وزیراعظم کا دفتر
وزیر اعظم 26 نومبر کو یوم آئین کی تقریبات میں شرکت کریں گے
وزیر اعظم پارلیمنٹ کے سینٹرل ہال میں یوم آئین کے پروگرام میں خطاب کریں گے
وزیر اعظم وگیان بھون میں سپریم کورٹ کے زیر اہتمام یوم آئین کی تقریبات کا افتتاح بھی کریں گے
Posted On:
24 NOV 2021 5:08PM by PIB Delhi
نئی دہلی، 24 نومبر 2021:
1949 میں دستور ساز اسمبلی کے ذریعے بھارت کے آئین کی منظوری کی یاد میں قوم 26 نومبر کو یوم آئین منائے گی۔ یوم آئین منانے کا سلسلہ 2015 میں شروع ہوا تھا جس کی بنا وزیر اعظم کے اس تاریخ ساز دن کی اہمیت کا مناسب طور پر اعتراف کیے جانے کے وژن سے پڑی تھی۔ اس وژن کی جڑیں اس وقت کے گجرات کے وزیر اعلی جناب نریندر مودی کے ذریعے 2010 میں منعقدہ "سمودھان گورو یاترا" میں بھی مل سکتی ہیں۔
اس سال یوم آئین کی تقریبات کے ایک حصے کے طور پر وزیراعظم نریندر مودی 26 نومبر 2021 کو پارلیمنٹ اور وگیان بھون میں منعقد ہونے والے پروگراموں میں شرکت کریں گے۔
پارلیمنٹ میں منعقد ہونے والا پروگرام صبح 11 بجے شروع ہوگا اور پارلیمنٹ کے سینٹرل ہال میں ہوگا۔ اس پروگرام میں عزت مآب صدر جمہوریہ، نائب صدر، وزیر اعظم اور لوک سبھا اسپیکر خطاب کریں گے۔ عزت مآب صدر جمہوریہ کے خطاب کے بعد قوم آئین کا دیباچہ پڑھنے میں ان کے ساتھ لائیو شامل ہوگی۔ عزت مآب صدر جمہوریہ دستور ساز اسمبلی کی بحث کا ڈیجیٹل ورژن، آئین ہند کی خطاطی کا ڈیجیٹل ورژن اور آئین ہند کا تازہ ترین ورژن بھی جاری کریں گے جس میں آج تک کی تمام ترامیم شامل ہوں گی۔ وہ 'آئینی جمہوریت پر آن لائن کوئز' کا افتتاح بھی کریں گے۔
وزیراعظم نئی دہلی، وگیان بھون کے پلینری ہال میں شام ساڑھے پانچ بجے سپریم کورٹ کے زیر اہتمام یوم آئین کی دو روزہ تقریبات کا افتتاح کریں گے۔ اس موقع پر سپریم کورٹ کے تمام جج، تمام ہائی کورٹس کے چیف جسٹس اور سینئر ترین پوئسن جج، سالیسٹر جنرل آف انڈیا اور قانونی برادری کے دیگر ارکان موجود ہوں گے۔ وزیر اعظم اس پروگرام میں بھی خطاب کریں گے۔
***
(ش ح - ع ا - ع ر)
U. No. 13245
(Release ID: 1774696)
Visitor Counter : 240
Read this release in:
Marathi
,
English
,
Hindi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam