ভারত ইমানা য়াইফরে! ভারত ইমানা য়াইফরে! ভারত ইমানা য়াইফরে!

জৌনে ধরতী পর হনুমান জী, কালনেমি কৈ ৱধ কিএ রহেং, উ ধরতী কে লোগন কৈ হম পাঁৱ লাগিত হৈং। ১৮৫৭ কে লড়াই মা, হিংয়া কে লোগ অংগ্রেজন কা, ছত্ঠী কৈ দূধ য়াদ দেৱায় দেহে রহেং হৈং। য়হ ধরতী কে কণ-কণ মা স্বতন্ত্র সংগ্রাম কৈ খুসবূ বা। কোইরীপুর কৈ য়ুদ্ধ, ভলা কে ভুলায় সকত হৈ? আজ য়হ পাৱন ধরতী ক, পূর্বাঞ্চল এক্সপ্রেসৱে কৈ সৌগাত মিলত বা। জেকে আপ সব বহুত দিন সে অগোরত রহিত। আপ সভৈ কা বহত-বহুত বধাই।

উত্তর প্রদেশকী রাজ্যপাল শ্রীমতী আনন্দীবেন পতেলজী, পু.পি. কে ঔজস্বী অমসুং কর্ময়োগী মুখ্যমন্ত্রী য়োগী আদিত্য়নাথজী, পু.পি. ভাজপা অধ্যক্ষ শ্রী স্বতন্ত্র দেবজ, য়ু.পি. সরকারগী মন্ত্রী শ্রী জয়প্রতাপ সিংহজী, শ্রী ধর্মবীর প্রজাপতিজী, সংসদকী ঐহাক্কী খোংবুরোই ইচন মেনকা গান্ধীজী, অতৈ মীয়ামগী মীহৎশিং অমসুং ঐহাক্কী নুংশিজরবা ইচিল-ইনাওশিং!

মালেমপুম্বদা য়ু.পি.গী মতিক-ময়াইদা, য়ু.পি. গী মীশিংগী মতিক-ময়াইদা করিগুম্বা চিংনবা লৈরবা মদু ঙসি সুল্তানপুরদা লাক্লগা য়ু.পি.গী মতিক-ময়াইশিংসি য়েংবা চহী অহুম-মরিগী মমাংদা শুপ্নতগী লমখক ওইনা লৈরম্বা অদুদগী হৌরগা অনৌবা মতমগী এক্সপ্রেসৱে ফাওরগা চৎলে।  চহী অহুমগী মমাংদা ঐহাক্না পুর্বাঞ্চল এক্সপ্রেসৱেগী উরেপ-উয়ুং তম্বগী লাকপা মতমদা এক্সপ্রেসৱে অদুগী এয়রপোর্ত অসিদা ঐ ইশামক কুমথগনি হায়বা খল্লুদে। মসিগী এক্সপ্রেসৱে অসিনা, উত্তর প্রদেশ অসিগী তুংলমচৎ অসি থুনা য়াংনা ফগৎহল্লগনি।  মসিগী এক্সপ্রেসৱে অসিনা য়ু.পি.গী চাউখৎপগী এক্সপ্রেসৱেনি।ये এক্সপ্রেসৱেনি, য়ু.পি.গী খুমাং চাউশিনবগী এক্সপ্রেসৱেনি। মসিগী এক্সপ্রেসৱে অনৌবা য়ু.পি. শেম্বগী এক্সপ্রেসৱেনি।  মসিগী এক্সপ্রেসৱে অসিয়ু.পি.গী অফবা শেল-থুমগী ফীভমগী  এক্সপ্রেসৱেনি। মসিগী এক্সপ্রেসৱে অসিয়ু.পি.দা অনৌবা খুদোংচাবশিংগী মমিনি। মসিগী এক্সপ্রেসৱে অসি য়ু.পি.গী লেংদ্রবা নিংজবা ৱাখলগী অশেংবা শক্তম্বু উৎপনি। মসিগী এক্সপ্রেসৱে অসি য়ু.পি.দা ৱাশকশিং মপুং ফাবগী তশেং-তশেংলবা খুদম্নি। মসি য়ু.পি.গী চাউথোকচনিংঙাইনি,  মসি য়ু.পি. গী থোইদোকপা মওংদা পাংথোকপনি।  ঐহাক্না ঙসি পুর্বাঞ্চল এক্সপ্রেসৱে অসি উত্তর প্রদেশকী মীশিংদা কত্থোকপা অসি মশামক্না লাইবক ফবা ওইনা ফাউজৈ।  

