గోవాలో నిర్వహించే 52వ అంతర్జాతీయ చలనచిత్రోత్సవాల్లో భాగంగా ‘ఇండియన్ పనోరమ’ విభాగంలో ప్రదర్శించే చిత్రాల అధికారిక జాబితా ప్రకటించబడింది. భారత ప్రభుత్వ సమాచార-ప్రసార మంత్రిత్వశాఖ పరిధిలోని భారత చలనచిత్రోత్సవాల డైరెక్టరేట్‌ గోవా రాష్ట్ర ప్రభుత్వ సహకారంతో నిర్వహించే ఈ వేడుకలు 2021 నవంబరు 20-28 తేదీల మధ్య జరుగుతాయి. గోవాలో 9 రోజులపాటు సాగే ఈ చిత్రోత్సవాల కోసం ఎంపిక చేసిన చిత్రాలు వివిధ చలనచిత్ర రంగాల నుంచి పేర్లు నమోదు చేసుకున్న అతిథులు-ప్రతినిధులకు ప్రదర్శించబడతాయి.

   నాటకీయ, ఇతివృత్తసహిత, రసజ్ఞపూర్వక కథా, కథేతర చిత్రాలను ఇండియన్‌ పనోరమ ఎంపిక చేసి ప్రదర్శిస్తుంది. ఇలా వివిధ విభాగాల కింద ఈ చిత్రాలను లాభాపేక్షరహితంగా ప్రదర్శించడం ద్వారా చలనచిత్ర కళను ప్రోత్సహించడం దీని లక్ష్యం. ఈ చలనచిత్రోత్సవాలు ప్రారంభమైనప్పటి నుంచీ ఆ సంవత్సరానికి చెందిన అత్యుత్తమ భారతీయ చిత్రాలను ప్రదర్శించడంపైనే ఇండియన్ పనోరమ పూర్తిగా దృష్టి సారించింది. భారతీయ చలనచిత్ర రంగానికి చెందిన ప్రముఖ చిత్ర నిర్మాతలు, నిపుణులు ఈ ఎంపిక సంఘంలో సభ్యులుగా ఉంటారు. ఆ మేరకు కథా, కథేతర చిత్రాల ఎంపికలో ఆయా సంఘాల సభ్యులు తమ వ్యక్తిగత నైపుణ్యం, అనుభవం ప్రాతిపదికగా ఇండియన్‌ పనోరమ కింద ప్రదర్శించాల్సిన చిత్రాలను ఎంపిక చేస్తారు.

కథా చిత్రాలు

ప్రస్తుత ‘ఐఎఫ్‌ఎఫ్‌ఐ’లో ప్రదర్శన కోసం 25 కథాచిత్రాలు ఎంపిక చేయబడ్డాయి. సమకాలీన భారతీయ భాషా చిత్రాల విస్తృత సమాహారంలోని 221 చిత్రాల నుంచి ఎంపిక చేసి, ఈ కథాచిత్రాలన్నీ భారతీయ చలనచిత్ర పరిశ్రమ చైతన్యం, వైవిధ్యాన్ని ప్రతిబింబిస్తాయి. కథాచిత్రాల ఎంపిక సంఘంలో 12 మంది సభ్యులుండగా, ప్రసిద్ధ చిత్ర నిర్మాత-నటుడు శ్రీ ఎస్‌.వి.రాజేంద్ర సింగ్‌ బాబు దీనికి నేతృత్వం వహించారు. విభిన్న భారతీయ చలనచిత్ర నిర్మాణ సౌభ్రాత్రాన్ని చాటుతూ ప్రశంసలు పొందిన చలనచిత్రాలు, నిర్మాణ సంస్థలు, వృత్తులకు స్వయంగా ప్రాతినిధ్యం వహించే కింది ప్రముఖులు ఈ ఎంపిక సంఘంలో సభ్యులుగా ఉన్నారు:

