হকশেল অমসুং য়াইফ-য়ুম্বাল মন্ত্রালয়
এন.জি.ও.শিং, সি.এস.ও.শিং অমসুং দিবেলপমেন্ত পার্তনরশিংগা লোইননা প্রধান মন্ত্রীগী ‘হর ঘর দস্তক’ মপাঙ্গল লৈহন্নবা দা. মন্সুখ মন্দাবিয়ানা খন্ন-নৈনখ্রে
“কোবিদ ভেক্সিন কাপ্পগা মরী লৈননা ফংলিবা এচিবমেন্ত অসি লৈবাক পুম্বনা খুৎশম্নদুনা হোৎনমিন্নবগী মহৈনি হায়না মোদী জীনা ফোংদোকখ্রে”
Posted On:
16 NOV 2021 2:17PM by PIB Imphal
“ভেক্সিন কাপ্পগা মরী লৈননা ফংলিবা এচিবমেন্ত অসি লৈবাক পুম্বনা হোৎনমিন্নবগীনি, সরকার খক্তনা হোৎনবগী নত্তে হায়না প্রধান মন্ত্রী শ্রী নরেন্দ্র মোদীনা ফোংদোকখ্রে৷ কল্লেক্তিব ওইবা পান্দম অমা ফংনবা এক্সপর্তাইস অমসুং কেপাসিতীগী মতুং ইন্না স্তেকহোল্দর পুম্নমক শরুক য়াদুনা হোৎনরকপা অসি দেমোক্রেসীদা য়াম্না মরু ওই”৷ ৱাফম অসিনা ঙসি হকশেল অমসুং য়াইফ-য়ুম্বালগী কেন্দ্রগী মন্ত্রী দা. মন্সুখ মন্দাবিয়ানা লৈবাক পুম্বদা কোবিদ ভেক্সিন কাপথোক্নবা অমদি কোভরেজ মখাতানা হেনগৎনবা হোৎনবদা সরকারগী মতেং পাংলিবা তোঙান তোঙানবা স্তেকহোল্দরশিংগী মীহুৎশিংগা উনখিবদা মহাক্না ফোংদোকখিবনি৷ হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী দা. ভারতি প্রবিন পৱারনা মহাক্কী কন্সিতিত্যুয়েন্সীদগী দিজিতেল্লী ওইনা শরুক য়াখি৷
![](https://static.pib.gov.in/WriteReadData/userfiles/image/image00105GT.jpg)
![](https://static.pib.gov.in/WriteReadData/userfiles/image/256246.jpg)
ভারতকী ভেক্সিনেসন প্রোগ্রামগুম্বা মমোথ এক্সর্সাইস অসিদা জন-ভাগিদারি অসি য়াম্না মরু ওই হায়না দা. মন্দাবিয়ানা ফোংদোকখি৷ “কোবিদ লোকদাউনগী মতমদা মীওই অমতনা পুক লামদনা তুমখিনবা সরকারনা হোৎনরিবশিং অসিদা মতেং পাংলকখিবা নন-গভর্মেন্ত ওর্গনাইজেসনশিং অমসুং সিবিক সোসাইতী ওর্গনাইজেসনশিংগী ইনিসিয়েতিব অসিনা মরম ওইদুনা ভারতনা কোবিদ ক্রাসিস অসি মাই পাক্না লান্থেংনবা ঙম্লিবনি৷” মথংশিৎনা মীওই ৮০% অমসুং মীওই ৪০%না ভেক্সিনগী অহানবা দোজ অমসুং অনিশুবা দোজ কাপথোক্নবা হোৎনবদা মখোয়না লৌখিবা থৌদাং অদুসু মহাক্না পনখি৷
কোবিদ-১৯গী ৱেব কয়া অমনা চোকথহনখ্রবা চাওখৎলবা লৈবাকশিংগী হেল্থ সিস্তেম অমসুং হেল্থকেয়র দেলিভরীবু খুদম ওইনা পীরদুনা, ভারত্তা লাইনা-লাইচৎ অসি মপুং ফানা লোইশিন্নবা কোবিদ ভেক্সিনগী দোজ অনিমক ১০০% কাপথোকপা অসি য়াম্না মরু ওই হায়না কেন্দ্রগী হকশেল মন্ত্রীনা ফোংদোকখি৷“ঐখোয়না মীপুম খুদিংমক ভেক্সিন কাপথোকহনগদবনি,” হায়না মহাক্না ফোংদোকখি৷ কোবিদ-১৯দগী ভারতপু কন্নবা লৈবাক অসিদা লৈরিবা প্রজাশিং অমতা চিথদনা ভেক্সিন কাপথোক্তুনা কোবিদ-১৯দগী ঙাকথোক্নবা হোৎনরিবা অসিদা এন.জি.ও.শিং, পোলিতিকেল পার্তীশিং অমসুং প্রজাশিংবু মহাক্না তরাম্না ওকখি৷
কম্ম্যুনিতীদা হেন্না এৱার্নেস পীনবা অমদি ভেক্সিনেসন এক্সর্সাইস অসিবু ‘জন অন্দোলন’ অমদা ওন্থোক্নবা মীফম অসিদা শরুক য়াখিবা পার্তনরশিংনা হেন্না থৌনা পীখি৷ ফিভম লুশিন্না নারিবা অসিদগী ঙাকথোক্নবা অনিশুবা দোজ কাপথোকপা অসি তঙাই ফদে হায়না পল্লদুনা, হোস্পিতেলাইজেসন অসি কম্ম্যুনিকেসনগী তঙাই ফদবা কম্পোনেন্ত অমনি৷