মরূপশা,

লৈবাক অসি মপুং ওইনা চাউখৎহন্নবগীদমক্তা লৈবাক অসিগী চাং মান্ননা চাউখৎহনবসু অদুক্কী মতিক মথৌ তাই। মফম খরদি চাউখৎপগী লমজেল অসিদা মাংজিল থানা চৎলদি, মফম খরনা চহি মনিংদা লৈহৌরদি মান্নদবশিং অসি করিগুম্বা লৈবাক অমগী ওইনা অফবা অমত্তা নত্তে। ভারত্তসু ঐখোয়গী নোংপোকথংবা শরুক্তা অৱাং-নোংপোক্কী রাজ্যদা চাউখৎলকপা য়াবগী ওইথোকপা অসি লৈদুনসু লমশিং অসিদা চাউখৎপগী কান্নবা অসি ইফং-ফংবা ঙমদ্রি।  উত্তর প্রদেশতসু তৌরিবা রাজনীতি অসিনা মতম শাংনফাওবা পাল্লম্বা সরকারশিং অদুনা য়ু.পি. অসি মপুং ফানা চাউখৎহন্দুনা পন্দোন লোমহন্নবা ইখন-খনবিরমদ্রে।  য়ু.পি. অসিগী মফমশিং অসিদা মাফিয়াগী মওংদা তৌবা অমসুং মফমসিগী মীশিংসু লায়রবশিংদা শিন্নরম্মী।

ঙসি মফম অসি চাউখৎপগী লমায় অমা ইবসিদা ঐহাক নুংঙাই। ঐহাক্না য়ু.পি.গী মথৌনা লৈরবা, কর্মগৌগী মুখ্যমন্ত্রী য়োগী অদিত্যনাথজীবু, মহাক্কী কাংবু অমসুং য়ু.পি. গী মীশিংবু পুর্বাঞ্চল এক্সপ্রেসৱে অসিগীদমক্তা নুংঙাইবা ফোংদোকচরি। ঐখোয়গী  লৌমী মরূপ-মপাংশিংগী লমদা তারিবা শিন্মীশিংগী হুমাং, ইঞ্জীনিয়রশিংগী হৈথোই-শিংথোইবশিং অদুগীদমক্তসু হন্না-হন্না থাগৎপা ফোংদোকচরি।  

ইচিল-ইনাওশা,

লৈবাক অসি চাউখৎপা য়াম্না মথৌ তাবগুম ঙাক-শেনবগীসু য়াম্না মথৌ তাই। মফমসিদা মতম খরগী মনুংদা ইমগজেন্সীগী ফীভম অসিদা পুর্বাঞ্চল এক্সপ্রেসৱে অসি ঐখোয়গী এয়রফোর্সকী ওইনা পাৱর ওইরি। হৌজিক্গী মতম খরগী মনুংদা পুর্বাঞ্চল এক্সপ্রেসৱেদা ঐখোয়গী ফাইত্তর প্লেন, ইশাগী ওইবা লেন্দিং তৌরগনি। মসিগী এয়রপোর্তশিংগী লাউ-খোংবা অসি লৈবাক অসিদা চহী কয়াদগী থওইবিদনা লৈরকখিবশিং অদুগীসুনি।

মরূপশা,

উত্তর প্রদেশকী পোত্থোক, মফমসিগী মীশিংগী হোৎনবা কনবা, মফমসিগী মীশিংগী হৈথোই-শিংথোইবা অসি হান্না অমুক্তা উখিদ্রিবা মওংদনি। অদুগা ঐহাক লাইরিক্তগী পারগা হায়বা নত্তে। উত্তর প্রদেশকী এম.পি. ওইবগী ওইনা মফমসিগী মীশিংদা ঐহাক্না উরিবা অসি, খংলিবা অদুনি হায়রিবা অসি। মফমসিগী অসুক চাউবা লম অসিদা গঙ্গাজী অমসুং অতৈ তুরেলগী য়াইফ-থৌজাল ফংলে। অদুবু মফমসিদা চহী ৭-৮ গী মমাংদা ওইরম্বা ফীভম অদু য়ু.পি. অসি মীওই খরনা করিগীদমক্তা শাপ তৌরিবনো হায়না উবদা ঙকখি। মরম অসিনা ২০১৪ দা অদোম পুম্নমক্না, উত্তর প্রদেশনা, লৈবাক অসিনা ঐহাকপু ঐখোয়গী অথোইবা ভারত অসিগী থৌগল তৌনবগী তাঞ্জা পীবিবা অসিদা ঐহাক্না য়ু.পি. গী চাউখৎনবা মফমসিগী এম.পি. ওইবগী, থৌগল্লোই মকোক ওইনা ঐহাক্কী তৌফম থোকপা ইথৌদাংশিং অদু মমুৎ তানা খংবা হৌখি।

