প্রধানমন্ত্রীগী লোইশঙ

পি.এম. মোদীনা ভেক্সিনেসন নেম্না কবরেজ তৌবা দিস্ত্রীক্তশিংগা রিভ্যু মিতিং ফমখ্রে

প্রধান মন্ত্রীনা ঝর্খন্দ, মনিপুর, নাগালেন্দ, অরুনাচল প্রদেশ, মহারাস্ত্র, মঘালয়দা দিস্ত্রীক্ত ৪০গী মথক্তা অমসুং ভেক্সিনেসন নেম্না কবরেজ তৌবা দিস্ত্রীক্তশিংগী রাজ্যশিংগা উনখ্রে

চহি অসিগী লোইরকপদা লৈবাক অসিদা ভেক্সিনেসন কবরেজ হেন্না কাপথোক্নবা ওফিসিএলশিংদা তকশিনখ্রে অমসুং অনৌবা চহিনা লাকপদা ইসানা থাজবা অমা লাক্নবা হায়খ্রে

“হৌজিক্তি ঐখোয়না ভেক্সিনেসনগী কেম্পেন অসি য়ুমথোং খুদিং য়ৌনবা শেম শারে। ‘হর ঘর দস্তক’, থোঙ খুদিং থিল্লো, হায়বা মন্ত্রগা লোয়ননা, ভেক্সিনগী দোজ অনিমক কাপথোক্ত্রিবা য়ুম্থোং খুদিংমক চংশিল্লগনি”

“মাইক্রো স্ত্রাতেজীগী শেমগৎপা অসি ৱাখলদা থমদুনা লোকেলগী থাক্তা অৱাৎপা লৈরিবশিং অসি কোকহনদুনা ভেক্সিনেসন হেন্না কাপথোক্নবা হোৎনগদবনি”

“অদোম্না অদোমগী দিস্ত্রীক্তশিং জাতিগী চাংচৎতা পুখৎনবা অঙম্বা মখৈ হোৎনগদবনি”

“অদোম্না লোকেলগী ওইবা ধর্ম্মগী লুচিংবশিংদগী হেন্না মতেং লৌবা য়াই। মতম লৈবা খিবিক্তা ভেক্সিনেসনগী মতেং পাংনবা ধর্ম্ম খুদিংগী লুচিংবশিং লৈরি”

“অদোম্না অনিশুবা দোজ ফংখিদ্রিবা মীওইশিং উনদুনা লোইশিন্নবা থম্লিবা মতমগী মথক্তা অহানবা ওইনা লৌগদবনি”

Posted On: 03 NOV 2021 2:26PM by PIB Imphal

প্রধান মন্ত্রী শ্রী নরেন্দ্র মোদীনা মহাক্কী ইতলী অমসুং গ্লাসগোগী খোঙচৎতগী হেক হল্লকপগা ভেক্সিনেসন নেম্না কবরেজ  তৌবা দিস্ত্রীক্তশিংগা রিভ্যু মিতিং অমা ফমখ্রে। মীফম অসি অহানবা দোজ ৫০%গী মখাদা কবরেজ তৌবা অমসুং কোবিদ ভেক্সিন অনিশুবা দোজ নেম্না লৈবা দিস্ত্রীক্তশিং য়াওখি। প্রধান মন্ত্রীনা ঝর্খন্দ, মনিপুর, নাগালেন্দ, অরুনাচল প্রদেশ, মহারাস্ত্র, মঘালয়দা দিস্ত্রীক্ত ৪০গী মথক্তা অমসুং ভেক্সিনেসন নেম্না কবরেজ তৌবা দিস্ত্রীক্তশিংগী রাজ্যশিংগা উনখ্রে। 

দিস্ত্রীক্ত মাইজিস্ত্রেৎশিংনা মখোয়-মখোয়গী দিস্ত্রীক্তশিংদা মায়োক্নরিবা ইসু অমসুং থেংনরিবা অৱাবশিং হায়রিবা অসিনা ভেক্সিনেসন নেম্না লৈরিবগী মরম ওইরিবগী পাউদম অমা পীখি। মখোয়না তোংঙাগুম্বা ইসুশিং মসিনা ভেক্সিন্দা চিংনহনবা, অরুবী তেরেন, হৌখিবা থা খরদা হৌজিক ওইরিবা অইং-অশানা মরম ওইদুনা থেংনরিবা অৱাবশিং পুথোকখি। মখোয়না থেংনরিবা অৱাবশিং অসি মায়োক্নবা হোৎনবদা হৌজিক ফাওবা লৌখৎলিবা খোঙথাংশিং উৎখি। দি.এম.শিংনা কবরেজ অসি হেনগৎনবা মখোয়না পায়খৎলিবা নিংথিনা তৌরিবা থবকশিং ফোংদোকখি।    

