প্রধানমন্ত্রীগী লোইশঙ
পি.এম.না অহানবা ওদিত দিবস পাকথোকপা নিংশিংনবা থৌরমদা ৱা ঙাংখ্রে
“সি.এ.জি. অমসুং সরকার’গী ৱাখল্লোন হোংখ্রে। ঙসিদি ওদিত অসি ভেল্যু এদ্দিসনগী মরুওইবা শরুক অমনি হায়না লৌরি”
“ঐখোয়না থম্মোয় শেংনা মমাংগী সরকারগী অশেংবা লৈবাক মীয়ামগী মমাংদা থমজরি। ঐখোয়না অৱাবশিং অসি খঙলবা মতমদা ঐখোয়না পাম্বৈ পুথোক্কনি”
“সর্বিস দেলিবরীগী কন্তেক্তলেস কস্তম্স, ওতোমেতিক রিনেৱেল, ফেসলেস এসেসমেন্তস, ওনলাই এপ্লিক্লেসন। মসিগী শেমদোকপশিং অসি সরকারগী কান্নদবা ইন্তরফেরেন্সশিং লোইশিল্লি”
“সি.এ.জি.না মতমগা চুনবা প্রোসেদ্যুরশিং শিজিন্নদুনা য়াম্না থুনা অহোংবা পুরক্লি। ঙসিদি অদোম্না খুমাং চাউশিল্লবা এনালাইতিক্কী খুলায়শিং, জিও স্পাসিএল দেতা অমসুং সেতেলাইত ইমেজরী শিজিন্নরি”
“২১শুবা চহিচাদা, দেতা অসি ইনফোর্মেসন ওইরি অমসুং লাক্লিবা মতমদা ঐখোয়গী পুৱারীনসু উগনি অমসুং দেতাগী খুৎথাংদা খঙগনি। তুংদা, দেতানা পুৱারীবু থীগনি”
Posted On:
16 NOV 2021 11:32AM by PIB Imphal
প্রধান মন্ত্রী, শ্রী নরেন্দ্র মোদীনা অহানবা ওদিত দিবস পাকথোকপা নিংশিংনবা থৌরমদা ৱা ঙাংখ্রে। মহাক্না থৌরম অসিদা সর্দার বল্লভাই পতেলগী মুর্তীসু মাইখুম হাংদোকখ্রে। ভারতকী কোম্পত্রোল্লর অমসুং ওদিতর জেনেরেল, শ্রী গীরিশ চন্দ্র মুর্মুসু থৌরম অসিদা শরুক য়াখিবশিংগী মনুংদা অমনি।
মীতিন অসিদা ৱা ঙাংলদুনা, প্রধান মন্ত্রীনা হায়খি সি.এ.জি. অসি লৈবাক্কী একাউন্তগী ত্রেক খক্তা নত্তে অদুবু প্রদক্তিবিতী অমসুং ইফিসিএন্সিদা ভেল্যু হাপ্পসু তৌই, মরম অদুনা ওদিত নুমিৎতা দেলিবেরেসন তৌবা অমসুং মরী লৈনবা থৌরমশিং অসি ঐখোয়গী ইনপ্রুবমেন্ত অমসুং ইমপ্রুবাইজেসনগী শরুক অমনি। সি.এ.জি. অসি মরুওইনা শেমগৎলকপা ইন্সতিত্যুসন অমনি অমসুং মতমগী মতুং ইন্না লেগেসী শেম্মী।
প্রধান মন্ত্রীনা মহাত্মা গান্ধী, সর্দার পতেল অমসুং বাবাসাহেব অম্বেদকরদা ইকাই খুম্নবা উৎখি অমসুং হায়খি মদুদি হায়রিবা লুচিংবশিং অসিনা মতৌ করম্না পান্দম চাউনা থমদুনা করম্না মদুবু ফংগদগে হায়বা তম্বিখি।
প্রধান মন্ত্রীনা হায়খি মদুদি মতম অমা লৈরম্মী মদুদি লৈবাক অসিনা ওদিতিং তৌবা মতমদা অকিবা অমগা লোয়ননা চৎথৈ। ‘সি.এ.জি.গা সরকারগা’ অসি ঐখোয়গী সিস্তেমগী মান্নবা ৱাখল্লোন ওইরক্লি। অদুবু, ঙসিদি মসিগী ৱাখল্লোন অসি হোংদোক্লে। ঙসিদি ওদিত অসি ভেল্যু এদ্দিসনগী মরুওইবা শরুক অমা ওইনা লৌরি।