ঐহাক্না য়াম্না কন্না হোৎনদুনা য়ু.পি. গীদমক্তা থবক হৌহনখি। লায়রবশিংদা য়ুম ফংহন্নবা, লায়রবশিংগী য়ুমদা অমাংশঙ লৈহন্নবা, নুপীশিংনা লমহাংদা মখোং হাম্বা চত্তনবা, মী খুদিংমক্কী য়ুমদা মৈ ফংহনবগুম্বা অসিগুম্বা তৌগদবা থবক কয়া অমা লৈরম্মী। য়ু.পি. দা পাল্লম্বা সরকারনা ঐবু শৌগৎপীখিদবা অদুদা ঐহাক য়াম্না নুংঙাইখিদে। মসিদা নত্তনা মীয়ামগী ওইবা মওংদা ঐহাক্কী নাকলদা লেপ্পনফাওবা ভোৎ বেঙ্ককী ৱারৌবা লৈগদ্রা হায়বগী অকিবা লৈরমখি। ঐহাক্না এম.পি. ওইনা লাকখিবা মতমদা এয়রপোর্তা ওকপীখিবা মতমদা ৱাখলসি পুংঙাও-ঙাওরম্মী। মখোয়শিং অদু অদুক্কী মতিক ইকাইরম্মী মদুদি মখোয়না তৌবা থবক্নি হায়নবা করিসু লৈরমদে।

ঐহাক খংই মদুদি মতমদুগী সরকারনা য়োগীজীনা লাকপদগী লাক্ত্রিঙৈগী মমাংদগী হান্নগী সরকারনা য়ু.পি. গী মীশিংদা নিংথিনা তৌবিখিদে, সরকারনা চাউখৎনবা তৌবদা মীচং-মীখাই নাইবা, মশাগী ইমুংগীখক্তা খন্নবা হোৎনবা, য়ু.পি. গী মীশিংনা অসিগুম্না তৌবা মীশিংদা মতম পুম্নমক্কী ওইনা য়ু.পি. গী চাউখৎনবগী লম্বিদগী লৌথোক্কনি। অদুগা ২০১৭ দা অদোম্না মসি তৌরগা উৎখ্রে। অদোম্না ভোৎ মশিং য়াম্না হেন্না পীদুনা য়োগীজী অমসুং মোদীজী অনি পুলহন্দুনা অদোমগী থৌগল তৌনবগী তাঞ্জা অদু পীনবীরে।

অমসুং ঙসি য়ু.পি. দা চাউখৎপগী থবকশিং অসি উবদা মফমসিগী, য়ু.পি. গী লাইবক অসি হোংবা হৌরে হায়না হায়বা ঙম্মি অমসুং য়াম্না য়াঙংনা চাউখৎপরোমদা হোংলগনি। হান্নদি য়ু.পি. দা মৈ কোন্নরমদে, কয়ামুক কোন্নরমদবগে হায়বা অদোম্না খংব্রা? য়ু.পি. দা ৱায়েল-পথাপকী ফীভম করি ওইরম্বগে হায়বসি কনানা কাওবা ঙমগনি। য়ু.পি.দা লম্বীশিংদা লুৎ তৌনরমখি। হৌজিক্তী লুৎ তৌবশিং অদু লোয়নমক জেলদা লৈরে, অদুগা হৌজিক্তি লুৎ তৌনবা লৈত্রে, খুঙ্গং-খুঙ্গংদা অনৌবা লম্বী কয়া অমা শেম্লি। হৌখিবা চহী মরি মখাই অসিদা য়ু.পি. দা নোংপোক ওইরো নোংচুপ ওইরো, কিলোমিতর লিশিং কয়াগী অনৌবা লম্বি কয়া শেমখ্রে।  হৌজিক অদোম পুম্নমক্কী মতেংদগী উত্তর প্রদেশকী সরকারনা নিংথিনা থৌদাং লৌদুনা য়ু.পি. গী চাউখৎপগী মংলান অসি মপুং ফাবা উরক্লি। ঙসি য়ু.পি. দা অনৌবা মেদিকেল কোলেজ শারি, এম্স শারি, অনৌবা এজুকেস্নেল ইন্সতিত্যুৎশিং শারি। চয়োল খরগী মমাংদা কুশিনগরদা ইন্তর্নেস্নেল এয়রপোর্তকী মায়খুম হাংদোকখি অমসুং ঙসি ঐহাক্না পুর্বাঞ্চল এক্সপ্রেস-ৱে অসি অদোমদা খুৎশিন্নবগী লাইবক অদু ফংজরে।

