আর্থ সাইন্সেস মন্ত্রালয়গী অমব্রেলা স্কিম “ওসিন সর্ভিসেস, মোদেলিং, এপ্লিকেসন, রিসোর্সেস অমসুং তেক্নোলোজী(ও-স্মার্ত)” ২০২১-২৬কী মতম অসিদা লুপা কোতি ২১৭৭ থাদদুনা মখাতানা চৎননবগীদমক প্রধান মন্ত্রী শ্রী নরেন্দ্র মোদীনা থৌবুরেল ওইদুনা ইকোনোমিক এফিয়র্সকী মতাংদা ফমখিবা মন্ত্রী-মন্দল মীফম্না মহাক্কী অয়াবা পীখ্রে৷

স্কিম অসিদা সব-স্কিম তরেৎ মমিং ওইনা হায়রবদা ওসিন তেক্নোলোজী, ওসিন মোদেলিং অমসুং এদবাইজরী সর্ভিসেস(ও.এম.এ.এস.), ওসিন ওবজর্বেসন নেতৱার্ক(ও.ও.এন.), ওসিন নন-লিবিং রিসোর্সেস, মেরিন লিবিং রিসোর্সেস অমসুং ইকোলোজী(এম.এল.আর.ই.), কোস্তেল রিসর্স অমসুং ওপরেসন অমদি মেন্তিনেন্স ওফ রিসর্স বেসেল্স য়াওরি৷ হায়রিবা সব-স্কিমশিং অসি মন্ত্রালয়গী ওতোনোমস/এতেচ ইন্সতিত্যুতশিং মমিং ওইনা হায়রবদা নেস্নেল ইন্সতিত্যুত ওউ ওসিন তেক্নোলোজী(এন.আই.ও.তি.),চেন্নাই; ইন্দিয়ন নেস্নেল সেন্তর ফোর ওসিন ইনফোর্মেসন সর্ভিসেস(আই.এন.সি.ও.আই.এস.), হায়দ্রবাদ; নেস্নেল সেন্তর ফোর পোলর এন্দ ওসিন রিসর্স(এন.সি.পি.ও.আর.), গোৱা, সেন্তর ফোর মেরিন লিবিং রিসোর্সেস এন্দ ইকোলোজী(সি.এম.এল.আর.ই.), কোচি; অমসুং নেস্নেল সেন্তর ফোর কোস্তেল রিসর্স(এন.সি.সি.আর.), চেন্নাই অমসুং অতোপ্পা নেস্নেল ইন্সতিত্যুতশিংনা চৎনরি৷ মন্ত্রালয়গী কোস্তেল রিসর্স বেসেলশিং অমসুং ওসিনোগ্রাফিক্কী ফ্লীত অমনা স্কিম অসিগী দরকার ওইরিবা রিসর্স সপোর্ত অদু পীরি৷

ভারত্তা লৈরিবা সমুদ্রশিংগা চুনবা রিসর্স অমসুং তেক্নোলোজী দিবেলপমেন্ত অসি ১৯৮১দা লিংখৎখিবা দিপার্তমেন্ত ওফ ওসিন দিবেলপমেন্ত(দি.ও.দি.)দা পুনশিনখিবা অমসুং মদুদগী মখাতানা থবক তৌরক্লিবা ওসিন দিবেলপমেন্ত দিপার্তমেন্ত(দি.ও.দি.)না হৌদোকখিবনি৷ নেস্নেল বেনিফিতশিংগীদমক তেক্নোলোজী দেমোন্সত্রেসন তৌবা, তেক্নোলোজী দিবেলপমেন্তশিংগী খুৎথাংদা ওসিনোগ্রাফিক রিসর্স তৌবা, ফোর্কাস্ত সর্ভিসেস, ফিল্দ ইন্সতোলেসনশিং, এক্সপ্লোরেসনশিং, সর্ভেদা এম.ও.ই.এস.না য়াম্না মরু ওইবা মফম অমা কনখ্রে৷ ওসিনোগ্রাফিক রিসর্স এক্তিবিতীশিং য়াওরিবা ও-স্মার্ত স্কিম অসি ঐখোয়গী সমুদ্রশিং লেপ্প—লৈতনা য়েংশিল্লিবা অসিগী মতুং ইন্না ফোরকাস্ত অমসুং সর্বিসশিং ফংহন্নবা, ঐখোয়গী সমুদ্রগী রিসোর্সশিং(থৱাই পানবা অমসুং পান্দবা) অসি সস্তেনেবল ওইনা শিজিন্নবা য়ানবগীদমক সর্ভেশিং এক্সপ্লোর তৌবা অমসুং তেক্নোলোজীশিং শেমগৎপা অমদি ওসিন সাইন্সেসতা ফ্রন্ত-রেঙ্কিং রিসর্স প্রমোত তৌনবগী ওবজেক্তিবশিংদা স্কিম অসি চৎনরিবনি৷