মীফম অসিগী মনুংদা, প্রধান মন্ত্রীনা ভেক্সিন অসিদা চিংনবা ফাওরিবগী ইশুশিং অমসুং মসিদা লোকেলগী ওইবা মচাকশিং মরীক চুম্না খন্নখি। মহাক্না হায়রিবা দিস্ত্রীক্তশিং অসিদা ১০০% ভেক্সিনেসন কবরেজ শোইদনা তৌনবা ৱাখল কয়া অমা হাপ্পা য়াই হায়না খন্নখি। মহাক্না ধর্ম্ম অমসুং কম্ম্যুনিতী লুচিংবশিংগী খুৎথাংদা কম্ম্যুনিতীগী ওইবা থবকশিং হেনগৎনবা ৱা ঙাংখি। চহি অসিনা লোয়রকপদা লৈবাক অসিদা ভেক্সিনেসন কবরেজ অসি চাউথোক্নবা মহাক্না ওফিসিএলশিংদা কন্না হায়খি।     

কেন্দ্রগী হকশেল সেক্রেতরীনা লৈবাক অসিগী ভেক্সিনেসন কবরেজকী মিয়েং অমা থমখি। মহাক্না রাজ্যশিংদা লৈরিবা ভেক্সিন দোজকী মতাংদা পাউদমখি অমসুং মখা তানা ভেক্সিনেসন কবরেজ হেন্না ফগৎনবা রাজ্যশিংদা চৎথরিবা অখন্নবা ভেক্সিনেসন কেম্পেনগী মতাংদসু ৱা ঙাংখি।

মীতিন অসিদা ৱা ঙাংলদুনা, প্রধান মন্ত্রীনা শরুক য়াখিবা মুখ্য মন্ত্রীশিংবু থাগৎপা ফোংদোকখি অমসুং হায়খি মদুদি মখোয়না থৱায় য়াওবা অসিদা দিস্ত্রীক্তশিং অসিদা থবক তৌবদা হেন্না পুক্নিং থৌগৎলগনি। শ্রী মোদীনা হায়খি চহিচা অসিগী খ্বায়দগী চাউবা লায়চৎ অসিদা, লৈবাক অসিনা খুদোংথিবা কয়া অমা থেংনরি। মহাক্না হায়খি, “লৈবাক অসিনা কোরোনা লান্থেংনবদা খ্বায়দগী মরুওইবা পোৎশক অমা ওইরিবা অসি ঐখোয়না অনৌবা পাম্বৈ অমা থিবা অমসুং অনৌবা মেথোদশিং থেংনবা অসিনি”। মহাক্না এদমিনিস্ত্রেতরশিংদা মখোয়গী দিস্ত্রীক্তা ভেক্সিনেসন হেনগৎনবা অনৌবা লম্বী কয়া অমা পুথোক্তুনা হেন্না কন্না থবক তৌনবা তকশিনখি। মহাক্না হায়খি মদুদি হেন্না ফজনা থবক তৌবা দিস্ত্রীক্তশিংসু চপ মান্নবা অৱাবা অসি থেংনরি অদুবু মখোয়না অখাঙ কনবা অমসুং অনৌবা অমা পুথোক্তুনা হোৎনরি। মহাক্না ওফিসিএলশিংদা মাইক্রো স্ত্রাতেজী শেমগৎ্পা অসি ৱাখলদা থম্দুনা লোকেলগী থাক্তা অৱাৎপা লৈরুবশিং কোকহন্দুনা ভেক্সিনেসনশিং অসি কাপথোক্নবা হোৎননবা হায়খি। প্রধান মন্ত্রীনা দিস্ত্রীক্তকী ওফিসিএলশিংদা তঙাইফদবা লৈরবদি খুঙ্গং খুদিং অমসুং সহর খুদিংগী ওইনা অতোপ্পা লালোংশিং পায়খৎকদবনি হায়খি। মহাক্না অনিং অপাম্বা ফোংদোকখি মদুদি হায়রিবা অসি মীওই ২০-২৫রোম মফম অদু য়েংলগা তী শেমদুনা পাংথোকপা য়াই হায়খি।  মহাক্না অনিং অপাম্বা অসিসু  ফোংদোকখি মদুদি অদোম্না শেম্লিবা তীমগী মরক্তা হকশেলগী চাংদম্নবসু য়াই। লোকেলগী পান্দমগী রিজন খায়না তাইম-তেবল শেম্নবা ওফিসিএলশিংদা তকশিল্লদুনা প্রধান মন্ত্রীনা হায়খি “অদোম্না জাতিগী থাক্তা চাংচৎ ওইনা অদোমগী দিস্ত্রীক্তশিংবু থম্বা ঙম্নবা অদোম্না কন্না হোৎনগদবনি”।

