১৯৪৯দা কন্সতিতুয়েন্ত এসেমব্লীনা কন্সতিত্যুসন ওফ ইন্দিয়া লৌখিবা নিংশিংনবা নবেম্বর ২৬তা লৈবাক অসিনা কন্সতিত্যুসন দে থৌরম পাংথোক্কদৌরি। প্রধান মন্ত্রীগী মিৎয়েংদা য়ুম্ফম ওইদুনা পুৱারী ওইরবা নুমিৎ অসিবু খঙননবা কন্সতিত্যুসন দে থৌরম পাংথোকপা অসি ২০১৫দগী হৌখি। মিৎয়েং অসিগী হৌরকফম অসি ২০১০দা মতম অদুগী গুজরাতকী মুখ্য মন্ত্রী ওইবিরম্বা শ্রী নরেন্দ্র মোদীনা শিনখিবা “সম্বিধান গৌরব য়াত্র”দা হন্না য়েংবা য়াই।

হন্দক্কী চহিগী কন্সতিত্যুসন দে থৌরমদগী শরুক অমা ওইনা, প্রধান মন্ত্রী শ্রী নরেন্দ্র মোদীনা ২০২১গী নবেম্বর ২৬তা পার্লিয়ামেন্ত অমসুং বিগ্যান ভবন্দা শিল্লিবা থৌরমশিং অসিদা শরুক য়াগনি।

পার্লিয়ামেন্তদা শিল্লিবা থৌরম অসি অয়ুক্কী পুং ১১ তাবা মতমদা হৌগনি অমসুং পার্লিয়ামেন্তকী সেন্ত্রেল হোলদা পাংথোক্কনি। হায়রিবা অসিদা ইকাই খুম্নজরিবা রাস্ত্রপতি, উপ রাস্ত্রপতি, প্রধান মন্ত্রী অমসুং লোক সভাগী স্পিকরনা ৱা ঙাংগনি। ইকাই খুম্নজরিবা রাস্ত্রপতিনা ৱা ঙাংলবা মতুংদা, লৈবাক মীয়াম্না লাইবতা পুন্না কন্সতিত্যুসনগী প্রিএম্বল পাথোক্কনি। ইকাই খুম্নজরিবা রাস্ত্রপতিনা কন্সতিতুয়েন্ত এসেমব্লী দিবেতশিংগী দিজিতেল বর্জন, কন্সতিত্যুসন ওফ ইন্দিয়াগী কেলিগ্রাফ কোপীগী দিজিতেল বর্জন অমসুং কন্সতিত্যুসন ওফ ইন্দিয়াগী অপদেৎ তৌরবা বর্জন মসিদা হৌজিক ফাওবগী এমেন্দমেন্ত পুম্বা য়াওরবা হায়রিবশিং অসি পুথোক্কনি। মহাক্না ‘কন্সতিত্যুসনেল দেমোক্রেসীদা ওনলাইন কুইজ’সু হৌদোক্কনি।     

প্রধান মন্ত্রীনা নই দিল্লীগী, বিগ্যান ভবনগী প্লেনরী হোলদা নুংথিলগী পুং ৫:৩০ তাবা মতমদা সুপ্রিম কোর্তনা শিনবা নুমিৎ নিনিগী কন্সতিত্যুসন দে থৌরম হৌদোক্কনি। সুপ্রিম কোর্তকী জজেস পুম্নমক, হায় কোর্ত পুম্বগী চীফ জস্তিশ অমসুং খ্বায়দগী মকোক থোংবা পুনি জজশিং, সোলিসিতর জেনেরেল ওফ ইন্দিয়া, অমসুং লেগেল কাংলুপকী অতৈ মেম্বরশিংনা থৌরম অসিদা শরুক য়াগনি। প্রধান মন্ত্রীনা চীং-লেম্লবা মীতিন অসিদা ৱাসু ঙাংগনি। 

****