স্কিম অসিগী এক্তিবিতীশিংগী খুৎথাংদা অচৌবা মাইলস্তোন কয়া অমা ফংবা ঙমখ্রে, খ্বাইদগী মরু ওইবা অদুদি ইন্দিয়ন ওসিনগী এলোতেদ এরিয়াদা পোলী মেতালিক মোদ্যুল্স(পি.এম.এন.) অমসুং হাইদ্রোথর্মেল সলফাইদসকী দীপ সী মাইনিং তৌবদা এক্সতেন্সিব রিসর্স পাংথোকপগীদমক ইন্তরনেস্নেল সীবেদ ওথোরিতী(আই.এস.এ.)গা লোইননা ভারতপু পাইওনিয়র ইনবেস্তর ওইনা মশক খঙবা অসিনি৷ লাক্ষাদ্বীপ ইথৎশিংদা লৈরিবা লো তেম্পরেচর থর্মেল দেসেলাইনেসন ইন্সতোলেসন ফেসিলিতীগুম্বা অসি শিজিন্নদুনা দিসেলাইনেসনগীদমক তেক্নোলোজী শেমগৎলকপা অসি মরু ওইবা এচিবমেন্ত অমনি৷ অদুগীসু মথক্তা, ভারতকী সমুদ্রগা মরী লৈনবা এক্তিবিতীশিং অসি হৌজিক্তি আর্তিক্তগী এন্তার্তিক লমদমদা শন্দোকখ্রে, মসিনা পাক-চাওরবা ওসিন স্পেস লৈরিবা অদু ইন-সিতু অমসুং সেতলাইত-বেজ ওবজর্বেসনগী খুৎথাংদা য়েংশিল্লি৷ ইন্তরভগভর্মেন্তেলদা গ্লোবেল ওসিন ওবজর্বিং সিস্তেমগী ইন্দিয়ন ওসিন কম্পোনেন্ত চৎনহনবদা ভারতনা লিদরশিপ রোল অমা লৌখ্রে৷

ওসিনোগ্রাফিক কম্মিসননা মুর অমসুং দ্রিফতরগী মখলশিং য়াওনা ওবজর্বেসন নেতৱার্ক কয়া অমা ইন্দিয়ন ওসিনদা দিপ্লোই তৌরি অমসুং চলাইরি৷ হায়রিবা ওবজর্বেসন নেতৱার্ক অসিনা পোতেন্সিয়েল ফিশিং গ্রাউন্দগীদমক ওসিন ফোর্কাস্ত সর্ভিসশিং অমসুং নেস্নেলগী থাকশিংদা অমসুং য়ুমলোন্নবা লৈবাকশিংদা লৈরিবা স্তেক হোল্দরশিংদা সাইক্লোন অমসুং সুনামি লোইনবা স্তোর্ম সর্জকীদমক নেচরেল কোস্তেল হজার্দশিংগী ৱার্নিং পীরি৷ ওসিন দিজাস্তরশিং মমিং ওইনা সুনামি, স্তোর্ম সর্জশিংগীদমক স্তেত-ওপ-দি-আর্ত আর্লী ৱার্নিং সিস্তেম অমা ভারতকীদমক অমসুং য়ুনেস্কোনা মশক খঙখ্রবা ইন্দিয়ন ওসিন লৈরিবা লাবকশিংদা সর্ভিসশিং পীনবা আই.এন.সি.ও.আই.এস.হায়দ্রবাদতা লিংখৎখি৷ ওসিন রিসোর্সশিং, ওসিনগা মরী লৈনবা এদবাইজরী সর্বিসশিং, নেবিগেসনগী মরমদা খঙদোক্তুনা নেস্নেল বেনিফিৎকীদমক ইন্দনয়ন এক্সক্লুসিব ইকোনোমিক জোন(ই.ই.জেদ.)দা এক্সতেন্সিব সর্ভে অমসুং ভারতকী কন্তিনেন্তেল সেল্ফ পাংথোক্লি৷ মেরিন বাইওদাইবর্সিতী অসি য়োকখৎনবা অমসুং ঙাক-শেন্নবগী পান্দমগা লোইননা মেরিন ইকোসিস্তেমগীদমক লিবিং রিসোর্সশিং মেপ্পিং তৌবা য়াওনা ভারতকী দীপ ওসিন অমসুং ই.ই.জেদ.দা লিবিং রিসোর্সশিং এসেসমেন্ত তৌখ্রে৷ শোরলাইন চেঞ্জেস অমসুং মেরিন ইকোসিস্তেমশিং য়াওনা ভারতকী সমুদ্র মপানগী ইশিংগী ফিভম অসিসু মন্ত্রালয় অসিনা য়েংশিল্লি৷