প্রধান মন্ত্রীনা পনখি, মমাংদা, বেঙ্কিং সেক্তরদা ময়েক শেংবা ৱাৎপনা মরম ওইদুনা, অরানবা থৌওং কয়া অমা লাক্লি। মসিগী মরমদি বেঙ্ককী এন.পি.এ. অসি হেনগৎলক্লি। “অদোম্না নিংথিনা খঙবিরি মমাংদা মতৌ করম্না কার্পেত মখাদা ব্রস তৌখি। অদুম ওইনমক, ঐখোয়না থম্মোয় শেংনা মমাংগী সরকার অসিগী অশেংবা লৈবাক মীয়াম মমাংংদা থম্লি। ঐখোয়না অৱাবা অসি খঙবগা মসিগী পাম্বৈ পুথোক্কনি,” হায়না মহাক্না হায়খি।
প্রধান মন্ত্রীনা হায়খি “ঙসিদি ঐখোয়না অসিগুম্বা সিস্তেম অমা শেম্লি মসিনা ‘সরকার সর্বম’ মদুদি সরকারগী ইন্তর্ফেন্স হন্থরক্লি অমসুং অদোমগী থবকশিং হেন্না লায়থোকহল্লি”, হায়না প্রধান মন্ত্রীনা ওদিতরশিংদা হায়খি। হায়রিবা অসি ‘মিনিমম গবর্নমেন্ত মেক্সিমম গবর্নান্স’। “সর্বিস দেলিবরীগী কন্তেক্তলেস কস্তম্স, ওতোমেতিক রিনেৱেল, ফেসলেস এসেসমেন্তস, ওনলাই এপ্লিক্লেসন। মসিগী শেমদোকপশিং অসি সরকারগী কান্নদবা ইন্তরফেরেন্সশিং লোইশিল্লি” হায়না মহাক্না মখা তাখি।
প্রধান মন্ত্রনা হরাওবা ফোংদোকখি মদুদি সি.এ.জি.না মেদ্দলসমগী মমি অসি ফাইলশিংদা চয়েৎনবশিং মথক্তা লাক্লি। মহাক্না পনখি মদুদি “সি.এ.জি.না মতমগা চুনবা প্রোসেদ্যুরশিং শিজিন্নদুনা য়াম্না থুনা অহোংবা পুরক্লি। ঙসিদি অদোম্না খুমাং চাউশিল্লবা এনালাইতিক্কী খুলায়শিং, জিও স্পাসিএল দেতা অমসুং সেতেলাইত ইমেজরী শিজিন্নরি”
প্রধান মন্ত্রীনা চহিচা অসিগী খ্বায়দগী চাউবা লায়না শন্দোকপা অসিগী মরমদা ৱা ঙাংখি, পন্দুনা হায়খি মদুদি লৈবাক অসিনা মসিগী মায়োক্তা লান্থেংনবা অসি তোপ-তোপ্পা তোঙানবা অমনি। ঙসি ঐখোয়না মালেমগী খ্বায়দগী চাওরবা ভেক্সিনেসন প্রোগ্রাম চৎথরি। চয়োল খরগী মমাংদা, লৈবাক অসিনা ভেক্সিন দোজ কোতি ১০০গী মাইলস্তোন লানখ্রে হায়না মহাক্না পাঊদমখি। মহাক্না অপাম্বা থমখি মদুদি সি.এ.জি.না মসিগী লান্থেং অসিগী মনুংদা চৎথরিবা থবকশিং অসি তমগদবনি হায়খি।
প্রধান মন্ত্রীনা হায়খি মদুদি, ই-পাউশিং অসি ৱারীগী মতুং ইন্না চৎলি। পুৱারীশিং ৱারীদা ইরি। অদুবু ঙসিগী ২১শুবা চহিচা অসিদা, দেতা অসি ইনফোর্মেসন ওইরি অমসুং লাক্লিবা মতমদা ঐখোয়গী পুৱারীনসু উগনি অমসুং দেতাগী খুৎথাংদা খঙগনি। তুংদা, দেতানা পুৱারীবু থীগনি, হায়দুনা মহাক্না লোইশিনখি।
***
(Release ID: 1772399)
Visitor Counter : 155
Read this release in:
Kannada
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam