ওক্তোবর ২০১৬দা খোমগৎখিবা অপুনবা রিভিন্যু লুপা করোর ১,৩০,১২৭ ওইখি, মসিগী মনুংদা সি.জি.এস.তি.গী লুপা করোর ২৩,৮৬১, এস.জি.এস.তি.গী লুপা করোর ৩০,৪২১, আই.জি.এস.তি.গী লুপা করোর ৬৭,৩৬১ (পোৎ পুশিল্লকপদগী খোমগৎপা লুপা করোর ৩২,৯৯৮ য়াওরগা), অমদি সেসকী  লুপা করোর ৮,৪৮৪ (পোৎ পুশিল্লকপদগী খোমগৎপা লুপা করোর ৬৯৯ য়াওরগা) নি‍।

লৈঙাক্না রিগুলর সেত্তলমেন্ত ওইনা আই.জি.এস.তি.দগী সি.জি.এস.তি.দা লুপা করোর ২৭,৩১০ অমদি এস.জি.এস.তি.দা লুপা করোর ২২,৩৯৪ সেত্তল তৌখ্রে‍। রিগুলর সেত্তলমেন্ত মদুংদা ওক্তোবর থাগী ওইনা লৈরিবা কেন্দ্র অমসুং স্তেতশিংগী অপুনবা রিভিন্যু অসি সি.জি.এস.তি.গী লুপা করোর ৫১১৭১ অমসুং এস.জি.এস.তি.গী লুপা করোর ৫২,৮১৫নি‍।

ওক্তোবর ২০২১গী রিভিন্যু মমাঙ চহিগী মান্নদা থাদা খোমগৎখিবা রিভিন্যুদগী ২৪% হেল্লি অমদি ২০১৯-২০দগী ৩৬% হেল্লি‍। মমাঙ চহিগী মান্নবা থাগা য়েংনবদা থা অসিগী মনুংদা পোৎ পুশিল্লকপদগী খোমগৎপা রিভিন্যু ৩৯% হেনগৎখি অমদি দোমেস্তিক ত্রাঞ্জেক্সন্দগী খোমগৎলকপা রিভিন্যু ১৯% হেনগৎখি‍।

ওক্তোবর থাগী জি.এস.তি. রিভিন্যু কল্লেক্সন অসি জি.এস.তি. চৎনবা হৌখিবা মতুংদগী চহি লোইশিল্লকপগী রিভিন্যুগা মরী লৈনবা এপ্রিল ২০২১গী হেক মথংদা অনিশুবা খ্বাইদগী ৱাংবা ওইরে‍। মসি শেন্মিৎলোন ফগৎলকপগী খোঙচৎসিগা চুননা চৎলি‍। ফীভমসি অনিসুবা ইথক হৌবদগী থা খুদিংগী জেনেরেত তৌরিবা ই-ৱে বিলগী ত্রেন্দগীদসু খঙবা ঙমই‍। রিভিন্যু অসি সেমি কন্দক্তর সপ্লাই কায়থরকপনা মরম ওইরগা কার অমসুং অতৈ পোৎলমশিং য়োনবগী ফীভম শোক্লমদ্রগদি হেন্না ৱাংলমগনি‍। চার্ত ১দা থা মনুংসিদা জেনেরেত তৌখিবা ই-ৱে বিল মশিং হেনগৎলকপগী ত্রেন্দ উৎলি অমদি তেক্সেবল ভেল্যুনা শেন্মিৎলোনগী থৌওংশিং ফীভম ফগৎলকপগী ফীভম ময়েক শেংনা উৎলি‍।

রিভিন্যু অসি স্তেতশিংগী অমসুং কেন্দ্রগী তেক্স এদমিনিস্ত্রেসনশিংগী হোৎনজমলনসু মতেং পাংদুনা মমাঙ থাশিংগী য়েংনবদা কম্প্লাইএন্স হেনগৎহল্লি‍। লনাই তেক্স নাথৈবা মীওইশিংদা থবক লৌখৎপগী মথক্তা জি.এস.তি. কাউন্সিলনা চঙশিল্লিবা মায়কৈ কয়া লোঙবা লম্বী পরিংগী মহৈসুনি‍। নাকল অমদা এস.এম.এস.কী খুত্থাঙদা নিল ফাইলিং, কার্তরলী রিতর্ন মন্থলী পেমেন্ত (ক্যু.আর.এম.পি.) সিস্তেম অমসুং ওতো-পোপুলেসন ওফ রিতর্ন অসিগুম্বা তোঙান তোঙানবা থৌরাং কয়া কম্প্লাইএন্স লায়থোকহন্নবা পায়খৎলি‍। হৌখিবা চহি অমসিদা য়ুজর এক্সপিরিএন্স ফগৎহন্নবগীদমক জি.এস.তি.এন.না সিস্তেম কেপাসিতী মশক থোক্না হেনগৎহল্লে‍। নাকল অমদনা রিতর্ন ফাইল তৌরকপদগী ই-ৱে পিল ব্লোক তৌবা, থংন-থংননা তরুক্লক রিতর্ন ফাইল তৌরক্তবা তেক্সপেয়রশিংগী সিস্তেম বেজ সস্পেন্সন ওফ রেজিস্ত্রেসন অমসুং রিতর্ন তৌরক্তবশিংগী ক্রেদিত থিংজিনবানচিংবা নন-কম্প্লাইএন্তগী লীচৎ হন্থহন্নবা তোঙান তোঙানবা খোঙথাং কয়া লৌখৎলে‍। থা খুদিংগী/ক্বার্তরগী ওইনা মথং থা লোইরকপা ফাওবদা ফাইল তৌরকপা রিতর্ন (জি.এস.তি.আর.-৩বি) মশিং অসি রিতর্ন মতম চানা থীদোকপা অমদি রিতর্ন ফাইল তৌরকপগী অফবা খুদম চাংদম অমনি‍। রিতর্ন ফাইল তৌবগী অরোইবা তারিখ মতুংদা জি.এস.তি.এন.না মেসেজ থাদুনা অমদি কেন্দ্র অমসুং স্তেত তেক্স এদমিনিস্ত্রেসন্না কুপ্নর ফোলো তৌদুনা থা অদুগী লোইরকপা ফাওবদা কম্প্লাইএন্স লৈহন্নবা অখন্নবা থৌরাং পায়খৎলি‍। চার্ত ২দা মথং থাগী লোইরকপা ফাওবদা রিতর্ন ফাইল তৌরকপগী পর্সেন্তেজ মথক কাখৎলকপা উৎলিবসিনা থৌসিল থৌরাং অমসুং এদমিনিস্ত্রেতিব থৌওং কয়ানা মরম ওইরগা তেক্স মতম চানা থীদোকপগী চাং হেনগৎলক্লি হায়বা উৎলি‍।