ওস্মার্ত অসি মল্তিদিসিপ্লিনরী কন্তিনুইং স্কিম অমা ওইরুবনা, হৌজিক হৌজিক চত্থরিবা এক্সতেন্সিব রিসর্স অমসুং তেক্নোলোজী দিবেলপমেন্ত এক্তিবিতীশিং অসিনা মালেমগী থাক্তা ওসিনোগ্রাফিক ফিল্দদা লৈবাক অসিগী কেপাসিতী বিল্দিং হেনগৎহল্লগনি৷ হৌজিক লৈরিবা চহি খুজিং অসি য়ুনাইতেদ নেসন্সনা (য়ু.এন.)না দিকেদ ওফ ওসিন সাইন্স ফোর সস্তেনেবল দিবেলপমেন্তগী দিকেদ হায়না লাওথোকখ্রে অমসুং স্কিম অসি মখা চত্থরকপা অসিনা গ্লোবেল ওসিনোগ্রাফিক রিসর্স অমসুং তেক্নোলোজী দিবেলপমেন্তদা ঐখোয়না লেপ্লিবা অসি হেন্না পাঙ্গল লৈহল্লগনি৷ ওসিনশিং, সীশিং অমসুং মেরিন রিসোর্সশিং মাংহন্দনবা অমসুং নিংথিনা শিজিন্নবা ঙম্নবা য়ুনাইতেদ নেসন্স সস্তেনেবল গোল-১৪ ফংনবা হোৎনরিবশিং অসি কোস্তেল রিসর্স অমসুং মেরিন বাইওদাইবর্সিতী এক্তিবিতীশিংগী মনুং চল্লি৷ নেস্নেল জি.দি.পি.দা মশক থোক্না কন্ত্রিব্যুত তৌরি অমসুং মেরিন এনবাইরোনমেন্ত মরু ওইনা ভারতকী কোস্তেল রাজ্যশিংদা থবক তৌরিবা তোঙান তোঙানবা সেক্তরশিং অমসুং কম্ম্যুনিতীশিংবু কান্নবা পীরিবা তেক্নোলোজীশিং অমসুং ওসিন এদভাইজরী সর্ভিসশিং শিজিন্নদুনা থবক অসি মখা চত্থরগনি৷

লাক্কদৌরিবা চহি মঙা(২০২১-২৬), মেরিন দোমেন, ফোর্কাস্ত অমসুং ৱার্নিং সর্ভিসশিংগীদমক শিজিন্নবা য়াবা কত্তিং এদজ তেক্নোলোজী তোঙান তোঙানবা কোস্তেল স্তেক হোল্দরশিংদা ফংহন্নবা হৌজিক হৌজিক চত্থরিবা থবক-থৌরমশিং অসি মপাঙ্গল লৈহন্দুনা স্কিম অসিনা মখাতাবা কমপ্লিহেন্সিব কভরেজ ফংহল্লগনি, মেরিন লিবিং ওর্গনিজমশিংগী কঞ্জর্বেসন স্ত্রাতিজীগীদমক বাইওদাইবর্সিতী ফংহল্লগনি অমসুং কোস্তেল প্রোসেসশিং খঙহল্লগনি৷

******