ইচিল-ইনাশা,

মসিগী এক্সপ্রেসৱে অসিগী কান্নবা অসি লায়রবনসু ফংগনি অমসুং ময়ায় ওইবা থাক্কী মীশিংনসু ফংগনি, লৌমীশিংনা মসিদগী মতেং ফংগনি অমসুং  লল্লোন-ইতিক তৌবদসু খুদোং চারগনি। মসিগী কান্নবা অসি শীন্মীনসু ফংগনি অমসুং ওন্তর্প্রীন্যুরনসু ফংগনি, হায়বদি দলিৎ, তোল্লবা, শোত্থরবা, লৌমী, নহা, ময়ায় ওইবা থাক্কী মীশিং, মীপুম খুদিংমক্না মসিগী কান্নবা ফংগনি। শারিঙৈগী মতমদা মরূপ লিশিং কয়া থবক ফংহনখি অমসুং হৌজিক হৌরবা মতুংদসু মীওই লাখ কয়াদা থবক ফংহন্নবগী পাম্বৈ ওইরগনি।

মরূপশা,

মসিসু অচুম্বনি মদুদি য়ু.পি. গুম্বা চাউরবা লৈবাক অসিদা শহর অমগা অতোপ্পা শহর অমগা অদুক্কী মতিক শম্নদনা লৈরম্মী। তোঙান-তোঙানবা শরুকশিংদা মী চৎনবা মতমদা থবক লৈরম্মী, মরি-মতা লৈরম্মী অদুবু শহর অমগা-অমগগী মরক্তা নিংথিনা শম্নবা লম্বী লৈতবা মরম্না য়াম্না ৱানরম্মী। নোংপোক্লোমগী মীশিংনা লখনৌদা য়ৌবদা মহাভারতকুম্লম্মী। হান্নগী মুখ্যমন্ত্রীশিংগী ওইনদি চাউখৎপা অসি মশাগী ইমুং, মশাগী ময়ুমদুদা অদুম লৌইখিরম্মী। অদুবু নোংচুপকী ইকাই খুম্নবা অদুগুম্না পুর্বাঞ্চলগীসু হেন্না মরুওইবা ওইরম্মী। পুর্বাঞ্চল এক্সপ্রেসৱে অসি ঙসি য়ু.পি. গী লোক অসি হেন্না পাকথোক্লে, অমগা-অমগা শম্নরে। মসিগী এক্সপ্রেসৱে অসি শাবদগী, অবধ, পুর্বাঞ্চলগা লোয়ননা বিহারগী মীশিংদসু কান্নহল্লগনি। দিল্লীদগী বিহারদা লাকথোক-লাকশিন তৌবসু হৌজিক্তি লাইরগনি।

