ওফিসিয়েলশিং(এ.পি.ঐচ.ও.শিং)গী মীহুৎশিং অমসুং রাজ্যশিং/য়ু.তি.শিংগী অতোপ্পা ওফিসিয়েলশিংনা শরুক য়াখি৷

কোবিদ১৯গী অনৌবা ভেরিয়েন্ত অসি য়েংলগা কেন্দ্রগী হকশেল মন্ত্রালয়গী শেমদোক্লবা গাইদলাইনশিং অমসুং এদভাইজরীশিং অসি রাজ্যশিংদা সেয়র তৌখ্রে হায়না হঞ্জিন-হঞ্জিন পল্লদুনা, রাজ্যশিংনা মখোয়গী গার্দশিং হন্থহন্দনবা অমদি এয়রপোর্তশিং, হিথাংফমশিং অমসুং লেন্দ বোর্দর ক্রোসিংশিংগী খুৎথাংদা লৈবাক অসিদা চংলক্লিবা ইন্তরনেস্নেল পেসেঞ্জরশিংদা চেকশিন্না মীকুপ-নাহুম শিংনা য়েংশিন্নবা কেন্দ্রগী হকশেল সেক্রেতরীনা রাজ্যশিংদা পাউতাক পীখ্রে৷

রাজ্যশিংদা অখন্ননা পাউতাক পীখিবশিং-

• ইন্তরনেস্নেল পেসেঞ্জরশিংগী ইফেক্তিব সর্ভিলেন্স তৌবা: “রিক্স ৱাংবা” লৈবাকশিংদগী লাক্লিবা ইন্তরনেস্নেল ত্রাবেল্লরশিংগী সেম্পলশিং অহানবা নুমিৎতা তেস্ত তৌবা অমদি ৮শুবা নুমিৎতা অমুক হন্না তেস্ত তৌবা দরকার ওই৷ “রিক্স ৱাংবা” লৈবাকশিংদগী লাক্লিবা ইন্তরনেস্নেল ত্রাবেল্লরশিংনা আর.তি.-পি.সি.আর. তেস্তকী রিপোর্ত অদু লাক্ত্রিবা ফাওবা এয়রপোর্তশিংদা ঙাইদুনা লৈনবা অমদি মদুগী মাংওইননা কন্নেক্তিং ফ্লাইতশিং বুক তৌদনবা ইন্তরনেস্নেল পেসেঞ্জরশিংদা খঙহনখ্রে৷
• জিনোম সিক্বেন্সিংগীদমক পোজিতিব সেম্পল পুম্নমক ইন্সাকোগ লেবশিং(রাজ্যশিংদা মেপ তৌখ্রবা)দা শুংশোই শোইদনা থাগদবনি৷ পোজিতিব ওইরবা মীওইশিংগী কন্তেক্ত ত্রেসিং তৌনবা অমদি নুমিৎ ১৪ ফাওবগী ওইনা পাংথোক্নবা রাজ্যশিংনা হোৎনগদবনি৷
• তেস্তিং হেনগৎহনবা: তেস্তিং ইনফ্রাস্ত্রকচর ফগৎহনবা অমদি তেস্তিং গাইদলাইনশিং চেকশিন্না চৎনহনগদবনি৷ আর.তি.-পি.সি.আর. রেসিও ঙাক্না থমদুনা জিলা খুদিংমক্তা তেস্তিং মরাং কাইনা তৌগদবনি৷
• হোতস্পোতশিং ইফেক্তিব ওইনা য়েংশিনবা: ইকুই কুইদ্রিঙাদা পোজিতিব কেসশিং পাক-শন্না লৈখিবা এরিয়াশিং লেপ্পা-লৈতনা য়েংশিনবা হৌখ্রে৷ জিনোম সিক্বেন্সিংগীদমক পোজিতিব সেম্পল পুম্নমক থিন্থবা তৌদনা দিজাইনেতেদ ইন্সাকোগ লেবতা থারি৷
• “রিক্স ৱাংবা” লৈবাকশিংদগী লাক্লিবা পেসেঞ্জরশিংগী য়ুমশিংদা হকথেংননা চৎতুনা হোম আইসোলেসনগী কেসশিং ইফেক্তিব ওইনা অমসুং চাং নাইনা য়েংশিনবা৷ ৮নি শুবা নুমিৎতা তেস্ত তৌবা মতমদা নেগেতিব ওইরে হায়না চোংথোরক্লিবা মীওই অদুগী স্তেতস অদু স্তেত এদমিনিস্ত্রেসননা ফিজিকেল্লী ওইনা য়েংশিনগদবনি৷
• হেল্থ ইনফ্রাস্ত্রকচর ফগৎহনবা: হেল্থ ইনফ্রাস্ত্রকচর (আই.সি.য়ু., ওক্সিজেন ফমুং, ভেন্তিলেতরশিং ফংহনবা)প্রিপেয়র্দনেস থম্বা৷ খুঙ্গংগী মফমশিংদা মীৎয়েং থমদুনা অমসুং পেদিয়েত্রিক কেসশিংগীদমক ই.সি.আর.পি-II চৎনহনবা৷ লোজিস্তিকশিং, দ্রগশিং অমসুং ওক্সিজেন সিলিন্দরশিং মরাং-কাইনা সপ্লাই তৌবগা লোইননা সেঙ্কসন তৌখিবা পি.এস.এ. প্লান্তশিং ঙন্না ইমপ্লিমেন্ত তৌহনবা অসিনি৷
• ইন্তরনেস্নেল ত্রাবেল্লর পুম্নমক্কী অকুপ্পা মরোলশিং য়াওনা পোজিতিব ত্রাবেল্লরশিংগী লিস্তকীদমক এ.পি.ঐচ.ও.শিংগা কো-ওর্দিনেত তৌবা অমদি ইফেক্তিব সর্ভিলেন্সকীদমক মখোয়দা সপোর্ত হেন্না পীবা৷
• লৈবাক অসিদা লৈরিবা ভি.ও.সি.শিং অমা হেক্তদগী মরু ওইনা ইকুই কুইদ্রিঙৈদা পোজিতিব কেস য়াম্না লৈখিবা মফমশিংদা লাইচৎ শন্দোকপা অসি ত্রেক তৌনবা অমসুং লাকশিন্নবা স্তেত সর্ভিলেন্স ওফিসরনা নুংতিগী য়েংশিল্লি৷
• চয়োলগী ওইনা শন্দোকপা মেদিয়া ব্রিফিংশিংগী খুৎথাংদা ওইরক্লিবা ফিভম অসিগী ইবিদেন্স অমসুং সাইন্স বেজ ইনফোর্মেসন অদু চাং-নাইনা শন্দোক্তুনা মীয়ামদা য়ৌহনগদবনি৷