মখোয় মশামক্না হোৎনদুনা মখোয়না সরকারনা হোৎনরিবশিং অদু হেন্না মপাঙ্গল লৈহনবা য়াবা এরিয়াশিং অদু মখোয়না হায়খ্রে: এন.জি.ও./সি.এস.ও. সোসিএল মেদিয়া চেনেলশিং শিজিন্নদুনা কেম্পেন্দদা ই-পাউ শন্দোকপা, পোস্তিংগীদমক ওদিও-বিজুএল কন্তেন্ত শিজিন্নবা অমসুং পোজিতিব ওইবা মেসেজশিং শন্দোকপা, কোবিদ-১৯ ভেক্সিনেসনগী মতাংদা পোজিতিব ওইবা মেসেজশিং শন্দোক্নবগীদমক নেস্নেল/রাজ্য/জিলাগী থাক্তা লৈরিবা মমিং লৈরবা মেদিকেল প্রোফেস্নেলশিংগা লোইননা ইনবিগোরেতিং এদবোকেসী তৌবা অসিন৷ কোবিদ-১৯ ভেক্সিনগা মরী লৈননা লান্না পাউ শন্দোক্লিবশিং অমসুং চমম্নবশিং অসি মখোয়না কোকহল্লি, বেনিফিসরীশিংগী ওন-সাইত মোবিলাইজেসন সপোর্ত তৌরি, কোবিদ-১৯ ভেক্সিনেসন দ্রাইব প্লানিং তৌবদা অমদি চৎনহনবদা সপোর্ত তৌনবগীদমক রাজ্য, জিলা অমসুং ব্লোক লেবেল তাস্ক ফোর্সশিংদা শরুক য়ারি৷
মখোয়গী কেপাসিতীগী মতুং ইন্না মফম অমা খন্দোক্নবা অমদি মফম অদুদা লৈরিবা ইনহেবিতেন্ত পুম্নমক্কী মনুংদা ভেক্সিন মপুং ফানা কাপথোক্নবা দা. মন্দাবিয়ানা মখোয়দা হায়খি৷ মীয়ামগী মরক্তা ভেক্সিন কাপথোকপবু পুক্নিং থৌগৎনবা ইমুংগী মীওইশিং মপুং ফানা ভেক্সিন দোজ অনিমক কাপথোকপবু উৎলদুনা পুক্নিং চিংশিন্নিংঙাই ওইরবা হোম স্তিক্করশিং য়েন্থোক্নবসু মহাক্না হায়খি৷
কোবিদ মেনেজমেন্তগীদমক ফাইনান্সিয়েল অমসুং তেক্নিকেল রিসোর্সশিং, ইনফোর্মেসন অমসুং এৱার্নেস পমলেতশিং, ভেক্সিনগী সপ্লাই অমসুং প্রোভিজন অসিগীদমক পার্তনরশিং অসিনা কেন্দ্রগী হকশেল মন্ত্রীনা অপেনবা ফোংদোকখি৷ ভেক্সিন চাং নেম্না কাপ্লিবা মফমশিংদা ভেক্সিন চাং ৱাংনা কাপথোকহন্নবা লৌখৎলিবা খোঙথাংশিং অদুসু মখোয়না সেয়র তৌরকখি: অকশে পত্র ফাউন্দেসননা বেনিফিসরীশিংদা রক্সা কিৎ ৫০,০০০ য়েন্থোকখ্রে অমসুং বেঙ্গালোরদা লৈবা চাকখুম অমা সি.ভি.সি. অমদা ওন্থোকখ্রে; তাতা ত্রস্তনা লোকেল পি.ঐচ.সি.শিংবু লোকাই অমা ওইনা শিজিন্নদুনা জিলা ২দা ভেক্সিন চাং ৱাংনা কাপখ্রে; পিরামল ফাউন্দেসননা ‘সুরক্সা দাদা দাদি নানা নানি’ দ্রাইব হৌদোক্তুনা অহল ওইরবা মীওইশিংবু ভেক্সিন কাপথোকহন্নবা নহাশিংবু পুক্নিং থৌগৎনবা হোৎনখ্রে৷ মালেম পুম্বদা শরুক য়ারিবা ওর্গনাইজেসন কয়া অমনা অতোপ্পা লৈবাকশিংদা লৈরিবা মখোয়গী কাউন্তরপার্তশিংনা হৌজিক ফাওবা মখোয়গী ভেক্সিন ফংদ্রি হায়না ফোংদোকখি; লৈবাক অসিদা য়াম্না থুনা অমসুং চাং ৱাংনা ভেক্সিন পুথোকপা অসিগীদমক মখোয়না সরকার অসিবু থাগৎপা ফোংদোকখি৷
![](https://static.pib.gov.in/WriteReadData/userfiles/image/image003ZSCZ.jpg)
কেন্দ্রগী হকশেল সেক্রেতরী শ্রী রাজেশ ভুশন, এদিস্নেল সেক্রেতরী(হেল্থ) দা. মনোহার অগনানি, এন.ঐচ.এম.গী এদিস্নেল সেক্রেতরী অমসুং মিসন দাইরেক্তর শ্রী বিকাস শীল, এদিস্নেল সেক্রেতরী(হেল্থ) শ্রীমতি আর্তি অহুজা, মন্ত্রালয় অসিগী জোইন্ত সেক্রেতরী(হেল্থ) অমসুং অতোপ্পা সেনিয়র ওফিসিয়েলশিংনা মীফম অসিদা শরুক য়াখি৷
*****
(Release ID: 1773419)
Visitor Counter : 162