অমসুং ঐহাক্না অদোমদা ৱাফম অমা খংহনবা পাম্মী। কিলোমিতর ৩৪০ গী পুর্বাঞ্চল এক্সপ্রেসৱেগী থোইদোকপা অসি শুপ্নতগী লখনৌ, বারাবঙ্কী, অমেথী, সুল্তানপুর, অয়োধ্যা, অম্বেদকরনগর, মউ, অজমগঢ় অমসুং গাজীপুরগসু শম্নগনি। মসিগী থোইদোকপদি মসিগী এক্সপ্রেসৱে অসি লখনৌগা অতৈ শহরশিংগা শম্নহনগনি, মসিদা চাউখৎপগী ওইথোকপা অসি য়াম্না লৈগনি। মসিদা ঙসি য়ু.পি. সরকারনা য়োগীজীগী মীৎয়েংখাদা লুপা করোর লিশিং ২২ দগী হেনবা চাদিং তৌখ্রসু তুংলমচত্তা মসিগী এক্সপ্রেসৱে অসি ইন্দস্ত্রী লাখ করোর কয়া পুরক্নবগী মরম ওইগনি। মীদিয়াগী মরূপশিংনা মসিগী ৱাফম অসিদা মীৎয়েং থম্বিরমগদ্রা নত্রগা থম্বিরম্লোইদ্রা হায়বা খংদে মদুদি ঙসি য়ু.পি. দা শেম্লিবা এক্সপ্রেসৱে অসিনা মতৌ করম্না শহরশিং অসিবু শমজিন্নগদগে হায়বসে। চাউরাক্না কিলোমিতর ৩০০ লোমগী বুন্দেলখন্দগী এক্সপ্রেসৱে অসিনা করম-করম্বা শহরশিং শমজিন্নগদগে? চিত্রকুত, বান্দা, হমীরপুর, মহোবা, জালৌন, ঔরৈয়া অমসুং হতাৱা। কিলোমিতর ৯০ গী গোরখপুর বিঙ্ক এক্সপ্রেসৱে অসিনা করম-করম্বা শহরশিং শমজিন্নগদগে? গোরখপুর, অম্বেদকর নগর, সন্ত কবীর নগর, অমসুং অজমগঢ়,। চাউরাক্না কিলোমিতর ৬০০ কী গঙ্গা এক্সপ্রেসৱেনা শহর কয়া শম্নহনগদগে? মীরুত, হাপুঢ়, বুলন্দশহর, অমরোহা, সম্ভল, বদায়ু, শাহজহানপুর, হরদোই, উন্নাও, রায়বরেলী, প্রতাপনগর, অমসুং প্রয়াগরাজ। হৌজিক মসিসু খন্দুনা য়েংবীয়ু অপীক-অপীকপা শহর অদুক য়াম্বা অসিসু, অদোম্না ঐঙোন্দা হায়বীয়ু মসিদগী শহর কয়াদা অচৌবা মেত্রো সিতিনি হায়না লৌনবগে? মসিদগী শহর কয়া রাজ্যগী অতোপ্পা শহরশিংদগী নিংথিনা শম্নহল্লি? য়ু.পি. গী মীশিংনা মসিগী ৱাহংশিংসিগী পাউখুম খংই অমদি য়ু.পি. গী মীশিংনা ৱাফমশিং অসি খংই। অসিগুম্বা থবক অসি য়ু.পি. দা নিং-খা তম্লবা মতুংদা অহানবা ওইনা থোক্লি। অহানবা ওইনা উত্তর প্রদেশকী খঞ্জবশিং সিম্বল অদু শহরশিং অসিদা অনৌবা কনেক্তিবিতী অসি অদুক্কী মতিক মরুওইনা তৌখি হায়বা। অদুগা ইচিল-ইনাওশা, অফবা লম্বী য়ৌরক্লবদি অফবা হাইৱেসু য়ৌরকই, মফমদু চাউখৎপগী খোংজেল য়াংলকই, য়াংনা থবক লৈহল্লকই।