নৌনা থোক্লক্লিবা অনৌবা কোবিদ১৯ ভেরিয়েন্ত অসি “লাইনা-লাইচৎ অমগী মনুংদা লৈবা লাইনা-লাইচৎ” অমনি হায়না পল্লদুনা, লৈবাক অসিনা কোবিদ১৯ থেংনবগী জ্ঞান অমসুং লৌশিং লৈবা হেনগৎলক্লি হায়না দা. ভি.কে. পোলনা ফোংদোকখি৷ কোবিদকা চুনবা শাজৎশিং ঙাক্না চৎপা, মীয়াম পুনবদা য়াওদবা অমসুং ভেক্সিন কাপ্পগী চাং হেনগৎহনবগী মরু ওইবা মখাতানা লৈরি হায়না মহাক্না অমুক্কা হন্না পনখি৷ ভেক্সিন কাপথোকপা অসিনা কোবিদ১৯ থেংনবগী শক্তি লৈবা দিফেন্স অমনি হায়না পল্লদুনা, ভেক্সিনগী অহানবা দোজ ১০০% কাপথোক্নবা অমদি অনিশুবা দোজ কাপ্তনা লৈরিবা অদু মপুং ফানা লোইশিনবদা মীৎয়েং থমদুনা "হর ঘর দস্তক" ভেক্সিনেসন কেম্পেন্দ দিসেম্বর ৩১ ফাওবা শাংদোকখ্রে৷ কোবিদ১৯ ভেক্সিন কাপ্পগী খোঙজেল য়াংখৎহন্নবা অমদি কভরেজ হেনগৎহন্নবা রাজ্যশিংদা পাউতাক পীখ্রে৷

https://pib.gov.in/PressReleasePage.aspx?PRID=1776404

মরুওইবা ত্বীৎশিং

#IndiaFightsCorona:

📍𝑴𝒐𝒓𝒆 𝒕𝒉𝒂𝒏 78 𝒍𝒂𝒌𝒉 (78,80,545) 𝒗𝒂𝒄𝒄𝒊𝒏𝒆 𝒅𝒐𝒔𝒆𝒔 𝒂𝒅𝒎𝒊𝒏𝒊𝒔𝒕𝒆𝒓𝒆𝒅 𝒊𝒏 𝒕𝒉𝒆 𝒍𝒂𝒔𝒕 24 𝒉𝒐𝒖𝒓𝒔.

➡️Together we can win the battle against #COVID19.#We4Vaccine#LargestVaccinationDrive#Unite2FightCorona pic.twitter.com/KpEoL4M93X

— #IndiaFightsCorona (@COVIDNewsByMIB) November 30, 2021

#Unite2FightCorona pic.twitter.com/Lu5QkYDNi3

— Ministry of Health (@MoHFW_INDIA) November 30, 2021

#IndiaFightsCorona:

➡️10,116 patients recovered during last 24 hours

➡️3.40 crore total recoveries across the country so far

➡️Recovery rate increases to 98.35% #Unite2FightCorona #StaySafe

2/4 pic.twitter.com/fym3P44fMH

— #IndiaFightsCorona (@COVIDNewsByMIB) November 30, 2021

*********