1. శ్రీ రాజేంద్ర హెగ్డే, ఆడియోగ్రాఫర్
2. శ్రీ మఖోన్మణి మోంగ్‌సబా, చిత్రనిర్మాత
3. శ్రీ వినోద్ అనుపమ, సినీ విమర్శకుడు
4. శ్రీమతి జయశ్రీ భట్టాచార్య, చిత్ర నిర్మాత
5. శ్రీ జ్ఞాన్ సహాయ్, సినిమాటోగ్రాఫర్
6. శ్రీ ప్రశాంతను మహాపాత్ర, సినిమాటోగ్రాఫర్
7. శ్రీ హేమేంద్ర భాటియా, నటుడు/రచయిత/చిత్రనిర్మాత
8. శ్రీ అసిమ్ బోస్, సినిమాటోగ్రాఫర్
9. శ్రీ ప్రమోద్ పవార్, నటుడు, చిత్ర నిర్మాత
10. శ్రీ మంజునాథ్ టి.ఎస్., సినిమాటోగ్రాఫర్
11. శ్రీ మలయ్ రే, చిత్రనిర్మాత
12. శ్రీ పరాగ్ ఛపేకర్, చిత్ర నిర్మాత/పాత్రికేయులు

ఇండియన్ పనోరమ-2021కి ఎంపిక చేసిన 25 కథాచిత్రాల జాబితా కిందివిధంగా ఉంది:

ఇండియన్ పనోరమ-2021 ప్రారంభ కథాచిత్రంగా శ్రీమతి ఐమీ బారువా దర్శకత్వం వహించిన ‘సెమ్‌ఖోర్’ (దిమాసా) చిత్రాన్ని ఎంపిక సంఘం నిర్ణయించింది.

కథేతర చిత్రాలు

భారతీయ చలనచిత్ర పరిశ్రమలోని కథేతర విభాగాలతో అనుసంధానంగల ప్రముఖ ఎంపిక సంఘం సభ్యులు ఎంపిక చేసిన సమకాలీన సామాజిక, రసజ్ఞ, ఉత్తేజిత కథేతర చిత్రాలు అంతర్జాతీయ చలనచిత్రోత్సవాల ఇండియన్ పనోరమ విభాగ సమాహరంగా ఉంటాయి. కథేతర చిత్రాల ఎంపికకు ఏర్పాటైన ఏడుగురు సభ్యుల ఎంపిక సంఘానికి ప్రముఖ డాక్యుమెంటరీల నిర్మాత శ్రీ ఎస్‌.నల్లముత్తు నాయకత్వం వహించారు. సంఘంలో కింది ప్రముఖులు సభ్యులుగా ఉన్నారు:

1. శ్రీ ఆకాశాదిత్య లామా, చిత్ర నిర్మాత
2. శ్రీ సిబాను బోరా, డాక్యుమెంటరీ చిత్ర నిర్మాత
3. శ్రీ సురేష్ శర్మ, సినిమా నిర్మాత
4. శ్రీ సుబ్రత్ జ్యోతి నియోగ్, చిత్ర విమర్శకులు
5. శ్రీమతి మనీషా కులశ్రేష్ఠ, రచయిత్రి
6. శ్రీ అతుల్ గంగ్వార్, రచయిత

   సమకాలీన భారతీయ భాషా చిత్రాల విస్తృత సమాహారంలోని 203 చిత్రాల నుంచి ఎంపిక చేసిన, ఈ కథేతర చిత్రాలన్నీ భారతీయ చలనచిత్ర పరిశ్రమలోని ప్రముఖ, వర్ధమాన చిత్రనిర్మాతల సామర్థ్యాన్ని ప్రస్ఫుటం చేస్తూ వినోదంతోపాటు అధ్యయనం, నమోదు చేయదగిన భారతీయ విలువలను ప్రతిబింబిస్తాయి.

‘ఐఎఫ్‌ఎఫ్‌ఐ’లో ప్రదర్శించేందుకు ఎంపిక చేసిన 20 కథేతర చిత్రాల జాబితా:

***