মরূপশা,

উত্তর প্রদেশকী ইন্দস্ত্রী চাউখৎহন্নবগীদমক্তা অফবা কনেক্তিবিতীগী মথৌ তাই, য়ু.পি. গী কাচিন-কোয়া অসি শম্নহনবগী মথৌ তাই। ঙসি য়োগীজীগী সরকার অসিনা মীচং-মীখাই নাইদনা, ইমুংগী হায়বা লৈতনা, জাৎ-বিজাৎ খাইদনা, মফম-ইফম য়েংদনা 'ময়ামগা লোয়ননা পুম্নমক চাউখৎহনবা' লাইশোন অসিদা থবক তৌরি। য়ু.পি. দা এক্সপ্রেসৱে লোইগদৌরিবসিগুম ইন্দস্ত্রিএল কোরিদোরগী থবকসু হৌরগনি। পুর্বাঞ্চল এক্সপ্রেসৱেগী অকোয়বা অসি য়াম্না থুনা অনৌবা ইন্দস্ত্রী লিংবা হৌরগনি। মসিগীদমক্তা মফম ২১ অসিদা খুদম হকখ্রে।  মতম খরগী মনুংদা এক্সপ্রেসৱেসিগী মপান্দা তারিবা শহরশিং অসিদা ফুদ প্রোসেসিং, শঙ্গোমগা মরি লৈনবা পোত্থোক, কোল্দ স্তোরেজ, গোদাউন, মসিগা মরি লৈনবা থবকশিং য়াংনা চংশিল্লগনি। উহৈ-এঞ্জাং, মহৈ-মরোং, শা য়োকপা অমসুং লৌ উবগা মরি লৈনবা অতোপ্পা পোত্থোকশিং ওইরো নত্রগা ফার্মা, ইলেক্ত্রিকেল, তেক্সতাইল, হেন্দলুম, ধাতু, ফর্নিচর, পেত্রোলিয়ম সেক্তরগা মরি লৈনবা  অতোপ্পা পোৎলমশিং মসি পুম্নমক অসি য়ু.পি. দা শাগদৌরিবা অনৌবা এক্সপ্রেসৱেনি, অনৌবা পাঙ্গল-থৌনা পীরি, অনৌবা পুক্নিং চিংশিন্নবা মফম ওইরগনি।

মরূপশা,

মসিগী ইন্দস্ত্রীশিংসিগীদমক্তা মরুওইরিবা অসি মেন পাৱর অসি শেমগৎনবগীদমক্তা থবকসু হৌখ্রে। শহরশিং অসিদা আই.তি.আই. অতোপ্পা এজুকেসন অমসুং ত্রেনিং ইন্সতিত্যুৎশিংগুম্বা ইন্সতিত্যুৎশিংসু লিংখৎলগনি। হায়বদি লৌবুক ওইরো ইন্দস্ত্রী ওইরো, য়ু.পি.গী নহারোলশিংগীদমক্তা থবক্কী ওপ্সনশিং অসি লাক্কদৌরিবা মতমসিদা য়াম্না লৈরক্লগনি। য়ু.পি. দা শারিবা দিফেন্স কোরিদোল অসিসু মফমসিগী থবক্কী অনৌবা খুদোংচাবা অমা লৈহল্লগনি। ঐহাক্না থাজৈ মদুদি য়ু.পি. দা তৌরিবা ইন্ফ্রাস্ত্রকচরগী থবক অসি লাক্কদৌরিবা মতম অসিগী শেন্মীৎলোন্দা অনৌবা পন্দোন য়ৌহল্লগনি।  

ইচিল-ইনাওশা,

মী অমনা য়ুমসু শাবা শাবা মতমদা হান্নদি লম্বীগী য়াম্না ৱানরম্মী, লৈবাক্কী মরমদা য়েংশিল্লম্মী, অতোপ্পা এঙ্গলশিংদা খন্নৈ। অদুবু য়ু.পি. দা শাংলবা মতম অসিদা কন্নেক্তিবিতীগী খন্দনা, ইন্দস্ত্রিএলাইজেসনগী খন্দনা ৱা চাউনা-চাউনা ঙাংবা, চাউনা মংলান শাগৎপা অসিগুম্বা সরকারশিংঙাক্তা ওইনা উখি। মসিগী মহৈনা মরুওইবা খুদোংচাবশিং অদু লৈতবনা মফমশিংসিগী মফমসিদা লিংলিবা কারখানাশিং শো লোল্লে। দিল্লী অমসুং লখনৌদা ইমুং-মনুংগীঙাক্তা ওইনা তৌবা ফীভমদা ওইখিবগী লাইবক থিবা ওইরে। চহী কয়াফাওবা ইমুং-মনুংগী ওইনা তৌনবা পার্তনরশিপ, য়ু.পি. গী অনিংবা পাংথোক্নিংবশিং অদু খোংনেৎনদুনা লৈখি, মাং-তাকহনখি। ইচিল-ইনাশা, সুল্তানপুরগী অথোইবা মপারী শ্রীপতি মিশ্রাজীগীদসু অসুম্না থোকখি। য়াম্না অফবা এক্সপরিএন্স অমসুং হৈথোই-শিংথোইবগী লন অদু লৈদুনসু ইমুং-মনুংগী দরবারিশিংনা মহাকপু খোঙ্গোইনখি। অসিগী হৈথোই-শিংথোইবা অসিবু খোঙ্গোইনবা অসি য়ু.পি. গী মীশিংনা কৈদৌনুংদা কাওবা ঙম্লোই।  