ফীভম অসি তোঙান তোঙানবা তাঙ্কক কয়াদা কাউন্সিলনা মীয়ামদা অরিবা রিতর্ন ফাইল তৌহন্নবা খ্বাইদগী নৌবা মতমগী রিতর্ন ফাইলিং তৌহন্নবা লেত ফী কোকপিনবা ফিরেপ লৌখিবসিনসু মতেং পাংখি‍। তেক্সপেয়র মশিং হেন্না হেন্না থা খুদিংগী রিতর্ন ফাইল তৌরকপগা লোয়ননা থা অমা হেক্তদা অরিবা মতমগী রিতর্ন ফাইল তৌরকপগী চাং লেপ্পা লৈতনা হেনগৎলক্লি‍। চার্দ ৩দা থা খুদিংদা ফাইল তৌরকপা অপুনবা রিতর্নদগী হৌজিক হৌজিক্কী ওইবা রিতর্নগী শরুক উৎলিবসিনা চৎলিবা থাদুগী রিতর্ন ফাইল তৌরকপা মশিং মশক থোক্না হেনগৎলক্লি হায়বা উৎলি‍। কোবিদনা মরম ওইরগা পীখিবা কোমথোকখিবা অদুগী খুদোংচাবা লৌরগা হৌখিবা থাশিংগী রিতর্ন ফাইল তৌরক্তুনা জুলাই থাদা পুন্না রিতর্ন করোর ১.৫ ফাইল তৌরকখি‍।

রিতর্ন ফাইল তৌরকপগী ফীভম ফগৎলকপগা লোয়ননা জি.এস.তি. কাউন্সিলনা ইনভোইসশিংগী দিতেল য়াওবা স্তেতমেন্ত ওইরিবা জি.এস.তি.আর.-১ মতম চানা ফাইল তৌরকপদা অহেনবা মীৎয়েঙ থম্লি‍। স্তেতমেন্ত অসি ইনপুৎ তেক্স ক্রেদিত লৌবদা মওং মরিল নাইহন্নবগীদমক্তা য়াম্না মরুওই‍। জি.এস.তি.আর.-১ মতম চানা ফাইল তৌহন্নবা তোঙান তোঙানবা খোঙথাঙশিং লৌখৎলে‍। থা লোইরকপদা জি.এস.তি.আরো-১ ফাইল তৌরকপগী মশিং উৎলিবা চার্ত ৪না থা লোইরকপদা জি.এস.তি.আর-১ ফাইল তৌরকপগী পর্সেন্তেজ মথক কাখৎলকপগী মতৌ উত্তুনা লৌখৎলিবা খোঙথাঙশিং অসিনা পাম্লিবা মহৈদু ফংহল্লে হায়বা উৎলি‍।

মপুম ওইনা য়েংবদা পায়খৎলিবা থৌরাংশিং অসিনা কম্প্লাইএন্স হেন্গৎহন্দুনা রিভিন্যু হেন্না ৱাংহনবা ঙম্লে‍। নাথৈদুনা চৎপা থিংননবা লৌখৎবা মপুং ওইবা থৌরাংগী শরুক অমা ওইনা জি.এস.তি. কাউন্সিলনা শেমজিন শাজিনবা আই.তি.সি. থিংজিন্নবা খোঙথাংশিং লৌখৎনবা খন্নরি‍। মখাদা পীরিবা চার্দ ৫দা চহিসিগী মনুংদা থা থাগী ওইবা জি.এস.তি. রিভিন্যুগী ত্রেন্দ উৎলি অদুগা তেবল অসিদনা জি.এস.তি. রিভিন্যুগী স্তেত-স্তেতশিংগী ব্রেকঅপ (পোৎ পুশিল্লকপদা লৌবা জি.এস.তি. য়াওদনা) উৎলি‍। মখাগী চার্ত অসিদা মে অমসুং জুন থাগী ফিগরগী মরক্তা অপীকপা খেন্নবা অমা য়াওরি অমদি মরী লৈনবা প্রেস নোতশিংদা য়াওখিবা ফিগরশিং অদু কোবিদনা মরম ওইরগা মথং থাগী ৫ ফাওবা রিতর্ন ফাইল তৌরক্নবগী খুদোংচাবা পীখিবনা মরম ওইরগা মথং থাগী ৫ ফাওবগী ফিগর ফোঙখিবনি‍।

ওক্তোবর ২০২১ মনুংদা স্তেত-স্তেতকী ওইনা খোমগৎখিবা জি.এস.তি. রিভিন্যুগী গ্রোথ (১)

********

RM/KMN

(১) পোৎ পুশিল্লকপদা লৌবা জি.এস.তি. য়াওদে