প্রধান মন্ত্রীনা ভেক্সিনেসনগী মতাংদা তোকঙা অমসুং ৱাখল তাদবা অসিগী ইসুবু পনখি। মহাক্না অনিং অপাম্বা ফোংদোকখি মদুদি এৱারনেস অসিনা মসিগীদমক অমত্তা ঙাইরবা পাম্বৈনি অমসুং রাজ্যগী ওফিসিএলশিংদা ধর্ম্মগী লুচিংবশিংগী মতেং লৌনবা হায়খি। প্রধান মন্ত্রীনা পনখি মদুদি ধর্ম্মগী লুচিংবশিংনা ভেক্সিনেসনগী কেম্পেনগী মতাংদা থৱায় য়াম্না য়াওই। শ্রী মোদীনা নুমিৎ খরনিগী মমাংদা ভতিকান্দা পোপ ফ্রান্সিসকা উনখিবা নিংশিংখি। মহাক্না ধর্ম্মগী লুচিংবশিংদগী মীয়ামদা ভেক্সিন অসিগী পাউজেল শন্দোক্নবা অখন্নবা মরুওইবা পীনবা কন্না তকশিনখি।

প্রধান মন্ত্রীনা ওফিসিএলশিংদা মীয়াম্বু ভেক্সিনেসন সেন্তরদা পুরক্তুনা শিল লাংলিবা অসি হোংদোক্তুনা য়ুম্থোং খুদিংদা চৎতুনা ভেক্সিনেসন কাপথোক্নবা হায়খি। মহাক্না হকশেলগী থবক তৌরিবশিংদা য়ুমথোং খুদিংদা “হর ঘর তিকা, ঘর ঘর তিকা’ – য়ুম্থোং খুদিং ভেক্সিন হায়বা অসিদা চংশিন্নবা কন্না তকশিনখি। মহাক্না ‘হর ঘর দস্তক’ হায়বা ইথিল অসিদা য়ুম্থোং খুদিং থোঙ থিন্দুনা  মপুং ফানা ভেক্সিন কাপথোক্নবসু হায়খি। “হৌজিক্তি ঐখোয়না ভেক্সিনেসনগী কেম্পেন অসি য়ুমথোং খুদিং য়ৌনবা শেম শারে। ‘হর ঘর দস্তক’, থোঙ খুদিং থিল্লো, হায়বা মন্ত্রগা লোয়ননা, ভেক্সিনগী দোজ অনিমক কাপথোক্ত্রিবা য়ুম্থোং খুদিংমক চংশিল্লগনি”

প্রধান মন্ত্রীনা খঙহনখি মদুদি য়ুম্থোং খুদিং থিনবদা, অনিশুবা দোজতা পুক্নিং চংবগুম চপ মান্ননা অহানবা দোজতসু পীবা মথৌ তাই। মরমদি লায়না অসি হন্থরক্লবা, করিগুম্বা মতমদা অথু-অকাইগী ৱাখল হন্থরকই। ভেক্সিন কাপথোকপদা অথু-অকাই অসি মী মরক্তা থোকই। “অদোম্না পীরিবা মতম খক্তা য়েংদনা অনিশুবা দোজ কাপথোক্ত্রিবা মীওইশিং অহানবা ওইনা থেংনগদবনি .. মসি থওইদবনা মালেম অসিগী লৈবাক কয়া অমা অৱাবা থেংনরি” হায়না মহাক্না খঙহল্লি।

প্রধান মন্ত্রীনা মরুওইবা পীখি মদুদি মীপুম খুদিংগী লেম্না ভেক্সিন কেম্পেন তৌরিবা অসিগী মখাদা, ভারতনা নোংমগী নুমিৎতা ভেক্সিন দোজ কোতি ২.৫ হেন্না কাপথোকখিবগী রেকোর্দ লৈরি, মসিগী মায় পাকপা অসিনা ভারতকী তৌবা ঙম্বা অদুবু উৎলি, হায়না মহাক্না হায়খি। মহাক্না দিস্ত্রীক্ত ওফিসিএলশিংদা থবক নিংথিনা পাংথোক্লিবা মখোয়গী কোলিকশিংদা তমজনবা হায়খি অমসুং লোকেলগী তঙাইফদবা অমসুং অকোইবশিংগা চান্নবা লৈগদবনি।

***



(Release ID: 1769373) Visitor Counter : 43