মরূপশা,

ঙসি য়ু.পি. দা দবল ইঞ্জিনগী সরকার অসি য়ু.পি. গী মীয়াম-মীচম্না মাগী ইমুংনি খন্না থবক তৌরি।  মসিদা লিংলিবা কারখানাশিং, মিলশিং অসি নিংথিনা মথৌ তৌহনবগা লোয়ননা অনৌবা ইনভেস্ত তৌরি, অনৌবা কারখানাশিংগীদমক্তা ফীভম ওইহল্লক্লি।  মরুওইবদি য়ু.পি. দা ঙসি শুপ্নতগী চহী ৫ খক্তগী থৌরাং শেম্বদা নত্তনা চহী অসিগী মথৌ তাবশিং অদুদা য়েংলগা নিংথিরবা উত্তর প্রদেশ শেম্নবগীদমক্তা ইনপ্রাস্ত্রকচর শেম্লি। নোংপোক অমসুং নোংচুপকী দেদিকেতেদ ফ্রেদ কোরিদোরদগী উত্তর প্রদেশকী নোংপোকথংবা তোর্ব্বান্দা অমসুং নোংচুপথংবা সমুদ্রগী তোর্ব্বানগা শম্ননবা কন্না হোৎনরি।  মালগাড়ীশিংগীদমক্তা শাবা মরুওইবা লম্বীশিংসিদগী য়ু.পি. গী লৌমীশিংগী পোত্থোকশিং অমসুং ফেক্তরীদা শাবা পোৎশিং অসি মালেমগী কৈথেলদা য়ৌরগনি। মসিগী কান্নবা অসি ঐখোয়গী লৌউবশিং, ঐখোয়গী লল্লোন-ইতিক তৌবশিং, ঐখোয়গী কারবারশিংগুম্বা অচৌবা-অপীকপা মরূপশিংগী ওইরগনি।

ইচিল-ইনাওশা,

ঙসি থৌরমসিদা, ঐহাক্না য়ু.পি. গী মীশিংগী, কোরোনা ভেক্সিনেসনগীদমক্তা নিংথিনা থবক চত্থরিবা অসিগীদমক্তা থাগৎচনিংই। য়ু.পি. না কোরোনা ভেক্সিন করোর ১৪ থাদুনা মশাগী রাজ্যদখক্তা নত্তনা মালেমপুম্বগী মকোক থোংবা থৌদাং লৌরি। মালেম অসিগী লৈবাক কয়াদা মী মশিং অসুক য়াম্না তৌদ্রি।

মরূপশা,

ঐহাক্না য়ু.পি. গী মীশিং অসি থাগৎচনিংলিবগী মরমদি  মহাক্না ভারত্তা শাজবা ভেক্সিনগী মায়োক্তা করিগুম্বা রাজনীতিগী অরানবা পাওশিং অসি কুইনা লৈহনবা ঙমদবা অসিনি। মফমসিগী মীশিংগী হকশেল, পুন্সিগী মায়োক্তা শরৌ শিনবা মীওইশিংবু মায়থিবা পীরে। অদুগা ঐহাক্না মসিমসু হায়গনি - য়ু.পি. গী মীশিংনা মখোয়শিং অসি মতৌ অসিগুম্না মায়থিবা পীখিগনি।

ইচিল-ইনাওশা,

য়ু.পি. গী মায়কৈ মরিদা চাউখৎনবগীদমক্তা  ঐখোয়গী সরকারনা অহিং-নুংথিল খংদনা হোৎনরি। কন্নেক্তিবিতীগা লোয়ননা য়ু.পি. দা মরুওইবা খুদোংচাবশিং অসি খ্বাইদগী অথোইবা মওংদা লুম্না লৌরি।  ৃমসিগী খ্বাদগী কান্নবা অসি ঐখোয়গী ইচলশিংনা ফংলি, নুপীগী থৌনা-পাঙ্গলনা ফংলি। লায়রবা ইচলনা অফবা য়ুম ফংবা মতমদা মহাক্কী মিংদা ফংলি, মসিদা মহাকপু মশক খংহনবদা নত্তনা নোংজু-নুংশাগী অৱাবা কয়া কোক্লে। মৈ অমসুং গ্যাস কনেক্সনগী অৱাৎপনা ইমাশিংনা খ্বাইদগী হেন্না ৱারম্মী। লাইবক ফবা অমসুং উজ্বলাদগী ফংবা মৈ অমসুং গ্যাস কনেক্সন্দগী অৱাবসু কোক্লে। তোইলেৎ লৈতবনা য়ুম অমসুং স্কুল অনিমক্তা খ্বাইদগী য়াম্না ৱাহল্লিবা অসি ঐকোয়গী ইচল অমসুং ইচাশিংনি। হৌজিক ইজ্জৎকী য়ুম শাবদগী য়ুমদসু নুংঙাইরে অদুগা ইচাশিংনা স্কুলদা করিসু চিংনবা লৈতনা মহৈ তম্বগী লম্বী ফংলে।

থক্নবা ঈশিংগী অৱাবদা ইমা-ইচনশিংগী মীরোল কয়া হৌখ্রে। হৌজিক য়ুম খুদিংদা ঈশিং ফংহল্লে, পাইপনা ঈশিং ফংহল্লে। চহী ২ খক্তদা য়ু.পি. সরকারনা চাউরাক্না খুঙ্গংগী ইমুং লাখ ৩০ গী ইমুংশিংদা তৌতী ঈশিং ফংহল্লে, অমসুং হন্দক্কী চহীসিদা ইচল লাখ কয়া ময়ুমদা অরুবা থক্নবা ঈশিং ফংহন্দুনা মপুং ফানা ৱাশক ঙাক্লে।

ইচিল-ইনাওশা,

হেল্থ ফেসিলিতীগী অৱাৎপা লৈবদসু খ্বাইদগী য়াম্না ৱারিবা অসি ঐখোয়গী ইমা-ইচনশিংননি। অঙাংদগী হৌরগা ইমুংপুম্বগী অৱাবা, চাদিংগী অৱাবগী পোৎলুম পুরম্মী, ৱামন্দনা লায়েংনরমদে। অদুবু ভারত য়োজনা, অনৌবা হোসপিতালশিং, মেদিকেল কোলেজশিংনবগী ফেসিলিতীশিং লৈবদগী ঐকোয়গী ইচল-ইচাশিংগী অৱাবা য়াম্না কোক্লে।

মরূপশা,

দবল ইঞ্জিনগী সরকারনা দবলগী কান্নবা পীরবা অসিদা মখোয়শিং খোইরাং-খোইশাউনরে, করি-করিনো পংহায়দা হায়রে, মখোয়গী ৱাখল চোইবা হায়বসি মশানা তাবনি।  মশাগী মতমদা মায়থিরবা অদুদদি য়োগীজীগী মতমদা মায় পাকপা য়েংবফাওবা ঙমদ্রে। মায় পাকপা য়েংবা ঙমদবা মখোয়না করম্না মায় পাক্কদগে।

ইচিল-ইনাওশা,

মখোয়গী খোঞ্জেলদগী লাপ্না, থৌগল তৌবগী ৱাখলগা লোয়ননা লৈবাক শেম্বদা মাইপুনবা হায়বসিনা ঐখোয়গী কর্মনি, মসি ঐখোয়গী কর্ম গঙ্গানি অমসুং মসিগী কর্ম গঙ্গা অসিগা লোয়ননা সুজলাম, সুফলামগী মওং অদু ওইদুনা লৈহনগনি। অদোমগী মীনুংশি, অদোমগী য়াইফ-থৌজাল অসি অসিগুম্না অদুম্মক ফংগনি হায়না ঐহাক্না থাজৈ। অমুক হন্না অদোম পুম্নমকপু পুর্বাঞ্চল এক্সপ্রেসৱেগীদমক্তা য়াইফ-পাউজেল পীজরি।

ঐহাক্কা লোয়ননা হায়বীয়ু, অঙম্বা থাদুনা হায়বীয়ু,

ভারত ইমানা য়াইফরে !

ভারত ইমানা য়াইফরে !

ভারত ইমানা য়াইফরে !

হন্না-হন্না থাগৎচরি!

*****